Интервью
Геннадий Чепеленко:
ПОЭЗИЯ –
«
литературалэсь вирзэ сузясь...» Та эмосчилэн, тодмо лимфологлэн, научной книгаосыз возисько США Конгресслэн лыдӟиськон юртазы, научной ужъёсызъя но книгаосызъя гожъясько диссертациос. Араз кык пол Россия кунлэн шоркарысьтыз со Удмурт Элькунэ вуылэ, аслаз будэм музъем вылаз — Кезэ, Пургае, Кизнере — буре вайыны анай-атайзэ, вордскем палысьтыз инкуазезлэн сайкыт но шыпыт сэрегъёсаз шутэтскыны. Кемалась ӧвӧл Геннадий Чепеленколэн «При медленной луне» кылбурет книгаез потӥз. Та ик луиз милям вань дуннелы тодмо врачен пумиськон мугмы.
Инвожо. Геннадий Владимирович, вералэ вал, малы но кытысь та паймымон метафора — «Дыртӥсьтэм толэзь дыръя»? Г. Ч. Мынам эше туж тодмо ӟуч поэт вал — Евгений Блажеевский, со мыным аслэсьтыз одӥг кылбурзэ сӥзиз. Но та сярысь эше кулэм бӧрсьы гинэ тодӥ. Огпол газет басьтӥ, нош отын солэн кылбуръёсыз, вылаз ик, одӥгез мыным сӥземын. Со кылбур вераськыны ӧте вал: «Ойдо ай вераськом шуак лобись лымыеныд но учкомы дунне шоры та дыртӥсьтэм толэзь дыръя…» Тӥни озьы мынам сборнике аслыз ним шедьтӥз. Инвожо. Евгений Блажеевский, Виктор Коркия, Иван Жданов, Александр Еременко — кин соосты уг тод! Соос ваньзы вылӥлыко поэзилы ужазы… Тросэз врачъёс кылбурчиос, кырӟасьёс луо… Малы со озьы меда? Г. Ч. Нырысь ик, учконо ке, вань врачъёс — психологъёс. Соослы одно ик висись муртэн вераськоно луэ, одно ик юалляськоно улон-вылонзылэсь пӧртэм палдуръёссы сярысь, буйгатыны тыршоно, висёнзэс, вӧсьсэс ичигес кельтон понна. Врач амал-
32
«ИНВОЖО» № 7 2013
тэк адями пушке пыроно луэ, оло, соин но эмъясь муртъёслэн кылбуръёссы туж сак чаклало адямиез. Учке ай Александр Розенбаумлэсь творчествозэ, тӥ валалоды, мар сярысь мон… Инвожо. Тӥ, конечно, кылбурчи! Нош озьы ке но удыстыя рентгенохирург луиськоды, кудӥз Тӥляд улонады сыӵе ик бадӟым инты басьтэ… Дунне калыккуспо но Россиысь калыккуспо семинаръёс, паськыт ӧръяськем научной ужрадъёс… Кызьы со озьы пӧрмиз? Г. Ч. Ваньмыз со кутскиз Ижкар мединститутысен. Анайатае — врачъёс — Владимир Фёдорович но Мария Рувимовна — Харьковысь Удмуртие эвакуировать каремын вал. Соос вуэм беразы ик уж борды басьтӥськизы. Атае туж трос ужаз санитарно-эпидемиологической службаез кылдытон бордын, соин ик Удмуртиысь СЭС-лэн нырысетӥ главврачез луиз. Ӝоген, 1942-тӥ арын, мон вордӥськи. Соку ми Кезын улӥмы. Бӧрысьгес СЭС-лэн нырысетӥ врачез луиз анае, нош атайме республикаысь огак кык районэ валтӥсь врач каризы. Соин сэрен ми нырысь Пичи Пургае яна потӥмы, нош
бӧрысьгес ини Кизнере. Татын ик школаез йылпумъяй. Собере Ижкар мединститутэ, бӧрысь аспирантураез профессор Голев дорын дышетски. Мынам нырысетӥ ужъёсы сӥземын вал нервной системалэн пӧртэм перегрузкаос улсын но магнит зоръёс улын вошъяськон динамикаезлы, бӧрысьгес ӧнерчи луыны кутски лимфология но рентгенохирургия удысын. Улыны Обнинск каре выжи. Татын эскеронъёс ортчытъяны кутски лимфоангиологилэн лабораторияз, кудӥныз Анатолий Фёдорович Цыб кивалтэ вал. Собере ужай валтӥсь научной сотрудник луыса Курганысь эскеронъёсъя но клинической ортопедия но сӧсыр луонъя НИИ-ын — Илизаровлэн клиникаяз. Бӧрысьгес монэ Москвае ӧтизы но Сенмашколэсь нимзэ нуллӥсь клинической больницаысь лимфология но рентгенохирургия удысэн кивалтыны куризы. Али мон дорам ужасько — научной но теоретической статьяос гожъясько. Дасяськисько лимфологъёслэн Римын ортчоно калыккуспо симпозиумзылы. Англи кылын вераськемме тодыса, монэ англи кылын доклад лыдӟыны куризы.