9. Sujestaun sira hodi hadi´a komunikasaun institusional entre parseiru sira ba dezenvolvimentu nian Promosaun dialogu inkluzivu nian no aktividade sira ba advokasia nian, iha medida boot mak dependente ba komunikasaun institusional entre parseiru sira dezenvolvimentu nian. Rezultadu husi analize ne’ebé deskrita iha pontu anterior sira, aprezenta tuir mai figura ilustrativu ida relasaun HASATIL nian ho stakeholders oi-oin. Atu refere katak, organizasaun sira iha kuadru nia laran mak sira ne’ebé liga diretamente ba projetu ne’e. Seta sira ne’ebé karegadu liu reprezenta liña komunikasaun nian husi HASATIL ho stakeholders ne’ebé eziste ona sira nian. Sira seluk, ka seidauk eziste ida ka presiza atu reforsa. Stakeholders ne’ebé mak konsidera iha diagrama ida ne’e fahe iha grupu boot tolu: - Organizasaun internasional sira, reprezenta husi CPLP, ASEAN no Via Kampesina (movimentu agrikultor mundial sira nian ida ne’ebé HASATIL hola parte ba); - Governu no organizasaun sira ne’ebé hela iha Díli, ho ema ne’ebé HASATIL relasiona ka sei relasiona ho iha termus akvokasia no lobby;
- Autoridade Lokal sira no Organizasaun sira ne’ebé inklui iha membru sira HASATIL nian no ho ema ne’ebé rede servisu ba nivel monitorizasaun no identifikasaun nesesidade sira Distritu sira nian. Atu fo apoiu reforsu kanal komunikasaun nian entre HASATIL no parseiru dezenvolvimentu nian no, valoriza importansia komunikasaun institusional nian nuudár meiu hodi fo koñese ba interesadu sira hotu, aktividade sira HASATIL nian, sujere adoasaun, husi parte rede nian, instrumentu sira barak komunikasaun nian barak ne’ebé bele mos adota husi nia membru sira: • Brochura: ho informasaun rezumidu konaba HASATIL. Hodi utiliza tinan-tinan; • Buletin: ho konteudu sira ne’ebé mak atu defini ne’ebé sei inklui informasaun mai husi grupu sira servisu nian no atividade sira ne’ebé mak realiza iha Distritu sira. • Blog: informasaun buletin nian, sentru rekursus nian ho dukumentu util sira, notisia sira, ajenda atividade sira nian, konteudu interese sira seluk ba membru sira; • Kit komunikasaun nian: Planu estratejiku, Relatoriu Anual Atividade sira nian, Brochura, Informasaun relevante sira seluk. Ba sira ne’e junta, proposta ida kompleta liu ho dalan estratejiku sira komunikasaun nian atu adota husi HASATIL hodi haré ba komunikasaun ne’ebé boot no di’ak ho stakeholders oi-oin.
77