Estatuto sira ikus liu aprova iha 2007 (anexu) no inklui mos informasaun konaba objetivu Rede nian (vizaun, misaun valor sira, nst), informasaun konaba membru sira (ema ne’ebé bele sai membru, sa mak sira nia direitu no dever sira), orgaun sira Rede nian (steering committee, sekretariadu, grupu sira servisu nian) no oin sa mak sira organizadu. Estatutu sira inklui mos esbosu ida termus referensia ba elementu oi-oin husi organizasaun nian. Figura tuir mai ne’e aprezenta estrutura orgaun sira HASATIL nian.
4.2.5 Membru husi HASATIL nian Aprezenta ogora klibur informasaun no analize ba ameasa no oportunidade sira husi membru sira HASATIL nian. 42
Avaliasaun dimensaun interna husi Organizasaun Sosiedade Sivil nian iha Timor-Leste iha baze prosesu partisipativu ida ne’ebé inklui utilizasaun kestionariu ida no entrevista diretamente ho responsavel ka reprezentante organizasaun lokal ba klibur dadus sira no informasaun relevante konaba nia funsionamentu. Inkeritu ne’e halo iha distritu 13 no halibur ona dadus husi organizasaun nain 18 (ONG no Grupu sira).
Hakarak husu atensaun, tan barak husi organizasaun inkiridu sira, lokaliza iha Dili no tan iha ida ne’e, mak hetan kondisaun sira ne’ebé diak liu no kapasitasaun barak liu fali organizasaun sira husi distritu sira nian. Maski nune’e, konsidera katak informasaun ne’ebé halibur ona fo panoramika diak ida liu fali realidade Sosiedade Sivil iha jeral, no membru HASATIL nian iha partikular. Informasaun ne’ebé mak halibur ona sei serve, ne’e duni ba bazeia ba definisaun atividade sira projetu nian, liu-liu programa kapasitasaun komun no ba promosaun dialogu inkluzivu nian no aktidade ba advokasia nian. Informasaun ida ne’e sei permite atu halo selesaun uluk ba OSC nian ho potensial hodi asumi papel antena sira ba HASATIL nian iha Distritu oi-oin, tan selesaun ne’ebé mak refere sei halo ho bazeia ba kriteriu sira ne’ebé defini ona husi Steering Committee projetu nian. Atu refere mos katak estudu ida ne’e inklui mos, iha anexu, fixa karakterizasaun membru HASATIL nian.
Organizasaun sira Iha pontu ne’e analiza informasaun jeral baze organizasaun inkiridu sira nian Dinamika aparesimentu OSC nian Grafiku tuir mai ne’e fo ideia ida aparesimentu OSC membru HASATIL nian iha tinan-tinan.
Asosiada sira barak mak moris iha periodo Independensia to’o 2005.