Tuir dokumentu ne’ebé mak hanesan, dezafiu sira ne’ebé tau ba rede ida iha Timor-Leste mak hanesan tuir mai ne’e: • Konsolida SAN no Direitu ba Ai-hán hanesan tema servisu ida iha FONGTIL nia laran; • Realiza asaun sira lobby nian no advokasia hamutuk ho Governu ba revizaun Politika Nasional Seguransa Ai-hán liu husi perpektiva Direitu ba Alimentasaun nian; • Reivindika implementasaun efetiva CNSA nian no partisipasaun boot ida Sosiedade Sivil nian; • Reforsa ponte sira ho rede no organizasaun sira seluk iha kampu Seguransa Ai-hán no Nutrisional no diretu ba ai-hán, iha partikular ho nasaun sira ho lian portuguesa nian. Prosesu inkluzaun Timor-Leste nian iha REDSAN-PALOP sei iha hela faze embrionariu ida no HASATIL mak rede Sosiedade Sivil timor-oan nian ba promosaun agrikultura sustentavel, ida ne’e destaka an nuudár ator eselensia hodi asumi papel pontu fokal Sosiedade Sivil Timor-Leste nian iha REDSAN-PALOP nia laran. 4.1.4 Estratejia sira Seguransa Ai-hán no Nutrisional nian iha CPLP, ASEAN no Timor-Leste A Seguransa Ai-hán no Nutrisional (SAN) marka, liu tanba ajenda internasional. Tan ne’e mak prioridade politika laos Timor-Leste nian deit no mos komunidade sira ne’ebé maka Timor-Leste pertense ba, hanesan Komunidade husi Nasaun sira ho Lian Portuguesa (CPLP) no Asosiasaun o dos Nasaun sira husi Sudeste Asiatiku (ASEAN). Maski HASATIL rede NGO sira nian ne’ebé mak ser-
svisu iha pro agrikultura sustentavel nian no Dezenvolvimentu Rural, hakarak haré ba nia reforsu hanesan pontu fokal Sosiedade Sivil iha dominiu ida ne’e, destaka inisiativa internasional sira iha dominiu SAN nian, laos deit ba nivel nasional nuudár referensia atu Timor-Leste tama ba.
Estratejia Seguransa Ai-hán no Nutrisional iha CPLP Komunidade husi Nasaun sira ho Lian Portuguesa (CPLP), konstituidu iha 1996 nuudár foru multilateral ida privilejiadu ba aprofundamentu amizade mutua, konsertasaun politiku-diplomatika no kooperasaun entre nia membru sira. Iha nia objetivu jeral sira ba konsertasaun politiku-diplomatika iha materia relasaun internasional; kooperasaun iha dominiu hotu, inkluzive saude nian, edukasaun, siensia, teknolojia, defeza, agrikultura, administrasaun publiku, komunikasaun, justisa, seguransa publiku, kultura, desportu no komunikasaun sosial, materializasaun projetu ba promosaun nian no difuzaun Lian Portugues nian. Nia hamutuk ho CPLP reprezenta populasaun besik ema tokon 250 (millões) habitante.
Ain husi sira pertense ba CPLP, nasaun membru sira mos pertense ba espasu rejional sira seluk, ida ne’ebé permite lori sira mai iha komunidade rikusoin boot iha termus troka esperiensia no forma sira servisu nian iha nasaun sira no rejiaun sira seluk.
27