…los sabugueros lleguen al so barriu glayando y contando les aciares noticies del amenazante mostru. Entós los más valientes prepárense pa lluchar y xúntense nel llugar que dende esi momento se llama La Parada per aparar ehí pa subir xuntos a S. Cristóbal… …Cuando lleguen al cume de S. Cristóbal ármense de sables, per esto esi llugar entamó donde entós llamase La Sablera… …Cuando aporten a La Garita ven que ta na so cueva. El Cuélebre al ver a los sos enemigos avéntayos fueu.
Los bravos sabugueros ataquen ensin medrana a la bestia, pero la superioridá xabaz del mostru marín dexa desarmaos a los valientes voluntarios que tienen qu´abandonar el campu pa salvar la so vida… …envalentonáu´l Cuélebre dempués de la so vitoria esíxe-yos a los vecinos de S. Cristóbal que-y amataguen la fame, pa ello han da-y tolos diis una vaca o un xatu comu cebera. Los de S. Cristóbal cuénten-yos el problema a los flaires del conventu Raíces…
…los monxos van al cume´l Peñon de Raíces ú s´alcuentren les ruines del Castiellu Gauzón y ellí cueyen el capitel mayor qu´atopen, que perteneciere a la capiella la fortaleza… …darréu maten una vaca y col so pelleyu envuelven el capitel; xuben a la Garita y llamen al Cuélebre pa da-y estu como cebera…
…L´animal sal de la so cubillina al ver la llambiotada que-y arreyaron los flagres. Xinta con bon petite´l cebu… …El pesu´l capitel acabante tragar fai que´l Cuélebre pierda l´equilibriu y caiga barranco abaxu fasta matase… …La xente baxa al fondu l´acantiláu pel camín qu´escomencipia llamase´l Caleyón del Cuélebre y saquen-y el capitel de les coraes… …Esti capitel lleváronlu p´Avilés y güey val pa pila bautizu na Ilesia S. Franciscu. Asina acaba esta llienda avilesina.
28