Innkaupa- og birgðadeild

Erlendum pöntunum fækkaði lítillega á árinu og heildarverðmæti þeirra var lægra . Innlend innkaup og starfsemin í birgðageymslum voru álíka og árið 2011 .

Á árinu voru auglýst sex útboð, þrjú verkútboð, tvö vegna kaupa á pípuefni og útboð á tryggingavernd fyrir fyrirtækið .

Verkútboðin voru þriðji áfangi heitavatnsstofnæðar í Reykjanesbæ, utanhússviðhald á dælustöð í Garði og endurnýjun kaldavatnslagna í Holtsgötu og Hlíðarvegi í Reykjanesbæ .

Á árinu var unnið að endurskoðun á öllum tryggingum fyrirtækisins í samvinnu við ráðgjafa með það að leiðarljósi að bæta tryggingaverndina en um leið að ná fram lækkun á kostnaði . Á haustmánuðum var óskað eftir tilboðum í tryggingaverndina og tilboð voru opnuð í byrjun desember . Um miðjan desember var skrifað undir nýjan samning um tryggingavernd við VÍS sem átti lægsta tilboð og sú hagræðing og kostnaðarlækkun sem stefnt var að náðist .

Birgðageymslur fyrirtækisins eru sem áður fjórar þ .e . í Reykjanesbæ, Hafnarfirði, Vestmannaeyjum og Árborg . Birgðaverðir í fullu starfi eru fjórir og tveir í hlutastarfi auk birgðastjóra sem starfar við hlið innkaupastjóra . Þrír birgðaverðir starfa í Reykjanesbæ auk birgðastjóra og sjá þeir einnig um geymslur HS Orku við Reykjanesvirkjun og á Ásbrú í Reykjanesbæ og leysa af eftir þörfum í Hafnarfirði og hjá HS Orku í Svartsengi .

Heildarvirði birgða HS Veitna í upphafi árs var um 243 m .kr . og nánast óbreytt í árslok eða um 242 mþkr . Birgðatalningar voru framkvæmdar reglulega á árinu eins og undanfarin ár .

Starfsemi innkaupastjórahóps Samorku, sem HS Veitur eiga fulltrúa í, var með svipuðu sniði og undanfarin ár . Hópurinn hefur á liðnum árum haft samvinnu um útboð á kaupum á jarðstrengjum, götuljósum, götuljósastaurum og perum með góðum árangri . Almennt hefur gildistími samninga verið fimm ár hið mesta . Á árinu voru boðin út innkaup á jarðstrengjum eins og ákveðið hafði verið árið áður . Ellefu tilboð bárust frá sex bjóðendum . Samið var við lægstbjóðanda sem var Johann Rönning í samvinnu við Ericsson AB í Svíþjóð . Í desember voru boðin út innkaup á natríum-götuljósum og verða tilboð opnuð í febrúar 2013 .

Unnið við hraunveitu.

Innkaup

Ár Erlend innkaup Innlend innkaup Birgðageymslur

Fjöldi Fob-verð Aðfl .gjöld Flutn .kostn . Tryggingar Samtals Fjöldi Fjöldi Afgreiðslur pantana m .kr . m .kr . m .kr . m .kr . m .kr . pantana afgreiðslna pr . mán .

2009 . . . . . . . . . . . 11 37,4 0,7 2,0 0,1 40,2 470 4 .529 377 2010 . . . . . . . . . . . 16 20,9 1,4 1,6 0,1 24,0 600 4 .651 388 2011 . . . . . . . . . . . 13 50,3 0,2 3,2 0,2 53,9 630 4 .653 388 2012 . . . . . . . . . . . 11 33,4 0,6 2,3 0,1 36,4 630 5 .009 417