SAPIENS - Hoërskool Bellville se skooltydskrif/koerant | Uitgawe 1 van 2022

SAPIENS

April 2022 Jaargang 59:1

Die dirigente van 2022 is vurig…bl. 6

REDAKSIONEEL

N

apoleon Hill het een keer gesê: “Oorwinning is altyd moontlik vir die persoon wat weier om op te hou baklei.” Hierdie wyse woorde het beslis hierdie kwartaal, waar Hoërskool Bellville met trots sukses na sukses behaal het, waar gelui.

Ons tennis- (bl. 5), krieket- (bl. 5) en atletieksterre (bl. 10) se welslae het nie oornag gebeur nie. Hulle moes die waarde van deursettingsvermoë aanleer en hulself toelaat om gedryf te word na oorwinning toe. Bellville het verder getriomfeer by die Norman Hauzer atletiekbyeenkoms (bl. 4) en het daarna natuurlik ook, na ʼn spanningsvolle 25-jaar, die MTBS-beker huis toe gebring (bl. 15).

Hoërskool Bellville se 85bestaansjare is ʼn prestasie op sy eie en Bellville het die feesvieringe afgeskop met die tradisionele 85-jaar staptog (bl.

12) en die aanbou van vele nuwe fasiliteite soos die oorgedoende seniorbadkamers en snoepie (bl. 12). Die dramadepartement het verder die spesiale geleentheid eerbiedig deur die kinderteatervertoning (bl. 11), Ouma Bella word 85 (ʼn verwysing na die gryshare wat HSB ook dra), aan te

Hoofredaktrise: Mia Kretshmer

bied.

Die welpies van 2022 het die uitdagings van hoërskool aan die begin van die jaar in die gesig gestaar, maar het as oorwinnaars aan die anderkant van die eerste kwartaal uitgekom (bl.

14).

Dit is verseker dat HSB se menigde suksesse van die eerste kwartaal die voorspoedige jaar wat voorlê, weerspieël.

Subredaktrise: Zani Hattingh Senior redaktrise: Anke Maritz Senior redakteur: Philip van Zyl

Hoofredaktrise Mia Kretschmer

Junior redaktrise: Cianka Claassens Junior redaktrise: Jana le Roux Junior redaktrise: Madi Roux

Junior redaktrise: Noanora Mostert Junior redaktrise: Tanisha Oerson





Die kinderteaterverto ning van Ouma Bellla   word 85!

Die nuutverkose hoofleiers van 2022

Bellville wen MTBS Die gr. 8’s sê hul sê Die vurige dirigente van 2022

FOTOGRAWE

‘Like’ ons op Facebook!

En op die voorblad ...

Lilan Meyer, Marius Barnard, Mieke Jolie, Isolde Nel, Mia Mohorich, Marli Smit, Jana Vermeulen, Megan Meyer en Jeanette Odendaal.

VERSLAGGEWERS Mia Kretschmer, Zani Hattingh, Anke Maritz, Philip van Zyl, Elzé Goosen, Noanora Mostert, Cianka Claasens, Monya Buchfinck, Jana Le Roux, Aneska Fritz, Madi Roux, Elke Kruger, William Kinghorn, Tanisha Oerson, Tinette Genis, Mia Mohorich, Mia van Zyl, Babette Terblanche en Kian Redelinghuys.

“Reading is the gateway skill that makes all other learning possible.”

- Barack Obama

Waar God jou lei daar sal Hy ook voorsien.

Jesaja 58:11

Bellville se nuwe hoofleiers O

p 19 Oktober 2021 is die nuwe hoofleiers vir 2022 aangekondig.

Waar begin ’n mens om so ’n besondere groep hoofleiers te beskryf?

Vier leerders wat vier jaar terug as leeuwelpies die skoolgrond met vrees en onsekerheid betree het. Vier leerders wat deur die jare, keer op keer moes val en opstaan om vandag trotse Bellville-leeus te kan wees. Die hoofleiers van 2022 bestaan uit matriekleerders met passie, uitstekende talent en harte wat brand vir hulle skool en medeleerders. Hulle is vier leerders by wie liefde en omgee nooit tekort skiet nie.

Hulle is ondersteunend, staatmakers en leerders wat altyd gereed is vir alles. Francois Bezuidenhout (hoofseun), Ziané Faber (hoofdogter), Meyer Cloete (onderhoofseun) en Mia Kretschmer (onderhoofdogter) vorm deel uit van hierdie uitmuntende span.

As hoofleier is een van die moeilikste uitdagings om al jou balle in die lug en jou kop bo water te hou.

Akademie, sport, kultuur en al die verrigtinge wat met matriek gepaard gaan, vorm deel van die berg wat hulle op hul skouers moet dra. Dié vier

leerders vind egter niks onmoontlik met mekaar se bystand en ondersteuning nie. Daar gaan nie ’n uitdaging verby wat hulle nie saam aandurf nie!

In ’n onderhoud met ons hoofdogter, eerstespannetbalspeler en atletiekonderkaptein, Ziané Faber, beskryf sy haar hoogtepunt as hoofleier tot dusver as volg: “Die ongelooflike ervaring om die skoolvlag te kon dra met absolute trots en waardering tydens die viering van die skool se 85ste bestaansjaar is definitief ’n riem onder my hart.”

Die graad 8-oriëntering was ook ’n hoogtepunt onder die hoofleiers, aangesien dit hulle eerste groot projek was en hulle dit as ’n groot sukses beskou! “Die reël van die Gr. 8oriëntering en die oplos van probleme was definitief ’n uitdaging!” sê landloopatleet, tienertoneelakteur en hoofseun, Francois Bezuidenhout.

Die hoofleiers is in ’n onderhoud gevra waarna hulle uitsien vir 2022.

Koorbestuurder en onderhoofseun, Meyer Cloete, antwoord dat hy uitsien om sy laaste jaar van skool te geniet en nuwe uitdagings aan te pak. Sapiens

hoofredaktrise en onderhoofdogter, Mia Kretschmer, sê dat sy uitsien om aan die einde van die jaar terug te kyk na wat hulle as hoofleiers alles bereik het en hoe hulle sterkter uit gaan kom ten spyte van al die struikelblokke.

Die hoofleiers beplan om die beste van elke geleentheid te maak, saam struikelblokke aan te durf en beslis bo uit te kom. Hul visie is om die gees hoog te hou onder die leerders dwarsdeur die jaar, voluit te lewe en hulle matriekjaar ’n goue en onvergeetlike 2022 te maak!

Anke Eben de Villiers en Maritz Shani Gold

Atlete stof weer hul spykerskoene af vir die 1ste kwartaal

O

p 12 Februarie was dit die eerste keer in 25 jaar wat Hoërskool Bellville weer die MTBS-beker huis toe gebring het. Hierdie wen het natuurlik nie vanself gebeur nie. Die atletiekspan het al ’n geruime tyd voorberei en het reeds die vrugte van hul harde werk gepluk by twee vorige geleenthede hierdie jaar, naamlik die Paratus-byeenkoms en Norman Hauzer.

Die Paratus-byeenkoms het op 22 Januarie geskied, en vir die eerste keer het hierdie byeenkoms op die tartanbane van Parow-stadion plaasgevind. Mnr. Stoffels, die atletiekkoördineerder, het die belangrikheid daarvan verduidelik deur te sê dat die atlete moet gewoond raak aan die gevoel van tartan onder hulle spykerskoene, omdat heelwat atlete nog nie die geleentheid gekry het om op tartan deel te neem nie. Tydens hierdie byeenkoms is pragprestasies behaal en rekords het ook gespat.

Op die 28ste Januarie het ons atletiekspan vir die eerste keer hierdie jaar teen ander skole deelgeneem.

Norman Hauzer is ’n byeenkoms wat

HSB aanbied en ander skole van topgehalte nooi. Die skole hierdie jaar was Curro Durbanville, Hoërskool Fairmont, Strand, Hermanus en Worcester Gimnasium. HSB het sonder twyfel stof onder die ander skole gehardloop en is as die algehele wenner van die dag aangekondig.

Hierdie kompetisie het die atlete laat besef waarnatoe hulle instaat is en die gesamentlike droom, om MTBS te wen, het toe nie meer so vêr gevoel nie.

Atlete, dankie vir maande se deursettingsvermoë, harde werk en bloed en sweet tap vir ons skool.

Norman Hauzer het gesê dat ’n Bellvilliet nooit voor ’n wenpaal stop nie, maar deur die wenpaal hardloop.

Bellville, julle het nie net deur die wenpaal gehardloop nie, jul het terselfdetyd met die beker terug huis toe ook gehardloop, en daarvoor bedank ons julle!

Eben de Villiers en Zani Hattingh Shani Gold

Beste baanatleet Beste veldatleet Beste hekkiesatleet Beste middelafstandatleet Beste junior prestasie Beste senior prestasie Junior Victrix Ludorum

Celeste Louw en Keeraco Peterson Kayla Reyneke en Jian Louw Marcelle Siebrits en Carlo Aucamp Luandri Engelbrecht en Matthew Zass/ Asaph Rose Jacky Roux/ Mareika Swart en Jian Louw Kayla Reyneke en Keeraco Peterson Jacky Roux

Junior Victor Ludorum

Johannes Smit

Senior Victrix Ludorum Senior Victor Ludorum

Elzaan Smith Sebastian von Mollendorf

Anke Greeff reik na die sterre

“L

ights, camera, action and cue Ouma Bella.” Kom ek stel julle voor aan vanjaar se kindertoneel

ster, Ouma Bella, wat deur Anke Greeff in Gr.9 vertolk word. Alhoewel Ouma Bella nie aanvanklik Anke se eerste keuse was nie, was die rol net vir haar bedoel. Sy beskryf haarself as energiek, fun en rustig, amper soos ʼn cool ouma. Dit is hoekom sy en haar mede-akteurs besef het dat sy definitief gepas is vir die rol.

Anke het besluit om vanjaar se oudisies by te woon vir die kinderteater omdat sy al van kleins af die jaarlikse kinderteater bygewoon het en dit toe ʼn droom geword het om self daaraan te kan deelneem. Anke is ook deel van die skool se koor en operette waar sy een van die priesteresse vertolk, en het sy ook laas jaar aangesluit

by die debat. Sy wil graag nog eendag deel wees van die tienertoneel, of dit nou is dat sy ʼn rol vertolk en of sy ʼn regisseur is. Anke geniet om in haar bietjie vrye tyd flieks en TV-reekse te kyk en gaan sy in die vakansie ook probeer om self haar eie flieks te begin skryf. Haar ideale beroep is om of ʼn aktrisse of ʼn draaiboekskrywer of selfs ʼn regisseur te wees. As dinge dalk nie so verloop nie, sal sy graag ook ʼn drama-onderwyser wil wees sodat sy nog steeds deel kan wees van die kunste.

Eben de Villiers en Shani Gold Elzé Goosen

Andri Stassen slaan ons asem weg!

H

ierdie kwartaal se sportster het tennis begin speel net toe sy ses jaar oud was. Die jong sportliefhebber het nie gedink dat sy ’n liefde daarvoor sou ontwikkel nie. Die tennisster is niemand anders nie as Andri Stassen, tans in Graad 10.7. Sy en haar gesin spandeer tyd saam deur graag sport te kyk. “Op ’n jong ouderdom het ek baie sport gedoen maar tennis het vir my uitgestaan,” sê sy. Alhoewel sy nog moes leer hoe om die tennisraket vas te hou, was sy gemotiveerd om te verbeter en die beste daarin te wees. Dis presies wat sy gedoen het en daarom speel sy nommer een vir die Eerstetennisdogtersspan, asook WP behaal. Andri geniet die gees van dubbelwedstryde, maar verkies enkelwedstryde. Sy voel tydens enkelwedstryde moet jy self dink aan strategieë om die wedstryd te wen. Dit kan ook soms moeilik wees om saam iemand te speel. Andri moedig leerders aan om in te skryf vir nuwe

dinge by die skool ’n mens weet nooit of jy ’n talent daarvoor sal ontwikkel nie. Haar rolmodel is Roger Federer wie sy beskryf as passievol en positief en nes hom wil sy ook haar doelwit

bereik deur professioneel tennis te speel. Sy het wel nou die nodige vervaardighede wat haar kans verbeter om professioneel te gaan speel. Hoërskool Bellville wens Andri voorspoed met haar toekomsplanne!

MEER OOR ANDRI: Gunsteling series: SWAT Gunsteling dier: Pikkewyn Gunsteling tennis speler: Roger

Federer Leuse: When life hits losers they say why me? Winners say try me!

Grootste vrees: Om te verdrink.

Eben de Villiers en Tanisha Oerson Shani Gold Andri Stassens

Gerber Bothma is die koning van die kolfblad spring begin doen in Graad 8 en WP behaal in Graad 12. Die hoogste wat hy gespring het was twee meter. Gerber is ook deel van die Eerstehokkieseunsspan wat DF Malan geklop het na 21 jaar. Gerber wens hy kon aan ander sport deelneem, maar hy het ongelukkig net nie genoeg tyd daarvoor nie. Gerber wil graag professioneel krieket speel en op ’n wêreld toer gaan.

MEER OOR GERBER: Gunsteling krieket ster: Gerber Bothma in aksie.

G

erber Bothma in Graad 12.1 was verkies as krieketster van die kwartaal. Sy liefde vir krieket het begin toe sy pa die eerste keer ’n bal vir hom gegooi het wat hy toe gevang het. Gerber het verbeter en toe die jaar verkies as kaptein van die Eerstekrieketspan. Bothma glo ’n goeie kaptein moet goeie leiereienskappe hê en moet kan besluite neem wat die span sal bevoordeel.

Krieket se grootste uitdaging is om te fokus en positief te bly gedurende wedstryde. Soos Gerber altyd sê: “Wees positief, want hoe eet ’n muis ’n olifant? Stukkie vir stukkie.” Hy vergelyk homself met Rassie van der Dussen, want hul speelstyl is baie dieselfde en hy streef altyd ook om sy beste te doen. Die sportster is nie net betrokke by krieket nie, maar hoogspring en hokkie ook. Hy het hoog-

Rassie van der Dussen GROOTSTE VREES:

Haaie en om ’n dag sonder oliebolle te gaan.

WATTER TIPE KRieKETsPELER IS JY?

Derde op kolfbeurt en paaltjiewagter

Eben de Villiers en Tanisha Oerson Shani Gold

DIE DIRIGENTE VAN 2022 IS AAN DIE BRAND

E

en droom, een passie – om die gees van Hoërskool Bellville, na jare sonder behoorlike geesvang, weer te laat vlam vat. Hierdie was die dirigente van 2022 se doelwit en hulle het beslis met vlieënde vaandels geslaag.

Op 31 Januarie is hierdie jaar se dirigente aangekondig: Anke Dippenaar, Danelle Jonas, Karla Jonas, Carlos Klaase, Anke Maritz, Amy Olivier, Jermile Pietersen en Amika Rix. Vir Jermile was dit ʼn droom, wat hy al van graad-8 af koester, wat uiteindelik waar geword het. Amika sê die oomblik het nie dadelik ingesink nie; sy was net gevul met onbeskryflike dankbaarheid en trots.

Dit was egter beslis nie alles maanskyn en rose nie. Die dirigente het ʼn groep in die gesig gestaar waarvan twee grade nog nooit MTBS beleef het nie. Behalwe vir hierdie struikelblok moes die juniors en seniors ook, weens Covid-regulasies, apart oefen en was daar minder motivering omdat daar nie ʼn geesvangpawiljoen by MTBS kon wees nie. Anke Maritz vertel van die dae waar die leerders moeg was en nie lus was om te sing nie: “Ons moes leer om ons energie ten spyte van die uitdagings steeds hoog te hou en ʼn voorbeeld van ware Bellville-gees te stel.”

Die dirigente van 2022 het uitsonderlike deursettingsvermoë getoon deur verskeie nuwe krete en ʼn splinternuwe “medley” binne twee

weke vir die skool aan te leer. Karla getuig dat dit slegs moontlik was omdat die dirigentegroep reeds gevestigde bande gehad het aangesien hulle almal klaar vriende was.

V.l.n.r. Danelle Jonas, Anke Dippenaar, Karla Jonas, Carlos Klaase, Amy Olivier, Amika Rix, Jermile Pietersen, Anke Maritz

Die Big Brag was die oomblik van waarheid waar hul harde werk aan die atlete en onderwysers openbaar word.

Die dirigente het as ʼn vurige span by die vierkant se trappe af geloop en het ʼn vlag soos vlam in die lug gehys.

Geklee in swart en oranje het hulle die skool met ʼn brandende passie in sang gelei. Anke Dippenaar vertel dat dit werklik ʼn hoendervleis-oomblik was om die hele skool vir die eerste keer

saam te hoor sing.

Toe was dit die MTBS – die trofee het byna aantasbaar gevoel. Alhoewel daar oorspronklik nie geesvang by Groenpunt sou mag wees nie, kon HSB hulself net nie keer om vir ons atlete die liefde te gee wat hulle verdien nie.

Binne minute het die dirigente en die atlete saam gespan en op die maat van die tromme (in werklikheid ʼn asblik) krete begin skree. Mnr. Zerwick, die onderwyser in beheer van die dirigente, sê dat dit vir hom ʼn hoogtepunt was om die leeustemme vanaf die pawiljoen te hoor.

Uiteindelik… die absolute kersie op die koek: HSB wen MTBS! Die bloed, sweet en trane was alles die moeite werd. Amy herleef die oomblik: “Dit het letterlik gevoel asof my siel my liggaam verlaat en ek kon sien hoe die skool net weer ʼn eenheid vorm. ʼn Oomblik wat my vir ewig sal bybly.”

Die toekoms lyk blink vir ons dirigente en Danelle kan nie wag vir elke Saterdag rugbywedstryd en veral die Interskole wat voorlê nie. Vir naasvolgende dirigente gee Carlos ʼn brokkie advies: “Om ʼn dirigent te wees moet jy ‘guts’, geduld en toegewendheid hê.

Wees jouself en wees vol van gees!”

Die dirigente van 2022 het beslis ʼn brandmerk op HSB se gees gemaak.

Eben de Villiers en Shani Mia Kretschmer Gold

Nuwe Onnies Juffrou Lombard

J

uffrou Lombard wou nog altyd gewerk het met kinders. Sy het Sielkunde studeer by die Universiteit van Stellenbosch en toe daarna, hoërskoolonderwys met spesialisasie in tale. “Tale is baie belangrik, want ’n kind moet kan lees, skryf en kommunikeer om vaardig te raak in die ander vakke,” sê sy. Daarom het sy besluit om Engels te gee.

Juffrou Lombard word beskryf as ’n liefdevolle person. Sy sal ook vir elke kind help tot die beste van haar vermoë.

Sy rig ook hokkie af. Juffrou Lombard geniet dit om met vriende en familie te kuier en Rummikub te speel.

Sy is baie lief vir diere en het twee

J

Juffrou Janse van Rensburg

J

uffrou Janse van Rensburg wou vandat sy in Graad 10 was ’n onderwyseres word, omdat sy self hier in Hoërskool Bellville met soveel liefde hanteer is, veral deur Juffrou Meyer. Sy wil nes Juffrou Meyer leerders met soveel liefde opvoed, en in die kort tydjie wat sy al hier is, het sy dit reg gekry.

Hierdie passievolle Juffrou gee Wiskunde, WIG en Natuurwetenskappe.

Sy glo ook dat elke kind in haar klaskamer belangrik is. Juffrou Janse van Rensburg bly altyd positief en is ’n plesier om na te luister.

Sy beplan ook groot dinge met haar

Fliek: The Notebook Dier: Koei Kos: Steak Bordspeletjie: Rummikub

Babette Terblanche

Ons is baie opgewonde om Juffrou in ons skool te kan verwelkom!

Juffrou Engelbrecht uffou Engelbrecht sê altyd: “Met harde werk kan jy enige iets bereik.”

Juffrou Engelbrecht was baie opgewonde toe sy ’n pos by haar alma mater kon kry as EBW-, Besigheidstudies - en Ekonomie-onderwyseres.

Sy is gekies as hoofmeisie toe sy hier op skool was. Juffrou Engebrecht het haar skooldae by Hoërskool Bellville baie geniet, waar sy ook landloop en atletiek kaptein was.

Sy onthou nog vir ons einste Juffrou Nell wat vir haar klas gegee het by Laerskool Bellpark. Asook juffrou De Villiers, wat haar gehelp en ondersteun het om haar leierskapvaardighede te ontwikkel.

Juffrou Engelbrecht het ook drie

honde.

Juffrou Lombard geniet dit hier in Bellville sover, en ons is baie bly om haar in ons skool te kan verwelkom.

Fliek: My sisters keeper Se ding: / Quote: “Hard work beats talent when talent doesn’t work hard” Stokperdjie: Oefen Liedjie: “Doen net wat ons wil” Dier: Kat

katte en “Cheese”.

twee

visse

“Mac”

Babette Terblanche

en

klaskamer waar die tema “woestyn” is.

“Ek hou meestal plastiek plante aan omdat ek geleer het dat mense saniteer middels in my plante gooi,” sê sy.

Dit is ’n groot voorreg om vir Juffrou

Janse van Rensburg in ons skool te kan hê.

Fliek: Braveheart Sê ding / Quote: “As jy dink jy kan, is jy reg. As jy dink jy kan nie, is jy ook reg.”

Liedjie: “Follow Me”

Dier: Olifant Kos: Sushi

Babette Terblanche

Nuwe Onnies vervolg...

Juffrou Kelly le Breton

H

oërskool Bellville is opgewonde om ’n nuwe Engelseonderwyseres, juffrou Kelly le Breton te verwelkom!

Juffrou le Breton het met ’n volle beurs skoolgegaan by St. Cyprian's Skool, ’n privaatmeisieskool in Oranjezicht, Kaapstad. Sy het by die Universiteit van Wes-Kaap studeer

waar sy ’n BA-graad verwerf het met Linguistiek, Engels, Sielkunde en Etiek as vakke. Sy het Regte begin studeer, maar het haar Nagraadse Sertifikaat in Onderwys gekry toe sy besef sy het ’n natuurlike talent vir met kinders werk.

Díe hardwerkende onderwyseres se gunstelingboek is The Great Gatsby en sy droom daarvan om eendag in Griekeland, die Maldives of Zanzibar vakansie te gaan hou. Een van haar stokperdjies is om te eet en as sy enige dier kon wees, beweer sy dat sy ’n vis sou wees.

Sy geniet dit om verhoudings met haar studente te bou en te sien hoe hulle as mense groei en vorder in haar

klas. Sy sien uit om hierdie jaar vriendskappe met haar kollegas te bou en ’n sterk Engelse debatspan te skep.

Juffrou le Breton se raad vir haar leerders is: "To not look back at their past as an adult with regret. I will encourage them to enjoy their teenage youth and always be kind. Always be considerate of others and be someone you won't be embarrassed about when you look back."

Eben de Villiers en Shani Mia Mohorich Gold

Meneer Pieter Koekemoer

H

oërskool Bellville is baie opgewonde oor ons nuwe ITonderwyser, meneer Pieter Koekemoer! Hy het al talle welpies se harte oorwin.

Meneer Koekemoer is in Johannesburg gebore en het sy hoërskoolloopbaan by Parel Vallei Hoërskool in Somerset-Wes voltooi.

Hy het studeer aan die Universiteit van \Stellenbosch.

Volgens Meneer

Koekemoer, was dit nog altyd sy droom om ’n onderwyser te word. Sy ma, wat ook ’n onderwyser is, het ’n groot invloed op sy loopbaankeuse gehad.

Meneer Koekemoer se gunstelingkos is roerbraai-wraps en hy geniet dit om tennis te speel. Hy geniet wetenskapfiksie flieks en boeke en beveel aan dat ons 12 Rules For Life deur Jordan B. Peterson lees.

Die meneer beeld sy liefde vir onderwys uit deur te sê: "Jy kan sien in ’n kind se oë wanneer hulle iets verstaan, wat hulle nie verstaan het voordat jy dit verduidelik het nie. Om dit met ’n kind te deel, is iets spesiaal in my opinie." Hy vind dit beste

wanneer ’n klaskamer se struktuur nie té rigied is nie, maar liewers dat sy leerders gemaklik voel. Hy geniet dit om humor in sy lesse in te bring en om ander te inspireer om hulself te wees.

Meneer Koekemoer se raad aan sy leerders is: "Om te besef dat die verantwoordelikheid by jou lê. ’n Onderwyser is daar om vir jou te help leer, nie om jou werk vir jou te doen nie." Baie welkom by Hoërskool Bellville, meneer Koekemoer!

Eben de Villiers en Shani Mia Mohorich Gold

Meneer Ivan Preller

W

ie is Hoërskool Bellville se nuwe musiekonderwyser?

Meneer Ivan Preller het op ʼn plaas in die Vrystaat grootgeword. Die rede waarom hy ʼn onderwyser wou word, is omdat daar min musiekonderwysers is, en hy glo almal het ʼn verantwoordelikheid om goeie onderrig te gee aan musiekleerders.

Meneer Preller beweer dat as hy nie ʼn onderwyser was nie, sou hy ʼn beroep in plantkunde volg. Hy het groen vingers en sy stokperdjies is om in die tuin te werk of om te stap in die natuur.

Sy gunstelingmusiek is Franse musiek of Ravel en Debussy, en as hy een musiekblyspelrolprent moes kies, is dit Amadeus – ʼn fliek oor die bekende komponis Mozart.

Meneer Preller se gunstelingvakansieplek is Indonesië hy is mal oor die mense en hul kultuur.

Kaaskoek en sjokolade is meneer Preller se gunstelingkos - hy erken hy het ʼn soettand.

Meneer Preller maak dit duidelik dat hy nooit beroemd sou wil wees nie - te veel aandag sou op hom gevestig word. Hy verkies om eerder ʼn stil en private lewe te geniet. Hy sê hy sou die bekende komponis Beethoven wou ontmoet, hom as ʼn vriend gehad het en ondersteuning by hom gekry het.

Laastens glo Meneer Preller dat almal tweede kanse verdien in die lewe. Welkom by Hoërskool Bellville, meneer Preller!

Mia van Zyl

Nuwe Onnies vervolg...

Juf. A. van Dyk

O

ns nuwe Wiskunde- en LOjuffrou, juffrou Anine van Dyk, het grootgeword in Greyton naby Caledon.

Juffrou se passie vir mense het gelei daartoe dat sy ʼn onderwyseres wou word. Sy sê sy was nog altyd geïnteresseerd in die mens se eienskappe, hoe hulle koppe werk en hoekom hulle doen wat hulle doen. Sy het Sielkunde as ekstra vak studeer, en sy bied tans Lewensoriëntering aan, omdat sy glo dis ʼn belangrike vak waarin jy as onderwyser leerders beter kan leer ken, en waarin leerders hulleself ook beter kan leer ken. ʼn Seevakansie by Jongensfontein is wat Juffrou rustig maak, want dit gee haar ʼn ontspanne gevoel van ʼn

wegbreek uit die besige lewe in die stad. Plaaskos en tuisgemaakte kos wen die prys as Juffrou se gunstelingkos!

Juffrou se leuse in die lewe is : “Nobody cares, work on”, wat impliseer dat jy altyd maar net moet aanhou werk vir wat jy wil bereik. Welkom by Hoërskool Bellville, Juffrou van Dyk!

Mia van Zyl

Mnr. T. Boonzaier

H

oërskool Bellville verwelkom net nóg een van ons nuwe onnies, meneer Tian Boonzaier.

Meneer Boonzaier het al reeds laasjaar vir Hoërskool Bellville gehelp met ons atletiek, maar het hierdie jaar vir die eerste keer by ʼn klaskamer ingeloop wat hy sy eie kan noem. Hy het in 2015 by Hoërskool Bellville gematrikuleer en hy sê dat om by Hoërskool Bellville te kom werk eintlik maar ʼn “no-brainer” was. ʼn TV-reeks wat hom onlangs hartseer gemaak het, was Game of Thrones, hy noem ook dat sy gunstelingfliek Fight Club is. Sy gunstelingdier is honde – meer spesifiek die Engelse Bulhond. Hierdie meneer noem

Juf. T. Siebrits

H

oërskool Bellville verwelkom juffrou Tilana Siebrits, die jong juffrou met ʼn aansteeklike glimlag.

Juffrou Siebrits het al reeds in November 2021 by ons atletiekpersoneel aangesluit as die spiesgooi afrigter vir ons span wat die MTBS in die begin van 2022 gewen het. Juffrou Siebrits het toe in die begin van 2022 vanaf die atletiekgronde na die klaskamer toe geskuif, waar sy skeppende kunste en sang vir leerders aanbied.

Sy sê sy het HSB gekies omdat die personeel so ongelooflik is. Sy het ʼn groot liefde vir atletiek, musiek en drama en sy dink die skool bied ongelooflike baie geleenthede vir kinders.

Haar gunstelingmusiekgenre is country en haar gunstelingmusiekkunstenare is Blake Shelton en Michael Bublé. Sy noem ook dat sy “definitief verslaaf aan roomys” is.

Juffrou Siebrits is ʼn onderwyseres waarna leerders kan opkyk, en ons is baie bly haar spies het die hart van Hoërskool Bellville getref!

Kian Redelinghuys

ook dat hy mal is oor gedigte en self gedigte skryf. Hy wil graag in die begin van volgende jaar sy eie digbundel uitgee.

Die leerders en personeel van HSB verwelkom hierdie nuwe Afrikaans Huistaal-onderwyser met ope arms en ons is almal baie bly hy het Hoërskool Bellville gekies!

Kian Redelinghuys

Jacky laat die kompetisie in die stof

H

oërskool Bellville het die MTBS beker na 25 jaar weer huis toe gebring!

Dit was met baie moeite en oorgawe dat ons uiteindelik eerste was.

Deur al die moeilike tye waar sy voel asof haar bene wil ingee en waar sy so hard oefen, is ʼn ster gebore. Haar naam is Jacqueline Roux in graad 9.9.

Jacqueline Roux 9.9

Jacky het in die begin net atletiek gedoen om fiks te bly vir netbal, en om met haar vriende na skool te wees, maar toe besef sy dat sy ʼn talent vir atletiek het en het ʼn liefde daarvoor ontwikkel.

Niemand het dit toe besef nie, maar dit was die geboorte van ʼn ster. Jacky het al die eienskappe van ʼn atleet en het ʼn behoefte waarna alle atlete streef: om die beste te wees; om te wen.

Jacky het ook ʼn groot gemeenskap agter haar wat haar ondersteun, maar haar grootste ondersteuner is haar pa.

Hy is ook soos ʼn afrigter vir haar en help haar oefen, maar sy is nie net Jacky die atleet nie, sy het ook ander belangstellings buiten atletiek.

Sy hou van geskiedenis en geniet dit om te leer oor wat plaasgevind het tydens die wêreldoorloë. Sy is as meisiesportster van die kwartaal gekies omdat sy eerste plek behaal het vir 100, 200 en 400 meter by die MTBS-byeenkoms. Sy het ook eerste plek in die 100 meter bereik tydens die

WP-kampioenskappe.

Hoërskool Bellville is trots om so ʼn uitstekende atleet as deel van ons span te hê.

William Eben de Villiers enKinghorn Shani Gold

Keeraco hardloop sy hart uit broer en afrigter altyd daar om hom te ondersteun. Hy het ook deelgeneem aan hierdie jaar se MTBS en het gehelp om die trofee huis toe te bring. ‘‘Ek is baie trots op my skool en is baie bly dat ek kon help om die trofee na 25 jaar te kon wen,’’ sê hy. Een van die dinge wat hy die meeste gemis het tydens die grendeltydperk, was die toeskouers.

Hy vertel dat sy gunstelingdeel van die MTBS die gees was en die

ondersteuning van sy skool. Sy lewensfilosofie is dat jy altyd jou beste moet gee en seker maak dat jy een stap voor jou kompetisie is.

Hoërskool Bellville is trots op hierdie Leeu en kan nie wag om te sien wat hy nog gaan bereik nie.

K

eeraco Petersen is op sy gelukkigste op die atletiekbaan, waar hy sy liefde en passie vir atletiek kan uitleef.

Hy het vier jaar terug 100m en 200m begin hardloop en het verlede jaar aan die “SA Clubs” deelgeneem waar hy dit tot die finaal in die 100m gemaak het. Keeraco is ’n hardwerkende atleet van ons skool wat elke jaar agt tot nege maande oefen.

Sy grootste struikelblok is om gemotiveerd te bly, maar gelukkig is sy

CiankaenClaassens Eben de Villiers Shani Gold Keeraco Petersen

Teater maak kinderhartjies bly

H

ierdie jaar het die kinderteater ons in rep en roer gehad vir die hele week. Daar was vertonings van Ouma Bella word 85! van 22 tot 24 Maart 2022.

Die produksie het ons almal weer herinner dat enigiets moontlik is as jy net jou verbeelding gebruik. Die toneel begin waar Mieke (Anke Maritz), die kleindogter, ongelukkig is dat die gesin ingehok is, omdat dit sneeu.

Buitendien kan hulle nie ouma Bella se verjaarsdag begin vier totdat haar ma en pa weer huis toe kom nie.

Ouma Bella (Anke Greeff) herinner haar kleinkinders dat enigiets moontlik is as jy net jou verbeelding gebruik.

Dit is die begin van verskeie avonture. Eers was daar lekker saam met die Barbies gesing en gedans, maar die joligheid het vinnig in ’n soektog verander nadat twee van die Barbies, Patricia (Anika du Toit) en Nadine (Dané Lourens) deur

die gevreesde Teddie (Carlos Klaase) ontvoer is.

Met die hulp van die speelgoedsoldaatjie (Tristan Mostert) en sy troepe is die Barbies op gespoor en uit die kloue van Teddie en die seerowers gered.

Daarna lei ’n toergids (Celia Gildenhuys) vir ouma Bella en haar kleinkinders in ’n lugballon om verskillende wilde diere te gaan bekyk.

Ongelukkig laat ’n storm hulle gestrand op ’n verlate eiland. Daar volg ’n spannende geveg met die seerowers wat vir sebra ontvoer het en wil braai. Dit het die gehoor op die punte van hulle stoele gehad en het die kindertjies laat jil van die plesier.

Deur die hele vertoning deur het die troeteldiere die gehoor laat skaterlag met hulle manewales.

Wel gedaan meneer Zerwick en juffrou Siebrits, al die akteurs, en almal wat gehelp het met grimering,

kostuums, en die maak van die agtergrond en rekwisiete.

Die vertoning het almal iets gegee om te geniet na die kwartaal se harde werk en het weereens bewys hoef kragtig ’n mens se verbeelding is.

Noanora Eben de Villiers en Mostert Shani Gold

HSB trap diep spore vir 85-jaar

H

oërskool Bellville het dié jaar hul 85ste bestaansjaar herdenk.

Om hierdie belangrike gebeurtenis te vier, is Bellville leerders gevra om die oggend by Northlink Kollege in 80 Voortrekkerweg bymekaar te kom vir ʼn staptog. Die staptog het begin by die eerste skoolgebou en geëindig by die huidige skoolgebou, waar die Vlam van Herinnering aangesteek is en die gasspreker, prof. Erwin Schwella, ʼn toespraak gelewer het.

Hoërskool Bellville is gestig in die saal van die ou magistraathof regoor die polisiekantoor en vlak teen die

Fotograaf: Juffrou Ward

hoofweg in die dertigerjare. Met tweeen-dertig leerlinge het dit oopgemaak op 25 Januarie 1937 met die skool se eerste skoolhoof, mnr. C.J. Grové.

Die plaaslike dorpsbestuur het die terrein langs die Voortrekkerweg afgestaan in ruil vir ʼn geskikte stuk grond. In Augustus 1938 het die bou van die skool uiteindelik begin. Op die eerste dag van 1940 is die nuwe skoolgebou geopen met honderd-vyfen-vyftig leerlinge en ag onderwysers.

Soos tyd aangestap het, het al hoe meer ontwikkelinge plaasgevind in en om die skool. Van verskillende geboue,

Fotograaf: Marius Barnard

nuwe skoolhoofde en veel meer leerlinge, na ʼn groter groep personeel, geleenthede en spesiale herdenkinge.

Hoërskool Bellville is ʼn trotse skool wat nie sommer terug staan vir enige uitdaging nie of dit nou akademies, sport of kultuur is.

Jare se wonderlike herinneringe later en nou vier ons 85 jaar saam met ons waardegedrewe skool.

Monya Buchfinck

Fotograaf: Marius Barnard

HSB vier bestaansjaar met nuwe fasiliteite!

I

n die lang, wonderlike vakansie wat ons gehad het, het mnr. Du Plessis, ons geliefde skoolhoof, en mnr.

Stofberg ander planne aan die broei gehad. Ons was hierdie jaar gegroet deur ʼn nuwe Hoërskool Bellville met baie verandering aan die skoolgebou.

Hierdie jaar is daar 3 groot projekte aan die broei. Die 85 jaar-staptog, wat elke leerder een keer in sy hoërskoolloopbaan moet beleef, het vroeg die jaar plaasgevind. Die opkomende musiekblyspel, V allei van Konings, wat deur Mnr. Zerwick bestuur word, is die volgende projek waarna ons kan uitsien. Die projek waarna

Snoepie is oor geteël en geverf

passie van die skool sal ervaar,’’ sê mnr. Du Plessis.

Ons is ʼn trotse skool en ons wil dit graag wys vir die wêreld daar buite dat ons gereed is vir alles.

Paratus ad Omnia.

Eben de Villiers en Aneska Fritz Shani Gold Nuwe klaskamer: C 20

mnr. Du Plessis so uitsien, is die Akademiese Tuin.

Hierdie tuin is heel moontlik die beste projek. “Dit het in gedagte gekom verlede jaar,’’ sê mnr. Du Plessis met trots. Die tuin is gebou soos ʼn skaakbord en pilare gaan ook opgerig word. Groot legendes, soos Dawie de Villiers, wat oudleerders van die Hoërskool Bellville was en doktorsgrade verwerf het, se name gaan op die pilare skyn.

“Ons hoop dat leerders hierdie as ʼn teken van trots sien. Ons hoop dat hulle die tradisies van die skool sal uitleef en respekteer. Ons hoop ook dat hulle die

Nuwe Tariewe

Die seniorleiers vat ’n draai by die Paul Roos -dinee

E

en van die hoogtepunte op ’n seniorleier se kalender het na talle afwagting uiteindelik aangebreek! Op die 2de Maart 2022 was die aandag maar min in die klasse en elke seniorleier het af en toe gedagdroom oor wat vir hulle die aand inwag. Elkeen het met vlinders in hul mae hul dansskoene aangetrek. Meisies het in hul mooiste aandrokke geklee en die seuns het hul pakke uit die kas gehaal, vir die eens-in-’n-leeftyd-ervaring, naamlik die Paul Roos-dinee, ’n seniorraad-funksie waar die seniorleiers van regoor die Wes-Kaap genooi word vir die dans van die jaar.

HSB se seniorleiers het natuurlik nie teruggestaan nie, en het nie net

ons, Bellvilliete, se asems weggeslaan nie, maar tot die Bolandse mense s’n ook. Hierdie jaar se groep was ongelooflik geseënd om hierdie glansgeleentheid te ervaar, aangesien verlede jaar se groep dit ongelukkig misgeloop het as gevolg van die pandemie. Mia Kretschmer, onderhoofmeisie, (12.4) deel met ons: “Dit was

’n fantastiese aand waar ons nuwe mense kon ontmoet, weer laerskoolvriende kon sien, kon dans tot ons bene lam raak en voete kramp en natuurlik in ons deftigste klere!”

Die moeë ogies, hees stemme en seer bene die volgende oggend, het net weereens bevestig hoe baie die groep dit geniet het. Die groep van 2022 het weereens ons skool se naam hoog gehou, al was dit op sosiale gebied.

Hierdie is definitief ’n storie wat oorvertel gaan word aan kinders en kleinkinders!

Eben de Villiers en Zani Hattingh Shani Gold

Wees Paratus Ad Omnia vir die jaar

O

m die vakansiehoed af te haal en die sonbril weg te sit kan soms moeilik wees, veral wanneer die denkbeeldige vakansiebrein nog smag na pret en plesier. Jou bed het moontlik soos ’n heiligdom gelyk en gevoel, maar nou is dit tyd om skouer aan die wiel te sit.

Vir die meeste leerders klink lang ure se konsentrasie en trollies vol huiswerk nie na die ideale manier om die jaar binne te gaan nie. Sommige leerders sal saamstem dat alle motivering vir die nuwe jaar by die venster waaruit hulle so graag staar, uitgevlieg het en dat sukses homself in die duister bevind.

Vind weer motivering, al is dit om die temaliedjie van SpongeBob te sing, want dit is die dryfkrag wat jou na sukses sal lei. Leer wanneer ander besluit om te lê, werk wanneer ander besluit om te rus, oefen wanneer ander besluit om te slaap en droom wanneer ander se ambisies in die wind verlore raak. Die somtotaal van al jou klein pogings bymekaar getel, soos om ’n goeie Wiskunde-punt te behaal of om ’n ses te slaan op die krieketveld, vorm deel van die sukses waarna almal smag.

Mislukking voel soms soos ’n nederlaag. Om te misluk is nie ’n skande nie, maak nie saak hoeveel keer jy jou

in die donker bevind nie. Dit is ’n goue geleentheid om jou kop hoog te hou, te leer en weer te probeer. Mislukking sal jou soos ’n donker wolk volg solank as wat jy nie in jouself glo nie. Selfvertroue en harde werk is die sleutel tot jou sukses in 2022.

Sukses is ’n haarbreedte uit jou greep. Soos ’n ware Bellville-Leeu moet jy gemotiveerd bly, hard werk en paratus ad omnia wees om dié jaar jouself as ’n oorwinnaar te kan kroon.

Eben de Villiers en Jana le Roux Shani Gold

G R A A D 8 ’s s ê h u l s ê KIAN SMUTS 8.4 V: Wat is jou opinie oor die demerietestelsel?

A: Dit is nie altyd lekker nie, want partykeer vergeet jy sekere werk en dan moet jy punte kry. Mnr. Dickason is ʼn uitsondering, hy bel net jou ouers.

WIHAN HIBBERT 8.5 V: Wat was jou gunsteling deel van MTBS? A: Die gees van die skool.

LEMIKA FOURIE 8.3 V: Waarom het jy Hoërskool Bellville gekies?

A: Hoofsaaklik omdat die my vriende hier is en ek myself met hulle wil omring, maar definitief ook as gevolg van die akademiese prestasies.

ALEX CRONJE 8.1 V: Wat sal jy graag in hoërskool wil bereik?

A: Ek sal graag goeie vriendskappe wil bou en die toppresteerdersposisie wil bereik.

SHUANÉ LE ROUX 8.3 V: Wat is jou gunstelingskoolsport en hoekom?

A: My gunstelingsport is hokkie, want ek doen dit al vir agt jaar en HSB het uitstekende afrigters. Ek sal graag hierdie jaar A-span wil maak.

Eben de Villiers en Shani Cianka Gold Claassens

Eben de Villiers en Tinette Genis Shani Gold

Bellville se gelukbringers by die MTBS-byeenkoms 2022.

Die atletiekkapteine v.l.n.r. Hennie Mostert, Chané Krüger, Nico Geldenhuys, Ziané Faber.

Die leeus bring die beker huis toe na 25 jaar!

N

a twee jaar sonder MTBS was dit werklik opwindend om weer ʼn dag van geesvang te beleef! Die gejuig van ondersteuners dreun oor die veld en jy wil sommer uit volle bors sing en tekere gaan vir jou skool se atlete!

Die dag het afgeskop en só het Hoërskool Bellville se pad na oorwinning begin. Soos die dag verloop het, het ons een vir een die bekers verower. Die dag het lank en warm geraak, maar ons atlete het nooit moed verloor of opgegee nie – hoe moeiliker dit geraak het hoe harder het hulle geveg!

Die tyd van die dag waarvoor almal wag het aangebreek. Jy wonder of jy nie dalk ʼn bietjie meer moes oefen of ʼn bietjie harder moes skree nie. Almal wag in spanning en dit voel soos jare voor die afkondiger sy laaste woorde sê: “En die wenner van die MTBSatletiekbeker 2022 is… Hoërskool Bellville!” Vreugde en verligting spoel oor jou en die trane begin sommer vrylik loop.

Al die Bellville-ondersteuners en atlete het ʼn kring op die veld gevorm en met waardering na een van meneer Stoffels se bekende motiveringspraatjies geluister.

Wanneer mens met twee punte wen, besef jy werklik dat elke bietjie oefening tel en dat elke liewe atleet se bydrae nodig was. Geen harde werk was verniet nie.

Dit was tyd vir ons laaste lied - die skoollied. Met trane in die oë, maar massiewe glimlagte, het die klank van ons skoollied met trots oor die atletiekveld gedreun.

Al was dit ʼn dag van naels kou, het ons atlete die skool se naam hoog gehou deur ʼn totaal van 1181 punte te verower en vir Hoërskool Stellenberg te klop met twee punte!

Dit is natuurlik te danke aan die talle oefeninge wat ons atlete bygewoon het. Hulle het soveel opofferings gemaak om te verseker dat die goue beker HSB sʼn is en het vir almal gewys wat die woord “deursettingsvermoë” beteken. Ons kan baie trots wees op ons talentvolle span atlete en hulle wil om te wen.

Hulle het definitief nie geoefen met die doel om tweede te kom nie!

Ons moet ook dankbaar wees vir veral een onderwyser... mnr. Stoffels.

Hy het hierdie wen tot in die fynste besonderhede beplan en onvermoeid gewerk om dit ʼn realiteit te maak. Hy

het die atlete gemotiveer en gedruk tot punte wat hulle nie gedink moontlik is nie.

Ons ken almal sy motiveringspraatjies en hoe jy daarna voel of jy enigiets kan doen. Mnr. Stoffels het aan ons ʼn belofte gemaak dat ons nie nóg ʼn jaar met leë hande sou wegstap nie - en hy het dit gehou.

Ons sê ook dankie vir die OOV wat honderde kospakkies gepak het en elke atleet en atletiekondersteuner voorsien het van ʼn smaaklike ete.

Die wen sou ook nie moontlik wees sonder ons dirigente, wie leiding geneem het en die pawiljoen gemotiveer om saam te spring, klap en sing nie.

Hierdie wen het almal nuwe moed gegee om die res van jaar aan te pak.

Dit het ons leeutrop net nóg nader aan mekaar gebring en gewys wat ons kan bereik as almal hard werk om dieselfde doel te bereik.

Ek sluit af met die wyse woorde van ons atletiekkaptein, Nico Geldenhuys: “Vertrou in jouself en moenie dat enige iemand vir jou sê jy is nie goed genoeg nie.”.

Eben de Villiers en Madi Roux Shani Gold

FUN PAGE

Eben de Villiers en Madi Roux Shani Gold

retrospect

Fotograwe: Lilan Meyer, Marius Barnard, Mieke Jolie, Isolde Nel, Mia Mohorich, Marli Smit, Jana Vermeulen, Megan Meyer en Jeanette Odendaal.