DÆMI UM NÁMSKEIÐ Á VEGUM STÚDENTAÞJÓNUSTU HR
Námstækninámskeið (2 tímar og 15 mín.) – Farið er yfir ýmsa þætti námstækni, svo sem tímastjórnun, markmiðasetningu, lestrartækni, glósutækni og próftækni. Próftækninámskeið (50 mín.) – Farið er yfir lykilatriði í próftækni bæði varðandi undirbúning fyrir próf og atriði sem gott er að hafa í huga í prófum. Árangursrík samskipti (50 mín.) – Samskiptahæfni skiptir sífellt meira máli í atvinnulífinu og samfélaginu öllu. Farið er yfir mikilvæg atriði í árangursríkum samskiptum og hvernig leysa má ágreining og ná sameiginlegu markmiði þrátt fyrir ólík sjónarmið. Lögð er áhersla á þætti sem nýtast nemendum vel í hópa- og verkefnavinnu. Lestrar- og glósutækni (50 mín.) – Farið er yfir grunnþætti í lestrar- og glósutækni, svo sem hvernig má glósa á blað eða á tölvu með árangursríkum hætti. Áhrifaríkar kynningar á verkefnum (50 mín.) – Farið er yfir hvernig hægt er að kynna verkefni á árangursríkan hátt, lykilatriði í framsögn og fleira. Hugkort (Mind Mapping, 50 mín.) – Farið er í notkun hugkorta við glósugerð, uppsetningu og kynningu verkefna. Náðu árangri undir álagi (50 mín.) – Til að ná hámarksárangri er mikilvægt að geta einbeitt sér og unnið skipulega undir álagi. Í upphafi háskólanáms koma upp nýjar aðstæður sem nauðsynlegt er að ná góðum tökum á. Farið er yfir ýmis atriði sem gott er að hafa í huga þegar unnið er undir álagi. Tímastjórnun og markmiðssetning (3 skipti, 50 mín. hvert) – Farið er yfir hvernig gott er að skipuleggja tíma sinn og setja sér markmið til að ná betri árangri í náminu.
Háskólinn í Reykjavík 9