christian benitez
nang sinabi nilang magugunaw na ang mundo sumayaw na rin lang ako nang sumayaw, parang tangang kahit walang tugtog, aakalain mo na ring meron— sayaw na sayaw talaga, hanggang sa kakasayaw ko, parang may naririnig na nga ‘kong tugtog, hanggang tugtog na ‘to na lang din ang naririnig ko: napaupo na nga ako sa pagod pero naririnig ko pa ring parang may sumasayaw pa rin, at ako pa pala ‘tong hindi, at ako pa pala ‘tong hindi,
5