BANK OF BARODA
A Saga of Vision and Enterprise
Sa dua sara na gauna balavu ka lagilagi vei Bank of Baroda ena nona veiqaravi ena 25 na matanitu ena loma ni dua na drau na yabaki sa oti. Ena nona tauyavu rawa ena 1908 ena loma ni dua na vale mai Baroda, Idia, sa dua sara tu kina nikua na tama ni tabavale vakaitamera mai Mumbai na Baroda Corporate Center. Oqo e vakaraitaka tiko na sasaga yavutaki ena raiyawa, cicivaki vakavuku ni bisinisi, maroroi ilavo kei na gugumatua vakacakacaka. Oqo e dua na italanoa ka ceuti tu kina na vuku vakacakacaka kei na yalodei. Oqo talega e dua na italanoa ka yavutaki tu ena kumukumuni lo, na mamaroroi kei veivakadeitaki mai vua na matanitu. E nodra italanoa na dau vakacuru ilavo kei na nodra cau ki na tobulevu ka laveti Bank of Baroda kina ki na dua na tagede cecere sara nikua. Oqo na italanoa ka dodonu me wasei yani vei ira na milioni kei na dauvakacuru ilavo, ira na dauveitokoni, vakasea kei ira na lewenivanua raraba ka ra oka ena kena tarai cake na baqe levu qo. A mai tauyavutaki na Bank of Baroda e Viti ena 1961 ena kena imatai ni tabana ena Mark St e Suva. Na Bank of Baroda e sa tubu sara tiko vakatotolo e Viti ena 100,000 vakacaca na lewenivanua era vakaude kina ena nona veiqaravi tu vei ira ka sega ni cavuka ena dua na gauna. Sa tu talega vei iratou e dua na wanilivaliva vuni se IT platform ka sema taucoko tu kina na taba ni baqe kece sara e Viti me qaravi ira na lewenivanua. Ena loma ni 58 na yabaki ni veiqaravi, e sa vakarautaka o BOB na veiqaravi e saurawarawa sara, dodoka yani na ligana vei ira na via vakaduri bisinisi, ira na veibisinisi lelevu, bisinisi lalai se SME, sitoa lalai, dauvolitaki yaya, buliyaya, ira na dauteitei kei ira na sema kina me vaka na susutoa, ika, kei na sucu. E vakarautaka tale tikoga na baqe na veivuke vakailavo na Micro Finance kei na vuli bisinisi se financial literacy vei ira na lewenivanua ena veitikoni mai vua na matanitu o Viti kei na Reserve Bank of Fiji. E sa dua na cau levu sa vakayacora tiko na baqe ena kena tarai cake na matanitu o Viti ena nona sasaga me torocake vakailavo.
47
TRANSCEND - Vol - 2 - High Commission of India, Suva, Fiji