Raportahe di Minister di Finansa, Asuntonan Economico y Cultura

RAPORTAHE JANUARI – JUNI 2019

Minister di Finansa, Asuntonan Economico y Cultura mr. Xiomara Ruiz-Maduro

INTRODUCCION Den e relato aki nos ta presenta un compilacion di e trabounan cu a ser haci den Ministerio di Finansa, Asuntonan Economico y Cultura durante e prome seis lunanan di aĂąa 2019.

Un aĂąa den cual Gabinete Wever-Croes a demostra seriedad den pasonan cu mester a wordo tuma y a haci cambionan necesario for di un punta di bista realistico manera delinea den e acuerdo di Memorandum Financiero Economico (FEM) cu Gobierno a firma cu Hulanda aĂąa pasa.

Nos responsabilidad ta concentra pa nos Pais Aruba por cumpli cu e metanan cu nos mes a fiha den FEM pa por yega na un finansa publico manehabel. Pasonan a ser tuma pa stabilisa e situacion financiero di nos Pais y tambe nos a bin cu incentiva pa acelera e proceso economico di nos Pais.

Gobierno a fiha un rumbo pa cana den FEM y tambe a publica su Maneho Economico pa un Aruba fuerte y resiliente. Cualnan ta dunando resultado ya cu riba tereno financiero internacional nos a ricibi evaluacionnan alentador y positivo.

Nos ta maneha e Pais cu seriedad y hopi dedicacion pa nos trabou y na un manera financieramente responsabel. Nos ta convenci cu poco poco pero sigur cu pasonan concreto nos por recupera e credibilidad financiero di nos Pais pa asina nos tin un Pais Aruba cu hopi oportunidad pa nos y nos futuro generacion.

Minister di Finansa, Astuntonan Economico y Cultura

Xiomara Ruiz-Maduro

Contenido

INTRODUCCION FINANSA

2 4

ECONOMIA

6

CULTURA

8

3

Un maneho financiero sostenibel y manehabel

FINANSA FINANSA

Cifranan di Cuentanan Nacional

Placa di papel di e serie nobo di florin (Juni)

Gobierno a pone fondonan disponibel den Oficina di Estadistica di Aruba pa asina e expertonan por a presenta Cuentanan Nacional for di aña 2013 te aña 2017. E Cuentanan Nacional aki ta contene cifranan confiabel pa ora mester tuma decision y ta un base pa haci pronostico financier y economico mas acerta.

Banco Central di Aruba a presenta na luna di juni e serie nobo di placa di papel di florin cu diseñonan nobo y elementonan di seguridad mas moderno. E placa di papel di e serie di 2019 ta conta cu denominacion di 10, 25, 50, 100 y 200 florin. E serie nobo ta hiba e tema ‘Bida na Aruba’ y cada uno tin diseñonan produci door di e artista local Nigel Mathew. E diseñonan ta contene aspectonan di nos flora, fauna, herencia cultural, monumentonan y lugarnan prominente na Aruba. Ademas e placa di papel ta contene e elementonan mas avansa di seguridad manera, entre otro, marca di awa, strepi metalico 3D cu movecion, simbolo cu cambio di color y micro letter. Pa acesibilidad a usa inkt tactico pa persona cu deficiencia visual.

Aruba ta mantene Investment Grading BBB- di Fitch (April) Na luna di april Fitch Ratings a informa Gobierno cu e credit rating (grado di credibilidad financiero) di Aruba a wordo manteni na BBB-. E ratings outlook a keda negativo. Esaki ta refleha e debe halto y e hecho cu Fitch Ratings ta premira un crecemento economico conservativo den 2019-2020. Fitch Ratings ta duna reconocemento na Gobierno di Aruba pa a mehora e deficit di 2018, esaki compara cu e aña anterior (2017).

Otro puntonan fuerte cu ta acentua e grado di credibilidad ta, e stabilidad politico, e grado halto di desaroyo y e relacionnan constitucional cu Hulanda.

Evaluacion generalmente positivo di IMF (Juni) IMF a bishita Aruba na luna di maart y a papia cu diferente stakeholders den sector publico y sector priva, NGO’s, gobierno y tambe miembronan di oposicion. IMF a prepara un rapport den cual ta menciona cu IMF ta positivo tocante e desaroyo financiero y economico na Aruba. IMF a evalua e Presupuesto 2018/2019 di pais Aruba den cual gobierno a scohe prudentemente pa un crecemento economico di 1%. IMF a premira un crecemento economico financiero di 2.4%, cual ta hopi mas di locual gobierno mes a premira. Ademas IMF ta haci mencion tambe riba e diversificacion di economia, e Seis Sectornan Prometedor di nos maneho economico. IMF ta apoya e trabou intensivo pa e reforma fiscal, haci door di

Resultado prome cuartal di presupuesto 2019: deficit ta birando surplus y tasa di debe ta cuminsa stabilisa (Mei) E resultadonan di e promer kwartaal di e ehecucion di Presupuesto 2019 ta indica e deficit ta birando surplus y e tasa di debe ta cuminsa stabilisa. Gobierno a ricibi mas entrada y a logra baha su gastonan, e resultadonan aki a produci un surplus di casi 7 miyon florin. E tasa di debe a baha levemente di 77.8% pa 77.3%.

4

un grupo di experto. E evaluacion di IMF aki ta uno alentador y ta un muestra cu Gobierno ta riba bon caminda pa rebiba nos economia y recupera e credibilidad financiero internacional pa nos Pais Aruba. Riba corto plaso e risiconan ta limita. Pais Aruba su economia ta keda sensitivo pa posibel stagnacion di e economia Mericano.

Segun e rapport di IMF e riesgonan di e crisis di Venezuela tabata limita te cu awor, ya cu Aruba a logra di absorba esakinan door di a diversifica e mercado di importacion (mas tanto fruta y berdura) y tambe e mercado di turismo.

E reforma fiscal por nivela of limita e riesgonan riba un termino medio.

Cambio den Ley di Destaho (Juni)

Na luna di juni Parlamento a aproba cambio di e Ley di Destaho unanimamente. Den e ley a regla, entre otro, e mandato di e directornan ora di destaho y a crea e posibilidad pa haci un destaho priva (onderhandse aanbesteding) via medio electronico. E cambionan ta cuadra cu e maneho di Gabinete Wever-Croes pa modernisa nos leynan, demostra transparencia y integridad den gobernacion, como tambe cumpli cu e protocol firma dia 30 di maart 2012 na Geneve den cual e punto di salida ta bon gobernacion y e enfoke riba transparencia den maneho=di fondonan publico di Pais Aruba.

5

Aruba riba caminda pa un Economia Fuerte y Resiliente

ECONOMIA Pensionadonan ta mantene ‘Reparatietoeslag’ (Januari)

nan

Despues di un analisis riguroso y como un Gobierno responsabel alabes pa motibo administrativo, pa no crea un discrepancia y discriminacion denter di e grupo di pensionado, Gobierno a dicidi pa sigui paga e ‘Reparatie toeslag’ na tur pensionado.

Prolongacion di e moratorio riba establecimento di supermercado nobo cu dos aña (Januari) A base di resultadonan di un estudio haci pa Departamento di Asuntonan Economico Gobierno a prolonga e moratorio riba supermercado cu dos aña mas.

Pa e proximo dos añanan lo no duna permiso pa establece supermercado y/of minimarket nobo na Aruba.

Implementacion di e prome fase di Reforma Fiscal Gobierno a introduci un Reforma Fiscal pa cambia e sistema di belasting pa haci’e mas husto, mas simpel y mas eficiente. E Reforma Fiscal ta ser reparti den varios fase pa por logra un cambio husto. E prome fase a wordo introduci dia 1 di januari 2019 y e cambionan ta encera cambionan den tarifa di loonbelasting, inkomstenbelasting, grondbelasting, dividendbelasting y den accijns riba bebida alcoholico y biña. E cambionan den tarifa di e impuestonan aki a trece varios beneficio pa nos pueblo.

Lansamento di e website y logo nobo di Departamento di Asuntonan Economico (Januari) Departamento di Asuntonan Economico (DEACI) a lansa nan website nobo www.deaci.aw cual ta

contene mas informacion riba diferente tereno di economia y alabes a introduci e posibilidad pa haci un cita online. Esaki ta djis e inicio di e prome fase di egovernment, e digitalisacion di servicio cu Gobierno kier bay, pa asina nos por brinda un servicio mas rapido y eficiente na nos comunidad. Tambe DEACI a modernisa nan logo.

Inversion di 13.05 miyon di Fondo di Desaroyo Union Europeo pa un Facultad nobo di SISSTEM (maart) Na luna di maart un acuerdo financiero a ser firma entre Aruba y Fondo di Desaroyo Union Europeo pa por ricibi 13.05 miyon Euro pa e proyecto pa Sustainable Island Solutions in Science, Technology, Engineering and Mathematics (SISSTEM) na Universidad di Aruba. E proyecto aki ta wordo financia pa e di 11 Fondo di Desaroyo Europeo.

SISSTEM ta un proyecto cu lo dura 3 aña y ta inclui un Facultad pa Science, Technology, Engineering and Mathematics (STEM) dedica pa e desaroyo sostenibel cu lo wordo ehecuta den colaboracion cu Katholieke Universiteit Leuven di Belgica.

E ehecucion di e proyecto aki ta sosode den dos parti: 1. Implementacion di e Facultad bou maneho di Katholieke Universiteit Leuven y 2. Remodelacion di e edificio momumenta di Maria Convent pa United Nations Development Program (UNDP) pa hospeda e facultad di SISSTEM. E trabounan di renovacion lo bay bou maneho di e oficina di Programa di Desaroyo di Nacionnan Uni (UNDP) kende lo dispone di e suma di 7.3 miyon Euro pa renova y ekipa e edificio di Maria Convent pa hospeda e facultad di SISSTEM. Cu e Facultad SISSTEM, e hobennan ta haya oportunidad pa sigi estudio technico avansa na Aruba y ta crea oportunidad pa atrae studiante for di region pa studia na nos Pais creando un economia di conocemento pa nos Pais.

6

haya ta yuda nan pa mayan por tuma bon desicion financiero.

Gobierno ta ‘freeze’ subida den prijs di gasolin pa e lunanan di april, mei y juni

2. Proyecto Kidpreneur$ with Big Ideas: (Februari pa April)

Pa trece un alivio den cartera pa nos cuidadanonan, Gobierno a yega na un acuerdo cu Refineria Di Aruba pa ‘freeze’ e prijs di gasolin. Alabes expertonan di DEACI ta trahando duro pa yega na un otro sistema pa calcula prijs di producto petrolero

Kidpreneur$ with Big Ideas ta un programa di seis siman na unda hobennan di klas 5 y 6 cu ta bayendo Traimerdia, ta haya informacion y e herment necesario pa bira comerciantenan exitoso den futuro. Un total di 38 hoben di klas 5 y 6 di Traimerdia na School Washington a participa.

Maneho Economico integral (April)

3.

Pa prome biaha Gobierno tin un Maneho Economico Integral, cu a wordo traha cu participacion di sector priva y varios departamentonan di Gobierno. Gobierno a acerca un facilitador Sr. Colm Riley cual a dirigi e workshopnan y durante e workshopnan a identifica e seis Sectornan Prometedor pa diversifica nos economia. E seis Sectornan Prometedornan ta e Sectornan di Turismo, Economia di Conocemento, Logistica, Agricultura, Economia Circular y Industria Creativo. Gobierno ta reconoce e preocupacionnan di sector priva y e rol di sector priva tin den e desaroyo economia economico sostenibel.

Gobierno su rol ta di facilita e sector priva y ta conta cu e compromiso di sector priva pa realisa e desaroyo economico sostenibel.

Seccionnan financiero:

educativo

economico

Pa esnan activo den e industria creativo como exportador a organisa un tayer ‘Conquering New Horizons’ pa duna informacionnan practico pa yuda nan ta exitoso den nan negoshi. Na e tayer aki a participa 65 empresario di negoshi chiquito y mediano.

4.

Silver Entrepeurship (Juni)

Silver Entrepeneurship ta un tayer cu a ser duna na e personanan cu ta yegando e edad di pensioen of tin e edad di pensioen caba y cu kier cuminsa cu nan mesun negoshi.

E tayer a trata diferente tema necesario pa por haya un bon conocimento empresarial. Na e tayer aki a participa un total di 34 persona.

y

Ministernan di Reino ta firma Tratado pa formalisa cooperacion di Aduana den Caribe (Mei)

Den cuadro di e Maneho Economico pa stimula negoshinan chiquito y mediano, cu ta wes’i lomba di nos economia y tambe pa educa nos hobennan den e aspecto economico y financiero a organisa varios programa/tayer educativo: 1.

Conquering New Horizons (Mei)

Durante e di 41 reunion di e Caribbean Customs Law Enforcement Council (CCLEC) cu a tuma lugar na Havana, Cuba, Paisnan miembro a firma un Tratado pa asina por formalisa e cooperacion Aduanero regional cu ta existi desde 1970. Cu e formalisacion aki, e Caribbean Customs Organisation (CCO) ta haya na su disposicion e instrumentonan legal pa asina por fortalesa e cooperacion y tambe por intercambia informacion necesario na un manera mas eficiente y sigur.

Money Global Week (April)

Money Global Week ta evento educativo financiero den cual 600 hoben di klas 5 y 6 a haya e oportunidad unico pa amplia nan conocemento financiero bao di guia di diferente expertonan. E informacion cu nos hobennan a

7

Cultura bo tin cu Bib’e

CULTURA

pa traha riba e realisacion di e Fondo Cultural aki. Alabes a firma un acuerdo di cooperacion entre e paisnan den Reino pa bay traha hunto pa pone nos idioma Papiamento/u como e vehiculo cu ta carga varios di nos expresionnan cultural riba e Lista Internacional di Herencia Cultural Intangibel di UNESCO.

Fiestanan Nacional Comision Celebracion Dianan Nacional (CCDN) conhunamente cu Departamento di Cultura a organisa exitosamente e celebracionnan di Dia di Betico, Dia di Himno y Bandera, Dia di Rey y Dia di Dera Gay.

Baluartenan Cultural

Celebracion di 65 aniversario di Carnaval (Januari)

Den cuadro di maneho di Cultura cu tin como meta pa reconoce personanan cu a duna un aporte importante na desaroyo di nos Cultura, a reconoce e siguiente personanan: Rossini van Wijk, Marcia Stamper, Aura Maybelline Arends- Croes, Gloria Croes, Chico Harms y Eddie ‘Jan Poets’ Peterson.

Den cuadro di e celebracion di 65 aniversatio y como Carnaval ta un actividad cultural, economico y turistico importante pa nos Pais, Gobierno a contribui cu 50 y 25 mil florin na Fundacion SMAC y Fundacion MUSICA como un aporte na e gastonan grandi cu e organisacion di Carnaval ta trece cune.

Rescate y conserva nos herencia cultural - Cas Tan Tin (April)

Consulta Ministerial di 4 pais den Reino (Februari)

Monumentenfonds a cumpra cas Tan Tin, pa logra conserva un cas di cunucu – Cas Tan Tin- pafor di centro di cuidad. Na luna di April Monumentenfonds a entrega e yabi di Cas Tan Tin na Fundacion Mi Cutisa cu lo maneha e actividadnan di Cas Tan Tin. Na e manera aki ta logra pa conserva un herencia cultural pa e generacion presente y di futuro pa asina por disfruta di Cas Tan Tin y cu tambe lo sirbi como atraccion turistico y centro di enseñansa pa nos tur por biba nos Cultura.

Na luna di februari a tuma un consulta na Corsou entre e Ministernan di Cultura y di Educacion di e Paisnan Aruba, Corsou, Sint Maarten y Hulanda. Durante e encuentro aki a trata entre otro e tema di Herencia Cultural Subacuatico, Herencia Cultural Intangibel y realisacion di un Fondo Cultural specialmente pa ehecucion di mas investigacion riba tereno cultural. E Paisnan den Reino hunto a yega na un palabracion pa instala un plataforma cu lo haya e tarea

8

Exposicion’ Lasonan Caribeño’ (Mei) Den luna di mei Museo Arkeologico Nacional di Aruba (MANA) hunto cu Departamento di Cultura a organisa e prome Exposicion di ‘Lasonan Caribeño’. E exposicion di ‘Lasonan Caribeño’ ta basa riba un estudio di 6 aña bou auspicio di e proyecto di investigacion NEXUS 1492.

Paisnan cu ta expone den e proyecto aki ta Cuba, Haiti, Republica Dominicana, St. Eustatius, Guadeloupe, Dominica, Barbados, Grenada, Surnam y Aruba. Meta di e exposicion ta pa duna informacion riba e conexion cu a existi den pasado entre e prome habitantenan di Caribe y cu te ainda ta existi entre e comunidadnan aki. Den e exposicion por haya sa mas di e impacto di e invasion di e colonistanan, di e explotacion cu a tuma luga y con e transformacion di e sociedad y cultura den Caribe a tuma luga. E exposicion lo keda un aña na Aruba.

Publicacion di ‘Shon Wantomba celebracion di Dia di San Juan’(Juni)

y

e

Na luna di Juni, den cuadro di celebracion di Dia di San Juan, Departamento di Cultura e aña aki a publica un buki specialmente pa mucha cu ta conta e tradicion cultural di Dia di San Juan, na un forma educativo y cu ilustracion.

9