Einmaolige oëtgave september 2019 - Oplage 12.000
Lang hiël lang geleeje...
GRA EN V TIS E N IK U R S
Sociëteit De Flarussen prissenteert ut theaterstök
Morge steit ‘t OLS veur de deur en oma is dan de keuningin, want opa haet zich nao 40 jaor lid te zien, intelik keuning geschaote. En ik, ik meug morge ‘t bördje drage. Vaerder op pag.2
Première Vriëdaag 22-11, Zaoterdaag 23-11, Zóndaag 24-11 (Matinee 14.00 oor), Dónderdaag 28-11, Vriëdaag 29-11, Zaoterdaag 30-11. Veurverkoup: Maondaag 16-9 en Dinsdaag 17-9 van 19.00 - 21.00 oor in ‘t Raodhoes. Alle veurstellinge beginne um 20.00 oor in ‘t Raodhoes van Bliërick. Kaarte koste € 22,00 per stök (incl. garderobe en pauze-drenkske).
Geej kómp toch ouk! Vervolg pag.1 Oma geit nog efkes ‘n blökske um met eur kleindochter. De kleindochter is morge ouk van de partie, want het druuëg veur d’n iërste kiër ‘t bördje van de schötterie. De kleindochter haet allerlei vraoge veur oma euver die schötterie, met name wie die is óntstaon. Oma neemp um aan de hand en vertelt eur kleindochter ’n verhäölke, wao weej vraogteikes beej plaatse. ‘Is det ech allemaol zoë gebeurd?’ ‘t Verhaol begint, lang, hiël lang geleje op ‘n plein in Bliërick. Heej staon ‘n paar middestanders d’n daag door te neme as d’r ‘n ker ‘t plein op kómp met allerlei hoësraod. Niej volk? Boëtelanders? Heej in Bliërick? De volgende daag make weej kinnis met die boëtelanders en verschillende inwoëners van Bliërick. Met Lieske van de Knaok, Neeltje van ‘t Hötje, Brechje van d’n Bekker en Leentje van Graat, de visboer. Ouk met de Schout en zien Schepene, die maar neet veur orde in ‘t dörp kinne zörge. Met broeder Kloek dae aaf en toe wat te deep in ‘t glaeske kiëk en met Robbie en Marieke. Hebbe die wat met mekaar? Bliërick wuurt in daen tiëd regelmaotig bezóch door óngure types die neet weite det zeej met eur ‘fikke’ van andermans greij aaf mótte bliëve. As dae Sschout det neet kin regele, wae mót det dan doon? Watbleef,…… mótte weej det zelf gaon regele? Wie geit det aafloupe...?
Wat un plaetje! Det is d’n titel van alweer ós 8ste produksie! Produksies, wao weej as bestuur ónnoemelik gruuëts op zien. Gruuëts op ós leje, die jaor in jaor oët, eure vreje tiëd opoffere um toet ‘n prachtig resultaat te kómme. Gruuëts op ós sponsore, die ós toch weer idder jaor óndersteune en gruuëts op al die bezeukers die in de loup der jaore de meujte hebbe genaome um ós veurstellinge te bezeuke. Iddere veer waeke kómme weej as bestuur gezellig beejein beej ein van ós bestuursleje en neme dan de stand van zake door. Det gebeurt meistal kort en krachtig ónder leiding van ózze veurzitter Gerard. Op dees vergaderinge, ik neum ze eigelik lever beejeinkómste, praote weej aevel ouk euver de toekóms, ós beleid en wie vaerder met dees prachtige club. Zoë is de invölling van ‘t volgende Flarussenjaor al rónd! Dan hebbe weej
aevel gen veurstellinge maar waere d’r waal diverse activiteite veur ós leje georganiseerd, zoëdet die neet op ‘n höltje hove te biëte. As zón bestuursbeejeinkóms klaor is, alles geregeld en georganiseerd is, praote weej meistal gezellig nog wat nao euver ‘t waal en wee in ós Bliërick. Al met al meug ik zegge, det ik in al die 9 jaor det ik in ‘t bestuur meidreij ‘t geveul heb gekrege det ik op zón beejeinkóms met 3 vrinde en ‘n “klein” vriendinneke zit te klassjenere. Ps. waorum weej op beejgaond plaetje niks te drinke hebbe......det is logisch....d’n ober waas net niej haole! John Janssen bestuurslid Public Relations.
Al kaarte besteld?
Wie kump ‘n veurstelling toet stand: De keuze van ‘n tonielstök beej de Flarussen hove weej neet te make. De Flarussen hebben 4 schriëvers, die idder jaor ’t script en de beejbehurende liedjes bedinke. Ik probeer dan de personages zoë in te völle, det idderein aan bod kump en det laot ik de schriëvers ouk weite. ‘n Groëte rol invölle is ‘n oëtda-
Vers vleis beej Lieske van de Knaok
ging, maar helt ouk in, desse haos altiëd aanwezig mós zien beej de repetities en ‘t stök van veur wies achter mós kinne. ‘t Good invölle van ‘n beejrol is sóms van grutter belang veur de geluifwaerdigheid van ‘n tonielstök dan de houfrolspeulers. Welke beslissing ik dao ouk in neem, ’t mót ‘n groepsproces waere van ós allemaol um de produktie toet ‘n
good ind te bringe, teamwork dus. Zoëas minnig regisseur, ik dus ouk, gaon ik wao nuuëdig met ‘’n roëje pen’ door ‘t script um, in ós ouge, ónnuuëdige ballas aan tekste weg te strepe. Det kinne herhaolinge zien as ik dink det ‘t stök te lang geit deure, of ‘t verhaol klop op die plaats neet good. Sóms hoofse iets neet te zegge, maar kinse ’t baeter laote zeen. As weej beginne met repetere is ‘t good veur de speulers te weite wie ‘t decor d’r oët kump te zeen. ‘t Verg dan ouk behuurlik wat inbeeldingskrach van de speulers um te ónthalde waor zeej op en aaf kinne, waor is mien hoës, heb ik heej plaats zat, enz. ‘n Teikening van ‘t tonielbeeld is dan ouk gen euverbodige luxe, maar erg nuuëdig. Want ech in ‘t decor speule kinne weej pas in de letste waek veur de première. De personages: Veur de speulers/speulsters die ‘n rol/ karakter speule binne ’t tonielspel kinne de volgende viëf vraoge altiëd ’n hölp zien. Vraog dich as speuler aaf: Wae? (beroep,familie,wie ald?) Wat? (ónderwerp, wao geit ‘t euver) Waorum? (gebeurt d’r iets, wat veur raeje) Wannier? (middeliëwe, zomer, s’morges)
Haope óch in november te meuge begroëte in ‘t Raodhoes! Paula Nelissen
Heej in Bliërick is gezóndere loch!
Nico Meerts
Annet Peeters
Tomasso van Angina
Di Mama van Angina
Sjuul Baur
Tomasso van Angina (11 jaor)
Weej slachte wao desse beej steis
Waor? (in ‘n dörp, kefee, voetbalveld) Det is oëtprobere, improvisere en zeuke. Wat zien de verhaldinge ónder/met mekaar. Dit zeuke vind ik persuuënlik ‘t leukste gedeilte. ‘t Spel kin zien: ‘t Non-verbale spel (Lichaamstaal) De mimiek (Gezichtsoëtdrökking) Verbaal spel (Wäörd en klanke) Det wilt dan ouk zegge det speulers eur instrument (stum, liëf) good mótte verzörge um optimaal door de repetities en veurstellinge te kómme. Dus zeej mótte hard werke, ouk al is det veur ‘t puliek dök neet te zeen. Veur ‘nne regisseur is ‘t ouk kiëke, verandere en ‘t verhaol kloppend halde. En as speulers zelf met leuke aanvöllinge kómme of eur rol met vuuël plezeer en euvergave speule dan help dit um ós tonielstök toet stand te bringe. Dank veur ‘t laeze van ózze krant!
DvdK: Ik heb heej ‘n gesprek met de femilie van Angina oët ‘t nieje stök van de Flarussen. Wie ziet geej eigelik in Bliërick terech gekómme? Tomasso: Te voot! Di Mama: Mien man Gepetto zien lónge niet goed. Heej baeter lóch! Dank broeder
DvdK = Dae van de Krant
Kloek! Broeder Kloek mooi man. Gepetto: Broeder Kloek is leef man, altiëd helpe. Di Nonna: Kloek…flappedrol. Gepetto: Nae, nae, Di Nonna, Kloek goje Kloët ... eh ... goje Kloek. DvdK: Wao kump de femilie
Ingrid van Heyster Di Nonna van Angina
Sef van Doorn
Gepetto van Angina
van Angina eigelik vanaaf? Di Mama: Aah, van Florence, is mooi stad! Ós buurman waas Michelangelo. DvdK: Det meint geej neet? Gepetto: Si, si, hebbe nog dinge veur um getummerd. Di Nonna: Mooi man! Ikke was model voor Mona Lisa.
DvdK: Det waas toch van Leonardo Da Vinci. Di Nonna: Si, si, ikke mooie meid vruger. Di Mama: Haes dich dien pilkes vanmorge waal ingenaome?
Sociëteit de Flarussen presenteert ‘t theaterstök
www.flarussen.nl
Reserveer ‘nne datum!
Heerlik um weer meij te doon Weej zien zanggroep Doeën Beejein en gaon dae fantastische speulersgroep van de Flarussen begeleide met ózze zang tiédes de veurstellinge.
De alleriërste veurbereiding begint beej ós dirigente Carina Corbeek die nog inkele arrangemente meug make veur ós zanggruupke. As die klaor zien gaon weej met z’n alle aan de slaag op ós waekelikse rippetisie met ’t instudere van de nummers.
Vaerder blieve weej konstant in kontak met ’t bestuur van de Flarussen um ein en ander aaf te stumme as d’r wieziginge plaatsvinde in de planning of in de liedjes. Weej zien d’r van euvertuug det ós
samewerking weer net zoë good, gezellig en saamhuurig wuurt as ’t veurig jaor! Veur miër info euver Doeën Beejein kint geej altied kiëke op www.doeenbeejein.nl of op ós facebookpagina.
Dagelijks open vanaf 11.00 uur 077 400 1300
Vergaef mich, mien vleis is zwaak! DvdK: Ik staon heej beej Piet Jeurissen, dae in ‘t kómmende stök van de Flarussen de moeje rol geit speule van broeder Kloek. Kloek: Det klop jao, broeder Kloek, ‘nne echte laevesgeneter. DvdK: Jao, maar dich bis toch ‘nne broeder? Catechismus en zoë ... geluif? Kloek: Jaozeker, det ouk! ... Kins dich de iërste vraog nog van de catechismus? DvdK: Waartoe zijn wij op aarde? Kloek: Antwoord waas: wij zijn op aarde om hier gelukkig te worden! DvdK: Nae nae, ’t geit van: wij zijn op aarde om hier en in het hiernamaals gelukkig te worden. Kloek: Det klop, maar alles op ziene tiëd. Iers heej en straks…. det zeen weej waal. Dich nog ‘n pilske? DvdK: Jao, doot maar ... Dich kleps waal vuuël veur ‘nne broeder, of neet? Kloek: Det steit in mien rolbeschriëving ... ik verzin dit neet, det doon die schriëvers.
DvdK = Dae van de Krant
Piet Jeurissen Broeder Kloek
surmeuse.nl
Ózze mik is um te staele! Kóm kieke beej Brechje van d’n Bekker
Sociëteit de Flarussen presenteert ‘t theaterstök
www.flarussen.nl
De wets neet wasse mis!
Wae schriëf, dae bliëf! De veurbereidinge van de veurstellinge veur 2018 ware volop bezig, toen de schriëvers van de Flarussen alweer veur d’n ierste kier beejein kwame um te zörge veur de nieje opveuring van 2019! Net veur de zomer woorte ideje ingeleverd, bespraoke en oëtintelik kwaam langzaam ’t ideej van de Schötterie nao veure.
Al brainstormend kwaam d’r op dees beejeinkómste ’n verhaollien teveurschien en óntstónde persoëne en situaties, zoë-as die in “Waat ’n plaetje” te herkinne zulle zien. De tekste zien van Wil Coopmans, Marc Peters en Rien Meijer. Peter Jansen en Marc Peters hebben zich vaerder bezig gehalde met de óngetwiefeld weer leuke liedjes, die onmisbaar zien binne ’n veurstelling
van de Flarussen. Beej dit alles woort kritisch nao mekaars tekste en liedjes gekeke en is minnig kier iets gestreep of aangevöld, want idderskier veel d’n eine of d’n andere waal weer iets niejs in. Daobeej is minnige lach door de kamer gevlaoge en hebbe weej ós zeker neet vervaeld. Schriëve is leuk en bliëf leuk!
✖Kaartverkoup✖Kaartverkoup✖Kaartverkoup✖Kaartverkoup✖Kaartv Op maondaag 16 en dinsdaag 17 september is de kaartverkoup veur ós veurstellinge. Kaarte koste € 22.- per stök, det is inclusief de garderobe en ‘n pauzedrenkske.
As de kaartverkoup veurbeej is gaeve zeej ‘t stökske vervolges door aan Hilde Rayer van de gasdames, die de euvergebleve kaarte via internet geit verkoupe.
Dees kaartverkoup wuurt van 19.00 toet 21.00 oor gehalde in de foyer van ’t Raodhoes. D’r wuurt gewerk met nummerkes, dus wae ‘t iërs ‘t kump ‘t iërs maolt.
Dees kaarte zien gewoën via www. flarussen.nl te bestelle, waonao Hilde Rayer kontak zal opneme en de kaarte veur óch zal reservere.
Al vanaaf de heroprichting van de Flarussen toet vandaag d’n daag zien Resy Wolters en John Janssen verantwoordelik veur de kaartverkoup van ós veurstellinge. Heejbeej mótte zeej raekening halde met vuuël faktore wao-ónder eventuele rolstool-plaatse, sponsorplaatse, minse die slech hure, enz. Veur idderein probere zeej ‘n oplossing te vinde.
Heb geej vraoge euver de kaartverkoup kint geej die stelle via ‘t contactformulier op ós website of op de social media via Facebook.
Maondaag 16 en ber dinsdaag 17 septem r 19.00 tot 21.00 oo in ut Raodhoes
De Flarussen schete raak!
Van kiës- toet beschermhiër! Haesse ‘t euver Tebben, dan haesse ‘t euver kiës en haesse ‘t euver kiës, dan haesse ‘t euver Tebben. Ós kiësprodukte zien lekker, netuurlik van hoëge kwaliteit en met zörg gemak. Kiës is neet miër weg te dinke oët ‘t hedendaagse laeve, weej aete ‘t euveral en op idder moment van d’n daag. Tiëdes ‘t óntbijt, de lunch en werme maoltiëje, maar netuurlik ouk in salades, pizza’s en door allerlei pasta’s. Neet weg te dinke as borrelhepke op feesjes of op de kiësplank thoës veur op de bank. Maar wat haet det met sociëteit de
Beej ós is de vis vers!
Kóm maar ruuke beej Leentje van Graat
Flarussen te make? Door de jaore haer hebbe verschillende Flarussen op de stadsumroop ózze slogan bekind gemak: ‘Wat wilt geej hebbe,…kiës van Tebben’! Van det stelletje Flarussen kinse van alles verwachte, veur ‘n blökske kiës doon die alles! Maar sinds kort is ‘kiëshiër’ François Tebben de beschermhiër van sociëteit de Flarussen gewaore. Maar det haet hae waal iërs mótte vraoge aan zien ‘kiësdame’ Sandra, want die luuët zich de kiës neet van ‘t broëd aete! En daobeej, wae wet wat daen titel
beschermhiër beteikent. Dao hebbe d’r neet vuuel kiës van gegaete. Weej ziën bliej met ózze beschermhiër en weej haope det weej in de toekóms nog vuuël plezeer van mekaar zulle hebbe. In ziene speech zei François, det hae as kleine jóng twië winse had. Op de iërste plaats woel hae beschermhiër van de Flarussen waere en ten twiëde ‘nne kiër Prins. Ik haop dan ouk, det die van de ‘Pin’ dit ouk laeze.
Dae meint zich ‘nne dieke! DvdK: Ik heb heej ‘n gesprek met de schout en zien schepene oët ‘t nieje stök van de Flarussen. Wat is eigelik óg taak in det alde Bliërick. Schout: Weej zörge veur rös en orde in Bliërick. Wae zich neet aan ós regels held, dae zette weej zoë in ‘t schandblok. Wilhelm: Weej ... Schout: Weej jao, weej pakke det soort gajes metein aan, want dao zitte zeej heej neet op te wachte. Eduard: Meug ik ...? Schout: Nae, dich meugs neet, zit d’r toch neet steeds tössedoor te wazele as ik aan ‘t praote bin. DvdK: Dus heej in Bliërick zien zeej hardstikke bliej met minse as óch? Wilhelm: Nou ik dink ... Schout: Dich heufs neet te dinke, det doon ik waal. Nog vraoge, krantemins? DvdK: Nae nae ... meug ik óch bedanke veur dit gezellige gesprek.
DvdK = Dae van de Krant
Peter Haanen
Schout Floris van Bussenmaeker
Jan Wilmer
Harold Baur
Schepen Eduard van Ballengoojen
Schepen Wilhelm van Ballengoojen
Sociëteit de Flarussen presenteert ‘t theaterstök
www.flarussen.nl
Wie löp det aaf?
Pruuk, griem, kleier en attribute make ‘n rol compleet! De kleiergroep besteit oët dreej ónderdeile: de Kleier, de Griem en de Rekwisiete, Veurdet de Flarussenveurstelling kin waere oëtgeveurd is der ‘nne houp werk aan veuraaf gegaon . Gekeke wuurt in waat veur ‘nne tiëd ’t stök speult en wie weej det gaon aanpakke. Dit jaor doon weej ‘n beroop op de Stichting Stimulans, wao weej de gepaste kleier kóste vinde. Op ‘nne zaoterdaag in september waere dees kleier door de speulers gepas en det alles ónder leiding van Mieke Arts en Paula Nelissen. Ózze dank geit met name oët nao Mieke Arts! Idderen ierste dónderdaag van de maond hebbe weej vergadering, waobeej weej kiëke waat d’r al gedaon is en waat d’r nog mót gebeure. Ózze groep besteit oët nege persoëne wao-ónder de kapster en de rekwisiete. Weej doon dit idder jaor met hiel vuuël plezeer, al hebbe weej tiëdes de veurstellinge ós hand vol um idderein op tiëd gekleid, gekap en geschmienk te kriëge. En netuurlik de rekwisiete op zien plaats te zette! Maar weej hebbe ’t daobeej hiel gezellig ónder mekaar! De Kleier
Neet op de foto: Emelie Dorsers en Hans Heuvelmans
Wae de jeug haet, haet de toekóms!
Ouk dit jaor hebbe weej weer ‘n groep jeugdige speulers in ós veurstelling, aafkómstig van verschillende schoële in ós Bliërick. Baove van links nao rechs: Quinn van Thulden, Sjuul Baur. Guusje Geertsen, Isa Saris, Chlöe van Thulden en Audrey Smeets Ónder van links nao rechs: Jarno van Veggel, Mira Snel, Sjuulke Stikkelbroeck en Sjuulke Hovens. Eur passie en pit zal van de bühne aaf knettere en weej winse eur vuuël speulplezeer!
Alle speulers op ‘n rieke!
Speulersgroep 2019 Beej Gepetto hebbe ze vanalles! Handgemakde meubeltjes, ‘n wasserie en veur al óg kwaole ‘gezónde kruuje’!
Wat ‘n theater!
Neet op de foto: Lonneke van Doorn
DRUKWERK EN MEER
DUURZAAM EN VERANTWOORD
SCHERP EN SNEL
SAMENWERKING EN VISIE
Winkelveldstraat 27, Venlo • +31(0)77 351 61 16 • info@drukkerijknoops.nl • www.drukkerijknoops.nl
Det wuurt gezellig!
Weej gaon same ‘n blökske um! DvdK: Ik heb heej ‘n gesprek met oma en kleindochter. Wat is óg rol in dit stök? Kleindochter: Weej wazele ‘t ganse verhaol aanein. Oma: Zeg, wat dunk dich wiesneus, weej wazele neet, maar weej vertelle wie det vruger is óntstaon heej in Bliërick. DvdK: Dus ‘t is allemaol gebaseerd op echte gebeurtenisse, echte verhaole? Oma: Noow ... weej van de Flarussen neme alles ‘n bietje met ‘n körrelke zalt en det mótte de minse in de zaal ouk doon. Kleindochter: Zeg maar röstig met ‘n pak zalt, dao kinse in de winter de stoep meij schoën make. Oma: Euverdriëf toch neet zoë. Weej vertelle euver ‘n broederschap, die oëtgreujt toet ‘n soort schötterie. En morge is ‘t OLS en ik bin de keuningin. DvdK: Det is interessant!.....En wat duis dich? Kleindochter: Ik draag ‘t bördje en loup veurop. Oma, kin ik noow mien computerspelke aafmake?
DvdK = Dae van de Krant
Marian Berben Oma
Sjuulke Hovens Kleindochter
Sociëteit de Flarussen presenteert ‘t theaterstök
www.flarussen.nl
Hoi, hallo en welkóm! Jacqueline, Hilde, Monique en Jeanneke
Gaer wil ik mich efkes veurstelle: miene naam is Jeanneke van Kempen. Dreej jaor geleje woort ik gevraog of ik de taak van gasvrouw op mich woel neme beej de Flarussen! Det vónd ik ’n hiele iër en dus zei ik volmóndig JAO en woort zoë geliëk lid van de Flarussen. Same met mien collega gasdames Hilde, Jacqueline en Monique, meug ik ouk dit jaor bezeukers welkóm heite beej de veurstellinge en óg begeleide naor de juuste stool. Det is aevel neet ’t enige det weej doon, want veurdet de zaal aope geit, hebbe weej veurbereidinge in de zaal en dan waere ónder andere de bukskes klaorgelag, die weej oëtdeile beej binnekóms. Nao aafloup rume weej de theater-
zaal weer op veur de volgende oëtveuring. Vaerder óndersteune weej verschillende kemissies as det nuuëdig is veur, tiëdes en nao de oëtveuring. Met vraoge kint geej altied beej ós terech! Tiëdes de pauze halde weej alles in de gate en zult geej ós taege-kómme met ‘n kleine versnapering. Diegene die mobiel beperk zien, waere door ós as gasdames van ’n hepke en drenkske veurzeen. Vaerder helpe weej beej de kaartverkoup en zien dökker beej de repetities aanwezig, ter óndersteuning van de speulersgroep. ’n Äövendje Flarussen mót veur idderein as ’n äövendje oët veule en weej haope dao ’n klein bietje aan beej te kinne drage. Weej winse óch van herte welkóm op dees Flarussen oëtveuring!
Geej kómp toch ouk! Deze verdachte wuurt gezoch.
Beloëning 150 florijne
Wae hónger haet kin heej op ‘t plein terech! Ellen Stikkelbroeck Neeltje van ut Hötje
Lonneke van der Koelen Lieske van de Knaok
Amanda Crombag
Christa Jeurissen
Brechje van den Bekker
Leentje van Graat
DvdK: Ik heb heej ‘n gesprek met de Bliërickse middestand. Wat verkoup geej zoëal? Brechje: Weej hebbe ‘n bekkerie en weej verkoupe ‘t lekkerste broëd heej in de buurt. Neeltje: Weej hebbe ‘nne greuntewinkel en beej ós
Haet emus deze persoën gezeen, dan vertel det de Schout.
DvdK = Dae van de Krant
kump de greunte vers van ‘t land, met de hand geplök. Lieske: En beej ós kin idderein ‘n stökske vleis koupe en weej slachte waose beej steis. Leentje: Weej hebbe ‘nne vishandel en weej betrekke dae vis van d’n baetere groët-
handel, oët Vlissinge. Neeltje: Nou, dae Maasvis kump ech neet oët Vlissinge! Brechje: Want dan haet dae toch ‘n flink stök gezwómme. Lieske: En ik kin det neet ech vers neume, want dae ruuk ‘n oor in de wind.
Leentje: Gaon weej katte? DvdK: Dames, dames, röstig! Geej kint met z’n veere ‘nne leuke barbeque regele,…. toch? Brechje: Vruger neumde zeej det ‘boëte börre baove ‘t veur’.
Sociëteit de Flarussen presenteert ‘t theaterstök
www.flarussen.nl
Weej zeen ós!
Van teikening naor decor
Neet op de foto: Hans en Jeroen Heuvelmans Aan de hand van ‘t te speule stök wuurt d’r ‘n idee ontwikkeld veur ‘t decor. Vanoët dit idee waere d’r schetse gemak wat dan oëtintelik resulteert in werkteikeninge veur ‘t te bouwe decor. Heejmei gaon de decorbouwers aan de slaag door ‘n iërste plan te make, ’n materiaalliës same te stelle en te kiëke welke materiale/ decorstökke van vurrige oëtveuringe hergebroek kinne waere.
‘t Is netuurlik ouk belangriek um de kóste zoë beperk meugelik te halde maar toch ‘t gewinste effek te bereike. Vaerder is ‘t belangriek raekening te halde met de aafmaetinge van de decorstökke veur ‘t verveur van werkplaats naor ‘t theater, de huuëgte en breidte van de toegangsdeure van ‘t theater en de aafmaetinge van ‘t podium.
Gojemorge Bliërick en umstreke! DvdK: Wae speult geej in dit stök. Umroper: Ik bin van d’n umroop en mien zandluiperke held d’n tiëd in de gate. Ik veurspel heej ‘t weer en vertel de Bliërickse minse wat de waekelikse aanbiedinge zien van de middestand heej op ‘t plein. Vaerder vertel ik de minse, welke schavuit berech wuurt, in ‘t schandblok kump, of wae d’r opgehange wuurt. En neet ónbelangriëk…, wae d’r gezoch wuurt! DvdK: Nou nou, det zal toch waal meivalle? Umroper: Bliërick wuurt euverspeult met schorriemorrie wat van alles meineemp wat zeej taegekómme. Schout en schepene weite ‘t ouk neet mier. Daag meneer. Gojemorge Bliërick en umstreke!
Ruud Geeraets Umroper
www.flarussen.nl
Taeves deene weej nog te lette op de beschikbaarheid van ‘t aantal te gebroëke trekke (waor decorstökke aan opgehange waere) en op de mobiliteit van de decorstökke um de changemente zoë snel en stil meugelik oët te kinne veure tiedes de veurstellinge. Zoë, det waas ‘nne hiële mond vol, maar ‘t belangriekste is det weej met ózze Techniekgroep met vuuël enthousiasme en plezeer iddere dinsdaagaovend bezig zien um ‘t
DvdK: Ik heb heej ‘n gesprek met volges mich ‘n verleef stel... Robbie: Det kinse waal zegge, jao. Weej zote same op de liegere schoël beej Kloek. Marieke: Allein ... pap wilt det neet, dae is altiëd taege. DvdK: Jao, maar de leefde kinse toch neet taegehalde! Marieke: Leg det mien vader maar ens oët. Pap is de schout heej in Bliërick. Robbie: Maar die Bliërickse minse laote zich niks wiës make. Nae, zien vader en ik, weej waere gen vriendjes. Dvd K: En wie geit det noow vaerder? Robbie: Och, alles kump good en zoë, en weej gaon lekker aan de Majjem ligge!
baovestaonde te realisere en veur alle oëtdaginge ‘n passende oplossing te vinde. Idder jaor lók det en ouk dit jaor prissenteert de Techniekgroep gruuëts ein geweldig decor waorin de speulers zich thoës veule en eur rol kinne oëtvoere. Weej hebbe d’r met plezeer aan gewerk en haope det geej d’r van zult geneete deze aovend.
Pap vindt dit neet good. Pap kin de pot op!
Ivo Haanen Robbie Hutjes
Lisa Peters
Marieke van Bussenmaeker
www.flarussen.nl
Wat ‘n verhaol!
Laot ós maar speule! Jao, ouk gojendaag, leuk, det ik efkes wat schriëve maag gemekkelikker gezag dan gedaon, wil lever lekker örges met mien träötje staon.
Bin eigelik neet de goje vent, um te schriëve euver de Flarussenbend
Laot mich maar de gansen aovend träöte en nao aafloup nog wat alde täöte.
wie leuk ‘t iddere kier is, asse vanaaf ‘t begin beej ‘t óntstaon bis.
Zegge vuuël, weej gaon nao de Flarussen, jao ken want dao hebbe weej idder jaor vuuël jen.
‘t Is neet met wäörd te zegge en dus neet mekkelik oët te legge
Daoveur mót vuuël waere gerippeteerd, haopelik is ‘t ouk dit jaor waer alle vreje tiëd waerd.
Eine van de Flarussenbend
As de minse ‘nne toffe aovend hebbe gehad, veult det veur ós wie ‘n werm bad.
Van ‘n gedachte, ’n idee toet ‘n hiele veurstelling, dit jaor zelfs met ’n matinee.
He, he, verrek, noow bliëk, det ouk alde täöte neet zoë mekkelik is wie ‘t liëk.
M&M Trading Vof Postbus 462 5900 AL Venlo 5900 AL Venlo Veldzuring 55 5913 DR Venlo Tel: 0773547118 Mobiel: 0653372373 Info@menmtrading.nl
De PR wilt publiek en sponsore! Joop Overbeke steit neet op de foto
Beej de PR (Public Relations) wuurt gebroëk gemak van interne en externe communicatie um publieksgroepe te informeren of te beïnvloede met behölp van tekste, advertenties, publiciteit, promoties en speciale gebeurtenisse. Zoë, dae flauweköl hebbe weej gehad! De PR-kemissie mak gebroëk van moderne communicatie zoëas Facebook en Twitter. Ouk probere weej óch via deze krant nao ‘t Raodhoes te kriëge, want as weej iets opveure en d’r zit gen kiep in de zaal, kinne weej net zoë good ‘n stök gaon fietse of met broeder Kloek euver de Crayelhei gaon wandele. Wat ouk waor is: weej kinne niks
zónder sponsore. Veural die dreej dames en Joop halde zich heej mei bezig um die sponsore binne te haole. En det lök eur vreej aardig! Dae meneer met dae bril helt zich bezig met de moderne communicatie, Facebook, Twitter en de Flarussenwebsite. Hae mak ouk de filmkes die ‘t nieje stök aankóndige. Dae griëze meneer rechs helt zich bezig met de alderwetse communicatie. Ózze poster, de kaarte, ‘t programmablaad en deze krant. En as de zaal straks weer lekker vol zit, dan is det dankzij de sponsore en óch. Dan vinde weej, hebbe weej ós werk weer good gedaon!
Ik geluif d’r niks van!
Wandele met broeder Kloek op de Crayelheide (Kreiebös)
In juni is ’t prachtig op die Crayelhei. Veur alle minse die dao nog noëts gewaes zien, wult broeder Kloek waal ’n róndleiding gaeve. In juni steit die hei in volle bleuj, vuuël blome in allerlei kleure: wit, gael, raoze en paars.
‘t Is net ’n paradiës. Broeder Kloek helt dan róndleidinge veur laevesgeneters en mak geregeld ‘nne stop, beejveurbeeld beej elke viefde boum um same ’n glaeske te nuttige. Daobeej zaet hae naodrökkelik det ’t genne kroegetoch wuurt, maar mier
’nne boum- of stroëktoch. En trouwes de meiste haole de 5de boum toch neet mier. Dan zien die al toetelampionnetje. Laot um nao de veurstellinge nog efkes naogenete van zien optraeje en val um neet metein lastig met óg vraoge. Doot det maar rónd
02.30 oor, want dan haet hae ziene agenda nog gans laeg en is hae (weer) neuchter. Neem op d’n daag van de wandeling veur alle zekerheid ‘nne plattegrónd mei, want dan wetse zeker desse ouk thoës kumps.
Weej hebbe miër as allein maar wortele!
Colofon
Schriëvers:
Bernd Stoter Jeanneke van Kempen John Janssen Renée Beelen Marloes van den Ham Rien Meijer Paula Nelissen Hen Jessen Wil Coopmans
Fotografie:
Ben Janssen Sjaak Francken Harold Baur
Grafische vormgaeving: Wil Coopmans
Redactie:
Rien Meijer Wil Coopmans
Drökkerie:
Drukkerij Knoops
Kom kieke en koupe beej Neeltje van ‘t Hötje
Kaarte bestelle!
ALS JE GOED TONEEL WILT ZIEN
Xie eyewear Klaasstraat 23 5911 JN Venlo 077-3541563 xie@xie.nl www.xie.nl
adv_toneel290_19.indd 1
25-07-19 16:06
Admie BV, voor al uw fiscale zaken!
Wuurt gesponsord door:
Neven en Nichten
Adecco Venlo 316 Freshfood 4U Assurantiekantoor Hoeijmakers Imming Horecabenodigheden Luwi Peters Cabooter Herenmode Restaurant “de Cantharel” Scogo Theo en Eef van Asten Fischer Edelstaal H. Kuipers Autobekleding Ooms en Tantes
Almetaal Dhr. A. Nooyen Volvo Roermond BDO Accountants & Adviseurs Bloemsierkunst Jan Grubben Café Feestzaal Boostenhof
Bosman Tandtechnisch Laboratorium Café Zaal Apollo Café ut Midde de Loft 23 Flower Power Blerick Jansen Sales B.V. Nibo Stone Notariskantoor Zuid Peter Hendrickx Uitvaartverzorging PTS Technische service van Heyster Blerick B.V. WD-40 Company Limited ABN AMRO Bank N.V. Café De Baek Maashof Wash-Drive-In Horsterweg BV H3 Group Steegs Onions & Vegetables Glorious Home deco & more
Peetooms en Peettantes
Bekkerie ut Bruedje F.Seuren Drogisterij en Parfumerie Dhr. H. Rongen Sur Meuse Mozaiek Bewindvoering Beste Vaders
Admie B.V. Alcobra GmBh Aluned Zuid BV Carl Spaeter GmbH NE-Metalle Dejond NV Imbali Metals BVBA MG NE Produkthandel GmbH AB Aluminium Metaalketen Zuid B.V.
Facilitair
Bakkerij Pijpers Blerickse krant Drukkerij Knoops B.V. P. Daemen B.V. Raodhoes Niej Jork van Enckevort Berden Mode Arton Dekkleden