წლიური ანგარიში

წლიური ანგარიში

FINTECH ASSOCIATION OF GEORGIA • საქართველოს ფინტექ ასოციაცია

2021

საქართველოს ფინტექ ასოციაცია FINTECH ASSOCIATION OF GEORGIA

1

საქართველოს ფინტექ ასოციაცია FINTECH ASSOCIATION OF GEORGIA

2

საქართველოს ფინტექ ასოციაცია FINTECH ASSOCIATION OF GEORGIA

სარჩევი შესავალი

4

ასოციაციის შესახებ

5

გუნდი

7

ღონისძიებები

11

წევრები და პარტნიორები

21

სამომავლო გეგმები

27

3 3

საქართველოს ფინტექ ასოციაცია FINTECH ASSOCIATION OF GEORGIA

შესავალი

მოგესალმებით, 2008 წლის კრიზისის შემდეგ ფინანსური ტექნოლოგიების ინდუსტრია დიდი ტემპით ვითარდება, ნიშანდობლივია რომ, ბოლო ათწლეულების მანძილზე მობილური ტელეფონის მოხმარება და ინტერნეტ პენეტრაცია რეკორდულად იზრდება, ამის ფონზე კი, ეს დარგი განვითარების სულ უფრო მზარდი ტენდენციით ხასიათდება. 2019 წლის მონაცემებით, მსოფლიო მასშტაბით ფინტექის მიმართულებით განხორციელებული ინვესტიციების მოცულობა, 135 მლრდ აშშ დოლარს აჭარბებს. ფინანსური ტექნოლოგოები (Fintech) ეს არის დარგი, რომლის მიზანია სხვადასხვა ფინანსური პროდუქტების და სერვისების გაციფრულება და მომხმარებლისთვის მიწოდება. ბოლო წლებში საქართველოში შეინიშნება გარკრვეული აქტივობა ფინტექის დარგის განვითარების მიმართულებით, არაერთი ქართული თუ საერთაშორისო კომპანია გამოჩნდა ქართულ ბაზარზე, ასევე აღსანიშნავია საქართველოს ეროვნული ბანკის მიერ გადადგმული ნაბიჯები ფინტექის განვითარების მიმართულებით. აღსანიშნავია, რომ საქართველოს მოსახლეობის იდიდესი ნაწილი აქტიურად მოიხმარს სხვადასხვა ფინტექ პროდუქტებს, თუმცა მათ უმრავლესობას არ სმენია ზოგადად ფინტექის დარგის შესახებ და შესაბამისად არ იციან მისი რეალური სარგებელი და გამოყენების არეალი. სწორედ ზემოთ ხსენებული გარემოებებიდან გამომდინარე, 2020 წელს დაარსდა საქართველოს ფინტექ ასოციაცია, რომელიც წარმოადგენს პირველ არაკომერციულ ორგანიზაციას, რომელიც იცავს საქართველოში არსებული ფინტექ კომპანიების ინტერესებს.

4

საქართველოს ფინტექ ასოციაცია FINTECH ASSOCIATION OF GEORGIA

ასოციაციის შესახებ ჩვენი ხედვა: საქართველოს ფინტექ ასოციაცია წარმოადგენს პირველ არაკომერციულ ორგანიზაციას, რომელიც იცავს საქართველოში არსებული ფინტექ კომპანიების ინტერესებს. ბოლო რამდენიმე წლის განმავლობაში, ფინანსურმა მომსახურებებმა რადიკალური ცვლილებები განიცადა ტექნოლოგიური გადაწყვეტების დანერგვის შედეგად. ჩვენ მტკიცედ გვჯერა, რომ ფინანსური ტექნოლოგიები (Fintech) შეიძლება გახდეს ქვეყნის ეკონომიკის განვითარების მნიშვნელოვანი წინაპირობა, რომლის უამრავი მაგალითი არსებობს თანამედროვე სამყაროში.

ჩვენი მიზნები: • შევქმნათ და განვავითაროთ ფინტექ ეკოსისტემა, გავაძლიეროთ მისი როლი საქართველოს ფინანსურ სისტემაში • დავნერგოთ ტექნოლოგიური ინოვაციები და დავეხმაროთ ფინტექ სტარტაპებს დაფუძნებასა და განვითარებაში • ხელი შევუწყოთ ფინანსური ტექნოლოგიების კომპანიებს შორის თანამშრომლობას, კომუნიკაციას და განვითარებას • შევასრულოთ ფასილიტატორის ფუნქცია ბაზრის მონაწილეებს, დაინტერესებულ პირებსა და მარეგულირებელს შორის • ხელი შევუწყოთ საზოგადოებაში ფინტექის შესახებ ცნობადობის და ფინანსური განათლების დონის ამაღლებას • გავაერთიანოთ ყველა დაინტერესებული პირი თუ ორგანიზაცია, რომელიც ფინტექ დარგში მოღვაწეობს და ერთობლივად შევძლოთ ფინტექის დარგის განვითარება

5

საქართველოს ფინტექ ასოციაცია FINTECH ASSOCIATION OF GEORGIA

ჩვენი სერვისები: ადვოკატირება ადვოკატირება/ინტერესების დაცვა საკონსულტაციო მომსახურება იურიდიული კონსულტაცია ფინტექ მიმართულებით ბიზნეს მოდელირება

კოლაბორაცია საერთაშორისო პარტნიორებთან კომუნიკაცია მენეჯმენტ კონსალტინგი ბაზრის კვლევები

განათლება ტრენინგები დარგის ექსპერტიზა კონფერენციები

6

საქართველოს ფინტექ ასოციაცია FINTECH ASSOCIATION OF GEORGIA

გუნდი: დავით კიკვიძე თავმჯდომარე

ბიზნესის და ტექნოლოგიების უნივერსიტეტის ბიზნესის ადმინისტრირება მენეჯმენტის საბაკალავრო პროგრამის ხელმძღვანელი, მენეჯმენტის ასისტენტ პროფესორი. სხვადასხვა დროს საბანკო და არასამთავრობო სექტორში მრავალწლიანი გამოცდილებით. ამჟამად საქართველოს ფინტექ ასოციაციის სამეთვალყურეო საბჭოს თავმჯდომარე

ლაშა ერედელი ბზარაშვილი სამეთვალყურეო საბჭოს წევრი

DIGITAL FINANCE INTERNATIONAL გენერალური დირექტორი. ლაშას აქვს მრავალწლიანი გამოცდილება ფინანსური ტექნოლოგიების და ფინანსური სერვისების მიმართულებით. იგი ფლობს ოქსფორდის უნივერსიტეტის მაგისტრის ხარისხს ფინანსების დარგში.

7

საქართველოს ფინტექ ასოციაცია FINTECH ASSOCIATION OF GEORGIA

ავთანდილ გელაშვილი სამეთვალყურეო საბჭოს წევრი

ფინანსების პროფესიონალი. გააჩნია 10+ წლიანი გამოცდილება ფინანსური მენეჯმენტის სხვადასხვა მიმართულებებით: შიდა აუდიტი, ფინანსური ანგარიშგების მომზადება, საგადასახადო, კომპლექსური აღრიცხვიანობის სისტემების დანერგვა და ინტეგრაცია, შეფასება, ფინანსური ანალიტიკა, ბიუჯეტირება და მენეჯერული აღრიცხვა. მიმდინარე ეტაპზე ავთანდილი არის კომპანია „ZOODPAY“ - ფინანსური დირექტორი

შოთა კეკელია სამეთვალყურეო საბჭოს წევრი

სალიზინგო კომპანის „MOGO” დირექტორი. შოთას აქვს საბანკო სექტორში მუშაობის მრავალწლიანი გამოცდილება. ამ პერიოდში ეკავებდა სხვადასხვა ტოპ მენეჯერულ თანამდებობებს. ბოლო 6 წელია ხელმძღვანელობს საერთაშორისო ფინანსური კომპანიების წარმომადგენლობებს საქართველოში

8

საქართველოს ფინტექ ასოციაცია FINTECH ASSOCIATION OF GEORGIA

გია ტარიელაძე სამეთვალყურეო საბჭოს წევრი

საერთაშორისო ფინანსური ჰოლდინგის MELIVESA HOLDING ის მმართველი პარტნიორი. გია უკვე მრავალი წელია საქართველოს და ევროპის მსხვილი ფინანსური კომპანიების ტოპ მენეჯმენტის წევრია

გიორგი ჯულაყიძე ოპერაციების მენეჯერი

ფინტექ პროფესიონალი, საფინანსო სექტორში მუშაობის 10 წლიანი გამოცდილებით. გიორგი მუშაობდა წამყვან პოზიციებზე საქართველოს, უნგრეთის და უკრაინის წამყვან ფინანსურ ინსტიტუტებში, სადაც ის ხელმძღვანელობდა ოპერაციების, პროდუქტების და ბიზნესის განვითარების მიმართულებებს.

9

საქართველოს ფინტექ ასოციაცია FINTECH ASSOCIATION OF GEORGIA

ნატალია თორაძე

ადმინისტრაციული მენეჯერი

ბიზნესისა და ტექნოლოგიების უნივერსიტეტის ბიზნესის ადმინისტრირება მენეჯმენტის პროგრამის სტუდენტი. სხვადასხვა დროს გავლილი აქვს სასწავლო კურსები ბიზნესის ადმინისტრირების მიმართულებით ისეთ უნივერსიტეტებში, როგორიც არის Cologne University of Applied Sciences, Henley Business School და Koblenz University of Applied Sciences. ამჟამად ნატალია არის საქართველოს ფინტექ ასოციაციის ადმინისტრაციული მენეჯერი.

10

საქართველოს ფინტექ ასოციაცია FINTECH ASSOCIATION OF GEORGIA

ღონისძიებები: USAID - ის ეკონომიკური უსაფრთხოების პროგრამის ინიციატივით ჩატარებული ფინტექ ფორუმი 2021 წლის 22 აპრილს სასტუმრო Rooms-ში USAID-ის ეკონომიკური უსაფრთხოების პროგრამამ, საქართველოს ეროვნულ ბანკთან და ინოვაციებისა და ტექნოლოგიების სააგენტოსთან პარტნიორობით ფინტექ ფორუმი ჩატარდა, რომელშიც საქართველოს ფინტექ ასიციაციამ მიიღო მონაწილეობა. ფორუმი საქართველოში ფინტექის ეკოსისტემის განვითარების თემას მიეძღვნა. ღონისძიების ფარგლებში გაიმართა პრეზენტაციები და დისკუსია პროგრამის მიგნებებსა და საქართველოს ეროვნული ბანკის გეგმებზე, ფინტექის სექტორის განვითარების შესაძლებლობებსა და პოტენციური კოლაბორაციის პლატფორმების შეთავაზებებზე.

11

საქართველოს ფინტექ ასოციაცია FINTECH ASSOCIATION OF GEORGIA

საქართველოს ეროვნული ბანკის ინოვაციების ოფისის მიერ ორგანიზებული პანელური დისკუსია “ღია ბანკინგის” თემაზე 2021 წლის 21 მაისს საქართველოს ეროვნული ბანკის ინოვაციების ოფისის ინიციატივით, საქართველოს ფინტექ ასოციაციისა და საქართველოს საბანკო ასოციაციის ჩართულობით გაიმართა ვებინარი თემაზე “ღია ბანკინგი” ვებინარზე გამახვილდა ყურადღება ღია ბანკინგის მნიშვნელობაზე, დანერგვის სქემაზე და საუკეთესო საერთაშორისო გამოცდილებაზე. პანელისტებს შორის იყო საქართველოს ფინტექ ასოციაციის თავმჯდომარე, დავით კიკვიძე. ღონისძიების დასასრულს, მონაწილეებს საშუალება მიეცათ, კითხვები დაესვათ უშუალოდ პანელის წევრებისათვის და მათთან ერთად შეეჯამებინათ აღნიშნული ღონისძიება.

12

საქართველოს ფინტექ ასოციაცია FINTECH ASSOCIATION OF GEORGIA

ვებინარი თემაზე “ღია ბანკინგი” 2021 წლის 17 ივნისს საქართველოს საბანკო ასოციაციის ორგანიზებით ჩატარდა მორიგი ვებინარი თემაზე “ღია ბანკინგი.” პანელისტებს შორის იყო თითქმის ყველა წამყვანი კომერციული ბანკი, საქართველოს ეროვნული ბანკი და საქართველოს ფინტექ ასოციაცია. ვებინარზე განხილული იყო უკვე განვლილი ეტაპების გამოცდილება, გამოწვევები და მიღწეული შედეგები, ასევე სამომავლო გეგმები და ხედვები. ღონისძიების დასასრულს, მონაწილეებს საშუალება მიეცათ, კითხვები დაესვათ უშუალოდ პანელის წევრებისთვის და მათთან ერთად შეეჯამებინათ აღნიშნული ღონისძიება.

13

საქართველოს ფინტექ ასოციაცია FINTECH ASSOCIATION OF GEORGIA

ქართული ფინტექ კომპანიების შოუქეისი 2021 წლის 29 ივნისს ფაბრიკაში, სტარტპ ბიურომ და კრედო ბანკმა, საქართველოს ეროვნულ ბანკთან და საქართველოს ფინტექ ასოციაციასთან თანამშრომლობით, ჩაატარა სპეციალური ღონისძიება, სადაც აუდიტორიის წინაშე წარსდგა 5 ქართული ფინტექ სტარტაპი და ამასთან ერთად, გაიმართა პანელური დისკუსია, სადაც საქართველოს ფინტექ ასოციაციის თავმჯდომარემ საქართველოში ფინტექ დარგის გამოწვევებზე და შესაძლებლობებზე ისაუბრა, ასევე ხაზი გაესვა ფინტექის დარგის ცნობადობის ამაღლებას საზოგადოებაში.

14

საქართველოს ფინტექ ასოციაცია FINTECH ASSOCIATION OF GEORGIA

ფინტექ სტარტაპების შოუქეისი: • Optio.AI - შოთა გიორგობიანი, თანადამფუძნებელი და დირექტორი • Payze - გეგა წურწუმია, თანადამფუძნებელი და თანადირექტორი •

Fundraiser.ge - ირო ცაგარეიშვილი, თანადამფუძნებელი

•

Bizon.ge - სალომე ღუდუშაური, თანადამფუძნებელი და ტექნიკური დირექტორი

•

Kernel - ბექა დალაქიშვილი, თანადამფუძნებელი და დირექტორი

15

საქართველოს ფინტექ ასოციაცია FINTECH ASSOCIATION OF GEORGIA

პანელური დისკუსია: ფინტექი შემდეგი მილიარდი მომხმარებლისთვის - როგორ გავაციფრულოთ სოფლის ტიპის დასახლებები

პანელისტები: • Bizon.ge - ბექა ვახტანგიშვილი, თანადამფუძნებელი და კომერციული დირექტორი • Kalo - ლევან იოსებაშვილი, აღმასრულებელი დირექტორი • საქართველოს ეროვნული ბანკი - ვასილ შენგელია, ღია ბანკინგის ხელშეწყობისა და საკრედიტო მონაცემთა მართვის ზედამხედველობის განყოფილების უფროსი • საქართველოს ფინტექ ასოციაცია - დავით კიკვიძე, თავმჯდომარე • კრედო ბანკი - თემურ მაჭარაშვილი, ციფრული არხებისა და დაკრედიტების განყოფილების უფროსი

16

საქართველოს ფინტექ ასოციაცია FINTECH ASSOCIATION OF GEORGIA

“ციფრული ტრანსფორმაციის” კონსორციუმის პრეზენტაცია

საქართველოს

2021 წლის 9 ივნისს საქართველოს 40-მდე დიდი და საშუალო ტექნოლოგიური, საკონსულტაციო, დარგობრივი ასოციაციებისა და საგანმანათლებლო დაწესებულებების ინიციატივით შეიქმნა “ციფრული ტრანსფორმაციის” საქართველოს კონსორციუმი, რომლის ჯგუფის წევრია საქართველოს ფინტექ ასოციცია. კონსორციუმის მიზანია საქართველოს ციფრული ტრანსფორმაციის, საჯარო ელექტრონული სერვისების ეკოსისტემის განვითარება და ქვეყნის საერთაშორისო ინოვაციური საექსპორტო პოტენციალის ზრდის ხელშეწყობა.

17

საქართველოს ფინტექ ასოციაცია FINTECH ASSOCIATION OF GEORGIA

სამუშაო ვორქშოფი ღია პრინციპებთან დაკავშირებით

ბანკინგში

ჩართვის

2021 წლის 12 ნოემბერს საქართველოს ფინტექ ასოციაციის ინიცირებით და ასოციაციის პარტნიორი საკონსულტაციო კომპანია GEC Consulting-ის მხარდაჭერთით ჩატარდა სამუშაო შეხვედრა/ვორქშოფი ღია ბანკინგში ჩართვის პრინციპებთან დაკავშირებით

სამუშაო შეხვედრაზე განხილული იქნა ასოციაციის წევრი ფინტექ კომპანიების ღია ბანკინგში ჩართვის პრინციპების შესაძლებლობები და გამოწვევები.

18

საქართველოს ფინტექ ასოციაცია FINTECH ASSOCIATION OF GEORGIA

ციფრული პროდუქტების გამოფენა 2021 წლის 9 დეკემბერს საქართველოს ფინტექ ასოციაციამ (FIA) მცირე და საშუალო მეწარმეობის განვითარების ასოციაციასთან ერთად (SMEDA) ჩაატარა დისტანციური ღონისძიება “ციფრული პროდუქტების გამოფენა.” ZOOM-ის პლათფორმაზე. ღონისძიების ფარგლებში საქართველოს ფინტექ ასოციაციის წევრმა წამყვანმა ფინტექ კომპანიებმა წარმოადგინეს საკუთარი პროდუქტებისა და სერვისების შესახებ პრეზენტაციები. წარმოჩენილი იქნა საშუალებები, რომელთა გამოყენებითაც შესაძლებელია ბიზნესის გაციფრულება. გაიმართა Networking სესიები და მოხდა საკომუნიკაციო პლატფორმის ჩამოყალიბება, რათა მომხდარიყო მცირე და საშუალო ბიზნესის და ფინტექ კომპანებს შორის შესაძლო თანამშრომლობის ჩამოყალიბება.

19

საქართველოს ფინტექ ასოციაცია FINTECH ASSOCIATION OF GEORGIA

ღონისძიებას დაესწრო საქართველოს ფინტექ ასოციაციის და მცირე და საშუალო მეწარმეობის განვითარების ასოციაციის 60-ზე მეტი წევრი ორგანიზაცია. ღონისძიების მიზნები იყო: • ფინტექის დარგის პოპულარიზაცია • მცირე და საშუალო ბიზნესების გაციფრულების ხელშეწყობა • ფინტექ პროდუქტებისა და სერვისების პოპულარიზაცია • მცირე და საშუალო ბიზნესების და ფინტექ კომპანიების თანამშრომლობის ხელშეწყობა • NETWORKING და საკომუნიკაციო პლატფორმის ჩამოყალიბება

20

საქართველოს ფინტექ ასოციაცია FINTECH ASSOCIATION OF GEORGIA

წევრები და პარტნიორები წევრები: დღეს საქართველოში 30 მდე ფინტექ კომანია ოპერირებს, მიუხედავად მცირე რაოდენობისა, ქართული ფინტექ ეკოსისტემა მრავალფეროვნებით გამოირჩევა. ბაზარზე წარმოდგენილნი არიან ფინტექის თითქმის ყველა მიმართულების კომპანია, რაც ვფიქრობთ რომ ძალიან მნიშვნელოვანია დარგის განვითარების თვალსაზრისით. ასევე აღსანიშნავია, რომ კომპანიები, არამხოლოდ ქართულ ბაზარზე ოპერირებენ, არამედ საერთაშორისო ბაზრებზეც აქტიურად ვითარდებიან, ამ მხრივ განსაკუთრებით ხაზგასასმელია კომპანიების გაფართოვება უზბეკეთის და ყაზახეთის ბაზრებზე. ქართული ფინტექ კომპანიების უმრავლესობა საქართველოს ფინტექ ასოციციაციის წევრია. 2021 წლის განმავლობაში ასოციაციაში გაწევრიანდა 13 ფინტექ კომპანია. ასოციაცია აგრძელებს ორგანიზაციებთან მოლაპარაკებებს, იმისთვის, რომ რაც შეიძლება მეტი ორგანიზაცია გაწევრიანდეს ასოციაციაში და ერთობლივი ძალებით შევქმნათ საქართველოს ფინტექ ეკოსისტემა.

21

საქართველოს ფინტექ ასოციაცია FINTECH ASSOCIATION OF GEORGIA

OPPA უნივერსალური ელექტრონული საფულე, რომელიც ფულის მარტივად მართვაში ეხმარება მომხმარებელს. OPPA-ს საიმედო დაცულ სივრცეში მარტივად შესაძლებელია პრაქტიკული ფინანსური სერვისებით სარგებლობა, მათ შორის: გადახდა, გადარიცხვა და ფულის დაგროვება.

PAYZE ელექტრონულ კომერციაზე ორიენტირებული კომპანია, რომელიც ინოვაციური ტიპის ტრანზაქციების მეშვეობით ამუშავებს ფულადი ნაკადების გადაადგილებას და ეხმარება ბიზნესს მიიღოს გადახდები მსოფლიოს ნებისმიერი წერტილიდან მარტივი ინტეგრაციის გზით. კომპანია Payze არის GITA, 500 Startup, VISA და სხვა საგრანტო პროგრამების გამარჯვებული.

MOGO საერთაშორისო ჯგუფ „Eleving“-ში შემავალი კომპანია. Eleving ჯგუფი აერთიანებს საერთაშორისო და სწრაფად მზარდ ტექნოლოგიურ კომპანიებს და ოპერირებს 3 კონტინენტზე სატრანსპორტო საშუალებებისა და სამომხმარებლო დაფინანსების მიმართულებით. MOGO სთავაზობს ლიზინგს ფიზიკურ და იურიდიულ პირებს ავტომობილის შესაძენად, გაუთვალისწინებელი ხარჯებისთვის ან ყოველდღიური საჭიროებისთვის. კომპანიის მიზანია მომხმარებელთან ურთიერთსასარგებლო თანამშრომლობა, რომელიც მიიღწევა მომსახურებაზე სრული ინფორმაციის მიწოდებით და თითოეულ მომხმარებელთან ინდივიდუალური მიდგომით.

CITYPAY ციფრული გადახდების მიღების საშუალება ბიზნესებისთვის, რომელიც მათ სთავაზობს გადახდების მიღებას კრიპტოვალუტით. CityPay ქმნის გადახდების მიღების მარტივ შესაძლებლობას და სთავაზობს ბიზნესებს მომხმარებლების გადახდის მიღების არხის შექმნას, სადაც გადახდა მომხმარებლის საფულედან ტრანზაქციით ან უნიკალური QR კოდის სკანირებით არის შესაძლებელი.

22

საქართველოს ფინტექ ასოციაცია FINTECH ASSOCIATION OF GEORGIA

SIGNIFY პირველი ელექტრონული ხელმოწერების პლატფორმა საქართველოში, რომელიც დოკუმენტის ელექტრონულ ხელმოწერასთან დაკავშირებულ პროცესებს აერთიანებს ერთ სივრცეში.

KERNEL მარტივი ინვოისირებისა და ფინანსური ხელსაწყოების პლატფორმა, სადაც შესაძლებელია ავტომატურად სახელფასო სისტემის მართვა, ინვოისების გენერირება, ინვოისის შაბლონების და მიღება-ჩაბარების აქტის შაბლონების შექმნა, ასევე მოიცავს ფინანსურ და საგადასახადო კალკულატორებს.

SPACE პირველი სრულად ციფრული ბანკი საქართველოში, რომელიც მომხმარებელს სრულად ციფრული არხების მეშვეობით სთავაზობს ყველა საბანკო სერვისს, მათ შორის, როგორც საკრედიტო, ისე არასაკრედტო პროდუქტებსა და სერვისებს.

KVALIFIKA ინოვაციური კომპანია, რომელიც შესაძლებელებლობას ქმნის მოხდეს მომხმარებლის იდენტიფიცირება დისტანციურად, მყისიერი და მარტივი ვინაობის გადამოწმების საშუალებით, კერძოდ 3D ბიომეტრიის მეშვეობით შედგეს მომხმარებლის ბიომეტრიული შაბლონი და შედარდეს მის პირადობის დოკუმენტზე არსებულ სურათთან. მათი პროდუქტები მოიცავს: სიცოცხლისა და ასაკის შემოწმებას, დოკუმენტის შემოწმებას, ელექტრონულ ხელმოწერებს და sophisticated dashboard-ს.

MYFAZENDA პლატფორმა myfazenda.eu (ციფრული სოფელი), ინოვაციური მიდგომებით აკავშირებს ერთმანეთთან მიწის მესაკუთრეებს, ფერმერებს, ლოგისტიკურ კომპანიებს, კაპიტალის მფლობელებს და მრავალ დარგობრივ სუბიექტებს.

23

საქართველოს ფინტექ ასოციაცია FINTECH ASSOCIATION OF GEORGIA

GEOPAY კომპანიებს სთავაზობს ტექნიკურ, დაევტექნოლოგიურ მხარდაჭერას ელექტრონული კომერციის მიმართულებით. კომპანიის მიზანია ხელი შეუწყოს საქართველოში ელექტრონული კომერციის განვითარებას და დაიკავოს მოწინავე პოზიციები ინტერნეტ გადახდებთან დაკავშირებული ხარისხიანი პროგრამული უზრუნველყოფის წარმოებაში.

EMONEY პირველი ქართული მულტისავალუტო ელექტრონული საფულე, რომელიც მომხმარებელს სთავაზობს, მარტივი და სწრაფი გადახდების შესრულებას, კომფორტული და დაცული ალტერნატივის შეთავაზების საფუძველზე, ხოლო იურიდიულ პირებს კი ბიზნესის გაციფრულებას, თანამედროვე გადახდის ინსტრუმენტების გამოყენებით.

CRYPTAL წარმოადგენს ფინანსური სერვისების კომპანიას, რომელიც შესაძლებელს ხდის კრიპტოვალუტების სწრაფად, მარტივად და უსაფრთხოდ ყიდვასა და გაყიდვას. კომპანია ქმნის ფინანსურ პროდუქტებს, რომლებიც ეხმიანება მომავლის ტექნოლოგიებს, ითვალისწინებს მომხმარებლის მოთხოვნებს და ხასიათდება სანდოობითა და უსაფრთხოებით.

NEOLLET წარმოადგენს ელექტრონულ საფულეს, რომელიც მომხმარებელს საშუალებას აძლევს ნეოლეთის ელექტრონულ სისტემაში უსაფრთხოდ და მარტივად აწარმოოს სხვადასხვა ტიპის ფინანსური ოპერაციები. კომპანია საგადახდო მომსახურების ბაზარზე გამოირჩევა მაღალი ხარისხის მომსახურებით, მაღალტექნოლოგიური გადაწყვეტილებითა და ინოვაციური ბიზნეს პროცესებით. მომხმარებელი, ნეოლეთის ბიზნესის ცენტრალური ნაწილია, რაც კარგად არის ასახული კომპანიის განვითარების სტრატეგიაში.

24

საქართველოს ფინტექ ასოციაცია FINTECH ASSOCIATION OF GEORGIA

პარტნიორები საქართველოს ფინტექ ასოციაციამ 2021 წლის განმავლობაში დარგის განვითარების ჭრილში აქტიურად მუშაობდა სხვადასხვა მიმართულებით, რომლის ფარგლებში დამყარდა თანანშრომლობა სხვადასხვა კომპანიებთან, გაფორმდა ურთიერთანამშრომლობის მემორანდუმები მნიშვნელოვან პარტნიორებთან, მათ შორის: ბიზნესისა დატ ტექნოლოგიების უნივერსიტეტთან, საქართველოს ინოვაციებისა და ტექნოლოგიების სააგენტოსთან, GEC სისტემურ ბიზნეს კონსალტინგთან, Evolver-თან, SMEDA - მცირე და საშუალო ბიზნესის განვითარების ასოციაციათან. ასოციაცია აგრძელებს მუშაობას პარტნიორული ქსელის განვითარების მიმართულებით და აქტიურად აწარმოებს მოლაპარაკებებს სხვადასხვა, როგორც ადგილობრივ ისე საერთაშორი კომპანიებთან.

25

საქართველოს ფინტექ ასოციაცია FINTECH ASSOCIATION OF GEORGIA

ასევე, ამავე წელს მემორანდუმი გაფორმდა ორ უმსხვილეს საერთაშორისო ფინტექ ორგანიზაციასთან: FINDEXABLE და FINNOVATING. კომპანიებთან თანამშრომლობის ფარგლებში მოხდა ჩვენი წევრი კომპანიების საერთაშორისო ფინტექ პლატფორმის findexeble -ის მსოფლიო ფინტექ ეკოსისტემის რუკაზე მონიშვნა.

26

საქართველოს ფინტექ ასოციაცია FINTECH ASSOCIATION OF GEORGIA

სამომავლო გეგმები: როგორც მოგეხსენებათ, ასოციაციის ძირითად მიზანს წარმოადგენს ფინტექის დარგის განვითარება, რისთვისაც 2022 წლისთვის იგეგმება სხვადასხვა ღონისძიებები. მათ შორის უმნიშვნელოვანეს მიმართულებას წარმოადგენს “ღია ბანკინგის” სარეგულაციო ჩარჩოს მომზადებაში აქტიური ჩართულობა, რომლის ფარგლებში აქტიურად გავაგრძელებთ თანამშრომლობას საქართველოს ეროვნულ ბანკთან. გარდა ამისა, მომავალ წელს საქართველოს პარლამენტის მიერ უნდა დამტკიცდეს “ელექტრონული კომერციის შესახებ კანონპროქტი,” რომლის შემუშავება განპირობებულია ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმებით (DCFTA) შუალედური სერვის ოპერატორების (ISP) უფლებებისა და ვალდებულებების საქართველოს კანონმდებლობით განსაზღვრის შესახებ აღებული ვალდებულებით. კანონპროექტის დამტკიცების შემდეგ უნდა მოხდეს სტანდარტების და პრინციპების შემუშავება, რაც მოექცევა საქართველოს ეროვნული ბანკის რეგულირების ქვეშ, ხოლო ამ კუთხით საქართველოს ფინტექ ასოციაცია აქიურად ჩაერთვება ხსენებული სტანდარტების და პრინციპების შემუშავების ეტაპზე.

2022 წლის დასაწყისში, საქართველოს ეროვნულ ბანკთან თანამშრომლობით დაიგეგმება მორიგი ღონისძიება “ღია ბანკინგი”-ს თემასთან დაკავშირებით, რომელიც მიეძღვნება ფინტექ კომპანიების ჩართვას ღია ბანკინგში, სამომავლო პერსპექტივებს და შესაძლბელობებს. ასევე, მომავალ წელს იგეგმება მასშტაბური ჰაკათონის ორგანიზება, ამჟამად, უკვე დაწყებულია მოლაპარაკებები პოტენციურ დონორებთან და პარტნიორებთან. ჰაკათონის მიზანი იქნება ფინანსური ტექნოლოგიების სხვადასხვა მიმართულებით ინოვაციური ტექნოლოგიური გადაწყვეტების და პროდუქტების შექმნა, ასევე ფინანსური ტექნოლოგიების პუპულარიზაცია და ცნობადობის ამაღლება. გარდა ამისა პროექტის ერთ-ერთი მთავარი მიზანი იქნება ახალგაზრდა ტალანტების აღმოჩენა, რომლებსაც მიეცემათ შესაძლელობა იმუშავონ რეალური პრობლემის გადაწყვეტაზე, რომელიც დაეხმარება სხვადასხვა ორგანიზაციებს პროდუქტების და სერვისების გაუმჯობესებაში, ახალი ტალანტების აღმოჩენაში და მათ დასაქმებაში. მომვალი წლის მიზნებში მნიშვნელოვანი ადგილი დაეთმობა ასოციაციის წევრების და პარტნიორების გაფართოვებას, ასევე საერთაშორისო სივრცეში ინტეგრაციას და პარტნიორების მოძიებას. გარდა ამისა, საქართველოს ფინტექ ასოციაცია, თავის წევრ და პარტნიორ ორგანიზაციებთან ერთად დაგეგმავს სხვადასხვა ღონისძიებებს, რომელიც მიმართული იქნება ფინტექის დარგის განვითარებისკენ და ეკოსისტემის ჩამოყალიბებისკენ.

27