GIOVANNI ALARCON

Giovanni Alarcon kanyang lalamunan. Ang isip niya’y lango sa mga sinabi ni Damian. Hindi man buo ang mga nakuha niyang impormasyon ay sapat na iyon upang mabuksan ang kanyang isipan. Ang tanong ay kung papaano niya iyon iapapalam sa katabi.

Galit ito sapagkat ang iniisip nito ay nakipagkita siya kay Damian pagkatapos ng ginawa nitong kapahangasan sa kanya.

Humimpil ang sasakyan sa isang parking lot. Hindi namalayan ni Amber na nakatulog siya sa pag-iisip. Unang bumaba si Giovanni at nang natanggal na niya ang buckle ay nabuksan na nito ang pinto at marahas siya nitong hinila palabas. Nasasaktan man ay hindi siya kumibo.

Alam niyang iba ang iniisip nito sa kanya.

Nang makapasok sa condo ay pabalabag nitong isinara ang pinto. Pinaupo siya nito sa sofa. Tingin ni Amber ay nasa isang pad sila na pag-aari ni Giovanni.

Tumuloy ang binata sa kusina at binuksan nito ang cabinet na naglalaman ng wine. Hindi na ito nagsalin pa sa baso. Kusa nitong nilagok iyon at doon siya parang natauhan sa ikinikilos ni Giovanni kaya nilapitan niya ito kaagad at inabutan ng papel at lapis.

139