26ain Mehefin Wrecsam
Cynhadledd Busnesau Bach Gogledd Cymru FfBB 2025
Noddwyr y Gynhadledd
Hoffem ddiolch yn ddiffuant i’n holl noddwyr am eu cefnogaeth hael, sydd wedi bod yn allweddol wrth wneud y digwyddiad hwn yn bosibl.
Event Opening 9:00 9:30 9:35 9:40
Cofrestru a choffi
Agor y Gynhadledd Gemma Casey, Business News Wales
Croeso John Hurst, Cadeirydd FfBB Cymru
Tony Fish Y Weinyddiaeth Amddiffyn (MOD)
Sesiwn 1: Croeso i Wrecsam! 9:45 9:50 10:20 10:35 10:50 11:00
Fideo – Cân i Wrecsam Ysgol Uwchradd Rhiwabon
Joe Bickerton Rheolwr Cyrchfannau CBS Wrecsam
Steven Hesketh Prif Weithredwr The Hospitality Hero & Savvy Hotel Group
Laura Gough & Sasha Kenney Tîm Menter Prifysgol Wrecsam
Cwestiynau ac Atebion
Egwyl – cyfle i ymweld ag arddangoswyr
Sesiwn 2: Gwneud y Mwyaf o’ch Gwerthiant 11:30 12:45
Rhys Parry The Money Monk
Julian Whiting Trefnydd Apwyntiadau
Aaron Sussex Sales Geek UK
Cinio a Rhwydweithio. Cyfle i ymweld ag arddangoswyr
Sesiwn 3: Pam mae Eiddo Deallusol yn bwysig i bob busnes 14:00 15:20 15:10 15:20
Ydych chi’n meddwl nad yw’r Swyddfa Eiddo Deallusol yn berthnasol i chi?
Meddyliwch eto!
Emma Richards IPO
Yr Athro Joe Yates Is-Ganghellor Prifysgol Wrecsam
Crynodeb a diolch Ben Cottam
Gorffen
Cyflwynydd
Gemma Casey Editor of Business News Wales
Gemma yw Golygydd y cwmni cyfryngau a chyfathrebu annibynnol Business News Wales. Dechreuodd ei gyrfa mewn newyddiaduraeth gyda phapurau newydd lleol a daeth yn Olygydd Cymru ar gyfer y Press Association cyn ymuno â BBC Cymru, lle bu’n gweithio ym maes radio, newyddion teledu a materion cyfoes. Yna arweiniodd raglen beilot mewn darlledu lleol a oedd yn ceisio profi sut y gallai’r cyfrwng gefnogi busnesau bach a chanolig yn yr ardaloedd hynny.
Treuliodd ddegawd gydag un o fanciau’r stryd fawr, yn gofalu am gysylltiadau cyhoeddus rhanbarthol, yn ogystal â chynnal digwyddiadau ar gyfer busnesau o bob maint ac ym mhob sector, gan arwain ar ei raglenni cymorth ar gyfer busnesau bach a chanolig, gyda ffocws penodol ar fentrau ar gyfer menywod mewn busnes ac entrepreneuriaid o blith lleiafrifoedd ethnig.
Mae Gemma yn eiriolwr angerddol dros fusnesau bach a chanolig, rhywbeth y mae hi’n ei briodoli i dyfu i fyny gyda busnes bach yng Nghymoedd De Cymru, a oedd yn eiddo i’w theulu am bedair cenhedlaeth.
Mae Business News Wales yn llwyfan cyfryngau digidol annibynnol sy’n ymroddedig i ddarparu newyddion a dadansoddiadau deallus, wedi’u targedu at gymuned fusnes Cymru. Maent yn cysylltu sefydliadau, llunwyr polisi ac entrepreneuriaid trwy greu deunydd, ymgyrchoedd a digwyddiadau penodol i’r sector sy’n hyrwyddo twf economaidd cynaliadwy ledled Cymru.
Gyda thîm o newyddiadurwyr a storïwyr wedi’u lleoli ym mhob rhanbarth o Gymru, mae eu llwyfannau, eu gwasanaethau cyfathrebu a’u rhwydweithiau dosbarthu sydd wedi’u targedu’n fanwl yn cynnig datrysiad siop-un-stop profedig, sydd wedi’i gysylltu’n strategol i gleientiaid ar gyfer sectorau busnes yng Nghymru a thu hwnt.
Siaradwr
John Hurst
Cadeirydd FfBB Cymru
Gwybodaeth am y Cwmni:
Mae John yn gyd-gyfarwyddwr Gwasanaethau TG B2B sydd wedi’u lleoli yng Nghaerdydd. Llwyddodd ef a’i bartner busnes, fel rheolwyr, i brynu’r cwmni yn 2016, ac ers hynny maent wedi adeiladu tîm sy’n rhannu eu gweledigaeth ar gyfer rhagoriaeth mewn TG. Mae’r busnes wedi mynd o nerth i nerth ac mae bellach yn gweithredu o swyddfeydd yng Nghaerdydd, Torfaen, a Bryste.
Mae John wedi gweithio o’r blaen ar draws gweithgynhyrchu, technoleg, a gwasanaethau proffesiynol, gan roi persbectif eang iddo ar realiti rhedeg busnes. Ar ôl treulio blynyddoedd yn gweithio ym maes masnach ryngwladol, gan allforio i dros 100 o wledydd, mae’n deall yr heriau o dyfu busnes mewn byd lle na ellir rhagweld beth sy’n mynd i ddigwydd nesaf.
Astudiodd John Astudiaethau Busnes ym Mhrifysgol Metropolitan Caerdydd cyn ennill MBA gyda rhagoriaeth o Ysgol Fusnes Prifysgol Caerdydd.
Yn ogystal â bod yn berchennog busnes, mae’n ŵr ac yn dad sydd â chariad dwfn at Gymru - ei phobl, ei thirweddau, ac egni ei chymuned fusnes. Mae John hefyd wedi bod yn llais gweithredol ym myd busnes a pholisi ers blynyddoedd. Mae wedi bod yn aelod o Uned Bolisi Cymru’r FfBB ers saith mlynedd ac wedi cynrychioli’r FfBB ar y Bwrdd Cynghori ar Brentisiaethau a benodwyd gan y Gweinidog am bum mlynedd. Mae hefyd wedi dal swyddi eraill ar y bwrdd ac wedi rhoi tystiolaeth i Bwyllgor Cyfrifon y Senedd, gan ddod â’i brofiad a’i fewnwelediad i helpu â llunio polisïau sy’n cefnogi busnesau bach.
Siaradwr
Joe Bickerton
Rheolwr Twristiaeth ‘Dyma Wrecsam’
Wrecsam – Sut Gwnaethom ni Ymateb Pan Wnaeth Hollywood Alw Heibio!
Yn 2021, roedd Wrecsam a gweddill Cymru yn dal i ddioddef effeithiau’r pandemig. Roedd lletygarwch yn wynebu’r dasg enfawr o ailadeiladu ac roedd hyder ymwelwyr ar ei isaf erioed. Cyn y cyfnod hwn, roedd Wrecsam wedi bod ar lwybr tuag at lwyddiant i ryw raddau, ond dim byd tebyg i’r hwb a gafodd pan gymerodd dau o sêr Hollywood awenau clwb pêl-droed y ddinas ym mis Hydref y flwyddyn honno. Darparodd y 3 blynedd nesaf llwyfan ar gyfer buddsoddiad, twf yn nifer yr ymwelwyr a hyder ar raddfa wahanol...
Gwybodaeth am y Cwmni:
Dechreuodd Joe yn ei swydd fel Rheolwr Twristiaeth gyda Chyngor Bwrdeistref Sirol Wrecsam yn 2011, ac mae’n gyfrifol am gyflawni ‘Cynllun Rheoli Cyrchfannau’ y sir.
Yn y rôl hon, mae Joe yn goruchwylio’r holl weithgaredd Rheoli Cyrchfannau a marchnata economi ymwelwyr ar gyfer Wrecsam a Gogledd-ddwyrain Cymru, yn ogystal â gweithio’n llwyddiannus gyda nifer o bartneriaid i ddatblygu’r sector twristiaeth, ac eistedd ar Fwrdd Twristiaeth Rhanbarthol Gogledd Cymru.
Mae’r tîm yn ‘Dyma Wrecsam’ yn angerddol am gysylltu’r holl leoedd gwych sy’n gwneud yr ardal yr hyn ydyw, gan arddangos y bobl a’r cynhwysion sydd y tu ôl i brofiadau gwych ar gyfer ymwelwyr. O’r atyniadau mawr i’r busnesau lletygarwch bach annibynnol a’r gemau cyfrinachol gorau sy’n haeddu cydnabyddiaeth, i helpu â chefnogi entrepreneuriaid newydd sy’n gweld Wrecsam fel man i ffynnu.
Mae sefydlu Wrecsam yn effeithiol fel cyrchfan y mae’n rhaid ymweld â hi yng Nghymru wedi bod yn brosiect allweddol i Joe, gyda’i ymrwymiad i hyfforddiant a meithrin gallu o fewn y sector twristiaeth lleol wedi grymuso busnesau i wella’r hyn maen nhw’n ei gynnig, gan hybu manteision economaidd ymhellach i’r gymuned. Mae’n dal ati i sicrhau bod Cyngor Bwrdeistref Sirol Wrecsam yn parhau i fod yn gystadleuol yn y farchnad dwristiaeth sy’n esblygu’n barhaus.
www.thisiswrexham.co.uk www.linkedin.com/in/joebickerton www.linkedin.com/company/this-is-wrexham www.facebook.com/ThisIsWrexham/?locale=en_GB
Siaradwr
Steven Hesketh
Prif Weithredwr The Hospitality Hero & Savvy Hotel Group
Y Ffordd Ymlaen gyda Gwesty Wrecsam
Yn y sesiwn hon bydd Steven yn trafod popeth sy’n ymwneud â thwristiaeth yn Wrecsam, o pam y bu iddo ymwneud â’r lle am y tro cyntaf a phrynu gwesty yno, i’r cynlluniau hirdymor sydd ar waith a’r awydd i gydweithio â busnesau eraill yn Wrecsam.
Gwybodaeth am y Cwmni:
Mae Steven Hesketh FIH yn arweinydd byd-eang ym maes lletygarwch, yn enillydd nifer o wobrau, ac yn awdur sydd ar fin cael ei gyhoeddi.
Gyda thros 30 mlynedd o brofiad ar draws gwestai, bwytai, digwyddiadau a gwyliau, mae’n gadeirydd Lletygarwch Caer, yn Is-gadeirydd Lletygarwch Lerpwl, ac yn Gyd-gadeirydd Lletygarwch (Gogledd) y DU. Mae ei bortffolio’n cwmpasu chwe eiddo ar draws Glannau Merswy, Swydd Caer, a Gogledd Cymru, ac mae’n drefnydd y DevaFest, sy’n denu 25,000+ o fynychwyr:
Sefydlodd hefyd The Hospitality Hero i hyrwyddo gyrfaoedd ym maes lletygarwch, a chefnogi, hyfforddi ac ysbrydoli cenedlaethau’r dyfodol. hotelwrexham.co.uk www.linkedin.com/in/steven-hesketh-fih-301a3714 www.facebook.com/HotelWrexham
Laura Gough Tîm Menter Prifysgol Wrecsam
Prifysgol Wrecsam: Menter ar Waith
Yn y sesiwn hon bydd Laura yn archwilio sut mae’r Brifysgol yn cefnogi twf busnes, arloesedd a chydweithio ledled Gogledd Cymru a thu hwnt. Bydd hi’n trafod sut mae’r Tîm Menter yn helpu sefydliadau o bob maint i gael mynediad at dalent, gwybodaeth a chyllid, yn ogystal ag adeiladu partneriaethau ystyrlon ag effaith hirdymor. P’un a ydych chi’n fusnes bach newydd neu’n sefydliad byd-eang, gallwch ddarganfod sut y gall Prifysgol Wrecsam weithio gyda chi i gefnogi twf ac arloesedd.
Gwybodaeth am y Cwmni:
Mae Laura yn arwain cyfeiriad strategol gweithgaredd menter ym Mhrifysgol Wrecsam, gan ysgogi ymgysylltiad â busnes a datblygu partneriaethau effeithiol. Gyda chefndir cryf mewn arloesedd, cyfnewid gwybodaeth a datblygu busnes, mae Laura yn gweithio ar draws sectorau i gysylltu diwydiant ag arbenigedd, talent ac adnoddau prifysgol.
Mae Prifysgol Wrecsam yn chwarae rhan ganolog yn ecosystem busnes Gogledd Cymru, gan arbenigo mewn ymgysylltu ymarferol yn y byd go iawn - gan gynnig cefnogaeth wedi’i theilwra trwy’r meysydd ffocws canlynol: Trosglwyddo Gwybodaeth ac Arloesedd, Entrepreneuriaeth, Datblygiad Proffesiynol Parhaus a Sgiliau, a Dysgu sy’n Gysylltiedig â Gwaith. Eu nod yw helpu busnesau i dyfu, arloesi a llwyddo trwy gydweithio ystyrlon.
wrexham.ac.uk/business www.linkedin.com/company/wrexham-business-engagement www.facebook.com/enterprisewu
Siaradwr
Sasha Kenney
Tîm Menter Prifysgol Wrecsam
Y Tu Hwnt i Gynlluniau Busnes: Gwreiddio’r Meddylfryd
Entrepreneuraidd mewn Addysg
Yn y sesiwn hon, bydd Sasha yn tynnu sylw at sut mae Prifysgol Wrecsam yn mynd y tu hwnt i addysg busnes draddodiadol i wreiddio’r meddylfryd a’r sgiliau entrepreneuraidd ym mhrofiad y myfyrwyr – gan rymuso’r genhedlaeth nesaf o unigolion creadigol sy’n canolbwyntio ar gyfleoedd ac sy’n barod i addasu. Bydd hi hefyd yn trafod pam mae hyn yn bwysig i fusnesau bach a sut y gallant gymryd rhan.
Gwybodaeth am y Cwmni:
Mae Sasha Kenney yn Gydlynydd Entrepreneuriaeth ym Mhrifysgol Wrecsam, gan ddod â thros 20 mlynedd o brofiad mewn entrepreneuriaeth i’w rôl. Mae hi wedi ymrwymo i adeiladu ecosystem entrepreneuraidd gadarn sy’n cefnogi nid yn unig myfyrwyr a graddedigion ond hefyd y gymuned ehangach.
Mae Sasha yn arwain amrywiaeth o fentrau strategol sy’n canolbwyntio ar ddatblygu meddylfryd entrepreneuraidd a sgiliau ymarferol, gan rymuso unigolion i ffynnu yn y byd heddiw. O gyflwyno gweithdai effaith uchel i drefnu digwyddiadau blaenllaw fel Dathliad Entrepreneuriaeth, mae hi wedi ymrwymo i feithrin datblygiad entrepreneuraidd a chryfhau’r ecosystem yn y Brifysgol a thu hwnt.
Mae’r Tîm Entrepreneuriaeth wedi ymrwymo i ddatblygu unigolion hyderus, galluog a chreadigol sy’n barod i greu newid trwy ecosystem entrepreneuraidd ddeinamig a chynhwysol. Mae’r tîm yn cynnig cymorth i fyfyrwyr, graddedigion a chyn-fyfyrwyr ym mhob cam o’u taith sefydlu busnes, gan feithrin talent, annog arloesedd a sefydlu cysylltiadau ystyrlon ledled Gogledd Cymru. Boed hynny trwy fentora un-i-un wedi’i deilwra, eu Bwrdd Buddsoddi ddwywaith y flwyddyn, neu fynediad at fannau meithrin cydweithredu, mae’r tîm yn cynnig yr offer a’r gefnogaeth sydd eu hangen i droi syniadau’n fentrau effeithiol.
wrexham.ac.uk/careers/entrepreneurship-support www.linkedin.com/in/sasha-kenney-5570b819 www.linkedin.com/company/enhancing-entrepreneurship www.facebook.com/WUEnhance
Siaradwr
Rhys Parry
The Money Monk
Helfa Drysor 50K - Sut i wneud mwy o arian gyda’r hyn sydd gennych chi eisoes!
Un o gredoau fwyaf cadarn Rhys yw na ddylech chi byth orfod dewis rhwng treulio amser gyda’ch anwyliaid a rhyddid ariannol. Gyda ‘Refeniw Cylchol’ wrth wraidd y tawelwch meddwl rydych chi’n ei geisio, bydd Rhys yn dangos sut i gyflawni hyn.
Gwybodaeth am y Cwmni:
Mae Rhys yn rhiant i Labradoodle, yn offeiriad dan hyfforddiant, yn Gymro-Awstraliad balch ac yn frwd dros refeniw cylchol. Mae wedi bod yn cynorthwyo busnesau ers tua 15 mlynedd bellach ac, wrth weld y gwahaniaeth anhygoel y gall refeniw cylchol ei wneud, mae bellach yn genhadaeth iddo helpu pobl wych i wneud cymaint o arian â phosibl: cleientiaid rydych chi’n eu caru, gwaith rydych chi’n ei garu a refeniw cylchol boddhaol. www.skool.com/themonastery/about www.linkedin.com/in/rhysdwi
Julian Whiting Trefnydd Apwyntiadau
Sut i Gyrraedd Eich Cleientiaid Delfrydol
Yn y sesiwn hon bydd Julian yn trafod y cam cyntaf wrth eich helpu i wneud y mwyaf o’ch gwerthiant, trwy ddysgu sut y gall eich busnes ddenu cwsmeriaid newydd.
Gwybodaeth am y Cwmni:
Mae Julian yn arbenigwr Datblygu Busnes a Threfnydd Apwyntiadau profiadol ar ei liwt ei hun; mae’n trefnu apwyntiadau busnes ac yn agor drysau a chyfleoedd i unigolion a sefydliadau. Yn fedrus mewn galwadau cychwynnol, creu cysylltiadau ac adeiladu perthnasoedd ar lefelau uwch, mae gan Julian y gallu i ffurfio cysylltiadau ystyrlon sy’n ysgogi canlyniadau go iawn gan helpu sefydliadau i dyfu.
Cyn iddo ymddeol, bu’n swyddog gyda’r Heddlu Metropolitan, gan gynnwys cyfnod byr ym Mhalas Buckingham. Mae gan Julian dros 20 mlynedd o brofiad mewn hwyluso busnes a digwyddiadau, ac mae’n greadigol wrth rwydweithio a gwneud i bethau ddigwydd; mae ganddo brofiad helaeth mewn cysylltu â’r rhai sy’n gwneud penderfyniadau, trefnu cyfarfodydd ag iddynt werth uchel ac agor cyfleoedd busnes newydd ar draws sectorau gan gynnwys adeiladu, technoleg, addysg a thai.
Mae’n angerddol am wirionedd a chyfiawnder, yn enwedig ym maes diogelu, ac mae’n hoffi ysgogi’r ysgogwyr a helpu pobl i ddod ag achosion anodd i derfyn. Mae hefyd yn gweithio ochr-yn-ochr â phensaer a gyda Kingdom Living, sy’n ymwneud ag adeiladu Cartrefi Fforddiadwy a chymunedau, ac yn ystod cyfnod y Nadolig mae’n gweithio fel Siôn Corn llawrydd mewn amryw o leoliadau yn y DU.
www.linkedin.com/in/julianwhiting
Siaradwr
Aaron Sussex
Sales Geek Gogledd Cymru
Ydych chi’n Caru Eich Cwsmeriaid?
Fel busnesau rydym yn treulio llawer o amser, arian ac adnoddau eraill yn ennill cwsmeriaid newydd a phan fyddwn yn gwneud hynny, rydym wrth ein bodd bod rhywun wedi penderfynu partneru â ni! Rydym yn gobeithio cael ein cwsmeriaid am amser hir ac yn bwysicach fyth, o bosibl yn defnyddio cynhyrchion a/neu wasanaethau eraill ar hyd y ffordd. Yn y sesiwn hon, byddwn yn archwilio rhagoriaeth cwsmeriaid a sut i greu cysylltiad dyfnach â nhw fel eu bod nhw bob amser yn aros gyda ni!
Gwybodaeth am y Cwmni:
Sefydlwyd Sales Geek i newid canfyddiadau’r byd o werthu, gyda’r syniad y gallai, ac y dylai, gwerthu fod yn well. Gyda ‘Gwerthu’ yn aml yn cael ei weld fel gair budr, maen nhw’n benderfynol o wneud rhywbeth ynghylch y sefyllfa, gyda rhan o’r genhadaeth honno’n canolbwyntio ar gefnogi busnesau bach a rhoi mynediad iddyn nhw at dalent gwerthu lefel uchaf, pan fydden nhw fel arfer wedi’u prisio allan o’r farchnad.
Trwy ddarparu datrysiad ar ffurf Cyfarwyddwr Gwerthu Rhan-Amser, gall busnesau elwa o flynyddoedd o brofiad heb orfod ymrwymo i recriwtio cyfarwyddwr llawn amser. Mae hyn yn cynorthwyo prosiectau penodol gyda’r prif ffocws ar gynyddu gwerthiant a refeniw, ochr-yn-ochr â chyfleoedd ar gyfer hyfforddiant gwerthu, pob un wedi’u hachredu gan Sefydliad y Proffesiynwyr Gwerthu.
www.salesgeek.co.uk www.linkedin.com/in/aaronsussex www.facebook.com/salesgeekuk
Siaradwr
Emma Richards
Swyddfa Eiddo Deallusol (IPO)
Beth yw Eiddo Deallusol?
Yn ystod y sesiwn hon bydd Emma yn tynnu sylw at bwysigrwydd Eiddo Deallusol (IP) wrth gychwyn busnes, gan roi trosolwg o bob un o’r hawliau IP gan gynnwys Patentau, Nodau Masnach, Dyluniadau Cofrestredig a Hawlfraint. Bydd hi hefyd yn egluro’r gwahaniaethau mewn termau clir a sut y gallant amddiffyn elfennau creadigol busnes.
Gwybodaeth am y Cwmni:
Wrth gychwyn busnes mae yna lawer o bethau i’w hystyried ac mae Eiddo Deallusol yn aml yn un o’r pynciau hynny sy’n cael ei anwybyddu, yn ôl pob tebyg. Gallai hyn fod am nifer o resymau; diffyg ymwybyddiaeth, ofn y bydd yn rhy gymhleth neu bryder ynghylch cost ychwanegol.
Trwy esbonio hawliau eiddo deallusol gan ddefnyddio termau syml sy’n hawdd eu deall, nod y sesiwn hon yn chwalu’r rhwystrau a all wynebu busnesau wrth ystyried amddiffyn asedau deallusol, trwy wneud y mwyaf o’u gwerth a’u defnyddio fel ychwanegiad at eich portffolio busnes.
Mae Emma wedi gweithio i’r Swyddfa Eiddo Deallusol ers 25 mlynedd, ac yn ystod y cyfnod hwn mae hi wedi rhoi arweiniad a chefnogaeth i filoedd o fusnesau bach a chanolig. Oherwydd ei phrofiad, gall esbonio gwahanol elfennau amddiffyn IP a sut y gallant gynorthwyo busnesau i ddatblygu strategaeth IP, gan ychwanegu gwerth at eu cwmni trwy amddiffyn eu hasedau creadigol.
Ar hyn o bryd mae Emma yn Gynghorydd Polisi Rhanbarthol ar gyfer y Gwledydd Datganoledig, gan weithio’n agos gyda rhanddeiliaid ar draws y rhanbarthau hyn i ddylanwadu ar ymyriadau IP ar yr amser iawn.
www.gov.uk/government/organisations/intellectual-property-office www.linkedin.com/company/uk-ipo/?originalSubdomain=uk www.facebook.com/IPOGovUK
Siaradwr
Yr Athro Joe Yates
Is-Ganghellor Prifysgol Wrecsam
Ymunodd yr Athro Joe Yates â Phrifysgol Wrecsam fel Is-Ganghellor ym mis Awst 2024.
Cyflawnodd yr Athro Yates radd BA mewn Hanes, Gwleidyddiaeth a’r Cyfryngau, ac aeth ymlaen i dderbyn ei radd DPhil mewn Troseddeg a Pholisi Cymdeithasol yn 2007 o Brifysgol De Montfort. Enillodd MA mewn Gwaith Cymdeithasol o Brifysgol Nottingham ac mae’n weithiwr cymdeithasol cymwysedig ac yn Swyddog Prawf hyfforddedig. Treuliodd 15 mlynedd yn gweithio ym maes polisi cymdeithasol a chyfiawnder troseddol fel gweithiwr cymdeithasol, gweithiwr ieuenctid, gweithiwr cyfiawnder ieuenctid a rheolwr troseddau ieuenctid.
Yn 2007, ymunodd â Phrifysgol John Moores Lerpwl fel Pennaeth Troseddeg, lle sefydlodd a chyd-gyfarwyddodd y Ganolfan ar gyfer Astudio Troseddu, Troseddoli ac Allgáu Cymdeithasol. Yn 2011 cafodd ei benodi’n Gyfarwyddwr Ysgol y Dyniaethau a’r Gwyddorau Cymdeithasol ac arweiniodd ddatblygiad Canolfan Astudiaethau Plismona Uwch Lerpwl.
Gan ddangos ymrwymiad clir i ragolygon pobl ifanc, addysg a chyfiawnder cymdeithasol, mae’r Athro Yates wedi dal amrywiaeth o swyddi gwirfoddol ar gyrff llywodraethu amryw o ysgolion, colegau a grwpiau cymunedol. Ar hyn o bryd, ef yw Cyfarwyddwr Symposiwm Cyfiawnder Ieuenctid Rhyngwladol yn y Ganolfan Ryng-Brifysgol yng Nghroatia a Chadeirydd y Bwrdd Llywodraethiant Rhanbarthol ar gyfer Cradle to Career, rhaglen leol sy’n dod â phobl a sefydliadau ynghyd i fynd i’r afael ag anghydraddoldebau ar draws Rhanbarth Dinas Lerpwl.
Mae’r Athro Yates yn Athro mewn Troseddeg a Pholisi Cymdeithasol ac mae wedi ymchwilio a chyhoeddi ym maes cyfiawnder ieuenctid gyda ffocws penodol ar ymatebion polisi i blant sydd ar gyrion cymdeithas ac sy’n ymwneud â throseddu ac ymddygiad gwrthgymdeithasol. Mae wedi cynnal ymchwil ar gyfer Coleg yr Heddlu, y Swyddfa Gartref a Bwrdd Cyfiawnder Ieuenctid Cymru a Lloegr, yn ogystal ag ar gyfer amrywiaeth o grwpiau cymunedol, sefydliadau anllywodraethol ac elusennau.
Ben Cottam
Pennaeth FfBB Cymru
Ben Cottam yw Pennaeth Ffederasiwn Busnesau Bach Cymru, rôl y mae wedi’i dal ers 2016. Yn y rôl hon mae’n arwain y sefydliad cynrychioli busnesau mwyaf yng Nghymru, gan gynrychioli 10,000 o aelodau busnes, ac mae’n weithgar mewn amrywiaeth o sgyrsiau am ddatblygiad economi Cymru, entrepreneuriaeth a chymorth busnes. Mae Ben yn eistedd ar nifer o fyrddau sy’n cynrychioli llais busnesau bach gan gynnwys y Cyngor Partneriaeth Gymdeithasol a’r Bwrdd Goruchwylio Canol Trefi.
Ymunodd Ben â’r FfBB o’r corff cyfrifyddu ACCA lle bu’n bennaeth ACCA Cymru. Fodd bynnag, mae wedi gweithio i’r FfBB yn y gorffennol, ar ôl dal rôl Rheolwr Polisi yn FfBB Cymru rai blynyddoedd yn ôl. Yn gynnar yn ei yrfa, gwasanaethodd Ben fel Swyddog y Wasg a Chynghorydd i gyn-Aelod o’r Cynulliad yn ystod dyddiau cynharaf y Cynulliad Cenedlaethol.
Arddangoswyr
Tîm Menter - Prifysgol Wrecsam
Mae Tîm Menter Prifysgol Wrecsam wedi ymrwymo i gael effaith gadarnhaol ar y gymuned fusnes trwy ddarparu offer hanfodol, â’r nod o feithrin amgylchedd ar gyfer rhannu gwybodaeth a phartneru effeithiol. Maent yn credu y dylai addysg fod yn hygyrch i bawb, o fusnesau newydd a graddedigion ifanc sy’n dechrau ar eu gyrfaoedd, i arweinwyr busnes ac arloeswyr, gan roi’r sgiliau a’r wybodaeth i unigolion i gyrraedd eu potensial llawn.
Manylion Cyswllt:
Chloe Huxley wrexham.ac.uk/business chloe.huxley@wrecham.ac.uk
Banc Datblygu Cymru
Sefydlwyd Banc Datblygu Cymru gan Lywodraeth Cymru i gefnogi economi Cymru trwy ei gwneud hi’n haws i fusnesau gael y cyllid sydd ei angen i gychwyn, cryfhau a thyfu. Trwy ddarparu cyllid cynaliadwy ac effeithiol lle mae opsiynau wedi ymddangos yn gyfyngedig, gallant wireddu uchelgeisiau a thanio posibiliadau i bobl, busnesau a chymunedau yng Nghymru.
Manylion Cyswllt:
James Ryan developmentbank.wales info@developmentbank.wales
Ffederasiwn y Busnesau Bach
O fusnesau newydd i’r rhai sydd am ehangu, mae FfBB yma i’ch helpu ar eich taith fusnes â’r nod o helpu busnesau llai i gyflawni eu huchelgeisiau. Rydym yn cynnig ystod eang o wasanaethau busnes hanfodol i’n haelodau gan gynnwys cyngor, arbenigedd ariannol, cefnogaeth a llais pwerus yn y llywodraeth.
Manylion Cyswllt:
Mike Learmond www.fsb.org.uk mike.learmond@fsb.org.uk
Doodly Dog
Mae DoodlyDog yn ddylunydd gwefannau WordPress, sy’n darparu gwefannau o safon, gyda phwyslais ar gyflymder a fforddiadwyedd, ac mae hefyd yn cynnig parthau, cynnal, dylunio, cymorth chwilio, a chymorth DIY. P’un a ydych chi’n fusnes bach sy’n bwriadu gwerthu i ddefnyddwyr neu i fusnesau eraill, â’r nod o sefydlu siop ar-lein neu os oes angen gwefan arnoch i ddweud wrth bobl pwy ydych chi a beth rydych chi’n ei wneud, gall DoodlyDog helpu.
Manylion Cyswllt:
Eric Davies doodlydog.wales eric@doodlydog.wales
Busnes @ Llandrillo Menai
Busnes @ Llandrillo Menai yw’r enw ar wasanaeth ymgysylltu â chyflogwyr Grŵp Llandrillo Menai, sef rhiant sefydliad Coleg Llandrillo, Coleg Menai a Choleg Meirion-Dwyfor. Maent yn cynnig pecynnau cymorth ar gyfer hyfforddi a datblygu i sicrhau bod gan yr holl staff y sgiliau a’r cymwysterau angenrheidiol i alluogi perfformiad ar y lefel uchaf.
Manylion Cyswllt:
Stephen Howell Lloyd www.gllm.ac.uk lloyd4s@gllm.ac.uk
Business News Wales
Mae Business News Wales yn llwyfan cyfryngau digidol annibynnol sy’n ymroddedig i ddarparu newyddion a dadansoddiadau deallus, wedi’u targedu at gymuned fusnes Cymru. Maent yn cysylltu sefydliadau, llunwyr polisi ac entrepreneuriaid trwy greu deunydd, ymgyrchoedd a digwyddiadau penodol i’r sector sy’n hyrwyddo twf economaidd cynaliadwy ledled Cymru.
Manylion Cyswllt:
Gemma Casey businessnewswales.com gemma@businessnewswales.com
Sales Geek Gogledd Cymru
Sefydlwyd Sales Geek i newid canfyddiadau’r byd o werthu, gyda’r syniad y gallai, ac y dylai, gwerthu fod yn well. Gyda ‘Gwerthu’ yn aml yn cael ei weld fel gair budr, maen nhw’n benderfynol o wneud rhywbeth ynghylch y sefyllfa, gyda rhan o’r genhadaeth honno’n canolbwyntio ar gefnogi busnesau bach a rhoi mynediad iddyn nhw at dalent gwerthu lefel uchaf, pan fydden nhw fel arfer wedi’u prisio allan o’r farchnad.
Manylion Cyswllt:
Aaron Sussex www.salesgeek.co.uk aaron.sussex@salesgeek.co.uk
Swyddfa Eiddo Deallusol
Y Swyddfa Eiddo Deallusol (IPO) yw corff swyddogol y llywodraeth sy’n gyfrifol am hawliau Eiddo Deallusol (IP) gan gynnwys patentau, dyluniadau, nodau masnach a hawlfraint. Trwy weithredu a chynnal system eiddo deallusol glir a hygyrch yn y DU, mae hyn yn annog arloesedd, gan helpu’r economi a chymdeithas i elwa o wybodaeth a syniadau, yn ogystal â sicrhau bod pobl yn cael y math cywir o amddiffyniad ar gyfer yr hyn maen nhw’n ei greu neu ei ddyfeisio.
Manylion Cyswllt:
Aaron Sussex www.gov.uk/government/organisations/intellectualproperty-office Emma.Richards@ipo.gov.uk
Cyngor Sir y Fflint
Mae Tîm Datblygu Busnes Sir y Fflint yn cynnig cefnogaeth gynhwysfawr i fusnesau o bob maint ledled y sir. Maent yn cynorthwyo gyda datblygu’r gadwyn gyflenwi, recriwtio, hyfforddi staff, nodi cyfleoedd cyllido perthnasol, yn ogystal â hwyluso cysylltiadau gwerthfawr trwy fforymau busnes a digwyddiadau rhwydweithio. Mae’r tîm hefyd yn darparu cymorth i fusnesau sy’n awyddus i ymsefydlu o fewn y sir, ac maen nhw’n ymroddedig i feithrin twf, gwydnwch a llwyddiant hirdymor i fusnesau ledled y rhanbarth.
Manylion Cyswllt:
Ruth Salisbury www.flintshire.gov.uk/en/Home.aspx busdev@flintshire.gov.uk
Cysylltiadau Rhyngwladol a Masnach Llywodraeth Cymru
Gall allforio drawsnewid bron pob agwedd ar eich busnes, a dyna pam bod Tîm Masnach Llywodraeth Cymru bob blwyddyn yn cynnig cymorth i gannoedd o fentrau bach a chanolig ar eu taith allforio. Mae gan eu Cynghorwyr Masnach Ryngwladol hanes o weithio gyda busnesau, boed yn newydd i fasnach ryngwladol neu’n allforwyr sefydledig sy’n awyddus i ehangu eu cyrhaeddiad ymhellach. Gallant eich helpu i ystyried a yw allforio yn addas i chi, archwilio marchnadoedd newydd, nodi cyfleoedd newydd a goresgyn rhwystrau logistaidd a rheoleiddiol. Os ydych chi’n cynnig gwasanaethau, trwyddedau neu gynhyrchion ac eisiau rhagor o wybodaeth, siaradwch ag un o’u Cynghorwyr Masnach.
Manylion Cyswllt:
Steven Owen businesswales.gov.wales/export InternationalTrade@gov.wales
Gwesty Wrecsam
Wedi’i lleoli yng ngogledd-ddwyrain Cymru, llai na phedair milltir o ganol Wrecsam, mae Gwesty Wrecsam yn gyrchfan boblogaidd ar gyfer priodasau, digwyddiadau preifat ac i deuluoedd a chyplau sy’n awyddus i grwydro’r rhanbarth hyfryd hwn. Maent yn ymfalchïo mewn darparu profiad eithriadol gyda chroeso cynnes a llety cyfforddus yn y gwesty arobryn hwn, gan ddiwallu eich holl anghenion.
Manylion Cyswllt:
Ele Minton hotelwrexham.co.uk ele@thehospitalityhero.com
Menter Môn – Busnes Cymru
Ers 30 mlynedd, mae Mentor Môn wedi cydweithio â busnesau, cymunedau, y sector cyhoeddus ac unigolion i gyflawni prosiectau ystyrlon ac arloesol. Mae’n fenter gymdeithasol nid-er-elw sy’n darparu prosiectau a gwasanaethau ledled Gogledd Cymru, gan geisio ychwanegu gwerth at y rhanbarth, yn ogystal â chreu cyfleoedd, trwy fentrau fel prosiect Ynni Llanw Morlais, a chyflawni contract Busnes Cymru.
Manylion Cyswllt:
Richard Fraser-Williams businesswales.gov.wales richard.fraser-williams@annog.com
Ymgynghoriaeth Eryri
Sefydlwyd Ymgynghoriaeth Eryri Cyf. yn 2016 ac mae wedi’i lleoli yng Ngogledd Cymru, gyda’r gallu i wasanaethu cleientiaid o bell ledled y DU. Gyda’u holl ymgynghorwyr yn Archwilwyr Arweiniol cymwys sydd wedi derbyn hyfforddiant helaeth ym mhob agwedd ar Iechyd a Diogelwch, Rheoliadau Dylunio ac Adeiladu (CDM), Rheolaeth Amgylcheddol, Diogelwch Tân, Seiberddiogelwch/Gwybodaeth a Dylunio/Datblygu Gwefannau, maent yn cynnig gwasanaeth o’r radd flaenaf o ran cydymffurfiaeth.
Manylion Cyswllt:
Glyn Hughes www.eryriconsulting.co.uk info@eryriconsulting.co.uk
Grŵp Technoleg Secure Chain
Mae Secure Chain yn ddarparydd Gwasanaeth Rheoli Seiberddiogelwch ac ymgynghoriaeth, sy’n arbenigo mewn darparu ystod eang o ddatrysiadau a gwasanaethau technoleg diogel i fusnesau a sefydliadau ar draws amryw o wahanol ddiwydiannau. Maent yn darparu gwasanaethau o safon i bob busnes, waeth beth fo’u maint, gan sicrhau eu bod yn derbyn yr amddiffyniad y maent yn ei haeddu 365 diwrnod o’r flwyddyn.
Manylion Cyswllt:
Steph Griffiths securechaingroup.com steph.griffiths@securechaingroup.com
Cyflymydd Amddiffyn a Diogelwch (DASA)
Mae’r Cyflymydd Amddiffyn a Diogelwch yn gyllidwr arloesedd llywodraeth y DU ar gyfer Amddiffyn a Diogelwch, sydd â’r nod o ddod o hyd i arloesedd y gellir manteisio arno a’i ariannu ar gyfer dyfodol mwy diogel. Mae ganddyn nhw ystod o gyllid i gyflymu syniadau o unrhyw sector er budd Amddiffyn a Diogelwch; maen nhw’n chwilio am syniadau gan ystod amrywiol o arloeswyr ac mae ganddyn nhw dîm o bartneriaid arloesedd, wedi’u lleoli ledled y DU, sydd yma i helpu ag arwain y rhai sydd â diddordeb yn y cyllid sydd ar gael. Tom Adamson yw’r partner arloesedd yng Nghymru.
Manylion Cyswllt:
Tom Adamson www.gov.uk/government/organisations/ministry-ofdefence tjadamson@dasa.mod.gov.uk
Y Weinyddiaeth Amddiffyn (MOD)
Tony Fish yw Cyfarwyddwr Ymgysylltu â Chyflogwyr Rhanbarthol (Gogledd a Chanolbarth Cymru) ar gyfer y Weinyddiaeth Amddiffyn. Mae Tony yn gweithio gyda chyflogwyr i gynnig cefnogaeth a chyngor ar fanteision cyflogi cyn-aelodau o’r lluoedd arfog ac aelodau o’u teuluoedd, cefnogi’r lluoedd wrth-gefn yn eich gweithlu a llofnodi Cyfamod y Lluoedd Arfog, yn ogystal â symud ymlaen trwy’r Cynllun Cydnabyddiaeth Cyflogwyr.
Manylion Cyswllt:
Tony Fish www.armedforcescovenant.gov.uk wa-reed2@rfca.mod.uk
Coleg Cambria
Yn Cambria ar gyfer Busnes, maen nhw’n angerddol am helpu eich busnes i dyfu. P’un a oes angen cymorth arnoch i ddatblygu eich gweithlu neu ddod â thalent ffres i mewn trwy brentisiaethau a phrofiad gwaith, mae ganddyn nhw’r atebion sydd eu hangen arnoch chi. Maent mewn sefyllfa dda i gynorthwyo busnesau o bob maint, sector a lefel o ddatblygiad. Fel rhan o Goleg Cambria, un o’r colegau mwyaf blaenllaw yng Nghymru, maen nhw yma i deilwra cefnogaeth sy’n paratoi eich busnes ar gyfer y dyfodol.
Manylion Cyswllt:
Sally Ewing www.cambria.ac.uk sally.ewing@cambria.ac.uk
All My Waste
Mae All My Waste yn Gludwyr Gwastraff Cofrestredig gydag Asiantaeth yr Amgylchedd, gan sicrhau bod yr holl wastraff yn cael ei waredu’n gyfrifol. Maen nhw’n gweithio gydag elusennau, cwmnïau metel sgrap a masnachwyr eraill i ailddefnyddio neu ailgylchu cymaint o’ch gwastraff â phosibl. Gan weithredu o fewn cwmpas o 60 milltir o Gaer, sy’n cynnwys Blackpool i’r Gogledd, Caergybi i’r Gorllewin, Derby i’r Dwyrain a Llwydlo i’r De, maen nhw’n dîm dibynadwy o bobl a fydd yn ymddangos pan maen nhw’n addo, ac yn gwneud gwaith gwych, gan ddargyfeirio dros 90% o wastraff o safleoedd tirlenwi.
Manylion Cyswllt:
Phill Ridgway allmywaste.co.uk phill@allmywaste.co.uk
Gwasanaethau Prifysgol Bangor ar gyfer Busnes
Datgloi Arbenigedd, Talent ac Arloesedd ar gyfer Eich Busnes. Ym Mhrifysgol Bangor, maen nhw’n falch o fod wedi cefnogi busnesau ledled Gogledd Cymru a thu hwnt. Gyda hanes cryf o drefniadau cydweithredol llwyddiannus, maent yn helpu sefydliadau i ddatrys heriau, cael mynediad at dalent graddedigion, ac adeiladu partneriaethau parhaol sy’n fuddiol i’r naill ochr a’r llall. Mae eu Gwasanaethau Busnes yn cynnwys: Ymgynghoriaeth Arbenigol gan Academyddion Blaenllaw, Cymorth ar gyfer Ymchwil, Datblygu ac Arloesedd, Gwasanaethau Dadansoddi a Phrototeipio, Mynediad at Gyfleusterau ac Offer Arbenigol, Datblygiad Proffesiynol Parhaus, Rhaglenni Sgiliau a Hyfforddiant, yn ogystal ag Interniaethau ar gyfer Graddedigion a Phrosiectau dan Arweiniad Myfyrwyr. Gall fod cymorth ariannol, gan gynnwys ein Talebau Sgiliau ac Arloesedd ar gael i’ch helpu i gael mynediad at y gwasanaethau hyn. Gyda Phrifysgol Bangor yn bartner i chi, gallwch ysgogi arloesedd, hybu cynhyrchiant a thyfu eich busnes.
Manylion Cyswllt:
Bryn Jones www.bangor.ac.uk/business-services bryn.jones@bangor.ac.uk
Tîm Busnes a Buddsoddiad Cyngor
Bwrdeistref Sirol Wrecsam
Mae tîm Busnes a Buddsoddi Cyngor Bwrdeistref Sirol Wrecsam yn cynnig gwasanaeth cymorth diduedd a chyfrinachol am ddim i unrhyw un sydd â buddiannau busnes yn Wrecsam (o fusnesau newydd, y rhai sydd am fuddsodd yn yr ardal, i fusnesau bach/mawr a mentrau cymdeithasol sy’n bodoli eisoes). Yn ogystal â chynnig canllawiau a chyfeirio mewnol ac allanol yn ôl yr angen, gallai’r adnoddau y gallant ddarparu mynediad iddynt eich helpu i: Dechrau Busnes, Dynodi Grantiau/Cyllid, Rhwydweithio â Busnesau, Marchnata eich Busnes, Mynediad at Dempledi Dogfennau, Ymchwilio i’ch Marchnad, Gwirio Addasrwydd am Gredyd Busnesau, Nodi Cyfleoedd Tendro, Cyflogi Staff a Datblygu eich Gweithlu a Chydymffurfiaeth â Rheoliadau/Trwyddedau.
Manylion Cyswllt:
Adrian Tinsley www.wrexham.gov.uk/business-and-investmentsupport businessline@wrexham.gov.uk
SuperTemps
Mae SuperTemps wedi bod yn recriwtio ledled Gogledd Cymru ers 1980, gan eu gwneud yr asiantaeth recriwtio hynaf yn y rhanbarth. Mae’r asiantaeth yn eiddo i’r teulu sy’n ei rhedeg, ac maent yn parhau i fod yn gwbl annibynnol ac yn falch o hynny, sy’n golygu eu bod yn hyblyg ac yn gallu addasu’n gyflym i anghenion penodol y cyflogwyr a’r ymgeiswyr maent yn gweithio gyda nhw. Gyda thros 40 mlynedd o brofiad, mae ganddyn nhw berthnasoedd gwych gyda chyflogwyr gwych, gan eu bod yn ymwybodol o gyfleoedd nad ydyn nhw bob amser yn cyrraedd y farchnad agored.
Manylion Cyswllt:
Sarah Ellwood www.supertemps.co.uk sarahellwood@supertemps.co.uk
M-Sparc
M-Sparc yw cartref arloesedd a chyffro yng Ngogledd Cymru, gyda chymorth busnes arbenigol ar gael i’ch helpu chi a’ch busnes i ffynnu a thyfu. O gymorth ar gyfer cynllunio’ch busnes, i farchnata, digwyddiadau a charbon isel, mae gan dîm M-Sparc ystod eang o arbenigedd, yn barod i’ch helpu i fynd â’ch busnes i’r lefel nesaf.
Manylion Cyswllt:
Sion Wynne m-sparc.com s.wynne@bangor.ac.uk
North Wales Social
Mae North Wales Social yn gymuned fusnes ar-lein a grëwyd gan ac ar gyfer pobl Gogledd Cymru. Y prif nod yw darparu cymorth ac arweiniad diduedd ar gyfer rhedeg busnes llwyddiannus yn y rhanbarth. Mae’r platfform yn dod ag unigolion a busnesau ynghyd ar-lein a thrwy ddigwyddiadau rhwydweithio a gynhelir ar sail gymdeithasol gan rannu newyddion a digwyddiadau sy’n berthnasol i’r gymuned leol.
Manylion Cyswllt:
Dave Ledward northwalessocial.co.uk dave@northwalessocial.co.uk
MoneyWorks Wales
Mae Moneyworks Cymru’n fenter ar y cyd rhwng cydweithfeydd ariannol nid-er-elw, sy’n cydweithio i adeiladu dyfodol ariannol mwy disglair i weithwyr Cymru. Eu nod yw cynorthwyo â llesiant ariannol gweithwyr Cymru trwy gynnig benthyciadau fforddiadwy a chynlluniau cynilo syml, gan helpu i yrru arian yn ôl i’r cymunedau lleol.
Manylion Cyswllt:
Rob Jones www.moneyworkswales.com Robert.Jones@cambriancu.com
RCS Cymru
Mae RCS yn fenter gymdeithasol wedi’i lleoli yng Ngogledd Cymru sy’n darparu cefnogaeth, hyfforddiant a therapïau personol i helpu unigolion a busnesau ledled Cymru i wella eu llesiant ar gyfer gwaith. Maent yn ymfalchïo mewn darparu hyfforddiant lles o ansawdd uchel a diddorol, gan gynnwys Cymorth Cyntaf Iechyd Meddwl, Hyrwyddwyr Lles, Ymwybyddiaeth Iechyd Meddwl, Cymhelliant a Gwydnwch, Byw gyda Newid ac Ymdrin â Straen. Mae eu gwasanaethau o’r radd flaenaf yn trawsnewid miloedd o fywydau a busnesau bob blwyddyn.
Manylion Cyswllt:
Sian Parry rcs-wales.co.uk/en hello@rcs-wales.co.uk
Aran Hufen Ia
Mae Hufen Iâ Aran yn fusnes bach sy’n cynhyrchu ychydig o hufen iâ ar y tro yng nghalon Eryri, gan ddefnyddio llaeth Cymreig a chynhwysion naturiol i greu ein cynnyrch blasus. Maen nhw’n cynnig arlwyo ar gyfer digwyddiadau corfforaethol, priodasau, digwyddiadau preifat a mwy, gyda’u beic hufen iâ henffasiwn yn rhoi naws hwyliog a chofiadwy i unrhyw ddigwyddiad. P’un a ydych chi’n am lansio cynnyrch, dathlu eich tîm neu’n awyddus i drefnu priodas yn yr haf, gallant ddarparu pecynnau hyblyg wedi’u teilwra at eich anghenion. Mae eu gwasanaeth cyfeillgar a’u hufen iâ o’r radd flaenaf yn sicrhau y bydd eich gwesteion yn mwynhaau profiad unigryw a phleserus sy’n ychwanegu rhywbeth gwirioneddol arbennig at eich digwyddiad.
Manylion Cyswllt:
Sammi Rogers www.aranhufenia.co.uk info@aranhufenia.co.uk
Eich amddiffyn chi a’ch busnes
Yn Ffederasiwn y Busnesau Bach, rydym wedi cynorthwyo perchenogion busnesau bach fel Frank i gychwyn, rhedeg a thyfu busnesau anhygoel ers 1974.
• Digwyddiadau rhwydweithio lleol a chenedlaethol am ddim
• Cymorth cyfreithiol ac amddiffyniad treth
• Cyngor AD 24/7
• Yswiriant costau cyfreithiol yn gynwysedig
• Disgowntiau unigryw i aelodau
• Mynediad i fwy na 1,500 o ddogfennau a thempledi cyfreithiol
Ymunwch heddiw
Dechreuwch eich aelodaeth gyda ni Ewch i fsb.org.uk/join am fwy o wybodaeth
Frank Jay Chilli Shop Ltd
Nodiadau
