Eystrahorn 10. tbl. 30. árgangur
Fimmtudagur 8. mars 2012
www.eystrahorn.is www.eystrahorn.is
Þeir veita öryggistilfinningu Liðsmenn Slökkviliðs Hornafjarðar og Slökkviliðs Djúpavogs voru á æfingum alla síðustu helgi undir handleiðslu og leiðsögn starfsmanna Mannvirkjastofnunar. Fyrir okkur íbúana er það góð tilhugsun að vita af samborgurum sem eru tilbúnir að leggja mikið á sig til að bæta öryggi okkar og er það þakkarvert. Slökkviliðsmennirnir okkar hafa margoft sýnt og sannað að þeir kunna vel til verka við ólíkar og krefjandi aðstæður.
Fúsi siglir um fjörðinn með fólk Kvöldsigling ehf. er nýstofnað ferðaþjónustu fyrirtæki í eigu Vigfúsar Ásbjörnssonar og Fjólu Hrafnkelsdóttur á Höfn. Í samtali við blaðið sagði Vigfús að fyrirtækið muni bjóða upp á náttúruskoðun og sögulega upplifun með siglingu um fjörðinn og gönguferðum í eyjum og fjörum. Í upphafi er fyrirhugað að hafa 2-3 ferðir hvert kvöld í sumar. Lagt verður upp frá höfninni, siglt inn í Skarðsfjörð fram hjá þremur verstöðvum frá síðustu öld og sagan rifjuð upp í sérstakri náttúru fjarðarins. Áætlað er að hafa landtöku í verstöðinni í Mikley þar sem ferðamönnum gefst kostur á að skoða sögulegar minjar. Hver ferð mun taka um eina og hálfa klukkustund. Fyrir utan fastar ferðir verður í boði lengri og styttri sérferðir fyrir hópa, fyrirfram skipulagðar eða skipulagðar eftir óskum viðskiptavina t.d. sem henta ljósmyndurum og fuglaáhugafólki. Félagið hefur fest kaup á 5,9 m. löngum og 2 m. breiðum 18 manna báti sem félagið mun nýta í ferðirnar. Báturinn er björgunarbátur af gömlu gerðinni sem ristir ekki djúpt og er ákaflega öruggur. Hægt verður að sigla með um 14-15 manns í einu, og á að fara vel um alla um borð. Sala á ferðum
verður í Hafnarbúðinni niður við höfn og einnig verður hægt að bóka ferðir á heimasíðu félagsins baycruise.is . Í Hafnarbúðinni geta farþegar jafnfram keypt nesti ef þeir kjósa. Markaðssetning félagsins mun að mestu fara fram á ensku undir merkjum Hornafjörður Bay Cruise þar sem stærsti markhópur félagsins eru erlendir ferðamenn. Vigfús segir að hugmyndin hafi blundað lengi hjá sér þar sem hann þekkir fjörðinn vel og hefur notið þeirrar upplifunar frá barnsaldri sem áætlað er að bjóða uppá. Með tilkomu uppbyggingar á HafnarvíkHeppu svæðinu skapast betri grundvöllur fyrir rekstrinum. Með stofnun félagsins er ég að blanda saman áhugamálum mínum, reynslu og menntun sem ég tel góða blöndu til að ná markmiðum félagsins. Þörf á meiri afþreyingu fyrir ferðfólk sem kemur til Hornafjarðar er mikil og með þessu ætti að vera eitthvað bætt úr og skila ánægðari ferðamönnum sem auka muni enn frekar orðspor svæðisins. Vigfús segist verða eini starfsmaðurinn í fyrstu og mun sinna siglingunum á kvöldin en halda áfram störfum sínum hjá Matís á daginn.
Samverustund Samverustund föstudaginn 9. mars kl. 17:00 Sigurður Hannesson kemur í heimsókn Félag eldri Hornfirðinga
Konur • Takið frá föstudagskvöldið 13. apríl 2012