Jólagjafahandbók Epal 2020

Jรณla gjafa hand bรณkin 2020

H

já Epal finnið þið úrval af jólagjöfum fyrir alla fjölskylduna. Skoðið jólagjafahandbókina okkar í ár og fáið hugmyndir að jólagjöfum, jólaskreytingum og hver veit nema sitthvað leynist á næstu blaðsíðum sem endar á óskalistanum þínum.

Jólagjafahandbók Epal er full af fallegum gjafahugmyndum fyrir alla og má hér finna yfir 160 jólagjafahugmyndir. Jólaandinn mun svífa yfir í desember og bjóðum við upp á hátíðlega jóladagskrá vikurnar fram að jólum.

Vefverslun okkar er einnig opin allan sólarhringinn og því hægt að versla jólagjafirnar heima í stofu í rólegheitum.

Við tökum vel á móti ykkur.

Starfsfólk Epal

vönduð led vaxkerti Uyuni kertin eru logalaus LED vaxkerti frá danska merkinu Piffany Copenhagen. Uyuni kertin skapa sama notalega andrúmsloftið og hefðbundin logandi kerti gera, án þess að skaðleg eiturefni komist í andrúmsloftið. Uyuni kertin eru dimmanleg, ilmefnalaus og með innbyggðum tímaskynjara: 6 klst. Farstýring er seld sér og er þá hægt að stilla kertin á 4, 6, 8, og 10 klst.

(Batterí fylgja ekki með kertum).

NÝJUNGAR frederik bagger Danska hönnunarmerkið Frederik Bagger býður upp á úrval af vönduðum borðbúnaði sem vakið hefur mikla eftirtekt. Þekktust eru glæsileg kristalsglös sem fást í mörgum litum og þola bæði uppþvottavél og hitastig frá -25 gráður upp í 180 gráður.

Frederik Bagger er sonur heimsþekkta hönnuðarins Erik Bagger sem kenndi honum strax í æsku allt um danska fagurfræði, vandaða hönnun og handverk.

keepcup KeepCup eru margverðlaunaðir og umhverfisvænir fjölnotabollar sem upphaflega komu á markað árið 2007. KeepCup er einn vinsælasti fjölnotabolli heims og fyr­ir utan að hafa unnið til ým­issa verðlauna má þess einnig geta að KeepCup legg­ur 1% af allri sölu á heimsvísu til „One Percent for the Pla­net“ her­ferðar­inn­ar. KeepCup bollarnir fást í ýmsum stærðum og gerðum og ættu allir að geta fundið einn við sitt hæfi.

nýtt í epal - royal copenhagen Klassíska danska vörumerkið Royal Copenhagen bætist við vöruúrvalið í Epal Skeifunni fyrir jól.

Royal Copenhagen postulínsverksmiðjan á rætur sínar að rekja aftur til ársins 1775 og er borðbúnaður þeirra samofinn dönsku samfélagi og hafa heilu kynslóðirnar alist upp með Blue Fluted matarstellið sem nýtur mikilla vinsælda enn í dag. Þú finnur nú Royal Copenhagen borðbúnaðinn í Epal Skeifunni.

Í EPAL kähler jólalínan Kähler er þekkt fyrir framúrskarandi gæði og góða hönnun og framleiðir í dag klassískar vörur úr keramík sem passa inn á hvert heimili. Kähler er danskt keramíkfyrirtæki sem á rætur sínar að rekja aftur til ársins 1839. Kähler er hluti af dönskum menningararfi og er ásamt því eitt af vinsælustu vörumerkjum í Skandinavíu. Á hverju ári gefur Kähler út nýjan jólabolla og jólakúlu sem tilvalið er að safna eða gefa í jólagjafir.

ro collection Glæsilegur nýr borðbúnaður frá Ro Collection hefur bæst við sístækkandi vöruúrval þessa danska vörumerkis sem þekkt er fyrir mikil gæði, frumleika og fallegt handverk. Borðbúnaðurinn er innblásinn af japanskri fagurfræði og er handgerður í fjölskyldu rekinni verksmiðju í Portúgal og mega bæði fara í ofn og uppþvottavél.

nýtt og endurbætt skandinavisk Skandinavisk kynnti fyrr í vetur nýja og endurbætta vörulínu sína með áherslu á að bæta vistfræðilegt fótspor sitt. Allar vörur Skandinavisk eru nú 100% lífrænar og allar umbúðir og kort er unnið úr FSC vottuðum pappír. Ilmirnir eru svo öryggir að þeir krefjast engra viðvörunartákna á umbúðum, allt plast er úr endurnýjanlegu lífplasti og grunnurinn af kertavaxinu er unninn úr sænskri, sjálfbærri repjuolíu svo fátt eitt sé nefnt.

Lestu meira um nýjar áherslur Skandinavisk á Epal blogginu.

OG FLEIRI skipulagsdagbók frá rakel tomas Rakel Tomas listakona og grafískur hönnuður skapar fallegar skipulagsdagbækur myndskreyttar blýantsteikningum.

Dagbókin inniheldur ársyfirlit, mánaðarplön og hver opna sýnir eina viku. Einföld hönnun fær að njóta sín en aðalatriðið er að notandinn hafi nóg pláss fyrir sínar eigin hugmyndir og plön, hver sem þau kunna að vera. Stærð: A5, verð 4.850 kr.

tilbúnar string samsetningar Við kynnum spennandi nýjung í vefverslun Epal, tilbúnar útfærslur af String hillukerfinu.

Finndu þína drauma String samsetningu fyrir forstofuna, eldhúsið, baðherbergið eða stofu, allt í vefverslun Epal. Þar getur þú skoðað úrval hugmynda af samsetningum, keypt tilbúnar einingar eða hannað þína eigin útgáfu. Við vonum svo sannarlega að þessi nýjung eigi eftir að auðvelda þér að bæta og fegra heimilið þitt.

avolt fjöltengi Avolt fjöltengin eru spennandi nýjung í Epal sem hlutu m.a. Red Dot hönnunarverðlaunin 2019. Þrjár innstungur og tvö USB tengi á hverjum kubb sem kemur í bleiku, svörtu og gráu. Hægt er að festa fjöltengið á vegg og er snúran 1,8 m á lengd. Verð 7.950 kr.

NÝJUNGAR heimili ljósmyndabók Heimili er ljósmyndabók með myndum af tuttugu ólíkum og glæsilegum íslenskum heimilum. Bókin Heimili er ný bók frá hjónunum Höllu Báru og Gunnari Sverrissyni, Home and Delicious sem gefið hafa út bækur og tímarit um heimili, hönnun og arkitektúr síðustu ár. Í fyrra kom frá þeim bókin Bústaðir sem vakti mikla eftirtekt en nú er það bókin Heimili. Í henni heimsækja þau tuttugu íslensk heimili og prýða bókina yfir 200 ljósmyndir. Verð 8.900 kr.

hay eldhústæki Í Epal má nú finna vönduð og fallega hönnuð eldhústæki frá HAY en einnig frá Rig Tig, dótturfyrirtæki Stelton - sem munu án efa fegra eldhúsið og færa því gleði.

Eldhústækin sem um ræðir eru meðal annars brauðrist og hraðsuðukatlar frá HAY ásamt handþeytara og blandara frá Rig Tig. Tilvalin jólagjöf!

óska listinn minn ANDREA MAGNÚSDÓTTIR Fatahönnuður

HALLA BÁRA GESTSDÓTTIR

Home & delicious

UNNSTEINN JÓHANNSSON

starfsmaður í Epal og lífskúnstner

HLÍN REYKDAL

Skartgripahönnuður

ELVA HRUND ÁGÚSTSDÓTTIR Blaðamaður og stílisti

ÞÓREY HEIÐARSDÓTTIR Fatahönnuður og sölustjóri gjafavöru í Epal

Hver er eftirminnanlegasta jólagjöfin?

Eftirminnilegasta jólagjöfin er “Baunin” frá manninum mínum. Þegar við vorum táningar og nýbyrjuð saman gaf hann mér baun, bara venjulega baun sem hann var búin að spreyja gull-litaða. (prinsessan á bauninni baun).

Baunin var fyrst bara einhver húmor okkar á milli en hefur svo fylgt okkur alla tíð síðan.

Mörgum árum og tveimur börnum síðar gaf hann mér svo sérsmíðaða hvítagulls baun, hálsmen. Það er klárlega eftirminnilegasta jólagjöfin, það voru svo margar tilfinningar sem fylgdu með. Í dag höfum við gert ennþá fleiri útgáfur af bauninni svo ég á ég nokkrar baunir í dag þykir óendanlega vænt um þær.

Hvað hringir inn jólin fyrir þér? Fyrir mér byrja jólin á búðargólfinu. Það eru forréttindi að hitta allt þetta fólk fyrir jólin og fá að aðstoða við að velja í alla þessar gjafir. Hlusta á jólalög allan daginn og segja “Gleðileg jól” skrilljón sinnum. Ég hef einu sinni síðan ég varð fullorðin ekki verið að vinna í verslun á Þorláksmessu, þann dag var ég að þrífa fataskápana heima hjá mér.... það kemur aldrei fyrir aftur.

Hvað leggur þú áherslu á þegar þú kaupir jólagjafir?

Að velja eitthvað fallegt, helst eitthvað sem ég veit að viðkomandi langar í eða vantar.

Falleg hönnun er alltaf ofarlega á lista, ég er dugleg að skoða íslenska hönnun og finnst mikilvægt að kaupa gjafirnar í íslenskum verslunum og versla við þær verslanir sem ég vil að verði hér til frambúðar.

Ertu mikið jólabarn?

Já ég er það, ég hef reynt að tóna það niður en svo er bara svo gott fyrir hjartað að leyfa sér að njóta svo ég vel að vera jólabarn það er bara svo miklu skemmtilegra.

ANDREA MAGNÚSDÓTTIR Fatahönnuður

Óskalisti Andreu Ég væri glöð með nánast allt frá Frederik Bagger en langar að safna glösum og skálum frá þeim. AQUA glösin, kampavínsglösin & CRISPY skálarnar eru á óskalistanum Mig langar að byrja að safna í fallegt hnífaparasett og hef augastað á BERNADOTTE & COPENHAGEN frá Georg Jensen. Ég hef safnað Royal Copenhagen síðan ég bjó í Kaupmannahöfn Ég á orðið ágætis safn en þetta er svo dásamlega fallegt stell og gaman að eignast hægt og rólega í það. Ég elska kaffibollana “THERMAL MUG” og er að safna í þá, þeir yrðu klárlega á listanum.

Gufutæki frá STEAMERY. Hljómar kannski óspennandi að fá gufutæki í jólagjöf en þegar maður kemst upp á lagið með að vera með svona stóra gufugræju í þvottahúsinu þá er ekki aftur snúið.... Þetta er “game changer” Mín stóra gufa er orðin gömul og lúin þannig að þessi glæsilega Gufa frá Steamery er ofarlega á lista enda í fyrsta sinn sem ég sé fallega gufuvél.

Af því að þetta er óskalisti og maður á að segja óskirnar upphátt þó að þær rætist kannski ekki endilega strax ... þá langar mig í þetta tvennt í Epal.

Mig langar í Svan, ljóbleikan eða beige helst með gullfæti og svo er ég með borðstofuborðið frá VIPP á heilanum síðan ég sá það um daginn. Ég elska að eiga hluti á óskalistanum og vona að hann tæmist aldrei af því að það er svo gaman að láta sig dreyma.

Gleðileg jól!

Hver er eftirminnanlegasta jólagjöfin? Ætli maður muni ekki mest eftir gjöfum sem sérstaklega glöddu mann sem barn og þá líklega einhver leikföng; bollastell, dúkkuvagn, tölvuspil. Maðurinn minn hefur oft komið mér á óvart og þá með einhverju fatakyns.

Man sérstaklega eftir því þegar hann gaf mér silfurgráan kjól fyrir mörgum árum sem var pakkaður í risastóran pappakassa.

Hvað hringir inn jólin fyrir þér?

Falleg lýsing af jólaljósum, kerti, matarilmur. Góður matur og gott vín með.

Hvað leggur þú áherslu á þegar þú kaupir jólagjafir? Það er bara allra nánasta fólkið mitt sem fær jólagjafir og ég hef í huga að gefa það sem ég veit að það langar í, veit að það mun nota mikið og njóta þess að fá.

Ertu mikið jólabarn?

Mér finnst jólin voða yndisleg en aðallega bara þessi dimmi aðventutími. Við fjölskyldan erum mikið stemmningsfólk og eigum auðvelt með að hafa það gott og gaman við ýmis möguleg og ómöguleg tilefni.

HALLA BÁRA GESTSDÓTTIR

Home & delicious

Dimma ilmkerti frá Urð.

Ef einhver vill gleðja mig, þá getur hann gefið mér ilmkerti eða gott te.

Mér finnst góður ilmur á heimilum skipta höfuðmáli og lykt af vönduðu ilmkerti gerir mikið fyrir mig.

Louis Poulsen 2/1 Amber. Það eru aldrei of margir lampar inni á heimilinu og ég gæti alveg bætt einum við, hvað þá þessum. Hann er hreint óskaplega fallegur og það sem mér finnst fullkomið við hann er liturinn á skermunum. Það kemur þessi mjúka gula og gullna birta í gegnum hann sem er einmitt lýsingin sem ég sækist eftir til að gera kósý.

Takk Home handklæði. Vönduð efni skipta höfuðmáli inni á heimilinu. Mér finnst þessi stykki og handklæði gera hvert baðherbergi fallegra. Þetta er eitthvað sem við snertum á hverjum degi og jafnvel oft á dag og því skiptir það máli að efnið sé vandað.

Le Klint jólahjarta. Við eigum ekki mikið jóladót og gætum bætt smá í. Allt tengt aðventunni og sem lýsir upp dimmasta tíma ársins myndi henta vel. Ég segi alltaf að ilmur, kerti og mjúk lýsing eigi best við á þessum árstíma.

Little Petra, & Tradition. Það er ekki hægt að hugsa um Epal án þess að upp í kollinn komi glæsilegir stólar. Ég verð að setja þennan inn á listann.

Hann er svo passlega stór, með þessu yndislega áklæði og formið svo mjúkt að það mýkir upp beinar línur sem alltaf eru í miklum meirihluta inni á heimilum.

Hver er eftirminnanlegasta jólagjöfin?

Eftirminnilegasta jólagjöfin er gjöf sem eiginmaður minn gaf mér í kringum árið 2012. Ég hafði óskað mér heimsfrið í jólagjöf, þar sem mér datt ekki margt í hug á þessum tíma, þegar hann innti eftir óskalistanum mínum. Hann var svo dásamlegur að hann tók sig til og safnaði undirskriftum hjá fólki út um allan bæ þar sem það skrifaði undir að það myndi vinna að því að gera heiminn betri. Þetta var algjörlega dásamlegt, kom á óvart og nákvæmlega það sem ég óskaði mér.

Hvað hringir inn jólin fyrir þér? Það er ekkert eitt, þetta er svona smáskammtar.

En mér finnst jólin vera að koma þegar við fögnum fæðingardegi móður ömmu minnar á Þorláksmessu (og nú einnig afmælisdegi dóttur okkar). Hátíðlegast þykir mér hinsvegar þegar klukkan slær sex á aðfangadag og borðhaldið hefst. Allar góðu samverustundirnar með vinum og ættingjum er það sem ég tengi mest við þegar ég hugsa um jólin og eru það þær stundir sem ég sækist hvað mest í þegar fer að líða að jólunum.

Hvað leggur þú áherslu á þegar þú kaupir jólagjafir?

Fyrir mér er það fyrst og fremst minningarnar, þannig að gefa fólki upplifun eða gjöf sem nýtist vel er mér mikilvægt. Mér finnst skemmtilegast að gefa gjafir sem ég veit að nýtast vel og hitta í mark hjá þeim sem þiggur gjafirnar.

Ertu mikið jólabarn?

Til að vera heiðarlegur þá verð ég að segja að ég svona í seinni tíð verið nokkuð fráhverfur jólunum. Þá er það ekki endilega það að ég hafi ekki séð fegurðina í að eyða stund með fjölskyldu og vinum, eða þá þessum góðu stundum þegar það er orðið kalt og dimmt úti og snjórinn fellur í jólaljósunum. Þessir hlutir hafa veitt mér vellíðan og gleði. Það hefur hinsvegar kannski aðeins farið í mig þegar jólin eru farin að byrja í lok september og misleiðinleg jólalög eru á fullum krafti út um allan bæ. Hinsvegar er þetta að breytast hjá mér aftur núna, þar sem það er komið jólabarn á heimilið sem á afmæli á Þorláksmessu þá finn ég hvernig jólaskapið er að allt að koma til. Ég er með það sem sérstakt markmið í ár að koma mér í hellings jólaskap og skreyta vel fyrir 1. desember þar sem jólaskraut og jólaljósin veita meiri gleði og brjóta upp frekar furðulegan veruleika sem dunið hefur á okkur í ár.

UNNSTEINN JÓHANNSSON

starfsmaður í Epal og lífskúnstner

Óskalisti Unnsteins Fluid Muuto hengiljósin bæði stórt og lítið - finnst þau svo stílhrein og falleg. Þau kæmu mjög vel út yfir nýja borðstofuborðinu okkar.

Ton 18 barstólar sem ég myndi helst vilja fá í litnum baby blue í nýja græna eldhúsið okkar.

Hay pillar blue kertin eða bara öll, en í blue kertinu eru litir sem heilla mig mikið þessa dagana.

Skagerak Dania skurðarbrettið 56x35cm - þau eru ekki bara parktísk heldur svo falleg. Ég er að reyna að fara alveg úr plastskurðarbrettum yfir í viðarbretti og þetta myndi vera alveg kjörið.

Auping rúm með höfuðgafli, það er að fara að koma tími til að skipta um rúm, það er því hátt á óskalistanum að fá slíkan grip. Það sem heillar mig einna mest við Auping er umhverfisstefnan þeirra og hvernig þau hafa sett sér háleit umhverfismarkmið sem þau fjalla um af heiðarleika.

Hver er eftirminnanlegasta jólagjöfin?

Það er hringur sem Halli og stelpurnar mínar gáfu mér fyrir nokkrum árum.

Einnig skúlptúr sem Stella eldri dóttir mín gerði í leikskóla.

Hvað hringir inn jólin fyrir þér?

Það eru alveg nokkrir hlutir, ég elska aðventuna, kertaljós, samverustundir með góðum vinum og fjölskyldu. Við hittumst alltaf vinkonuhópurinn og gerum kransa saman í lok nóvember. Það hringir klárlega inn jólin.

Hvað leggur þú áherslu á þegar þú kaupir jólagjafir?

Eitthvað sem gleður, svo finnst mér rosalega gaman að pakka fallega inn gjöfunum.

Ertu mikið jólabarn?

Já ég er það, ég elska að koma heim á aðfangadag eftir mikla vinnutörn í desember. Kveikja á kertum, spila hátíðlega klassíska tónlist og elda jólamatinn.

HLÍN REYKDAL

Skartgripahönnuður

Óskalisti Hlínar Mig hefur lengi dreymt um Y stólinn frá Hans J. Wegner og PH 3/2 borðlampa í einhverjum fallegum lit.

Anna Thorunn gerir dásamlega fallegar vörur og er Bliss vasi ofarlega á óskalistanum, Tiles handklæðin frá ihanna eru dásamleg og væri ég til í eignast fleiri þannig.

Kampavínsglös Essence frá Iittala eru smart og borðbúnaður frá ro design.

Dásamlega falleg hönnun.

Hver er eftirminnilegasta jólagjöfin? Ég mun aldrei gleyma því þegar amma gaf okkur systrum heimaprjónaðar lopapeysur og hafði víxlað ermunum á þeim – ég fékk því allt of stórar ermar á mína peysu og öfugt, enda sex ára aldursmunur á okkur á systrum.

Hvað hringir inn jólin fyrir þér?

Jólaskapið kemur yfirleitt þegar fréttamiðlar og verslanir byrja að hita upp fyrir komandi tíð.

En spennan nær yfirhöndinni þegar ég pakka inn gjöfunum og skipulegg veisluborðið.

Allt er svo fullkomnað þegar við setjumst til borðs á aðfangadagskvöld.

Hvað leggur þú áherslu á þegar þú kaupir jólagjafir? Í ár verður þemað í gjafaleitinni - íslensk hönnun. Við eigum svo mikið af flottum hönnuðum og listafólki sem vert er að styrkja enn frekar á tímum sem þessum.

Ertu mikið jólabarn? Ég neyðist til að játa – ég er jólabarn! Hver elskar ekki mandarínur, jólaljós, greniilm og almenn kósíheit? Þetta er skotheld blanda til að dekra enn frekar við sjálfan sig með klassískar jólaræmur og hátíðarsöngva í bakgrunninum.

ELVA HRUND ÁGÚSTSDÓTTIR Blaðamaður og stílisti

Óskalisti Elvu Sængurver frá HAY - en það jafnast fátt á við gulröndótta drauma.

Borðlampinn „Blossi“ frá Nuura þykir mér afar fagur, og myndi sóma sér vel heima hjá mér.

Nýja Bliss skálin frá Önnu Þórunni var svona „ást við fyrstu sýn“, og þá er ekki aftur snúið.

Vörurnar frá Frama eru einstakar og ilmkertin frá þeim eru engin undantekning. Ég veit nákvæmlega hvar Svanurinn getur staðið í stofunni heima.

Nú þarf ég bara að óska mér mjög fast og vona að hann lendi hjá mér einn daginn.

Litafegurð í einni mynd á vegginn, en þessi er í uppáhaldi frá Pastelpaper.

Hver er eftirminnanlegasta jólagjöfin?

Fyrsta saumavélin mín sem ég fékk frá foreldrum mínum.

Möguleikarnir voru einhvern veginn endalausir og mig byrjaði samstundis að klæja í fingurna.

Hvað hringir inn jólin fyrir þér? Það fylgir starfinu mínu að byrja að huga að jólunum mjög snemma, þannig að maður kemst oft í vandræðalega mikið jólaskap í lok sumars. En ég myndi segja að mandarínulykt og nýfallinn snjór úti sé það sem byrji þetta af alvöru fyrir mér.

Hvað leggur þú áherslu á þegar þú kaupir jólagjafir?

Að reyna að mikla þetta ekki fyrir sér og hafa frekar gaman af þessu heldur en að stressast. Ef maður er í vandræðum með að finna gjafir þá eru hlýir sokkar eða gott konfekt eitthvað sem gleður flesta.

Ertu mikið jólabarn?

Já ég fæ alltaf sömu tilfinningu um jólin og þegar ég var lítil.

Jólin eru bara svo kósý.

ÞÓREY HEIÐARSDÓTTIR Fatahönnuður og sölustjóri gjafavöru í Epal

Óskalisti Þóreyjar

Flowerpot Portable borðlampi í matt black.

Mig hefur lengi langað í Flowerpot lampa og nú er hann að koma í “portable” útgáfu sem ég á ekki eftir að geta staðist.

Echasse vasi frá Menu.

Menu er í miklu uppáhaldi hjá mér og mér finnst eins og þessi lína hafi verið hönnuð fyrir mig. Knitting chair frá Menu í lambaskinni er einnig á óskalistanum.

Botanic Bliss olía frá Angan. Þessi olía er æði og ætti eiginlega að vera á öllum óskalistum.

Ilmkertið Tvær Stjörnur frá Sóley Organics. Ég elska góð ilmkerti, sérstaklega á þessum tíma. Þetta merki er nýtt í Epal og ég er mjög spennt fyrir þessum ilm.

Um leið og við óskum ykkur gleðilegra jóla og farsældar á komandi ári, þökkum við viðskiptin á árinu sem er að líða.

Gleðilega hátíð.

epal / Skeifan 6 / Kringlan / Harpa / Laugavegur 70 / 5687733 / www.epal.is