La Semeya prepara les próximes publicaciones

La editorial va participar n’Uviéy a Feria de la Edición Asturiana del 24 al 26 de marzu

La editorial La Semeya alcuéntrase preparando les publicaciones pa esti añu 2023, nel qu’espera poder consiguir asoleyar cinco nuevos títulos. El sellu noreñés también tien abierta la recepción de proyuctos nuevos de cara a 2024.

Lloñe, niundes, el pósimu llibru de la editorial yá s’alcuentra n’imprenta y se va presentase mientres la Feria de la Edición Asturiana del 24 al 26 de marzu entamada pol Gremiu d’Editores d’Asturies, al que pertenez y onde van tar representaes les cuasique trenta editoriales asociaes. Trátase d’una compilación de rellatos n’asturianu de Xuan Trenor Allen (Uviéu, 1981). L’autor tien dellos premios nesti xéneru y nel que va ser el so primer llibru axunta once relatos col filu conductor de tratar de lo cotidiano pero con un puntu de vista fantásticu. Avanzáu ta tamién el proyectu

La bruja, el herrero y el caldero de Dagba col que José Adolfo Oliver, maestru de Primaria nel colexu públicu “Condado de Noreña”, va debutar nel mundu lliterariou. Trátase d’una novela fantástica y d’aventures que si bien ta orientada a un público xuvenil ye d’interes tamién pa los amantes d’estos xéneros. Tamién s’alcuentra en procesu la obra cola que va abrir la coleición d’ensayu. La bolsa o la vida. El 99% contra la emerxencia climática, de Salvador Lladò (Tarragona, 1983) con traducción al asturianu dende’l catalán d’Aida Celemín. Lladò ye espertu na materia y describe de forma nidia y amena distintes perspectives de la crisis ecolóxica d’anguaño. Nun tan adelantaos pero sí en procesu tan los proyectos d’edidición d’un poemariu del noreñés Pablo Miñarro y d’un llibru nuevu del escritor argüellanu José Junquera Peña.