TAILER HAUEK GUZTIAK ORDUBETEKO BISITALDI GIDATUAREN OSAGARRI DIRA. BISITALDI GIDATUAN ZEHAR ERROTA ETA BURDINOLAN BURDINA EKOIZTEN DEN BEHEKO LABEKO SUA BERPIZTEN DUTEN HAUSPOAK MARTXAN IKUSTEN DIRA. BUKATZEKO, ERREMENTARIAK ESKOLA UMEEI SUTEGIAN HARRERA EGIN ETA BERTAN ZUZENEKO FORJAKETA ERAKUSTALDI DIDAKTIKO ETA ATSEGINA ESKAINIKO DIE. TAILER ETA BISITALDIAREN HIZKUNTZAK: EUSKARA, GAZTELANIA ETA INGELESA.
EL POBAL BURDINOLAKO BISITALDIARI ESKER IKASLEEK INDUSTRI IRAULTZAREN AURREKO ARTISAU-TAILERRA EZAGUTU AHAL IZANGO DUTE. ERDI AROTIK GURE LURRALDEAN BURDINAREN ERAUZKETA ETA BURDIN-LANA OSO OHIKOAK IZAN DIRA, INGURUKO MENDI GEHIENETAN MINERAL HAU OSO UGARIA ZEN ETA. IZAN ERE, MENDEETAN MEATZARITZA ETA BURDINGINTZA EUSKAL EKONOMIAREN OINARRIRIK GARRANTZITSUENETARIKOAK IZAN DIRA. EL POBALEKO INSTALAZIOETAN ZEHARREKO IBILBIDEAN IKASLEAK XVI. ETA XIX. MENDEEN BITARTEAN EGINDAKO ERAIKINETAN SARTUKO DIRA ETA DENBORA LUZEZ JARDUNEAN EGON ZIREN MAKINEN FUNTZIONAMENDUA IKUSIKO DUTE..
BARBADUN IBAIKO BURDINOLA & ERROTEN IBILBIDEA
BEGIRADA HONEN BIDEZ, INDUSTRIAURREA DERITZON GURE IRAGANEKO GARAI BATERA BIDAIATZEA NAHI DUGU . MODU BEREAN, GIZA ASMAMENAK BALIABIDE NATURALAK NOLA LORTU ETA BALIABIDE HAUEK ELIKAGAI ETA TRESNA NOLA BIHURTZEN DITUEN ERAKUSTEKO ASMOA DUGU.
( Lehen Hezkuntzako 3. zikloa eta DBH )
TARIFAK: - ESKOLA UMEAK: BISITA GIDATUA: 1 € / BISITA GIDATUA + JARDUERA: 2€ - IRAKASLEAK: DOAN BURDINEZKO TRESNEN FABRIKAZIOAK ETA OGI BIHURTZEN DIREN LABOREEN EHOTZEAK, NATURA ETA BALIABIDE NATURALEN USTIAPENAREKIN DUTEN HARREMAN ESTUARI BURUZ HAUSNAR DEZATEN PROPOSATUKO DIEGU IKASLEEI.
EL POBALEKO BURDINOLA FERRERÍA DE EL POBAL El pobal auzoa z/g 48950 Muskiz. T. 629 271 516. info@elpobal.com www.bizkaia.net/elpobal
BISITAREN BUKAERAN, IKASLEEK TAILERRA, BERTAKO LANGILEAK ETA PRODUKTUAK INGURUNEAREKIN INTEGRATUTA NOLA DAUDEN ETA ANTZINAKO EKONOMIAN ETA GIZARTEAN ZER ERAGIN ZUTEN ULER DEZATEN NAHI GENUKE. IKASLEEK ESPERIENTZIA ATSEGINA BIZI IZATEA ETA GURE ARBASOEN ANTZINAKO ARTISAU-LANA BALORATZEA DA GURE ASMO NAGUSIA. HAU LORTUZ GERO, BELAUNALDI BERRIAK GURE NORTASUN KOLEKTIBOA EZAGUTZEAZ GAIN, BERAU ERRESPETATU ETA KONTSERBATZERA BULTZATUKO DITUGU.
Oinez egiten den ibilbide gidatua, zailtasun txikikoa eta ordubeteko iraupenekoa da. Antzinako Sopuerta eta San Julián de Muskiz arteko bideari jarraituta, ibilbidea El Pobalen hasi eta Barbadun ibaian gora Galdameseko Arenao auzoraino iristen da. Jarduera honi esker ingurune natural aberatsaz goza daiteke eta ibai honen ertzean dauden La Ollako burdinola eta Valdivianeko errota-burdinola ikus daitezke. Amaieran, ikasleek Valdivianeko errota, Enkarterrietako eskualdean jardunean dirauen azkena, martxan ikus dezakete. Bertan, errotariaren azalpenen bidez, ogibide tradizional honen sekretuak ikasiko dituzte.
( Lehen Hezkuntza )
Errota bisitatu eta irina nola lortzen den ikusi ostean, ikasleek talo bana egin eta dastatuko dute. Hau egiteaz gain, euskal ohiturekin hain lotura handia daukan elikagai honi buruzko bitxikeria batzuk (jatorria, hedatzea, ezaugarri nutritiboak) ezagutu ere egingo dituzte.
ZUHAITZ TAILERRA OGI TAILERRA ( Lehen Hezkuntza )
Jarduera hau museoaren kanpoaldean gauzatzen da. Ikasle bakoitzak ogi biribil bat egin eta forma eman ondoren, gure egur-labera egostera eramango dira. Modu honetan, gazteenei lanbide tradizional hau gogora ekarriko zaie.
BURDIN TAILERRA
GIDA DIDAKTIKOAK
( Lehen Hezkuntzako 3. zikloa, DBH eta Batxilergoa )
( Lehen Hezkuntza, DBH eta Batxilergoa )
Jarduera hau burdinolako sutegian gauzatuko da. Sutegiak lau labeko su nagusia, egurrezko eta larruzko hauspo tradizionalak, ingudea eta burdina artisau-eran lantzeko trasnak dauzka. Ogibide honen oinarriei buruzko azalpen erraz baten ondoren, errementariak lagunduta, ikasleek forjaketa lan desberdinak egingo dituzte.
TALO TAILERRA
( Lehen Hezkuntza eta DBH )
El Pobaleko ingurune naturala ezagutzeko kanpoko ekintza da, urtegia eta errota-burdinola multzoaren arteko esparruan egiten dena. Aurrez ezarritako geldialdi batzuetan parte-hartzaileek ingurune honetako elementu jakin batzuk (landareak, zuhaitzak, minerala, haitzak, ubidea) identifikatu, aztertu eta interpretatu beharko dituzte joko, fitxa eta froga batzuen bidez, parte-hartze aktiboa daukatelarik.
El Pobalek bi gida praktiko eskaintzen ditu museoa bisitatzeko. Burdintxo gure maskotak txikienak burdinola eta errotako ibilbidetik gidatuko ditu, toki bakoitzean jolasak eta ariketak proposatuta. DBH eta Batxilergoko ikasleentzako koaderno didaktikoek bi jarduera industrial hauek ingurune naturalarekin duten erlazioa nabarmentzen dute. Jarduera honetan, museoko edukien ulermena errazteko testuak, irudiak eta ariketak erabiliko dira.
GAZTELUTXIKI ( Lehen Hezkuntzako 2. eta 3. zikloak )
Ikasturte honetan Muñatones gaztelua lehen aldiz irekiko da ikasleentzat urria, maiatza eta ekainean. Ikasleek bando gerra garaian eraikitako eta Erdi Aroko dorrea, arma-patioa, ur-putzua eta harresiak kontserbatu dituen gaztelu honetan zehar egindako bisitaldi gidatuaz gozatu ahal izango dira.
JARDUERAK ACTIVIDADES ( ikasturtea 2013/14 curso )
5 ZENTZUMENAK ( Haur Hezkuntza eta Lehen Hezkuntzako 1. zikloa )
Bost zentzumenetan oinarrituriko jarduera honen bidez haurrak museoaren edukietara hurbildu ahal izango dira. Ikasle hauen pertzepzio ahalmena suspertzeko errota-burdinola multzoaren berezitasunez (sua, ura, makinen zarata, irinak...) baliatuz bisitaldia jolas moduan gauzatuko da.
EUSKARA LANDUZ ( Euskaltegiak, DBH eta Batxilergoa )
Bisitaldiak eta banatzen den material didaktikoak (hiztegia, irudiak, testu literarioak, atsotitzak...) museoko edukiak ulertaraztea eta euskara lantzea dute helburu.
Gotorlekuan lurralde honetako noble boteretsuenetariko bat bizi izan zen: Lope Garcia de Salazar bandokidea. Erdi Aroan zeharreko ibilbide zoragarri honetan ezagutuko ditugun Loperen bizitzako pasadizoek garai hartako ohitura, gertakari eta gizartearen berri emango diete ikasleei.