12
PORRUSALDA
Noaua! - 2004ko abenduaren 17a
Zumartegin izandako leherketak kalte arinak eragin zituen
A
benduaren 11etik 12rako gauan leherketa izan zen Zumartegi industria-gunean, “Ventanas San Miguel” lantegiaren atarian. Leherketak, dena den, kalte txikiak eragin zituen. Biharamunean, konponketa-lanak martxan zeuden eta lantegia normaltasunez ari zen lanean. Gipuzkoako bi enpresetan zartarazitako bonbek tenporizadorea zuten, hala zioen Herrizaingo Sailak. Javier Balza Sailburuak adierazi zuenez, ETA da leherketa hauen erantzule. Antza denez, abenduaren 12an zarta-
razitako bi bonbek (bat Ormaiztegin; bestea Usurbilen) tenporizadorea zuten. Hori horrela, hasiera batean zegoen hipotesia baztertu egin dute adituek, alegia, etxean egindako lehergaiak zirela. Ertzaintza lehergailuen osaketa aztertzen ari da. Eztandak igande goizaldean, 2:30ak aldera, eman ziren Ormaiztegiko Zumarralde auzoan eta Usurbilgo Zumartegi industria-gunean dagoen "Ventanas San Miguel" lantegian. Eztandak azken lantegi honetako sarrerako atea hondatu zuen. Esan bezala, detonagailu bat ere aurkitu zuen Ertzaintzak.
Batasunak bere proposamena aurkeztuko du herrian
A
benduaren 17an Batasunak “Orain Herria, Orain Bakea” proposamena aurkeztuko du Udarregi Ikastolan, arratsaldeko 19:00etan hasiko den ekitaldian. Jon Gorrotxategi Batasunako mahaikidearekin batera, herriko hainbat kazetarik hartuko dute parte mahai-inguruan. Herritarrek edozein zalantza argitzeko aukera izango dute. Usurbilgo Batasunak bestelako deialdiak ere egin ditu. Abenduaren 24an, arratsaldeko 16:00etan, Euskal Presoak Euskal Herriratzeko eskatuz Olentzero izango da herrian. Hitzordua, Aitzaga aurrean, arratsaldeko 16:00etan.
Gudariei omenaldia, abenduaren 30ean Abenduaren 30ean, aldiz, arratsaldeko 20:00etan, herriko gudari hilei urtero egiten zaien omenaldia egingo zaie.
Ikastaroak langabetuentzat
L
anbide Eskolak langabetuentzako ikastaro hauek antolatu ditu: - Ordenadore bidezko diseinua. - Energi berriztatzaile eta behe tentsioko elektrizitateko langilea. Energi berriztatzaile, klimatizazio eta bero instalazioen muntaia eta mantentzea. Ikastaro hauek doanekoak dira eta benduan eta urtarrilean hasiko dira. Interesatuak lehen bai lehen izena eman ikastetxeko telefono zenbaki honetara deituz: 943 364 600. Leherketa abenduaren 12ko goizean izan zen. Astelehenean, normaltasunez ari ziren lanean. Irudian, behargin bat lantegiko ataria konpontzen.
LANBIDE ESKOLA Etarte bidea, 9 (Zubieta) Tel: 943.36.46.00 Fax:943.36.66.89 e-mail: adfnr@lhusurbil.com