Yahwan wala kan, king kata ba balan, dîa takan sapa kaikaia, waikna walhwal ba kaikisi tâ bâku iwan, bara sin lilya taki Kûkura naku win: —Naiwa wina takikama sika.
waitla
bîlara
maidingkrika
wark
Bara lalah sin manis yan; Kûku uba lilya taki, tingkika sakisi mahka tawanra bala, bara haha yûa wina Kûku ba King watlara dimi wark takikan. Witin mahkam tihmya banira aitaya ba wina taki king luhpya mairin ba wal aisikan, yu nani lui bani ba, wal kau laik takikan. Yu kum balan bâra, witin wal aikupia kumi takan; wal marit takaia. King naha walan bâra, uba aikupia sauhki ailuhpyara watawi naku win: —Man dia lamla saura takuya ki? Nahki muni kûku saura kumi ba wal marit takma? Du pali, baha dukia ba amya tiks. Luhpya mairin watawi naku win: —Briaisna ba briaisna, uba want sna ba mita briaisna. Witin wal kasak unsaban, sakuna ban marit takaiara wan. Marit lilyaka ba lahma upla manis pali paiwan kan, Kûku yaptika sin balan; bara mahka marit lâka ba ridikan. King luhpya mairin ba, aiprâka painkira pali diman, bara sin witin mairin pain kan ba wina, kau pain takan.
14