xxxiv
Ashallapi Tantachishka Willay
Chicha pachapi mikuymanta. Mikunamanta rimarikpika ashalla rikuykunami mana alli mikuna rurashkataka charinchi tukuy kawsaykunata rikukpika. shinapash maykan runa llaktakunapak yachaywan mishu yachaywan chimpapuranmi. Maykan runa ayllu llaktakunapika warmi chicha kakpika wiksa tukyanamantaka jayak yakutami upyachun ninguna yakupak ranti. Wacharishka kipaka kichwa taytakuna utkatami sasina nishka yachaytami wawataka rurankuna. Kay ruraywanka wawa alli mikuyta charinchun sinchi kachun nishpami rurankuna. Wachari pachapi ruraykuna. Runa llaktakunpika chichu warmikunaka kunan pachakunamanmi paykunapak wasikunallapitakmi wachankuna, chaypika chaypi tiyak parterakunallami yanapan. Kay ayllu llaktakunapika warmikuna chichu pachapi wachashka kipapish mana paktachu villa llaktapi tiyak warmikunawanka. Shina jampik wasikuna tiyashpapish mana alli jampin nishpami chay jampik wasikunamanka mana rishanin. Runa warmikunaka mana llatanlla chay chiri jampik wasikunapika kasha ninchu ashtawanpish paykunapak wasikunallapitimi wachasha ninkuna chaypimi paykunapak ayllukunawan kasha nin wawa wachari pachapi. Alli rikukpikari runa warmikunaka mana allita chaskishkachu kan chay jampik wasipi jampikunawan. Shinallatak chay jampikkunaka mana kichwata rimankunachu chayka shuk llakimi kan runa warmikunapakka. Kutishuk manchay runa warmikupakka mana kumurishpa wachachinatami manchankuna, shina runa shina yana warmikunaka shuk iñitami charinkuna ima shina wachanamanta chaymanta mana maymanshi rinkunallachu wachankapakka. Wawaman chuchuchinamanta. Runa warmikunaka wachashka kipaka paykunapak wawakunamanka paykunapak ñuñutami chuchuchin chaytaka mana rantina shina sumak alli wawapak kashkamanta. Kay Ecuador mamallaktapika mamapak kallari ñuñuta may sumak ninkunami, kutin Africa llaktapika chaypi tiyak runakunaka chay kallari ñuñuka mana alli kan nikkunami kashka. Ima shina kicha unkuyta Apay. Runa llaktakunapika wawakuna kichata charikpi imashina jampinataka shuktak iñikunatami charinkuna, shina jampinapakka mikunata yakuta mana ña chay wawakunamanka kunkunachu chaykunata kukpìka ashtawanshi anchayankami ninkunami. Mushuk yanapayta mutsuk. Paykunapk yachaykunata charishpapish Ecuador mamallaktapi tiyak runakunaka mishukupak jampikunata yanaykunata chaskisha ninkunami. Shina paykunaka ima laya unkuyta charishkata rikushpami runa jampikpakman shina mishu jampikpakman rinata yuyankuna. Shinallatak runa llaktakunapi tiyak misha warmikunapash runa jampita chaskinkunami shinapash kutishuk jampitapash chaskinkuna, kaypi kullki shinallatak maypi jampik wasikunapishmi kay akllayta rurankapakka rikunkuna. Ima pachakuna ima laya jampikkunamanta. Mishu jampik wasikunapika tawka llakikunami tiyan shina; mana tukuy pacha jampikkuna chay wasikunapi kan, yalli llaki unkuykunataka mana jampi tukun, mana jampikuna jautn jillaykunata charinkuna, shinallatak jampikkunashi mana alli yachakkuna kan chaykunamantami ayllu llaktakunapika mana alli alli kawsayta charinkapak alli yanapaykuna tiyan. Kutishuk alli kamachikuna. Chaykunamantami may alli kashka kay Ley de Maternidad Gratuita nishka yanapay shinallatak kay PROAUS, kay yanapypika kullkitapash ashallata