RRJETET KOMPJUTERİKE Rrjeti kompjuterik është grup i dy apo më tepër kompjuterëve të lidhur. Kompjuterët e lidhur në rrjet mund të gjinden në distancë më të madhe apo më të vogël të ndërsjellë dhe të jenë të lidhur me pajisje të ndryshme –me apo pa tela. LLOJET E RRJETEVE KOMPJUTERIKE
Llojet themelore të rrjeteve kompjuterike sipas distancës së ndërsjellë të kompjuterëve të lidhur janë: • Rrjet kompjuterik lokal (LAN –Local Area Network). • Rrjet kompjuterik global (WAN – Wide Area Network). RRJET KOMPJUTERIK LOKAL
Rrjeti LAN i lidh kompjuterët që gjinden në largësi të vogël reciproke. Shembull për rrjet lokal kompjuterik janë kompjuterët e lidhur në një klasë, zyrë, ndërtesë etj.
INTERNETI RRJETET KOMJUTERIKE
MUNDËSITË E RRJETIT LOKAL KOMPJUTERIK
Kompjuterët e lidhur mund t'i shfrytëzojnë bashkërisht pajisjet harduerike, si shtypësin, skanerin, etj., mund t'i shkëmbejnë programet dhe fajllet etj. Për shembull: Shtypësin apo skanerin e lidhur për një kompjuter, mund t'i shfrytëzojnë për shtypje dhe skenim të gjithë kompjuterët e tjerë edhe pse nuk janë drejtpërdrejt të lidhur me ta. Të dhënat dhe programet mund të përcillen prej njërit kompjuter në tjetrin pa shfrytëzimin e CD-së apo memories USB. Shfrytëzuesi i lidhur në rrjetin lokal, në secilin kompjuter, nëse ka leje, mund të përcaktoj cilat pajisje apo follderë në kompjuterin e tij do të japin qasje për shfrytëzim apo shfletim kompjuterëve të tjerë të rrjetit. Shfrytëzuesi mund edhe të mos lejojë asgjë nga kompjuteri i tij të shihet apo shfrytëzohet nga kompjuterët e tjerë të rrjetit. Shfrytëzuesi mund të bëjë një follder i kompjuterit të tij të shihet (ndahet) nga kompjuterët e tjerë dhe sipas nevojës dhe marrëveshjes nëpërmjet atij follderi të shkëmbejë programe dhe fajlla me kompjuterët e tjerë të rrjetit.
112