დუშეთის მაცნე

4

25 იანვარი, 2014 წ.

დუშეთის მაცნე ქრონიკა ახალი გზა წყაროსთავის სალოცავამდე...

გასული წლის დეკემბრის ბოლოს, უკანაფშავის თემის სოფ. უკანაფშავიდან ახალი გზა გაიჭრა წყაროსთავის სალოცავამდე (ბორბალოს მთის ძირას). აღნიშნულ ადგილას სამანქანე გზა არასოდეს ყოფილა. აღსანიშნავია, რომ ახალი გზა 3 კილომეტრამდე სიგრძისაა და მომლოცველებს თავისუფლად ემსახურება. გზის მშენებლობა დუშეთის მუნიციპალიტეტის ორგანიზებით განხორციელდა. საკრებულოს დეპუტატ დავით თეთრაულის ინფორმაციით, მშენებლობას მაქსიმალურად დაეხმარა მუნიციპალიტეტის გამგებელი ვაჟა ჩოხელი, თემის რწმუნებული შალვა წითელაური და წარმოშობით უკანაფშაველი, გოგოლაურების თემის ხევისბერი ლევან გოგოლაური, აგრეთვე – ადგილობრივი მოსახლეობა და სოფლის მკვიდრი ავთანდილ ჯაბანიშვილი, რომელმაც მუშებს უსასყიდლოდ დაუთმო საცხოვრებელი ბინა. დავით თეთრაულის ინფორმაციითვე, უკანაფშავის თემის სოფელს – ვაკესოფელს 20 წელიწადზე მეტია არ მიეწოდება ელექტროენერგია. ეს პრობლემური საკითხი თეთრაულმა წამოჭრა მუნიციპალიტეტის საკრებულოს წინაშე. უახლოეს ხანში მომზადდება საკრებულოს წერილი ენერგეტიკის სამინისტროსადმი, რათა სოფელ მუქოდან, სადაც სადღეისოდ ელექტროენერგია მიყვანილია, მოხდეს სოფელ ვაკისოფელის ელექტროენერგიით უზრუნველყოფა.

პრემიერის წერილი გუდამაყრელ მოსწავლეს – ბაჩო წიკლაურს ბაჩო! ჩვენო პატარა ვაჟკაცო, მთელმა საქართველომ გაიგო, რომ გუდამაყარში, მაქართის სკოლას ერთადერთი მოსწავლე ჰყავს – ბაჩო წიკლაური, საამაყო ბიჭი. კარგი სწავლით, დიდი ნებისყოფითა და, რაც მთავარია, მშობელი მიწისა და მთების სიყვარულით, შენი ერთგულებით, უკვე ემსახურები სამშობლოს. სწორედ შენ და შენი ოჯახი იცავთ ჩვენს ქვეყანას. თქვენნაირი ადამიანების მხრებზე იდგა და დღემდე მოვიდა საქართველო. მადლობა თქვენ ამისათვის. ბევრ სიხარულს და ნატვრის ასრულებას, სამშობლოს აყვავებას და ძლიერებას გისურვებ, ჩვენო სასახელო პატარა ვაჟკაცო, სამშობლოს ერთგულო მცველო!

ირაკლი ღარიბაშვილი

მინისტრებს ხელფასი შეუმცირდებათ სახელფასო სარგო შეუმცირდებათ. შესაბამის ბრძანებას პრემიერ-მინისტრ-

მინისტრებს მა ირაკლი ღარიბაშვილმა ხელი უკვე მოაწერა. „ხარჯების შემცირებისა და მინისტრთა ხელფასებთან დაკავშირებით საზოგადოებაში მრავალგზის გაჩენილ კითხვებზე რეაგირების მიზნით, პრემიერ-მინისტრის გადაწყვეტილებით, მინისტრთა კაბინეტის წევრებს სახელფასო დანამატი შეუმცირდებათ. ნაცვლად 6300 ლარისა, მინისტრთა სახელფასო სარგო, სახელფასო დანამატთან ერთად, 5000 ლარი გახდება", - განმარტავენ პრემიერის პრესსამსახურში.

სპორტი

ძიუდოისტებმა მორიგი გამარჯვება მოიპოვეს

19–20 დეკემბერს, ბოლნისში გაიმართა ძიუდოისტთა V საერთაშორისო ტურნირი, რომელიც საქართველოს ტერიტორიული მთლიანობისათვის ბრძოლაში დაღუპული საბა დადვანის ხსოვნას მიეძღვნა. ტურნირში ჟინვალის ძიუდოს სკოლის წარმომადგენლებმაც იასპარეზეს და შესაბამისი საპრიზო ადგილები დაიკავეს. უფრო კონკრეტულად: I ადგილი, 35 კგ წონით კატეგორიაში, მოიპოვა ლუკა ღანიაშვილმა; II ადგილი, 42 კგ. წონით კატეგორიაში, სოსო დრიაშვილმა; III ადგილს დასჯერდნენ: გიორგი ჯაბნიაშვილი (32 კგ.), საბა ხალიშვილი (29 კგ.), ზურაბ ქავთარაძე (32 კგ.). მკითხველს შევახსენებთ, რომ პატარა ძიუდოისტთა მწვრთნელები არიან: ალექსანდრე ღანიაშვილი, გიორგი გიგაური, დავით ქერაული. სურათზე მარცხნიდან: საბა ხალიშვილი, ლუკა ღანიაშვილი, სოსო დრიაშვილი, გიორგი ჯაბნიაშვილი, ზურაბ ქავთარაძე.

„დუშეთის მაცნე” ინტერნეტითაცაა ხელმისაწვდომი

მკითხველს საშუალება ეძლევა, გაზეთის ელექტრონულ ვერსიას გაეცნოს დუშეთის მუნიციპალიტეტის ოფიციალურ ვებ–გვერდზე: www.dusheti.org.ge