Infostil 12

Издание 12 Мај 2023

ИНФОСТИЛ

Како да jа унапредиме безбедноста?

СОДРЖИНА 03 ЗА ТЕМАТА НА БРОЈОТ - ВЛАДО КОЧОСКИ 06 ИНТЕРВЈУА ЗА ТЕМАТА НА БРОЈОТ 06 Александар Костевски 06 Трајче Арсов 07 Благоја Теов 07 Катерина Пешиќ 09 АКТИВНОСТИ ВО ПОГОНИТЕ 09 Челичарница 12 Валавница 15 Економика 16 НОВИ ВРАБОТЕНИ 21 ЗАЕДНО РАБОТИМЕ НА ПОДОБРУВАЊЕ НА БЕЗБЕДНОСТА 24 АКТИВНОСТИ, МЕСЕЦ НА БЗP 24 Ергономски вежби 25 Безбеден транспорт во кругот на Макстил 26 Презентации во средни стручни училишта соработка со СЕТУ „Михајло Пупин“ 27 ВРАБОТЕНИ НА МЕСЕЦОТ 28 ОПШТЕСТВЕНА ОДГОВОРНОСТ 35 НАГРАДИ, ПРИЗНАНИЈА И СЕРФИТИКАТИ 38 ЗАНИМЛИВОСТИ 40 МАКСТИЛ ВО СВЕТОТ

2

Владо Кочоски

Директор за безбедност и здравје при работа

СО ПОСТОЈАНИ ИНВЕСТИЦИИ МАКСТИЛ КОНТИНУИРАНО ЈА УНАПРЕДУВА БЕЗБЕДНОСТА И ЗДРАВЈЕТО ПРИ РАБОТА Дали безбедноста и здравјето при работа е потреба или обврска, како се гради и како се постигнува безбедна и здрава работна средина, и какви се ефектите, односно како тоа влијае врз вработените? Кога се зборува за безбедноста на вработените и за стандардите, се зборува за динамичен и секојдневно променлив интердисциплинарен пристап што опфаќа многу повеќе од заштитна опрема, заштитен шлем и ракавици. За развојот на тенденциите и растечките стандарди во создавање здрава и безбедна работна атмосфера најточно дознаваме од Макстил, компанијата каде безбедноста се развива и надградува на дневно ниво. Кои активности се преземаат за подобрување на Безбедноста и здравјето при работа во Макстил како поголеми инвестиции, а кои во континуитет? Безбедноста при работа е едно од основните права кои се загарантирани со Уставот на Република Македонија, кое понатаму се доуредува со законски и подзаконски акти, а со цел чување и унапредување на безбедноста и здравјето на работниците. Безбедноста и здравјето при работа е динамична и секојдневно променлива интердисциплинарна струка која мора да ги следи трендовите во индустријата и новите достигнувања. Еден од главните приоритети во делувањето на Макстил е посветеноста за континуирано подобрување на безбедноста и здравјето на нашите вработени, кои придонесуваат кон остварување на компаниските цели. Веќе неколку години наназад компанијата многу посветено работи на проектот за подигнување на свеста на вработените во делот на безбедност при работа, како еден од најзначајните сегменти од работењето. Овој проект во континуитет опфаќа инвестициски вложувања, изработка на упатства во делот на безбедноста, како и континуирана обука на вработените, сѐ со цел тие да се чувствуваат безбедни при извршувањето на работните задачи. Анализата од спроведувањето на проектните активности покажува значајно подобрување на безбедносниот аспект пред сѐ преку следење на бројот на настанати повреди како основен предуслов и параметар, а кои драстично се намалени во однос на изминатите години од работењето на Макстил. Минатата година во Макстил го воведовте и ИСО 45001 - Системот за безбедност и здравје при работа, што се постигна со воведувањето на овој систем? Професионалниот пристап кон работата, високото ниво на интегритет и посветеност кон професијата, добро имплементиран систем за безбедност и здравје при работа во еден деловен субјект може да влијае на неговата ефикасност на многу начини. Затоа вредноста од воведување интегриран систем за безбедност и здравје при работа во еден деловен субјект не смее да се потцени.

3

Како заокружување на целата активност после поминатиот процес на усогласување на документацијата согласно барањата на стандардот ISO 45001:2018, во декември 2022 година успешно е помината надзорната проверка од надворешно сертификациско тело и добиен е сертификат со кој се потврдува дека Макстил го воведе и го применува системот за менаџмент со безбедност и здравје при работа во согласност со барањата на стандардот ISO 45001:2018. Макстил се стреми да биде успешна компанија, ориентирана на безбедноста, со силен фокус кон клиентите. Ги достигнуваме нашите цели преку инвестирање во технологија, синергија на вештини, знаење и искуство. Секој во Макстил е важна алка од синџирот. Ние не сме само тим, ние сме семејство. Со цел да креираме заеднички раст, ние заедно се движиме напред, преку почитување на нашите вредности и високи стандарди. Која е вредноста на инвестициите што Макстил ги направи изминатата година за подобрување на Безбедноста и здравјето при работа? Во изминатите години, голема посветеност во безбедноста и здравјето на вработените покажа и Одборот на директори на Макстил, преку одобрување на дополнителен буџет за инвестициски вложувања за подобрување на условите за работа и ставање на безбедноста при работа како прв приоритет. Направени се значајни инвестициски вложувања во поглед на безбедноста при работа во изминатите години. Набавени се нови кабини за дигалкари и подобрен пристап до нив, инсталирани се сигурносни линии за безбедно движење и работење на височина, поставени се платформи и патеки за пристап кои се употребуваат при извршување на работните активност, монтирани се безбедносни огради и нови скали за олеснување, подобрување на работите и минимизирање на ризикот како и подобрување на осветлувањето и нова електрична инсталација на дигалкарски патеки. Една од позначајните инвестиции и мерки за заштита на вработените е воведување на LОТО (lock out/ tag out) системот што овозможува дополнителна безбедност во поглед на осигурување дека опасната опрема е правилно исклучена и нема да се вклучи се додека трае процесот на одржување и поправка. Исто така, поставени се нови операторски кабини, вентилациски системи во работилницител, а реновирани се и управните погонски згради. Во овој поглед и понатаму продолжуваат инвестициските вложувања во безбедноста при работа, зголемување на нивото на безбедност на сите вработени и подобрување на работните услови во погоните. Што според вас треба да биде во фокусот на Макстил како компанија во металната индустрија, во однос на Безбедноста и здравјето при работа? Системите за БЗР се дизајнирани да ги идентификуваат и минимизираат ризиците на работното место. Со оглед на ова, вреди да се има предвид дека должност на работодавачите е да ја осигурат заштитата на здравјето и безбедноста на работниците, како и да се консултираат со работниците и/или нивните претставници и да им се овозможи да учествуваат во дискусиите поврзани со безбедноста и здравјето при работа. Исто така, многу важен дел е да се овозможи средина за создавање на превентивна безбедносна култура на работните места без разлика на полот, возраста, образованието, политичката припадност и останати потенцијално дискриминирачки елементи во секојдневието. Фокусот на безбедноста и здравјето обезбедува можност за подобрување на ефикасноста на деловното работење, како и за заштита на вработените. Како ја оценувате состојбата во делот на Безбедноста и здравјето при работа во Македонија? Дали практиките од експертите на светско ниво се применуваат доследно и кај нас? Безбедноста и здравјето при работа е особено комплексна област, која е од големо значење и која директно засега огромен број вработени. Ако направиме паралела на состојбата во областа на безбедност и здравје при работа во Република Македонија, од донесувањето на Законот за безбедност и здравје при работа од 2007 година до денес, може да се каже дека состојбата сѐ уште не е идеална, но има огромен напредок, благодарение на зголемената свест од страна на работодавците и вработените во однос на овозможување безбедна и здрава работна средина, безбедни и здрави вработени и сигурни приходи од дејноста на работодавците. Секако, секогаш сите чинители треба да тежнеат за напредок, бидејќи безбедноста и здравјето при работа е жива материја која треба да се негува и унапредува. Особено важно за подобрување на состојбите во делот на безбедноста и здравјето при работа е следењето на современите трендови, стандарди, политики и практики во областа на светско ниво. Тука ќе ја истакнам и важноста на добрата, ефикасна и континуирана комуникација пред сѐ со соодветните

4

министерства, државните органи, агенции, невладини организации и слично домашни и понатаму во поширок размер соработка и пренесувања на искуства со соодветни организации од други земји, од регионот и пошироко. Соработка со тела во овој домен, односно комуникацијата со сите фактори кои ги креираат и поставуваат стандардите, меѓу другото и во областа на безбедноста и здравјето при работа треба да биде постојана и континуирана. Тие се најзначајни во најмала рака партнери, кои обезбедуваат помош и поддршка во активности насочени кон унапредување на состојбите во оваа област. Тие располагаат со навистина огромна експертиза, искуство, материјали, анализи, извештаи, промотивни и други материјали, специфични алатки, кои можеме да ги користиме во имплементацијата на политиките, унапредувањето, а особено во делот на промотивни активности во областа на БЗР. Направено е многу, но кои се следните проекти во делот на подобрување на Безбедноста и здравјето при работа што се планирани во Макстил АД Скопје, кои уште повеќе ќе ја унапредат работната средина за сите вработени? Она што е најзначајно за мене е неопходноста од обезбедувањето на континуитет во унапредувањето на безбедноста и здравјето при работа, што би требало да биде заедничка и координирана заложба и работа на сите нас кои на каков било начин сме вклучени во креирањето, следењето на имплементацијата на политиките во областа на БЗР. Сите ние заеднички ја споделуваме и одговорноста и обврската да работиме на превенирање на незгодите, повредите и заболувањата поврзани со работата. Мојата визија во рамки на областа, ја поврзувам со обезбедување подобро здравје и поголема безбедност на работата за секој работник, да биде навистина заедничка цел и заложба на сите релевантни чинители и секој, во својот домен и во рамките на своите можности, активно да работи и придонесува за остварување на таа цел за подобрување на состојбите. За да се оствари сето наведено, а со цел подобрување на безбедноста и здравјето при работа, сите учесници мора да имаат поголема проактивна улога во секојдневното работење во Макстил, како и на поширокото делување во општеството, преку учество и вклучување во креирањето на политиките за безбедност и здравје при работа, но и да ги наметнуваат во секојдневните активности прашањата за создавање на превентивна безбедносна култура на работните места.

5

И Н Т Е Р В Ј УА АЛЕКСАНДАР КОСТЕВСКИ Инженер за безбедност при работа Макстил АД Скопје континуирано презема активности за подобрување на безбедноста и здравјето при работа, од кои може да се издвојат: • Проекти за БЗР: подигнување на свеста за БЗР на вработените, средства за информирање; • Обуки: минути за безбедност, специфични обуки за прва помош, противпожарна заштита, ракување со дефибрилатор, вежби за евакуација и спасување; • Работни тела за “Near miss” и повреди при работа; • Инвестиции во условите за работа: нови операторски кабини, пристапни платформи, патеки, знаци, подобар избор и квалитет на лична заштитна опрема, безбедносни линии за работа на височина, гардероби. Денес како и последните неколку години состојбата во делот на Безбедноста и здравјето при работа во Макстил е многу подобрена во однос на претходно, сметам дека треба да се продолжи со исто темпо можеби и повеќе за да достигнеме целта „нула“ по избор а не „нула“ по случајност (zero by choice not zero by chance) односно „нула“ повреди и инциденти. Следни чекори би биле континуитет пред сѐ во развивање на свеста на сите вработени за Безбедноста и здравјето, бидејќи сметам дека тоа е најважен фактор во овој сегмент. Тимската работа е многу битен фактор и алка во целокупниот систем на безбедноста и здравјето, бидејќи безбедноста и здравјето при работа тешко се постигнува индивидуално. Во секторот имаме одлична тимска работа, а мојата улога во тимот е со моето знаење и искуство им помогнам на моите колеги и претпоставени, на целиот сектор да ги оствариме заедничките цели за безбедноста и здравјето при работа во Макстил да биде на највисоко ниво.

ТРАЈЧЕ АРСОВ Референт во БЗР Макстил како компанија ги презема сите активности од секаков аспект за подобрување на Безбедноста и здравјето при работа, од навремено снабдување на вработените со личните заштитни средства, неопходните и задолжителни обуки за заштита при работа и за прва помош, до навремено сервисирање на средствата за работа, како фактор за безбедно и ефикасно извршување на работните задачи. Состојбата во делот од Безбедноста и здравјето при работа е на задоволително ниво со тенденција на подобрување, што е наш приоритет во понатамошното ангажирање на нашиот оддел. Како следни чекори кои што треба да се преземат е зголемување на директното ангажирање на вработените во делот од безбедноста и здравјето при работа, давајќи им до знаење дека тие се главниот фактор како на нивната Безбедност и здравје и со тоа придонесувајќи и на компанијата во подобрување на ефикасноста и непреченоста во работата.

Tимската работа е наш најважен фактор за успешна и ефикасна работа на секторот за Безбедност и здравје при работа, на наше најголемо задоволство. Одличната и коректна меѓусебна комуникација на сите во нашиот сектор придонесува во ефикасноста на задачите кои ги имаме, на наше големо задоволство. Поединечните улоги и искуство ги споделуваме несебично се со цел, во подобрување на Безбедноста и здравјето при работа на сите вработени во компанијата.

6

БЛАГОЈА ТЕОВ Референт во БЗР Макстил презема конкретни чекори за дополнителни обуки на вработените за Прва помош и Противпожарна заштита, се грижи за исправноста и редовното сервисирање на ПП апаратите и сандачињата за Прва Помош, снабдување со ЛЗС по пропишани стандарди и без штедење. Состојбата во делот на БЗР во Макстил се подобрува и оди во нагорна линија. Овој делумно млад тим работи посветено на безбедноста и здравјето при работа на вработените во Макстил. Јас сум со 33 годишен работен стаж во Макстил и 6 месеци во секторот за Безбедност и здравје при работа. Претходно во повеќе наврати сум давал забелешки дека треба да се обучат вработените од областа на БЗР, но сега гледам дека се работи со голем интензитет на едуцирање на вработените и можам да кажам дека веќе има повратен ефект. Јас сум многу горд што сум дел од овој тим кој несебично ги дели знаењата и практикува тимска работа која дефинитивно е многу важен дел за успешно завршување на поставените цели.

КАТЕРИНА ПЕШИЌ Инженер за безбедност при работа НИКОГАШ НЕ И ДАВАЈТЕ СЛОБОДЕН ДЕН НА БЕЗБЕДНОСТА! Макстил презема голем број активности како што се инвестициите за подобрување на условите за работа и набавка на нова современа лична заштитна опрема, обуки на вработените за различни теми од областа на БЗР, како и воведување на ISO 45001 стандардот. Започнат е проектот за подобрување на противпожарната заштита, најпрво со обуки на сите вработени, а во тек е и инсталирањето на звучна и светлосна сигнализација за итни случаи. Во подоцнежната фаза ќе се инсталираат и автоматски дојавувачи за пожар во погоните, како и зголемување на бројот на стабилни системи за гасење пожар на високо ризичните места. Исто така во тек е и проектот за поголема контрола на активностите кои се извршуваaт од страна на надворешните изведувачи, со ажурирање на постоечката процедура, како и воведување на Дозвола за работа на височина, Дозвола за работа со пламен и искри и Дозвола за работа во затворен простор, документ кој ќе се пополнува од страна на Барателот на услугата, Изведувачот и БЗР тимот, а во кој ќе бидат наведени сите опасности и штети поврзани со активноста како и превентивните мерки кои треба да се преземат за да се спречат несакани последици како по безбедноста и здравјето на извршителите, така и по работниот процес. Оваа година интензивно се работи на “5S + Safety” проектите (Sort - Сортирај, Set In order – Намести по ред, Shine – Постојано чисти, Standardize - Стандардизирај, и Sustain - Одржувај), со што се придонесува за поголема безбедност. Поттикнувањето на вработените редовно да ги пријавуваат сите проблеми со кои се соочуваат во текот на работењето, а посебно од областа на БЗР, како што се избегнатите инциденти (near miss), оштетувањата

7

на постројките и опремата за работа, со противмерките што ги наложува комисијата која е задолжена за разгледување на овие случаи, се превенираат повреди и инциденти од големи размери. Безбедноста и здравјето при работа во Макстил од година во година се подобрува, а тоа се должи на посветеноста и поддршката од највисокото раководство и за нив Безбедноста на вработените е пред сѐ. Следни чекори кои треба да се преземат се поинтензивни обуки и неформални разговори на темата за БЗР како со вработените кои директно се вклучени во процесот на производство, така и со вработените во администрацијата. Мора да се знае дека без разлика на работното место, сите сме важен дел од синџирот наречен Безбедност при работа. Треба да се пронајде вистинскиот начин да се допре до сите вработени и да се подигне свеста за БЗР, да разберат дека за нивната безбедност и здравје се одговорни најпрво самите тие, но и дека безбедноста е колективна одговорност. Овој месец заедно со колегите од БЗР секторот направивме доста важен чекор во подигнување на свеста за безбедноста, а тоа е презентација на темата “Безбедна и здрава работа средина како основен принцип и право на работа” во средните стручни училишта. Со ова им ја приближуваме Безбедноста и здравјето при работа на наште идни генерации, а се надеваме и наши идни вработени. Во Макстил работам точно 1 година, но имам чувство како да сум дел од тимот многу подолг период, пред сѐ, благодарејќи на колегите од БЗР Секторот, Секторот за Човечки ресурси, но и сите директори, инженери и директни извршители на работата во погонот Валавница, кои уште од првиот ден ми ја дадоа целосната поддршка и ме упатија во работењето на оваа компанија. Со моето претходно стекнато седум годишно искуство во областа на Безбедноста и здравјето при работа, во нафтената и автомобилската индустрија, и во соработка со останатите колеги од БЗР секторот во Макстил, имплементираме нови проекти по светски стандарди со кои ја зголемуваме свеста за БЗР на секој поединец во Макстил. Верувам дека донесов нова свежина и поттик во тимот за да се продолжи со исполнување на целта, а тоа е сите наши вработени безбедно да се вратат дома.

ЛИДИЈА АГОВИЌ Магационер

8

АНА СЕРШИЌ Магационер

ЧЕЛИЧАРНИЦА АКТИВНОСТИ ВО ПОГОНИТЕ Во погонот Челичарница во текот на првиот квартал на 2023 произведени беа 56.046т слабови, што споредено со претходната 2022 година кога беа произведени 51.269т. претставува намалување од 9,3%, што споредено со планираното производство (25.000 т.) претставува повеќе од двојно зголемување. Во текот на целиот квартал извадокот старо железо – слаб во споредба со планираниот извадок е понизок од 1,1 п.п. во февруари до 0,3 п.п. во март. Извадокот слаб прва класа за февруари бележи намалување во однос на планираниот за 2 п.п. и во март е исто така, понизок од планираниот за 3,2 п.п. Потрошувачката на ел. енергија бележи намалување во текот на февруари и март. Активното време на изработка на една шаржа бележи незначителен пад во двата месеца од работењето на погонот. Просечниот број на произведени шаржи на дневно ниво во февруари изнесува 22,8 додека во март изнесува 22,6.

9

10

ИНВЕСТИЦИИ ВО ПОГОНОТ ЧЕЛИЧАРНИЦА ВО ПРВИОТ КВАРТАЛ НА 2023 АКТИВНОСТИ ВО ПОГОНИТЕ

ЧЕЛИЧАРНИЦА Потпишани договори за набавка на две нови мобилни дигалки Sennebogen и Liebherr за потребите на Старо железо. Активностите за зголемување на безбедноста при работа и работните услови - комплетирање на веќе започнатите инвестициски проекти:

1

Подготвителни активности за реновирање на холот на управната зграда на погонот Челичарница..

3

Реновирање операторски кабини во делот на конти лив и казанска печка.

2

Замена на крански кабини. Пристигнати 8 крански кабини. монтирани 5, коплетна реализација до крај на втори квартал 2023.

4

Подготвителни активности за реализација на втора фаза од делот за безбедно движење по кранови и крански стази.

Во подготовка активностите за покривање на кровната конструкција во делот на конверторски кули. Продолжуваат активностите за надградба на софтверските решенија за следење на текот на набавка, контрола, прием и потрошувачка на старо железо. Очекуван рок за комплетирање на проектот крај на 2023. Активности во делот на проектот за имплементација на алтернативно гориво пропан бутан. Проектни планови 2023, автоматско мерење на ниво на кристализатор со дозирање на ливен прашок, нов 30т кран во делот на покриени полиња на Старо железо.

11

ВАЛАВНИЦА АКТИВНОСТИ ВО ПОГОНИТЕ Оствареното производство на дебели лимови во првиот квартал на годинава во производниот погон Валавница изнесува 80.754т. Во однос на поставениот производен план за четвртиот квартал од оваа година (76.440т.), ова претставува зголемување од 5%. Зголемувањето на производството се должи воглавно на зголемениот обем на нарачки. Подобрување е регистрано во делот на извадокот слаб - лим во текот на јануари за 0,5 п.п., а особено во февруари од 1,4 п.п. Производството на лим прва класа во во текот на целиот квартал бележи намалување во однос на планот, а особено во март кога е регистрирано намалување од 0,9 п.п. Потрошувачката на природен гас во текот на целиот квартал бележи намалување, додека кај електрична енергија регистрирано е зголемување во последниот месец од кварталот.

12

13

ИНВЕСТИЦИИ ВО ПОГОНОТ ВАЛАВНИЦА ВО ПРВИОТ КВАРТАЛ НА 2023 АКТИВНОСТИ ВО ПОГОНИТЕ

ВАЛАВНИЦА Мерки за зголемување на безбедноста при работа и работните услови продолжува реализацијата на проектите за безбедно движење на повеќе зони и постројки во погонот:

1

Комплетирано реновирање на влезниот и приземиниот дел и делот со скалила на управната зграда на Валавница.

2

Комплетирање на безбедносни огради, подни решети и осветлување на 1400м крански стази во ладен дел на Валавница.

Успешно пуштена во употреба Станица за компримиран воздух за целокупниот погон на Валавница. Пристигнати материјали за Проект - надградба на погонско вратило и штендер на валачки стан Комплетна реализација се очекува на следниот поголем застој или за време на ремонтот 2023. Одобрен планот за ремонт 2023, во тек се подготвителни активности.

Подготвителни активности за проектни планови 2023, нови странични ножици во делот на агустажа. Во завршна фаза се активностите за подобрување на протокот на материјали во делот на Отпрема, комплетен видео надзор, нови појаки крански магнети и организациски активности. Во завршна фаза се активностите за одобрување на набавка на нов Плазама секатор во делот на Отпрема.

14

Е КО Н О М И К А ПРОДАЖБИ По намалувањето на цените во последниот квартал од 2022 година на почетокот на 2023 година дојде до стабилизација на цените на лимовите и натамошно намалување на цените на енергенсите. Бидејќи и натаму голем дел од производните капацитети во соседството не работат побарувачката за лимови се зголеми и од крајот на јануари постојано располагаме со околу 50.000 т. активни нарачки. Во текот на првиот квартал Челичарницата работи континуирано за да ги обезбеди профилите на слабови од 150 и 170 мм. за бродските нарачки што се доминантни во овој период, а благодарение на подобреното снабдување со старо железо од Србија и Бугарија и пониската цена на електричната енергија како основен енергенс за производство на челик. Валавницата работи континуирано со солиден дневен просек на извалани лимови, а отпремата е најголема во последните десет години и изнесува 91.635 т. Проблеми при отпремата во текот на кварталот имаше заради сударот на возовите кај Лариса во Грција што предизвика застој во железничкиот сообраќај кон југ повеќе од еден месец, како и поради неодамнешниот штрајк на Македонски Железници, додека обезбедувањето на камиони се одвива релативно стабилно и овозможува висок дневен просек на отпрема. Структурата на нарачки базира на проекти за енергетика и бродоградба, а најзначајни испораки има за Турција, Романија, Грција и Србија. Особено охрабрува поголемата количина на нарачки за земјите на ЦЕФТА (Србија и БиХ) коишто се наменети за проекти што укажува на поинтензивна инвестициона активност во соседството и обезбедува побарувачка за дестинации со најмали трошоци за превоз. Во текот на вториот квартал се очекува натамошен раст на побарувачката, обезбеденоста со нарачки е на високо ниво, цените се стабилни и призводството во двата погони се очекува да тече континуирано. Бидејќи по подолга пауза се добиени нарачки за Финкантиери, Мајер и Вард Тулчеа што се отпремаат со вагони, стабилизацијата на железничкиот сообраќај кон Солун и Табановце ќе има пресудно влијание на количините што ќе бидат отпремени.

Приказ на структурата на испораките.

15

ВРАБОТЕНИ Во текот на првиот квартал од 2023 бележиме умерена месечна флуктуација на вработените.

Н О В И В РА Б О Т Е Н И ПРИМЕНИ ВО ТЕКОТ НА ЧЕТВРТИОТ КВАРТАЛ НА 2022 ЕКОНОМИКА

Транспорт и логистика

Ерсан Зибер Работник

16

ЧЕЛИЧАРНИЦА ПРОИЗВОДСТВО Старо железо

Мартин Тасевски

Возач на магнет и грајфер дигалка

ЧЕЛИЧАРНИЦА ПРОИЗВОДСТВО

ЧЕЛИЧАРНИЦА ПРОИЗВОДСТВО

ЧЕЛИЧАРНИЦА ПРОИЗВОДСТВО

Старо железо

Казанска печка со ливни казани

Казанска печка со ливни казани

Судахан Идризи

Далибор Мицевски

Николче Тошевски

ЧЕЛИЧАРНИЦА ПРОИЗВОДСТВО

Казанска печка со ливни казани

ЧЕЛИЧАРНИЦА ПРОИЗВОДСТВО

Казанска печка со ливни казани

ЧЕЛИЧАРНИЦА ПРОИЗВОДСТВО

Даниел Стојковски

Сашо Маринковиќ

Иван Левајковски

Работник

Дигалкар

Дигалкар

Дигалкар

Дигалкар

Конти Лив со ТДО

Режач на берни

17

ЧЕЛИЧАРНИЦА ПРОИЗВОДСТВО

ЧЕЛИЧАРНИЦА ОДРЖУВАЊЕ

Конти Лив со ТДО

Машинско одржување

Машинско одржување

Мартин Димитриевски

Михајло Тодоровски

Јасмин Аврамовски

ЧЕЛИЧАРНИЦА ОДРЖУВАЊЕ

ВАЛАВНИЦА ПРОИЗВОДСТВО

АЃУСТАЖА

Љубе Неделковски

Алија Нури

Дигалкар

Машинско одржување

Срѓан Гавровски Бравар

18

ЧЕЛИЧАРНИЦА ОДРЖУВАЊЕ

Бравар

Подготовка на производство

Ускладиштувач, обележувач и прибирач

Бравар

Оператор

АЃУСТАЖА

АЃУСТАЖА

АЃУСТАЖА

Игор Велковски

Кирил Трпановски Дигалкар

Кристијан Ицковски

Обележувач на лимови

АЃУСТАЖА

ВАЛАВНИЦА ОДРЖУВАЊЕ

Тони Пиличковски

Матеј Ристовски

Обележувач на лимови

Обележувач на лимови

Електричар

19

*Приказот на просечната плата е просек за последните дванаесет месеци од работењето

ПРИКАЗ НА БРОЈОТ НА ПОВРЕДИ 2018 - 2023

20

З А Е Д Н О РА Б О Т И М Е Н А П О Д О Б Р У В А Њ Е Н А Б Е З Б Е Д Н О С ТА НАША ЦЕЛ Е „НУЛА“ ИНЦИДЕНТИ И ПОВРЕДИ ПРИ РАБОТА Примери за Near Miss во погонот Челичарница Придвижување на лим на превлачникот додека се врши инспекција

Место на активност каде се случил инцидентот

Опасност при манипулација со рачната макара, при менување на втора ножица, при што може да дојде до несакана повреда на глава, рака и сл.

Место на активност каде се случил инцидентот

21

Придвижување на носач на електроди при интервенција на Казанска Печка, при тоа ненамерно е исклучен еден од осигурачите, што предизвикало да се придвижат носачите на електродите нагоре.

Место на активност каде се случил инцидентот

При спуштање на капак од Ливен казан по лиење на Конти лив, огноотпорниот бетон се одлепува од капакот и паѓа на платформа на конти лив.

Место на активност каде се случил инцидентот

22

Свртување во хоризонтална положба на Ливен казан бр.4 и пад на капакот од казанот

Пад на парче од барабан од дигалка бр.23

Место на активност каде се случил инцидентот

Место на активност каде се случил инцидентот

Примери за Near Miss во погонот Валавница

“Plant damage” Оштетена опрема, Валавница

Рачна макара на втора ножица: Оштетени приклучоци за брусалки од стара инсталација на столб 36 во Аѓустажа

Искривени капаци кои се наоѓаат под кранска патека на Д-ред, столб 17-18, кои може да предизвикаат сопнување на некој вработен и повреда од паѓање

23

АКТИВНОСТИ МЕСЕЦ НА БЗР ЕРГОНОМСКИ ВЕЖБИ Ергономските вежби придонесуваат кон намалување на мускуло-скелетните заболувања кај вработените па затоа е од исклучителна важност редовно да се применуваат. Подолу погледнете неколку едноставни, лесни и брзи ергономски вежби прилагодени за работното место.

24

БЕЗБЕДЕН ТРАНСПОРТ ВО КРУГОТ НА МАКСТИЛ

Минимални барања за безбедност при утовар/истовар на камиони – Да изградиме позитивна безбедносна култура!

25

ПРЕЗЕНТАЦИИ ВО СРЕДНИ СТРУЧНИ УЧИЛИШТА СОРАБОТКА СО СЕТУ „МИХАЈЛО ПУПИН“ Безбедната и здрава работна средина како основен принцип и право на работа е темата која претставници од нашата компанија ја презентираа во средното стручно училиште „Михајло Пупин“ во Скопје. Безбедноста при работа е секогаш приоритет за Макстил, па затоа е од исклучително значење сите потенцијални кадри во индустријата да бидат запознаени и едуцирани со основните принципи за безбедноста и здравјето при работа.

26

ВРАБОТЕНИ НА МЕСЕЦОТ ВО СВОЈАТА 10-ГОДИШНА КАРИЕРА ПАНЧЕ НЕМА ДОБИЕНО НИТУ ЕДНА РЕКЛАМАЦИЈА ОД КУПУВАЧИТЕ! Вработен на месецот јануари 2023

ПАНЧЕ КРСТЕВСКИ

Контролор на лим (финална инспекција) во Сектор за Управување со квалитет и контрола на процес За вработен на месец – јануари 2023 е одбран Панче Крстевски, Контролор на лим, кој ја врши финалната инспекција на лимовите, при Секторот за Управување со квалитет и контрола на процес. Панче како дел од тимот за управување со квалитет и контрола на процес, е голем мотиватор и еден од најдобрите ментори, којшто своето големо искуство несебично го пренесува на помладите колеги како во секторот каде што работи така и помеѓу колегите во другите сектори. Особено се истакнува со својот извонреден придонес во креирањето на критериумите и постапките за оценка и селекција на поединечни типови на грешки кај лимовите како и поправка на грешките на лимовите. Тој со неговото искуство дава огромен придонес при одредување на причинителите за одредени типови на оштетувања или дефекти на нашиот финален производ - лимот. Во својата 10-годишна кариера во Макстил нема добиено ниту една рекламација од купувачите. Панче ти честитаме на професионалноста и ти посакуваме понатамошна работа без рекламации!

ВОЈО, ОДЛИЧЕН КООРДИНАТОР КОЈ СЕ ГРИЖИ ЗА ПРАВИЛНА СЕЛЕКЦИЈА НА СТАРОТО ЖЕЛЕЗО! Вработен на месецот февруари 2023

ВОЈО ПАВЛОВСКИ

Сменски работоводител во Сектор Старо железо За вработен на месец – февруари 2023 е одбран Војо Павловски, Сменски работоводител при Секторот Старо железо. Војо успешно се справува со сите предизвици кои ги носи неговата работна позиција. Одлично го координира и целосно го контролира процесот на истовар на старото железо, како и неговото предавање на Електро лачната печка. Како најискусен сменски работоводител, претходно дигалкар, безрезервно го пренесува своето специфично знаење на своите помлади колеги, како и новопримените дигалкари. Тој, исто така, беспрекорно комуницира ѝ со останатите работни единици околу завршување на работните задачи без нарушување на текот на работниот процес. Благодарение на неговото големо искуство Војо придонесе во повеќе наврати да се направи правилна селекција на материјалот, кој по својот состав би можел да предизвика проблеми со моменталните барања во однос на хемискиот состав на материјалот. На тој начин, Војо индиректно делувал на зголемување на продуктивноста на Електро печка и квалитетот на шаржата. Војо, продолжи така и понатаму, Макстил се гордее со вработени како тебе!

ДЕЈАН, ИНОВАТИВЕН И НЕЗАМЕНЛИВ ДЕЛ ОД ТИМОТ ЗА ОДРЖУВАЊЕ НА ХИДРАУЛИКА! Вработен на месецот март 2023

ДЕЈАН БОГДАНОВСКИ

Работоводител на работната единица за одржување на хидраулика, пневматика и подмачкување во погонот Валавница За вработен на месец – март 2023 е одбран Дејан Богдановски, работоводител на работната единица за одржување на хидраулика, пневматика и подмачкување во погонот Валавница. Дејан, како работоводител во тимот на ХПП, во голема мера придонесува за непречен тек на производството, кој има голема заслуга во подобрување на ефективното време и успесите на погонот. Тој со своето искуство и знаење придонесува за рана детекција на можните дефекти и активно работи на нивната превенција. Исто така, секогаш се грижи неговиот тим да ги извршува обврските навремено, квалитетно и пред сѐ безбедно. Дејан изминатиот месец покажа иновативност во пристапот кон работата. Тој со своја идеја за начинот на промена на еден од долните кoлектори на системот за дескалација придонесе истиот да биде променет за 10 часа без притоа да бидат демонтирани влечните валци од валачкиот стан. Овој процес на промена на долниот колектор на системот за дескалација во минатото, со демонтажа на влечни валци, се одвивал од 24 до 48 часа. Дејан е пример како треба да се сака работата и како да се грижиме за истата. Браво! Продолжи само напред!

27

ОПШТЕСТВЕНА ОДГОВОРНОСТ ИНТЕРНИ РЕЛАЦИИ Пролетно раззеленување во Макстил Во пресрет на првиот пролетен ден во кругот на Макстил беше направено пролетно раззеленување, при што беа засадени повеќе видови зимзелени дрвја и цветни растенија во кругот на нашата компанија со цел да помогнеме во борбата против климатските промени и да промовираме поздрава животна средина за сите. Како компанија, ние сме посветени на одржливост и намалување на нашиот јаглероден отпечаток. Со засадување на овие дрвја, се надеваме дека ќе придонесеме за посветла иднина на нашата планета и ќе ги инспирираме другите да го сторат истото.

28

29

ПРОДОЛЖУВА ДОЛГОГОДИШНАТА СОРАБОТКА СО ТЕХНОЛОШКО-МЕТАЛУРШКИОТ ФАКУЛТЕТ Во декември 2022 потпишани се договори за стипендирање на четири нови студенти! Нашите нови стипендисти ќе добиваат месечна стипендија од 10.000 денари секој, и секоја година еднократен износ од 15.000 денари за набавка на учебници и други материјали потребни за нивното студирање. Им посакуваме многу успех при студирањето!

КРВОДАРИТЕЛСКА АКЦИЈА На 28 февруари во Макстил успешно се реализира доброволна крводарителската акција „Дарувај крв, спаси живот“. На акцијата беа донирани 81 крвна единица. Благодариме на поддршката на повеќе од 80 наши вработени кои се вклучија во оваа иницијатива!

30

31

32

„ИНВЕСТИРАМЕ ВО НАШАТА ПЛАНЕТА“ ПРОЕКТ СО ОСНОВНИТЕ УЧИЛИШТА ОД ОПШТИНА ГАЗИ БАБА Во единаесет основни училишта во Општина Гази Баба, вработени од Секторот за заштита на животната средина од Макстил ги едуцираа учениците од четврто одделение за рециклирање на создадениот отпад. На учениците преку интерактивен метод и со показни средства им беше објаснет процесот на загадување со пластика, хартија и стакло, важноста на рециклирањето, процесот на рециклирање, опасностите од загадување со создадениот отпад по растителниот и животинскиот свет, а посебно за човекот. Едукацијата на основците на тема „Учиме да се грижиме да ја заштитиме животната средина и да го намалиме и рециклираме создадениот отпад“ е дел од проектот „Инвестираме во нашата планета“ со којшто беа опфатени повеќе активности поддржани и иницирани од Макстил, а поврзани со заштита на животната средина. Целта на проектот е да се пренесе знаењето за предностите од намалување на отпадот и неговото рециклирање уште од мала возраст и да се алармира за потребата од едукација за значајноста на екологијата во пошироки размери.

33

ПОСЕТА НА МТСП ВО РАМКИТЕ НА СВЕТСКИОТ ДЕН ЗА БЕЗБЕДНОСТ И ЗДРАВЈЕ ПРИ РАБОТА По повод 28 април, Светскиот ден за безбедност и здравје при работа, министерката за труд и социјална политика, Јованка Тренчевска ја посети компанијата Макстил- македонски производител на челик со долга индустриска традиција и трикратен добитник на наградата за Најдобра пракса на безбедност и заштита при работа во земјава.

34

НАГРАДА ЗА ДОБРИ ПРАКТИКИ ВО ОБЛАСТА НА БЕЗБЕДНОСТ И ЗДРАВЈЕ ПРИ РАБОТА Здружението за заштита при работа на општина Битола, Здружението за безбедност при работа „28 април“, Скопје и Здружението на инженери за заштита „Тутела“, Скопје, по повод „28 април“ – Светскиот ден за безбедност и здравје при работа на Макстил додели пофалница и награда за Добри практики во областа на безбедност и здравје при работа во 2022 година.

НАТПРЕВАР ЗА ДЕТСКИ ЦРТЕЖ НА ТЕМА БЕЗБЕДНОСТ И ЗДРАВЈЕ ПРИ РАБОТА

Во нашата компанија се одржа натпревар за најдобар детски цртеж на тема „Безбедност и здравје при работа“. Им благодариме на сите учесници - деца на наши вработени! Силно веруваме дека придонесот на секое дете заслужува признание и горди сме на нивната креативност и напорна работа, па затоа денес сите учесници добија Благодарници и ваучери за спортска опрема! Честитки за сите наши млади уметници!

35

s d Ki+ s t r A

36

ДОНАЦИЈА НА 50 ПАКЕТИ СО ХРАНА ВО ПРЕСРЕТ НА РАМАЗАН БАЈРАМ Хуманитарни пакети со прехранбени производи беа разделени за 50 социјално загрозени семејства по повод празникот Рамазан бајрам. Акцијата се спроведе во соработка меѓу МАТТО Стопанска комора на Македонија – Турција, како иницијатор и Макстил од каде оваа иницијатива е поддржана и реализирана. Пакетите со прехранбени производи беа разделени заедно со Црвен Крст на РСМ - Општинска организација Гази Баба, според нивната препорака за семејства во најголем социјален ризик на територијата на општината.

37

ЗАНИМЛИВОСТИ ЛЕСНО СУДОКУ :)

Реш ени е од пр едходниот бр о ј

Составете пет зборови, за секој пример имате по една минута. Три, два, еден.. Почни!

М С С Т Е И А З ДЛ А Ј ЦИ А ЕС КА ЊЕ АШ АЖ Р Р И К Т Р ОА Н ОН У Н И И Њ ЕЕЕЛ ЧН А Т Р И Е ЛЕК И МИ КА ХЕС Р ГНЕЕИЈА З В О ОИ ВД СТ Р ОП Ре ше н и е од п р ед ход ни от број: 1) Ле е њ е на слабови, 2) Склад ирањ е на слабови, 3 ) Пе с ка р н и ца , 4 ) То п л а р а м н а л ка , 5 ) Ма кстил

38

МАКСТИЛ КВИЗ 1. Постојат два начина на производство на челик. Едниот е со помош на Висока печка, а другиот со помош на Електро печка. Во Макстил производството на челик се врши со _______________: а) Висока печка; б) Електро печка;

2. Главната разлика помеѓу двата начина на производство на челик со помош на Висока печка и Електро печка се состои во различниот тип на суровина, која се употребува.

a) При производството на челик во Висока печка како главна влезна суровина се употребува железната руда, а се додава и јаглен и рециклирано железо, додека како главна влезна суровина при производството на челик во Електро печка се употребува рециклирано железо, а исто така потребна е и електрична енергија; б) При производството на челик во Висока печка како главна влезна суровина се употребува рециклирано железо, додека како главна влезна суровина при производството на челик во Електро печка се употребува железната руда; в) При производството на челик во Висока печка како главна влезна суровина се употребува јаглен и електрична енергија, додека како главна влезна суровина при производството на челик во Електро печка се употребува железната руда;

3. Процесот во погонот Челичарница започнува: а) Од подготовка на старото железо и на другите влезни материјали, потоа старото железо се топи и се рафинира со употреба на електрична и хемиска енергија, и на крајот процесот се завршува со леење на течниот челик во слабови; б) Од подготовка на лимот кој се рафинира со употреба на електрична и хемиска енергија, со што процесот завршува со леење на течниот челик во слабови; в) точен е одговорот под а) и б);

4. Во 1883 година, _______________ е првиот челичен мост на кој е дозволен сообраќај. а) Мостот Ријалто, во Венеција; б) Мостот Трифт во Швајцарија; в) Бруклинскиот Мост во Њујорк; г) Мостот Чесапик Беј, во САД; То ч н и од го во р и од п ред ход ни от број: 1- ѓ, 2-а, 3- г, 4 - б

Позитивни мисли - Макстил: „Ако сакаш да бидеш креативен, мора да престанеш да се плашиш дека нешто ќе згрешиш“ - Непознат автор „Човековото однесување произлегува од неговите мисли“ - Алфред Адлер „Иднината зависи од она што го правите денес“ - Махатма Ганди „Иднината им припаѓа на оние што веруваат во убавината на своите соништа“ - Гор Видал

39

М А КС Т И Л ВО СВЕТОТ Трупот на брод „Кураж“ е изграден од лимови произведени во Макстил во соработка со романското бродоградилиште Севернав АД (Дробета-Турну-Северин). Инаку, бродот е специјално адаптиран за половење во води со низок водостој, и до 40 сантиметри длабочина. При изградбата на „Кураж“ употребени се околу 800 тони топловалани лимови од Макстил. Доопремувањето на внатрешниот дел на бродот е направено од германска фирма, а од март оваа година веќе плови по водите на реката Рајна, Германија.

40