Anna R. Folkestad
Litt for snill
ANNA R. FOLKESTAD
Henrik And. Biletbok 2011
Unni og Gunni malar. Biletbok 2012
Unni og Gunni reiser. Biletbok 2012
Unni og Gunni gjer det fint. Biletbok 2013
Tanntrøbbel. Besta og Bo. Leseland, nivå ein 2015
Krabbekrise. Besta og Bo. Leseland, nivå ein 2016
Plommeproblem. Besta og Bo. Leseland, nivå ein 2017
Stupe-Stig. Leseland, nivå to 2018
Ulla. Biletbok 2019
Byggebøll. Leseland, nivå ein 2021
Fiskebolleboks-raketten. Biletbok 2021
Bålbaluba. Leseland, nivå ein 2022
Pyntepanikk. Leseland, nivå ein 2022
Nynorsk barnelitteraturpris 2012 for Unni og Gunni reiser
© Det Norske Samlaget 2025 www.samlaget.no
Design: Superultraplus Designstudio AS Skrift: Mr Eaves XL Sans
Papir: 140 g Livonia Zero Offset Trykkeri: Livonia Print, Latvia Printed in Latvia
ISBN 978-82-340-1033-0
Denne boka er trykt på miljøvenleg papir.
Materialet i denne utgivinga er verna etter åndsverklova. Det er derfor ikkje tillate å kopiere, avfotografere eller på andre måtar gi att eller overføre heile eller delar av innhaldet i utgivinga utan at det er heimla i lov eller følgjer av avtale med Kopinor.
Det er forbode å bruke heile eller delar av utgivinga som inndata eller treningskorpus i generative modellar som kan skape tekst, bilete, film, lyd eller andre typar innhald og uttrykk, utan særskild avtale med rettshavarane.
Bruk av materiale frå utgivinga i strid med lov eller avtale kan føre til inndraging, erstatnings ansvar og straff i form av bøter eller fengsel.
Litt for snill
av Anna R. Folkestad
samlaget Oslo 2025
Sjur, Gerd og Britt ser på plakaten.
«Har me hugsa å seie til ALLE at dei kjem til å dumme seg ut om dei melder seg på denne talentkonkurransen?» spør Sjur.
Gerd og Britt nikkar.
«Det er garantert berre oss tre som kjem til å vise triksa våre», seier Gerd. Alle ler.
«Første-, andre- og tredjeplass. Her kjem me!» ropar Britt. Dagfinn kremtar litt.
«Eg melde meg forresten på likevel, eg, sjølv om de sa at det ikkje var lurt», seier han.
REGLAR : Kle deg ut Opptre med trikset ditt
1.- 2.- og 3.-plass får opptre med sirkuset
Dei snur seg mot Dagfinn.
«Kva i alle dagar er det DU kan, då?»
spør Gerd.
Dagfinn smiler.
«Det er ei hemmeleg overrasking», seier han.
«Er det hemmeleg kva du skal kle deg ut som, også?» spør Britt. «Du veit at du må ha BÅDE kostyme OG talent», seier Gerd. «Jepp», svarar Dagfinn. «Eg skal kle meg ut som ein stilig tiger.»
Sjur ser ned på Dagfinn.
«Då får du kome på fjerdeplass. For du er uansett ikkje betre enn oss, vel?»
Dagfinn trekkjer på skuldrene.
«Eg har øvd gaaaanske lenge på trikset mitt», seier han.
«Du bør kanskje gå heim og øve endå litt til før konkurransen i kveld, då, slik at du ikkje dummar deg ut», seier Gerd og ser lurt bort på Britt og Sjur.
Dagfinn nikkar.
«God idé», seier han og byrjar gå heimover.
Sjur, Gerd og Britt ventar litt. Så listar dei seg etter han.
