Rmi climate change policy 2011 2

Rūbablik In An Aelōñ Kein Ad Kōrkan Kakien In An Aelōñ Kein Kōn An Oktak Mejatoto

Jānwōde 2011 Metwan Aelōñ Kein

2

Naan In Kōppeḷḷọk Eo Iṃaan Tata (Jiip Jekrōtāre eo im OEPPC renaaj je naan eo)

3

Men Ko Kobban Naan Eo Iṃaan Tata……………………...………..…….…..…….2 Laajrakin Naan Ko im Meḷeḷier…..……………………………….

Naan In Kōppeḷḷọk…………………………..……………..……...6 Tallepin Kōmeḷeḷe Ko Ilo Peba In …….……….…………………8 Unin Kōṃṃane Jerbal In…………………………..…………….10 Eddo Ko Kiiō im Ajāllik Eo Ilju im Jekḷaj…………………….10 Ta eo RMI Ej Kōṃṃane Ilo An Jedmatmat Ñan Kauwōtata Kōn An Oktak Mejatoto…………………..…………………...13 Kōmeḷeḷe Kōn Kakien Eo Im Unin…………...………………....14 Maroñ Ḷōmṇak Kake Im Pukōt Eṃṃan Eo Ñan Tokālik.……...16 Buñtōn Ko Raorōk Rej Tōl Kakien Eo……………………….....16 Ijoko Ṃokta Ikijjien Kakien Eo Kōn An Oktak Mejatoto…..…..17 Mejānkajjik Ko An Kakien Eo, Menin Kōttōpar Im Tōprak Ko..18 Ṃōṇōkjañ Eo An Jerbal In… ………………………………..…25 Jino Liklọke Kakien Eo Kōn An Oktak Mejatoto……………....27 Letoletak Meḷeḷe, Kōmejaiki Im Etale…....……………..………28 Ijoko Meḷeḷe Ej Itok Jāne.….……………………………………29 Āt Kadu Ko Ilo Kajin Pālle Rej Ejaak Jān Leta Ko Jinoin Tata Ilo Naan Ko Kajjojo GEM GHG DRM JoinNAP OEPPC IPCC IWRM ITCZ MIMRA NCCC

Green Energy Micronesia Green House Gas NAP Disaster Risk Management National Action Plan Joint National Action Plan for Climate Change Adaptation and Disaster Risk Management Office of Environment Planning and Policy Coordination Intergovernmental Panel on Climate Change Integrated Water Resource Management Inter Tropical Convergence Zone Marshall Islands Marine Resources Authority National Climate Change Committee

4

NCCPF PACC PIFACC RMI UNFCC

National Climate Change Policy Framework Pacific Adaptation to Climate Change Project Pacific Islands Framework for Action on Climate Change Republic of the Marshall Islands United Nations Framework Convention on Climate Change

5 Naan in Kōppeḷḷọk Kien in an Republic in an RMI ej tōmak bwe eṃool ke eoktak wāween mejatoto jān ṃokta im ekanooj kaamijak ñan aelōñ kein ad kōn aer ettā im ebareinwōt kauwōtata ñan armej ro rej jukjuk im amṇak ilo aelōñ kein. Tokjān ko renana eṃōj de aer jino waḷọk im enāj ḷap aer kọkkuri kijejeto ko ad ilo ad kate kōj bwe aelōñ kein ren eddekḷọk ilo juon wāween eo emaroñ wōnṃaanḷọk wōt. Tokjān kein renana rej itōn kōṃṃan kauwōtata ñan mōur kein ad im ñan an aelōñ kein im armej anemkwōj in kiene er make. Meñe ajāllik ko eaitok jeñaakier kōn an ḷapḷọk an ibwijtok lọjet remaroñ kōṃṃan an armej jepjep im diwōjḷọk jān aelōñ kein, juon wāween eo jej jab maroñ ko jāne, ewōr ad jiṃwe in pukōt jabdewōt im aolep wāween ko bwe jen jeḷā ke laḷ in ad ej mōur im wōṃaanḷọk wōt im menin jolōt eo ad ej pād wōt ilo aelōn kein, ippān an epepen ko ad tokālik mōur ṃaanḷọk wōt ilo aer timọọn im wōrḷọk ioon aelōñ kein.

Oktakin wāween mejatoto ej juon men eo ewaḷọk im ejelōt aolep rāpeḷtan wāween mōur im ājmōur eo an armejin Aelōñ Kein Ad. Ājāllik ko ilo an oktak mejatoto rej kōḷapḷọk kauwōtata ko ñan ṃantin im kōrkan mōur an armejin aelōñ kein. Ajāllik kein kōn an oktak mejatoto rekauwōtata ñan jokane im aenōṃṃan eo an aelōñ kein ad. Ñan un in, armej in RMI rej aikuj koba ippān doon in kalōk im kōkajoor an aelōñ kein ad maroñ tariṇaik men kein rej waḷọk ilo an oktak mejatoto. Ijoke, jej jab maroñ make kake men in; jaikuji jipañ im karejar eo an aelōñ ko ilo metwan Pacific ṇe ipeḷaakid im laḷ ko jet ipeḷaakin laḷ in bwe RMI en maroñ etal ilo juon iiaḷ eo enāj kōṃṃan bwe en maroñ pād ilo juon eddekḷọk eo emaroñ wōnṃaanḷọk kake.

RMI ej erreilọk ilo wāween in bwe meḷeḷe ko an ro retijeṃḷọk ilo jeḷā ko kōn laḷ in im peḷaakin im rej rejetake kōnono ko kōn an oktak mejatoto ealikkar aer kōmeḷeḷeik jinoin an kar ājāllik kein waḷọk. Kōn men in, ej aikuj wōr karejar ikōtaan aolep aelōñ ko ipeḷaakin laḷ in. Jabdewōt likjab in tōpar juon kwōṇ ñan lukkuun kadikḷọk baat eo enana ej waḷọk jān injin ko im kein jerbal ko jet enāj kauwōtata ñan wōnṃaanḷọk eo ad im ad mōur ilo aelōñ kein.

Meñe enañin ejjeḷọk wōt jidik baatin injin im men ko jet renana rej waḷọk ilo RMI, keidi ippān jikin ko jet ipeḷaakin laḷ in, ak eṃōj an RMI jek ippān bwe ej jibadek an tōpar juon tokālik eo edik carbon ie. Armej in RMI rej uwaan ro eḷap aer nāj jorrāān jān an ḷapḷọk an okmāṇāāṇ mejatoto. Kōn men in RMI ej lukkuun tōmak bwe ebar ejjeḷọk iiaḷ ñane ijellọkin an bōk buñtōn ko renāj kōṃṃan bwe en maroñ jelṃae, kadikḷọk kawōtata ñane, im errā ilo kōjerbal jarom rot eṇ eban maat kaan im jemaroñ bar kōjerbale elōñ alen im ad tiljek ilo kōjerbal jarom. Ebar ejjeḷọk iiaḷ ñan kōj ijellọkin ad aikuj maroñ mōur ijeḷmān wāween kein renana rōbuñūt kōj ilo an oktak mejatoto. Ilo jitbōn kauwōtata in eḷap ñan kōj kōn an oktak mejatoto, eṃōj an RMI ejaake Ṃōṇōkjānin Kakien Eo An Aelōñ Kein Kōn An Oktak Mejatoto, ñan kwaḷọk laajrakin buñtōn ko RMI enaaj aikuj būki bwe en pojak ñan jorrāān ko renāj waḷọk im bwe RMI ej kōṃṃane men in ilo an jerbal ippān armej ro im aelōñ ko ṃōttad ipeḷaakin metwan Pacific in im ippān ro ṃōttad im aelōñ ko aer ipeḷaakin laḷ in.

6 Eḷaññe jenāj aikuj jepjep jān RMI kōn wōt an oktak mejatoto, men in enāj rupe jolōt eo eaar kanooj ḷap an ro jiṃṃaad eñtaan im ejaake ṃaantak, mōur in aelōñ kein. Wāween in enāj būklōñtak kajjitōk ko epen uwaaki ikijjien ad maroñ in kiene im laale kōj make im dettan kab jekjekin peḷaakin metwan aelōñ kein ad. Ajiri ro nejid im jibwid tokālik renāj emḷọke juon ettōṇak eo ej ba ke ekar wōr juon Laḷ, eo eaar kiene e make, im kar “Ad Jolōt Jān Anij”. Kōn men in, jej aikuj in kōṃṃane jabdewōt men eo jemaroñe bwe jen bōbrae wāween in jān an waḷọk. Jen loloodjake bwe en eḷḷaaj ainikied bwe en tōprak wāween kein renāj kōṃṃan bwe laḷ ko tōllọkier ren lukkuun kadikḷọk baat ko renana rej waḷọk jān injin im kein jerbal ko aer einwōt ke baat rot in ej kōṃṃan kauwōtata ñan kōj ilo aelōñ kein. Ñan un in, jej tōmak bwe jej aikuj in ejaake juon kakien eo ealikkar an aelōñ kein bwe en tōl jerbal im ṃakūtkūt ko ad im en kōllaajaraki men ko ewōr tokjaer jej aikuj kōṃṃani im kōtōpraki. RMI eaar kōṃṃan jet kwelọk bwe en bōk kōkapilōklōk im bwe en bōk meḷeḷe ilo allōñin Ọkwōj im Nobōṃba 2010 eo bwe en aintok ḷōmṇak ko ñan ejaake juon kakien einwōt in. Ṃōṇōkjānin Kakien In An RMI Ñan Aelōñ Kein Kōn An Oktak Mejatoto ijin ej uwaake aikuj eo an armej in Aelōñ Kein im ej kōmlōt kōn ta ko jaikuj kōṃṃani ilo an oktak mejatoto. Ej likūt kuṇaan ñan an armej in Aelōñ Kein tōpar mejān kajjik ko ikijjien eddekḷọk eo ej mōur ṃaanḷọk wōt einwōt an ellaajrak ilo Loḷọkjeṇ Ñan 2018, “Vision 2018” eo an armejin Aelōñ Kein.

Tallepin Meḷeḷe Eo Eutiej Tata Ṃōṇōkjān In Kakien Eo An RMI Ñan Aelōñ Kein Kōn An Oktak Mejatoto ej kōllaajraki men ko Kien in an RMI ej kalliṃur bwe enāj kōṃṃani im eddo ko kuṇaan ñan pukōt kōjkan ijo kuṇaan ilo an oktak mejatoto. Ṃōṇokjān in kakien in enāj tōl wāween an ejaak buñtōn ko ñan an maroñ oktak eḷaññe ekkar im pojak ilo an kōjerbal jarom im wāween kein rej pedped ioon aikuj ko an RMI, im rej jipañ ejaake juon kōḷmenḷọkjeṇ eo me enāj kōṃṃan bwe en karbōbḷọk an RMI maroñ pojak in kōṃṃane ijo emaroñe ikjjien an oktak mejatoto im aṇtọọne tok jekjekin mejatoto ilo ien ko rej itok. Ṃōṇōkjānin Kakien in ej waḷọk jān kijejeto in kōṃṃan karōk ko rellōñ raar kōṃṃan ñan kalikkar lukkuun ta ko ikijjien an oktak mejatoto rej kein kōketak RMI im rejāltok iṃaan ñan RMI. Ej waḷọk jān karōk eo ej itok ilo tōl eo ej jerbal ijeḷmān wāween ko jet ilo Loḷọkjeṇ Ñan 2018, kakien ko im karōk ko ṃōttan ko ralikkar ekoba Kakien Eo An RMI Ikijjien Kōjerbal Jarom im Kōrkan Kōṃṃakūt, Kōrkan Kōṃṃakūt Eo An RMI Ñan Aelōñ Kein Ilowaan 2008-2018 Ñan Pukōt Mejḷan Jorrāān Ko Rōḷḷap rej waḷọk, Karōk Eo An RMI Ñan 2010 Kōn An Oktak Mejatoto (Kakkobaba B) me eaar kōṃṃan ilo an likio-kien, jerbal eo ikōtaan kien ilo Mājro ilo Ọkwōj 2010 eo, im tokālik Kāāpnet eo eaar bōke bwe en ṃweien. Kakien in ej ekkal ioon kakien kein eṃōj ba etaer iṃaanḷọk im ioon kakien ko jet an aelōñ kein, karōk ko rej kōnono kaki ilo jeṃḷọkin rūbboot eo im elmọkwōt ko an douluul ko an kien, im ej kwaḷọk ekkeitaak ko ñan karōk im ejaak ko an aelōñ kein, karōk ko eṃōj kōllaajraki ilo jeṃḷọkin rūbboot in im ejaak ko an jerbal in, im ej ṇawāween bwe kakkobaba kein ren kajjiṃweḷọk im kobaḷọk ippān karōk eo an aelōñ kein im an ṃweñan ko, ijo ej kōpeḷaake wāween ko rōkauwōtata ilo an oktak mejatoto rej aikuj koba tok bwe jen jeḷā ke ej jab kauwōtata ñan eddekḷọk eo emaroñ wōnṃaanḷọk

7 wōt. Kakien in ej errā ippān kakien ko rej kōjebwebweik kakien eo an metwan Pacific in ikijjien an oktak mejatoto, einwōt Ṃōṇōkjān Eo Ñan Jerbal Ilowaan 2006-2015 Kōn An Oktak Mejatoto im Būrokūraaṃ Eo An Aelōñin Pacific Kein Ikijjien Karōk Eo Ewājepādik Ilo 2011 – 2015.

Ilo an kile bwe pojak eo ñan an oktak mejatoto ej jab maron tōprak ilo an make ḷọk iaan kake jān jibadbad im jān būrokūraaṃ ko jet ikijjien eddekḷọk eo an, mejān kajjik ko ilo Loḷọkjeṇ Eo Ñan 2018 Kōn Kōrkan Eddekḷọk Eo Ewājepādik rej leḷọk meḷeḷe ñan kakien in im kakien in ej leḷọk kuṇaan bwe en tōprak Mejān Kajjik Ko Ilo Eddekḷọk Eo An Millennium in. Ilo meḷeḷe in, loḷọkjeṇ eo an Ṃōṇōkjānin Kakien Eo An RMI Ñan Aelōñ Kein Kōn An Oktak Mejatoto ej Kōṃṃan Bwe Armejin Aelōñ Kein Ren Maroñ Mōur Maanḷọk Wōt Ijeḷmān An Oktak Mejatoto.

Eṃōj an RMI kwaḷọk juon laajrak eo ej kalikkar ijoko enāj ṃōkaj in ṇakōjkaer ikijjien an oktak mejatoto, ko im rej kwaḷọk jikin ko enāj etali im, ilo jet wāween, ṃōkaj in pukōt mejḷaer. Ilo an jerbal in kijejeto wōnṃaanḷọk wōt bwe en wōr meḷeḷe kōn wāween an oktak mejatoto ilju im jekḷaj, ealikkar bwe RMI ej jelṃae wāween ko reḷḷap renāj jelōt ājmōur eo an jukjuk im pād ko ie im menin ekkal ko rej kōmōuri itok jān an ḷapḷọk an ieḷap, an ibwijḷọk lọjet, jān taibuun ko, im jān an ḷapḷọk an wōt mejeljel; menin etale ko ikijjien dānnin idaak im ṃōñā ko kijen armej ilo an oktak ien an wōt im ien an det im an baijinḷọk lọmeto ṇe ad; menin kōnono ko kōn ājmōur eo an armej itok jān an ḷapḷọk an bwil mejatoto im an aetokḷọk jetñaakin ien ko ej ḷap an det im bwil, im bareinwōt an maroñ ḷapḷọk an kajoor kōto ko im an oktak an dān ko ilọmeto eṃṃakūtkūt ipeḷaakin laḷ in.

Bwe en pojak ñan wāween kein renāj waḷọk, Ṃōṇōkjānin Kakien Eo An RMI Ikijjien An Oktak Mejatoto ej jaakiṃaantak mejān kajjik kein ḷalem rōwājepādik rej ṇakōjkan juon iiaḷ ñan pojak eo eiio im epoḷōmān an Aelōñ Kein.

Menin kōttōpar ko im tōprak ko eṃōj kaalikkari ñan kajjojo mejān kajjik.

1. Kōkajoor Mejatoto Eo Ej Kōṃṃan Bwe En Wōr Maroñ In Ñan Maroñin Oktak Im Kapidodoiki, Ekoba Ṃani In Jipañ Bwe En Wōnṃaanḷọk Wōt 2. Maroñin Oktak im Kaietḷọk Menin Kauwōtata Ko Ñan Juon Tōkālik Eo Armej Rej Maroñ Wōt Mōur Im Wōnṃaanḷọk Ie 3. Tokālik Eo Epojak Ñan Aikuj Ko Ikijjien Jarom Im An Dik Baijin Eo Ilo Mejatoto 4. Pojak Ñan Jorrāān Ko Rej Waḷọk, Pojak Im Mōur Jān Wāween Kein Aolep 5. Ejaake Jeḷāḷokjeṇ Im Pojak Wōt, Kepooj Jukjuk Im Pād Eo, Ilo Ad Bareinwōt Kememej Wōt Ṃanet Eo, Liṃaro im Ḷōṃaro Ro, Im Jọdikdik Ro Ñan ad lōke an Aelōn Kein Ad tōpar mejān kajjik kein, Kamiti eo an Aelōñ Kein Ikijjien Ta Buñtōn Ko Naaj Aikuj Buki ilo An Oktak Mejatoto enāj bōk eddoin jerbal eo ñan ejaake juon Karōk An RMI Kōn An Oktak Mejatoto im Jerbale Wāween Pukōt Mejḷan Jorrāān Ḷapḷap Ej Waḷọk. Kamiti in koba maroñ in an Kōrkan Ṃakūtkūt Eo An Aelōñ

8 Kein enāj kalikkari buñtōn ko jenāj aikuj kōṃṃani iuṃwin kajjojo mejān kajjik ko rōmālkwōj, im kōḷaakiḷọk men kein ippān jerbal ko eṃōj kwaḷọki kadede iuṃwin Karōk Eo An RMI Ilo 2008 Ñan 2018 An Aelōñ Kein Ikijjien Pukōt Mejḷan Jorrāān Ko Rōḷḷap.

Tokjān eo enāj juon uwaak eo ekarbōb im poḷōmān ñan kōṃṃan bwe en eṃṃanḷọk an armej in Aelōñ Kein jepḷaak ñan mōur eo aer ṃokta. Ṃōṇōkjānin Kakien Eo An RMI Ñan Aelōñ Kein Kōn An Oktak Mejatoto ej jitōñḷọk: Bwe en kōkajoor im tōl juon kōrkan kōṃṃakūt eo an aelōñ kein ñan pukōt mejḷan wāween ko rej waḷọk itok jān an oktak mejatoto, ko ekadu kūtieer, ejimettan, im eaitok kūtien aer jerbal, ilo an alikkar joñan wōt an maroñ bwe mōur eo an armejin aelōñ kein im ien ko rōṃṃan ñan an aelōñ kein eddekḷọk ilo jekjek eo emaroñ wōnṃaanḷọk wōt im ejjeḷọk men ej bōbrae.

Un Un Eo Ñan Kōṃṃane Aer Ko Kiiō im Ajāllik Ko Ilju Im Jekḷaj Ejedmatmat kadede aelōñ kein ñan kauwōtata: men ko rej kōketak kōj kiiō ikijjien an aelōñ kein eddekḷọk kab meḷan im mejatoto ko ie RMI ejelṃae kadede men ko rōḷḷap rej jipede im eaer kaki ilo an eddekḷọk. Men kein rej itok jān an tar jān joñan an lōn armej ilo aelōñ kein im an armej kanooj kut ippān doon (eḷaptata ioon Epjā im Mājro), eḷap an armej jeraṃōl, aelōñ kein rejjeplōklōk jān doon ilo juon meto eo edepakpak (im ekōṃṃan bwe en pen leto letak meḷeḷe im en ḷap wōṇaan itoitak), im ej juon jerbal eo epen ñan bōktok jeraṃṃan ñan aelōñ jiddik kein im rōttoḷọk jān jikin ṃaakūt ak wia ko rōḷḷap ilo laḷ ko jet im eḷap an pidodo an wāween ko jet jelōt aelōñ kein, wāween ko rej waḷọk ipeḷaakin laḷ in.

Eddo ko ikkijen meḷan ko ad ilo aer jiped tok aelōñ kein rebareinwōt ḷap im kajoor, kōn an etta aelōñ kein ad, kōn an kauwōtata im pidodo an jorrāān jikin ko menin mōur ko im ek ko rej jokwe ie, kōn an dik unjān jeraṃṃan im dik dānnin idaak (innem ekōṃṃan bwe jen aikuj bōktok dañ jān likin) innem wāween in ekōṃṃan bwe en juon jikin eo ekanooj in ṃōkaj im pidodo an jorrāān kōn an tar jān joñan kōjerbale im kōṃōjṇọiki.

Men kein rej joon tok aelōñ kein elōt jeje kaki ilo Loḷọkjeṇ Eo An RMI Ñan 2018 Kōn Kōrkan Eddekḷọk Eo Ewājepādik, ilo Meḷeḷe Eo Jinoin Jān Aelōñ Kein ñan UNFCCC, Kōrkan Wōṇaake Eo Ewājepādik Ñan Meḷan Ko Ilo Aelōñ Kein, Reiṃaanḷọk eo an Karōk Eo An Aelōñ Kein Kōn Jerbalin Kōjparok Men Ko Bwinnid im Kōrkan Kōṃṃakūt Eo An RMI Ñan Aelōñ Kein.

Eṃōj ad eñjaake kadede tokjān ko ilo an mejatoto oktak Men ko rej kōṃṃan jorrāān raalikkar im jej eñjaaki kiiō ilo RMI ikijjien mejatoto im rej kajju kauwōtata ñan eddekḷọk eo an aelōñ kien, rej kōn kōto im taibuun ko, kōn an jib im jiōbtok lọjet im kōn an aetok jetñaakin an det. Ikōtaan 1991 im 2008 eo, eaar buñlọk

9 ḷalem taibuun ilo RMI; jilu alen an kar jib im an jiōbtok lọjet im ruo alen an aetok an kar det jilōñlōñ im an ejjeḷọk wōt ñan jidik. Jet kein wāween etar jān joñan aer lōñ im ekkutkut aer waḷọk im jej tōmak bwe enāj emmakijkij ḷọk an wāween kein waḷọk ilo ien kaṇe rej itok kōn an oktak mejatoto (Met. Year Book Report 2008). Kobaḷọk ippān tokjān kein jān wāween kein rej waḷọk ebar wōr wāween ko jet rej waḷọk im rekauwōtata ñan ājmōur an armejin RMI im ñan jikin ko an menin mōur ko rej mōur ie, eḷaptata itok jān wāween ko rej waḷọk jān an oktak mejatoto im rej kōṃṃan bwe en ejjeḷọk ṃōñā kab dānnin idaak. An ḷapḷọk nañinmej in ilọk lọje ej itok jān an penḷọk an armej maroñ tōpar dān erreo, einwōt an waḷọk nañinmej ko jet rej itok jān dān; nañinmej in metak mọkwōjin need im peid (dengue fever) im nañinmej ko armej im menin mōur ko rej būkto būktak, an armej mej jān jorrāān ko rōḷḷap, ikkinejnej im nañinmej ko, im nañinmej in pilo (pinkeye) im ajeḷkā kōn an okṃāṇāāṇ mejatoto, aolep nañinmej im jorrāān kein rej wāween ko rejelōt ājmōur kōn wōt an oktak mejatoto im rej wāween ko eḷap an Kien eo ḷomṇak kaki.

Jejeḷā jenāj eñjaake juon ajāllik eo eḷapḷọk an kajoor ilo ien ko rej itok An oktak mejatoto enāj maroñ jelōt ḷọk wāween ko rōḷḷap ilo lañ eo jej eñjaake. Jerbalin katak kake ej ḷōmṇak bwe enāj ḷapḷọk an kajoorḷọk aerin mejatoto ilo wōden bwil kein, meñe tallepin wōran an aer mejatoto emaroñ iietḷọk ipeḷaakin laḷ in (IPCC, 2007).

Jekjekin an wōr wōt emaroñ oktak ipeḷaakin laḷ in, ippān an jiṃor eddo mejatoto kōn dānnin wōt im an emmakijkij ḷọk an det (IPCC, 2007). Ioon lọjet ipeḷaakin laḷ in im dettan bwil im ṃōḷo eo ilo lọjet raar wanlōḷọk ilowaan jibukwi iiō ko remootḷọk im ejjeḷọk ad pere bwe enāj eindein ṃaanḷọk aer ḷapḷọk ilowaan iiō kaṇe jibukwi rej pedotok.

Juon ekkatak eo eaar kōṃṃan kiin epaak kōn ṃakūtkūt ko an Ijo Kōtaan Mejatoto Eo Eokṃāṇāāṇ Ej Kobatok Ie ej ba bwe ilo tōre eo eaar jino jerbal ko rōḷḷap ñan ekkal im ejaak (iturinḷọk 1750 eo), Ijo Kōtaan Mejatoto Eo Eokṃānāāṇ Ej Kobatok Ie eṃōkajḷọk an wāniñaḷọk, im an oktak im āindein emaroñ itok jān oktak eo ilo mejatoto rej kōmejaik an mejel ḷọk kiaj imejatoto, eo im ej kōṃṃan bwe en ḷapḷọk an okṃāṇāāṇ mejatoto.

Tokjān ko rōkaipokpok ñan Aelōñ Kein Ad itok jān wāween in ekkar ñan er wōtbare ekoba an det ilo jikin ko ekkā aer wōt mejeljel, im an ḷapḷọk wōt ilo jikin ko rejọ kōn jab eppej kōn wōt im kōn an mejel wōt (Sachs et al., 2009).

RMI ej pād ilo tallep eo tarrin 2 mita ilōñin ioḷapān joñan utiejān lọjet lōñtak. IPCC (2007) eaar je ilo peba bwe utiej lōñtak in lọjet eṃōj an ḷapḷọk ipeḷaakin laḷ in; utiej lōñtak in kiiō eṃōkajḷọk im eṃōj watōke bwe enāj eindein an ḷapḷọk wōt ilowaan bukwi iiō kaṇe rej itok. Jerbal in kōmejaiki ilo RMI ej kwaḷọk bwe utiejān lọjet eṃōj kōmejaiki kadede im lo bwe ej ḷapḷọk kōn enañin 3.5 mm ilo juon iiō (ekkar ñan Australian Bureau of Meteorology, 2008). Enañin aolepān āne ilo Aelōñ Kein Ad rej ejaakin aelōñ ko epidodo aer jorrāān im relukkuun wujabōj im emmānni. Ilo elōñ jikin ko ioon āne kein, juon emaroñ jutak iaar im lo an ṇo ko rup ioon baal ilik im tar ānetak, ipeḷaakin aelōn eo, innem jidik wōt bwidej eutiejḷọk ñan jikin koone.

Tallepin joñan an ḷapḷọk an ibwij ipeḷaakin laḷ in jān 1961 ñan 2003 eo kar 1.8 mm ilo juon iiō. Jān kar 1993 ñan 2003 eo ekar ḷapḷọk ñan 3.l mm ilo juon iiō. Ilo jeṃḷọkin iiō

10 kein jibukwi ilo century in kein karoñoul juon jej pād ie (2090 ñan 2099), wōran aolepān tallepin ibwijin lọjet ṇe ipeḷaakin laḷ in eṃōj watōke bwe enāj jān 0.19m ñan 0.5m (ijellọkin tokjān eo ikijjien an ōṇḷọk aij kijoñjoñ eṇ jabōn laḷ in). An ḷapḷọk an ibwij lọjet jān 0.5 ñan 1.0 metre jej jab maroñ ba bwe eban waḷọk, kōnke jej jañin jeḷā ie dettan ko eṃōj wōtbari tok. Enañin aolepān wāween kein jej wōtbari rej jerbal ñan dettan ko rōḷḷapḷọk im jab ko reddikḷọk (Steffen, 2009).

RMI enāj jelṃae an ḷapḷọk ajāllik ko rej buñūti ilo wāween ko rellōñ: • An ḷapḷọk an ieḷap lọjet ej juon kauwōtata eo eṃool im eḷap ñan eṃṃan eo an peḷaakin RMI. Jekdọọn ñe edikḷọk jān juon miita (meter) an ḷapḷọk joñan an ieḷap ak wāween in ekauwōtata ñan an eṃṃan an armej jukjuk im amṇak ie, kōn ajāllik ko, ekoba an ḷapḷọk an ietḷọk jikin ko ej waḷọk dānnin idaak ie.

• An ḷapḷọk an ieḷap ilọjet ekōṃṃan ad eddeṃaanḷọk im lo bwe enāj eppej āne ko āneed, enāj buñ kōto, enāj maatḷọk āne ṃōrā im wāween ko rekauwōtata itōrerein āne ko (IPCC, 2007) im renāj kauwōtata ñan menin ekkāl ko rōḷḷap einwōt iiaḷ ko, iṃōko iṃōn kien im ekkal ko jet, jikin jokwe ko an armej im wūjkinen ko rej jipañ ājmōur eo an jukjuk im pād ko ilo aelōñ ko.

• Mejatoto eo ej ukoktak ej kōṃṃan bwe en ḷapḷọk an maroñ waḷọk im ajedeed nañinmej ko armej im menin mōur ko rej būkto būktak im kaajedeedi, einwōt dengue fever, eo ej waḷọk kōn an lōñḷọk jikin ko ṇaṃ ej ṃōur ie itok jān an ḷapḷọk an eowōtwōt, an okmāṇāāṇ ḷọk mejatoto, eḷap tata kōn an ḷapḷọk an armej eṃṃakūt ḷọk im jokwe ilo jikin kwelọk ko im kōn an lōñḷọk armej im aer ikkut ippān doon.

• Ilo kein kaṃoolol ko rej diwōjtok jān ippān ro remālōtlōt, jej tōmak bwe ajāllik ko rōḷḷap renāj jelōt ijoko menin mōur ko rej pād ie itōrerein āne ko im ilọjet. An kajoorḷọk an okmāṇāāṇ mejatoto im an ḷapḷọk ajet ilo dānnin lọjet emaroñ nana ñan wōd ko, ijoko menin mōur ko rej pād ie itōrerein āne ko, im an itoitak bōjen in ek ko einwōt bwebwe, einwōt ke wāween in ej pedpedin jerbal eo eḷap ikijjien bōktok jeraṃṃan ñan RMI. Ealikkar bwe jenāj aikuj in oktak Laajrak eo kiin jeṃaan kōn kalliṃur ko ikōtaan laḷ ko ñan kōnono kōn an oktak mejatoto, ko raar būki bwe en ṃweieer ilo 2010 eo iuṃwin Ṃōṇōkjānin Kwelọk Eo An United Nations Kōn An Oktak Mejatoto, raar ṇakōjkan jet wōnṃaanḷọk ikōtaan laḷ ko ipeḷaakin laḷ in ak raar bareinwōt kalikkar bwe en wōnṃaanḷọk wōt kadikḷọk an waḷọk baat jān injin im kein jerbal ko rōḷḷap ipeḷaakin laḷ in bwe en tōprak mejān kajjik eo eaitok jetñaakin im ekanooj ḷe ilaḷin 2 tiikūri Celsius joñan an okṃāṇāāṇ wanlōñtak im ḷe ilōñin joñan ko kar ṃokta jān an ijjino tōreān Jerbalin Ekkāl Ko Rōḷḷap. Eḷaññe ejab tōprak mejān kajjik in enāj waḷọk kauwōtata ko rōḷḷap; kauwōtata ñan ijoko menin mōur in āne im lọjet ilo aelōñ kein rōttā rej mōur ie (ilo RMI bareinwōt) jen kōjatdikdik bwe enāj waḷọk meñe menin jibadbad in etōprak.

Kōṃṃan kwōṇ ikōtaan laḷ ko ñan juon joñọk eo eṃṃan bwe en bōjrak an ḷapḷọk okṃāṇāāṇ in mejatoto ñan ājmōur an armej im aer mōur ilo aelōñ kein ad, men in ej pād wōt im ej menin kōttōpar eo eaorōk an RMI, im RMI enāj wōnṃaanḷọk wōt im bōk

11 kuṇaan ilo kōnono ko an kien ko ipeḷaakin laḷ in kōn an oktak mejatoto. Ej ja ilo ien eṇ wōt, aikuj eo ñan jino būki buñtōn ko nāj likūt ṇa iṃaan tata bwe en armej ren ukōt wāween aer mōur einwōt an oktak mejatoto, ilo ad kile bwe eḷap wōt ijo kōn an oktak mejatoto edāpdep im pen ilowaan iiō kaṇe jilñuul repād iṃaan. Men in ej itok jān wāween an jerbal men ko rej kōṃṃan an kajoorḷọk an okṃāṇāāṇ mejatoto (greenhouse gases) kōn aer dāpdep wōt ilo mejatoto iuṃwin juon ien eo eaitok jetñaakin jān ke raar jino waḷọk. Men eo eḷap tokjān ej bwe en bōjrak wāween in jān an nanaḷọk im bwe jen jino ukōt wāween ad mōur ijaḷmān oktak kein eṃōj de aer jino waḷọk.

Ilo an aikuj bwe en wōnṃaanḷọk wōt an eṃṃanḷọk meḷeḷe eo kōn an oktak mejatoto naaj jelōt RMI, ej ad eddo bareinwōt bwe jen bōk buñtōn ko jaikuj būki kiiō ekkar ñan meḷeḷe eo epād ippād kadede. Jej ṇaetan buñtōn oktak kein buñtōn ‘jab ajḷọk’, kōnke meñe ewōr jabdewōt men eṇ jejālōke ilo jerbal in katu ko, ak renāj rejetake mejān kajjik ko ad kōn aer kōṃanṃanḷọk ad maroñ mōur ijeḷmān ad pād ilo kauwōtata im aer letok juon pedpedin karōk eo eto an pād.

Uwaak Eo An RMI Ikijjien An Jedmatmat Ñan Kauwōtata Ko Ilo An Oktak Mejatoto Jān tōre eo ilo 1992 ke eaar jaake ḷọk rūbboot eo an jinointata kōn ajāllik ko rej waḷọk jān an oktak mejatoto, im einwōt juon uwaak ñan men ko raorōk ñan kōṃṃani iuṃwin Loḷọkjeṇ Eo Ñan 2018, RMI eaar kōkajoor an aelōñ kein maroñ pukōt mejḷan ajāllik ko rej waḷọk jān an oktak mejatoto ilo an kar kajutak Opiij Eo Ej Karōk & Kōpeḷaak Kakien Eo Kōn Mejatoto im Meḷan (OEPPC) im kōkajoorḷọk jikin jerbal ko jet tellọkier im eṃanṃaṇḷok eo an ro ilo aelōñ kein rej pepe im karōk aer jerbal ippān doon.

Kijejeto ko ñan kōnono im pukōt mejḷan men ko rej waḷọk jān an oktak mejatoto ekoba kōḷapḷọk jeḷā eo ippān armej, bōk kuṇaad ilo jerbal ko an tujab in ilo Pacific ikijjien an armej oktak ilo an oktak mejatoto (kōnono kake im pukōt mejḷan kōḷapḷọk an armej maroñ im ejaake buñtōn ko rewājepādik ikijjien ṃōñā im dānnin idaak), buñtōn ko rewājepādik ikijjien an wōnṃaanḷọk wōt kōjerbal jarom, im ibwiljin oktak ko jet rewājepādik, ejaake juon karōk an aelōñ kein ikijjien an jerbal Micronesia Challenge (juon mejān kajjik an tujab in ilo Pacific eo ej kōḷapḷọk an jukjuk im pād eo maroñ wōnṃaanḷọk wōt im ej kōjerbal kapeel eo jaar jolōte jān ro jibwid im jiṃṃaad im kiltōn ko rewājepād ñan jikin eo epidodo an jorrāān im menin mōur ko rej mōur ie im menin jeraṃṃan ko epidodo aer jorrāān ioon āne im ko itōrerein lọjet ñe jenāj tōpar iiō ṇe 2020).

Uwaak ko raorōk an aelōñ kein ṃaantak ñan rainin rej kobaik tok: • • • • •

Micronesian Challenge: lukkuun poḷōmān kōjparok en jab dikḷọk jān 30% in mennin jeraṃṃan ko ad itōrerein lọjet im 20% in menin jeraṃṃan ko ioon āne.

Micronesia Ej Kwaḷọk Jarom Ilo An Kūtōkmaro (GEM): juon jerbal eo ri-Tōl ro ilo Micronesia rej rejetake; Kakien Eo An Aelōñ Kein Ikijjien Jarom im Kōrkan Kōṃakūti ilo 2009; Kōrkan Kōṃṃakūt Eo An Aelōñ Kein Ilo 2008 – 2018 Ikijjien Kōpeḷaak Kauwōtata Ko Ñan Jorrāān Ko Rōḷḷap, im Ṃōṇōkjān Eo Ñan Kōpeḷaake Unjān Dānnin Idaak An Aelōñ Kein

12

Loḷọkjeṇ Eo Ñan 2018 Karōk Ko Rōḷḷap Karōk Ko Ñan Jerbal RMI ebareinwōt poub in bōk kuṇaan ilo elōñ iaan jerbal ko ikijjien an oktak mejatoto itujab in ilo metwan Pacific in einwōt Jerbal Eo Ikijjien Oktak Ippān An Oktak Mejatoto ilo Pacific in (PACC). Ippān men in, ej jab bōjrak an RMI kajjioñ kōḷapḷọk an laḷ in kile ajāllik ko rej waḷọk jān an oktak mejatoto ilo aolep kwelọk ko rōḷḷap an laḷ in, ko rej kōnono kōn an oktak mejatoto.

Meñe eṃṃanḷọk an aelōñ kein im aelōñ ko ipeḷaakin laḷ in kile ajāllik ko rej waḷọk jān an oktak mejatoto, ak RMI ej jelṃae wōt elōñ iaan wāween ko reppen im kaapañpañ me eṃōj kar kaalikkari ilo rūbboot eo an 1992 eo, ekoba wāween ko repen ñan kōḷḷāik wōṇāān men kein, aikuj eo bwe en mālkwōj ad jeḷā im wāween leḷọk meḷeḷe bwe aolep armej ren jeḷā kōn an oktak mejatoto ñan buñtōn eddekḷọk ko rewājepādik. Koba ippān men in, ilo an kanooj ḷap aikuj bwe en ḷapḷọk ḷōmṇak kake im en meḷak im ṃōkaj kilen im kūtien an ṃani ilọk ñane ikijjien an armej oktak ippān an oktak mejatoto, jekjekin ijin RMI ej pād ie ilo metwan Pacific in ealikkar bwe eṃōj an kōṃṃane juon wāween eo ewōr kaapañpañ ko ie, ko ej jab pidodo kōnono kaaki im pukōt mejḷaer kōn jerbal ko wōt rejelōt ukōt ejaak ko ilo jukjuk im pād eo einwōt iiaḷ ko, iṃōn jokwe ko im wāween ko jet.

Ekkeitaak Ko Ilo Kakien Eo im Un Eo RMI eaar kōṃṃane Loḷọkjeṇ Eo Ñan 2018 einwōt ṃōttan eo iṃaan ñan Kōrkan Ṃōṇōkjānin Ejaak Eo Ewājepādik an 2003-2018 eo im kobain mejān kajjik ko joñoul ñan ejaak eo emaroñ wōnṃaanḷọk wōt ñan an RMI tōpari ilo 2018. Ruo iaan mejān kajjik kein rej kajju kōmlōt kōn an oktak mejatoto ilo RMI, ekoba an ejaak kakien in (einwōt ej waḷọk ilo Annañ 1).

Mejān Kajjik 1: Jerbal ilo Laḷ eo Armej Rej Rejetak Doon Ie 1.2 Oktakin Mejatoto: Kōnke ebwe an dedeḷọk an kōkajoor rāpeḷtan im buñton an jerbal ñan kōtōprak joñan wōt an maroñ jitbōn karejar eo ikōtaan aelōñ ko ipeḷaakin laḷ in im itujab in ilo Pacific in bwe en kadikḷok tokjān ajāllik ko rej waḷọk jān an Okmāṇāāṇ Peḷaakin laḷ in im Mejatoto.

Mejān Kajjik 10: An Mejatoto im Melan Maroñ Wōnṃaanḷọk Wōt 10.2 Kōkajoor jerbal ko im kōkōṃanṃan rāpeḷtan im buñtōn ko, bwe en maroñ tōprak jipañ eo epoḷōman jān kijejeto ko an aelōñ ko ipeḷaakin laḷ in im ko itujab in ilo Pacific in, ilo kilaan kadikḷọk ajāllik eo ej jab eṃṃan ilo an Oktak Mejatoto.

Annañ 1: Mejān kajjik ko an Loḷọkjeṇ Eo Ñan 2018 rej kōmeḷeḷe kōn karōk eo an RMI ñan aelōñ kein ilo an oktak mejatoto Pijain Iiaḷ Eo An RMI Kōn An Oktak Mejatoto (Kakkobaba B) kar ejaake ilo an kien likio, jerbal eo ikōtaan ra ko an kien ioon Mājro ilo Ọkwōj 2010 eo. Iiaḷ eo ej kaalikkar

13 kōṃōkajkaji men ko raorōk ñan pukōt kōjkan an oktak mejatoto, ekoba ejaake juon kakien an aelōñ kein kōn an oktak mejatoto ilo jeṃḷọkin 2010 eo.

Unin Ṃōṇōkjān Eo An Kakien Eo An Aelōñ Kein Kōn An Oktak Mejatoto (NCCPF) ej bwe en kaalikkar men ko rewājepādik raikuj waḷọk ṃoktata ñan kaalikkari men ko Kien eo an RMI ej jek ippān bwe enāj kōnono kaki ñan an pukōt kōjkan men eo enāj kōṃṃane kōn an oktak mejatoto, ilo wāween kein ruo rejelōt kauwōtata ko kiiō im ko rej itok wōt.

Kakien in ej kowōnṃaanḷọk juon rāpōḷtan eo euñkipden ñan kadikḷọk kōjelbabo ko emōj watōki bwe renāj waḷọk itok jān kauwōtata in mejatoto einwōt kauwōtata ko rejelōt mej, an bōjrak im jab ṃakūtkūt jerbal in kowōnṃaanḷọk mōur an armej im jorrāān eo ej waḷọk ñan mejatoto im meḷan im men ko ṃweien armej, im ñan kadikḷọk an jeraṃōl doulul in armej ro epidodo aer jeraṃōl im aikuj.

Men eo ṃōnōkjān in kakien in ej iookḷọk ej bwe en kōkajoorḷọk im tōl juon kōrkan kōṃṃakūt an aelōñ kein bwe en kōnono kaake im pukōt mejḷan tokjān ko rej waḷọk ilo an oktak mejatoto kiiō im an oktak mejatoto ilo tōre eo ekadu, epād ioḷap, im eaitok jetñaakier, bwe jen lōke joñan wōt ad maroñ bwe en eṃṃan wāween an armej in Aelōñ Kein mōur im ien ko rōṃṃan ñan aer ejaak ilo wāween eo emaroñ wōnṃaanḷọk wōt ejāmin jikepkep im likjab. Ej ejaak ioon kakien ko kiiō, karok im ḷamḷam ko an jerbal ko raorōk im kūr ko ñan juon “Rapōltan Eo An Aelōñ Otemjej” ñan kōnono im pukōt mejḷan menin kōnono ko ilo an oktak mejatoto. Ri-tōl ro ilo ṃanet, armej ro im kien eo kab ro rej jab ri-kien rej aikuj kōṃṃane ijo kuṇaer towan wōt an nāj wōnṃaanḷọk im ḷapḷọk men eo ej kōketak er eḷaññe baat ko renana ipeḷaakin laḷ in rej jab dikḷọk ilo wāween eo edepakpak im ṃwilaḷ.

Loḷọkjeṇ Loḷọkjeṇ eo an Kakien Eo An RMI Ilo An Oktak Mejatoto ej: Aelōñ Kein Eo Emaroñ Wōnṃaanḷọk Wōt Ijeḷmān Ajāllik Ko Rej Waḷọk Ilo An Oktak Mejatoto Tōmak Ko Rej Tōl Kakien Eo “Aolep men kein ad im ke jej juon laḷ rainin, jaar jolōti einwōt men ko im jej kalliṃuri ippād make bwe jenāj kōjparoki im dāpiji, ejjeḷọk men eṇ jenāj kaorōke eḷapḷọk jān ḷāṃoren kein ad ioon āne kein āneed ad kapijuknen eṃool im jiṃwe ko rej pād ilowaan kōtaan eo ej kūtbuuj aelōñ kein.” Jemānāe An RMI

14

Ilo an Jemānāe eo an Aelōñ kein tōl, armej renāj kōṃṃane jabdewōt men remaroñ bwe ren kōjparok im dāpij kapijuknen eo aer eṃool. Einwōt ke ej juon iaan jikin ko me āne ko ie rōttā tata, oktak in mejatoto ej einwōt juon menin kaamijak eḷap ñan ajmōur, wōnṃaanḷọk im mōur ilo Aelōñ Kein Ad. An oktak mejatoto ekanooj kauwōtata ñan kijejeto ko an RMI in ñan kōtōprak men ko raorōk ñan eddekḷọk eo an aelōñ kein, einwōt an waḷọk ilo Kōrkan Ejaak Eo Ewājepādik ilo ‘Loḷọkjeṇ Eo Ñan 2018’, im ñan jino juon pedped eo emājojo ñan wāween mōur ilju im jekḷaj im an maroñ bwe unjān aikuj ko an im eddekḷọk eo emaroñ wōnṃaanḷọk wōt, ekkar ñan Mejān Kajjik Ko Ñan Eddekḷọk ilo Millennium in im Karōk Eo Ewājepādik eaar kōṃṃan ilo Mauritius ñan Wōnṃaanḷọk Kake Būrokūraaṃin Bōk Buñtōn Loloodjake Eddekḷọk Eo Emaroñ Wōnṃaanḷọk wōt an Aelōñ Ko Reddik im Rej Eddek Wōt.

RMI enāj kōnono im pukōt mejḷan ilo jitbōn lōke im kōjatdikdik men ko rej waḷọk jān an oktak mejatoto, ilo an kabwijer ilju im jekḷak eo an. Wāween an RMI pukōt mejḷan ilo an kabwijer ilju im jekḷaj eo an ealikkar aorōk eo an ilo kien kein ijin ilaḷ: •

Kapen kalliṃur im kwaḷọk “bwe ej ri-tōl ikijjien mejatoto” ilo jikin jerbal ko reutiej tata an kien, ekoba Būrejtōn eo, Kāāpnōt eo im Nitijeḷā, kab ri-Tōl Ro Ilo Ṃanet im ro rej karejar bōtab rej jab ri-jerbal an kien eo;

•

Kōjparok men ko bwinnin aelōñ kein, men ko aorōkier einwōt “ṃōttan ko ilo ānbwinnid rej letok mōur” bwe men kein ren jab jorrāān, im jen lale bwe epepen ko ilo aelōñ kein rej itok wōt ren amān Aelōñ Kein ilo jiṃwe im en wōr ien eṃṃan bwe ren tōpar eddekḷọk eo an aelōñ kein ad im ren jeraṃṃan;

•

Lale bwe en jejjet kōṃṃane (jab kakien im karōk ko wōt); im kōṃṃan bwe watwat ko ikijjien an oktak mejatoto ñan mejān kajjik ko an pedpedin an eddekḷọk wāween an armej mōur ippān doon im an eddekḷọk im jerbal karōk im būrokūraaṃ ko an bukwōn ko;

•

Kile jiṃwe im eddo ko an RMI ippān aelōñ ko ipeḷaakin laḷ in, ekoba jiṃwe im eddo ko iuṃwin Rāpeḷtan Ṃōṇōkjān Eo Ilo UN Kōn An Oktak Mejatoto (UNFCC) im Karōk Eo Kar Kōṃṃan Ilo Kyoto (Kyoto Protocol), im maroñ in ukōt bwe jerbalin ippān doon im ien ko rōṃṃan ilo ṃōttan ko reddik ijekein ilo Pacific in im ipeḷaakin laḷ in ren jipañ;

•

En “Aolepān Kien” ñan “Aolepān Aelōñ Kein”; en watōk im kōnono kake ñan pukōt mejḷan kadkad ko ejjeḷọk uwaer im men ko raikuj kōṃṃan ṃoktata ilo jikin kwelọk ko armej rej jokwe ie im ilo aelōñ ko likin;

15 •

En kile an pen jelṃae im jerbale mejḷan an oktak mejatoto, im aikuj eo bwe en lōñ ṃweñan kalimjek im pukōt uwaak ko rejelōt elōñ ṃōttan ko, eṃōj ḷamḷami im rej jerbal ilo juon wāween eo emeḷak im uñkipden;

•

En ejaake juon mejatoto eo ej kōmaroñ an bōk bwe en ṃweien buñtōn im rāpōḷtan ko rōkkar me renāj jipān kōtōprak men ko eṃōj an kar kalliṃur bwe enāj kōṃṃani ñan aelōñ kein im aelōñ ko jet ipeḷaakin laḷ in ikijjien men ko rej kōṃṃan an oktak mejatoto im tokjān ko ilo an oktak mejatoto; im

•

En kile bwe kōn an meḷan im an mejatoto eo mejjiia ak emaroñ mōur maanḷọk wōt ijeḷmān jorrāān ko rej waḷọk, men in ej unleplep eo ñan maroñ in pukōt mejḷan ilo an oktak mejatoto, im buñtōn ko ñan an armej maroñ oktak ippān an mejatoto oktak, im rej kōkajoor, dāpij, im eḷaññe emenin aikuj, rej kōjepḷaak tok eṃṃan eo an wāween ko rej kōpeḷaak an menin mōur ko mōur ippān doon im raorōk ñan an dikḷọk kauwōtata ej waḷọk ñan rāpōḷtan āne im rāpōḷtan jerbalin armej.

Ijoko jej aikuj ṃōkaj kaki ilo Kakien Eo Kōn An Oktak Mejatoto Jerbalin kalōk im kōḷapḷọk an armej in RMI maroñ mōur ijeḷmān an oktak mejatoto ej bōk an meḷeḷe jān kien ko an eddekḷọk eo ej wōnṃaanḷọk einwōt an kōmlōt ilo Loḷọkjeṇ Eo Ñan 2018. RMI ej kiiō aikuj watōk an oktak mejatoto ilo aolep jekjekin jerbal eo ñan bōktok jeraṃṃan im aolep pepe ko kōn eddekḷọk eo ej wōnṃaanḷọk im pepe in karōk rej aikuj kōnono kake im watōk an oktak mejatoto. Ilo waanjoñọk, jerbalin ekkal ko ilo parijet ko rej aikuj ḷōmṇak kake an ḷapḷọk an ibwijtok, im kakien ko ñan ekkat keinikkan rej aikuj kile aikuj eo ñan ine ko rōkāāl im remaroñ jelṃae im mōur ilo ien det im ilo bwidej eo eṃōrā kab ilo ien ko ñe ejọọḷ bwidej im dān.

Pedped ioon kakien im karōk ko an aelōñ kein rej mōur wōt, im jān kwelọk in kōkapilōklōk ko rōkkar im raar kōṃṃan kiin jeṃaan, emōj kar kalikkar bwe jikin kein rej men ko raorōk im ej aikuj wōr kōnono kaki bwe men ko ewōr tokjān lōmṇak kaki kōn an oktak mejatoto rej aikuj kōjeikiiki bwe aolep armej ren jeḷā kaki bwe ren pād ilo ṃōttan kein ijin ilaḷ jej kōṃokajkaji ñan aelōñ kein: Bọọk 1. Ṃōttan ko iṃaantat ilo an oktak mejatoto Erkein rej ṃōttan ko jej kōṃōkajkaji im rej pedpedin eddekḷọk eo eṃaroñ wōnṃaanḷọk ilo RMI. Kōṃṃan bwe an oktak mejatoto en iookḷọk elōñ armej ilo ṃōttan kein iṃaan tata ej kōṃṃan an armej in RMI maroñ jelṃae jorrāān im mōur jān wāween ko reppen. Ñan ḷōmṇak kake im pukōt mejḷan kauwōtata ko ilo an oktak mejatoto ilo kajjojo ṃōttan ko raorōk, ḷalem mejān kajjik ko rewājepādik renāj kwaḷọk juon iiaḷ ñan uwaak eo an Aelōñ Kein eo ekarbōb im eṃṃan an ṃōttan ko ie jerbal ippān doon:

16 1. Kōkajoor Maroñin Oktak Ippān An Oktak Mejatoto im Kōmeraikḷọk, ekoba Kōbajet Eo Emaroñ Wōnṃaanḷọk 2. Oktak im Kadikḷọk Kauwōtata Ko bwe En Juon Ilju Im Jekḷaj Eo Emaroñ Jelṃae Jorrāān Im Bar Mōur Jān Wāween Ko Reppen 3. Ilju im Jekḷaj Eo Ejokane Ilo Kōjerbal Jarom im Edik Carbon Ie 4. Pojak Ñan Jorrāān Ko Rōḷḷap, Uwaak im Jepḷaak Ñan Eṃṃan Eo 5. Ejaake Mālōtlōt im Jeḷāḷọkjeṇ, Jukjukimpād Eo Ej Pojak Im Kōṃṃakūt, ilo an kememej wōt Ṃanet, Liṃa Ro im Ḷōṃa Ro kab Jọdikdik Ro

v Jokane Kōn Ṃōñā im Dānnin Idaak v Jokane Kōn Kōjerbal Jarom im Jeralin Kōjparok v Karōk im Kōjparok Menin Mōur Ko im Jikin Jokwe Ko Aer v Ejaake Men Ko Bwinnin Armej, Jerbalin Katakin im Jeḷālọkjeṇ v Ājmōur v Karōk Jikin Kwelọk im Ejaakin Menin Ekkal Ko Rōḷḷap v Kōpeḷaak Menin Kauwōtata Ko Ikijjien Jorrāān Ko Rōḷḷap v Karōk im Kōpeḷaak Āne im Parijet, ekoba Maroñ Ioon Bwidej v Itoitak im Leto Letak Ennaan kab Meḷeḷe ej kwaḷọk juon tallepin Ṃōṇōkjānin Kakien Eo Ikijjien An Oktak Mejatoto, im kadkadin ñan

17 Loḷọkjeṇ Eo Ñan 2018, ke ej jab kōmlōt wōt kōn Kakien eo ak kakien in ej uwaake aolep mejān kajjik ko an loḷọkjeṇ eo im eḷaptata mejān kajjik 1 ñan 10.

Loḷọkjeṇ Eo Ñan 2018

Kakien Eo An RMI ñan Aelōñ Kein Kōn an Oktak Mejatoto Loḷọkjeṇ Mejañ Kajjik Ko Rewājepādik Menin Kōttōpar Ko

Men Ko Aelōñ Kein Renāj Kōṃṃani Ṃokta Ikijjien An Oktak Mejatoto

Men Ko Rej Tōprak Annañ 2: Tallepin Ṃōṇōkjānin Kakien Eo an RMI ñan Aelōñ Kein Ilo an Oktak Mejatoto Mejān Kajjik 1: Kōkajoor Jitbōn Kōmaroñ ñan Oktak Ippān an Oktak Mejatoto im Kōmeraikḷọk, ekoba Bwe Kōḷḷāik Wōṇāān Jerbale En Wōnṃaanḷọk Wōt.

Kien in an Aelōñ Kein Ad ej aikuj kōkajoor kōrkan douluul ko ilo aelōñ kein im e make en pād ilo juon jekjek eo ej kōṃṃan bwe en bōk jipañ ko rōḷḷap ikijjien an mejatoto oktak jān jerbal ko tellọkier ipeḷaakin laḷ in im ilo metwan Pacific in. Men in ekūtbuuj kōkajoor maroñ eo an ṃweñan ko an kien ilo aer jerbal im kōpeḷaaki men ko rej waḷọk ilo an oktak mejatoto, ejaake jerbalin kōṃṃan karōk, jerbalin kadikḷọk im karōk buñtōn ko ilo an oktak mejatoto, ḷame wāween eddekḷọk eo, kadikḷọk kauwōtata eo ñan jorrāān ko rōḷḷap im kōṃṃan joñan rejtake kakien ko rej kōmaroñ, kakien ko im men ko raorōk bwinnin armej. Jipañ kōn ṃani ej aikuj kōṃṃan bwe en maroñ jerbal im ej aikuj kōṃṃan karōk, im ejelōt elōñ kain ṃakūtkūt ko jān jipān ikijjien kapeel ko retijeṃḷọk im kapilōk ko ikijjien kōṃadṃōd im kamminene, kōḷapḷọk jeḷōḷọkjeṇ im jipañ ikijjien ṃani bwe aolep pedpedin ṃōttan jerbal ko rej kōṃṃan wōnṃaanḷọk ren jeḷā im meḷeḷe kōn an oktak mejatoto.

1.1 Ñan kōkajoor im kalikkar jerbalin lale im tōl eo an aolepān aelōñ kein im an juon aelōñ, ekoba karōk ko ikijjien jerbalin rādik doon ñan uwaak ko ilo an

1.1.1 Kōrkan jerbal ippān doon eo emājojo kōn an oktak mejatoto im epeddejake kien eo, ṃōttan ko rej jab an kien, ṃōttan ko rej an kajjojo armej im jukjuk im pād an armej (eḷaptata ippān armej ro aer biwdej ko ekkar ñan ṃanet).

18 oktak mejatoto.

1.1.2 Jerbal ko rej jutak ñan rādik doon im rej kōṃṃan bwe en eṃṃanḷọk jeḷāḷọkjeṇ ikōtaan ṃōttan ko ikijjien men ko rej waḷọk jān an oktak mejatoto, im jerbal ippān doon ñan ejaake im kōjerbal buñtōn ko rejelōt an armej oktak ilo an oktak mejatoto.

1,2 Ñan kōṃṃan bwe jikin deḷọñtok ko ren ḷami bwe en eṃṃan bōk im kōpeḷaake menin jeraṃṃan ko jet im ṃani ko eṃōj kōjjemọọji bwe ren jerbal ñan wāween kein rej waḷọk ilo an oktak mejatoto.

1.2.1 Kōtōprak iaḷan kōṃṃan ṃani eo enāj wōnṃaanḷọk wōt kōn kakien ko eṃōj kōkōṃanṃani, maroñ im kōrkan doulul ko ekoba kālōt eo ñan ejaake juon Ṃani In Joortoklik An Aelōñ Kein.

1.2.2 Joñọk ko im kein jerbal ko eṃōj kōmmani bwe ren rejetak kōjjemọọj eo emejādik im mālkwōj ikijjien ṃani kōn an oktak mejatoto, ekoba jerbalin kōmejaiki im katak kake.

1.2.3 Loḷọkjeṇ eo ealikkarḷọk im jerbalin kōpeḷaak ilo an oktak mejatoto ilo ejaakin im kōrkan an jerbal ṃani, koba jikin deḷọñtok ko ralikkar bwe aelōñ ko ipeḷaakin laḷ in ren jipañ.

Mejān kajjik 2: Oktak im Kadikḷọk Kauwōtata bwe en juon Tokālikin Mejatoto eo Ekākemọọj Ippān wujkinen kein an kiiō, eṃōj de an RMI jino jerbal ko rej jipañ kōḷapḷọk an jikin jokwe ko an menin mōur maroñ oktak ekkar ñan oktak ko ilo mejatoto. Men kein ekoba jino kōṃṃani jerbal ko Microneisan Challenge eaar kalliṃur bwe enaaj kōṃṃani kōn Karōk ko an rej rejetake. Buñtōn kein rōkāāl jej aikuj in kōḷapiḷọk im kōdepakpakiḷọk ñan mōttan ko jet bwe en wōr lōke bwe jelukkuun maroñ jelṃae im mōur ijeḷmān an oktak mejatoto.

An oktak mejatoto ejelōt enañin aolep ṃōttan ko ipeḷaakin RMI. Ilo an ekkejel ippān doon jerbalin kōḷapḷọk maroñ eo ñan jelṃae im mōur ijeḷmān men ko rej waḷọk jān an oktak mejatoto, ej meḷeḷein bwe ej aikuj uñkipden im karbōb kiltōn oktak ko. Kōn men in kakien in ej rejetake wāween in bwe‘Likioin Kien Eo’ ej ñan ‘Likioin Aelōñ Kein Ad.’ Ṃōttan kein ijin ilaḷ rej aikuj bwe ren kajoor ñan kōḷapḷọk maroñ eo ippān RMI ñan an oktak: § § § § §

Kōḷapḷọk Aorōk Eo im Maroñ Eo An Armej Jokane Kōn Ṃōñā im Dān Kōjparok Menin Mōur im Menin Eddek Ko Rooktak Jān Doon Ijo Rej Mōur Ie Ājmōur Karōk Juon Jikin Kwelọk im Ejaake Iiaḷ, Eṃ im Menin Ekkal Ko Ie

19 § § §

Kōpeḷaak Kauwōtata Eo Ilo Jorrāān Eḷap Kōpeḷaak Āne im Parijet, ekoba Maroñ Eo Ioon Bwidej Kōjparok im Kōkajoor Itoitak im Leto Letak Ennaan im Meḷeḷe

Eḷaññe RMI emaroñ eṃṃakūt kiiō im oktak, epojak in dikḷọk an RMI luuj ñan kaamijak eo ej itok jān an oktak mejatoto. Bōtab, jekdọọn ñe aikuj in eidiñ, ak RMI ej wōnṃaanḷọk wōt im jelṃae likjab ko ikijjien ṃani ñan kōḷḷāik wōṇāān ri-jerbal ro ilo opiij, ṇakṇōk ro iānin im ri-jerbal ro ikijjien kamminene ilo kōṃṃan karōk im kōpeḷaak jerbal. Kōḷapḷọk jeḷā im kapeeḷ ko ippān armej ej juon men eaorōk einwōt ṃani eo kwōj āte ilo pāāñ bwe en wōrḷọk im aṃ kōpetaklik ilo ṃōttan ko eṃōj kalikkari ijin ilōñ.

Menin Kōttōpar 2.1 Ñan ejaake oktak eo emālkwōj im uwaak ko rej kadikḷọk kauwōtata im joñan maroñ ilo aolep ṃōtaan ko iṃaan tata ilo an oktak mejatoto (Bọọk 1).

2.2 Ñan kowōnṃaanḷọk im kōjerbal būrkūraaṃ ko ikijjien oktak im rej juraake im kōkōṃanṃan ajmōur eo an jukjuk im pād ko.

Tōprak Ko 2.1.1 Oktak ilo an oktak mejatoto einwōt karōk eo ñan juon ien eo eaitok jetñaakin ñan kōnono kake im pukōt mejḷan an ḷapḷọk an ieḷap im watwat ko ñan kōmeraikḷọk oktak in ej pedped eo an aolep karōk ko ikijjien eddekḷọk im kōṃṃakūt ko ñan loloodjaake uwaak eo ñan kōṃṃan bwe en wōr maroñ in jelṃae im wōnṃaanḷọk ilo an oktak mejatoto.

2.1.2 Kōkajoorḷọk an aelōñ kein im āne ko kajjojo maroñ kōṃṃani karōk ko im joñe joñan ko ikijjien oktak, ekoba jerbal in kōṃeḷeḷeik im kōjerbal bōnbōn im meḷeḷe ko im tipdikin tokjān wōṇāān jokālōt ikijjien oktak ilo an mejatoto oktak.

2.2.1 Ājmōur eo an jukjuk im pād ko im kumi ko rejedmatmat ñan jorrāān, ekoba jọdikdik im ajiri ro rej kōkajoor er.

2.3 Ñan kōkōṃanṃan im kōkajoor jerbal in aini ippān doon, kọkoṇi, kōjparoki im kōjerbali meḷeḷe ko kōn mejatoto, ekoba meḷeḷe ko rej kwaḷọk an pidodo an waḷọk jorrāān bwe jen maroñ kakilen im katak kake waanjoñọkin an ukoktak im ta ko rej waḷọk jān wāween in im rej rejetake kōrkan jerbal in kōmeraikḷọk im wāween oktak ippān an oktak mejatoto.

2.2.2 Ro rej pedped im ewōr aer kōj, ekoba ro aer bwidej ko ekkar ñan ṃanet, rej kobalọk ilo kōṃṃan karōk im kōjerbal būrkūraaṃ ko ñan oktak ilo aolep ḷabōḷ, ekoba jerbal ko rejejjet ñan eṃṃaan im ñan kōrā.

2.3.1 Ewōr pedpedin meḷeḷe eo ejiṃwe im jejjet ñan rejetak im jipañ kōrkan oktak ilo an oktak mejatoto 2.3.2 Juon rāpōḷtan jerbal eo euñkipden ej ejaak ñan kōpeḷaak meḷeḷe, pedped ioon juon katak im etali meḷeḷe ko eṃōj aini ippān doon im kọkoṇi, ekoba maroñ in kālōt ñan kakuktok ippān doon meḷeḷe ko reinjuon jān doon im unjān meḷeḷe im wāween kōjerbali.

Mejān Kajjik 3: Ilju Im Jekḷaj Eo Epojak ñan kōjerbal jarom im Tokālik Eo Edik Carbon Ie

20 kōnke ejerbal Kakien Eo An Aelōñ Kein Ad Ikijjien Kōjerbal Jarom Meñe enañin ejjeḷọk wōt ñan jidik baat rot eṇ ej kōṃṃan kiaaj rot eṇ ej kōṃṃan an ḷapḷọk an okmānāāṇ mejatoto ilo RMI ilo watōke ñan wāween eo ipeḷaakin laḷ in, ak RMI ej pād wōt ilo an ṃōj an kapen ippān bwe ej ḷoor wāween eo bwe en oktak ḷọk ñan juon ilju im jekḷaj eo edik carbon ej waḷọk ie. Kakien Eo Im Kōrkan Kōṃṃakūt Eo An Aelōñ Kein Ikijjien Kōjerbal Jarom im RMI eaar kōṃṃane ilo 2009 eo ej pukōt kilen kōḷapḷọk an jokane ilo kōjerbal jarom kōn an kōkōṃanṃanḷọk wāween kōjerbal im kōḷapḷọk kōjerbal jarom rot eṇ jemaroñ eptaiki im bareinwōt kōjerbal kaan rot eṇ ej waḷọk jān menin eddek ko.

Kakien Eo An Aelōñ Kein Kōn Kōjerbal Jarom epād kōttōpar kein ie: Bwe 100% en wōr jarom ilo aolep iṃōn jokwe ko an baaṃle ko rej jokwe ilo jikin kwelọk ko im 95% ilo ṃōko iṃōn baaṃle ko ilo aelōñ ko ilkin; • Bwe ilo iiō eṇ 2020, 20% in jarom eo ej jerbal ej waḷọk jān men ko ewōr ilo aelōñ kein im jemaroñ in emaron epta ak wōnṃaanḷọk wōt im jerbal im eban bōjrak; • Bwe en eṃṃanḷọk im dikḷọk wōṇaan jarom ñan 50% ilo iṃōn jokwe ko im iṃōn jerbal ko, im 75% ilo ṃōko iṃōn kien ilo iiō ṇe 2020; • Jipañ jerbalin kadikḷọk baat ko rej kōṃṃan GHG ipeḷaakin laḷ in kōn ad rejetak kōkōṃanṃanḷọk rāpōltan kōjerbal jarom im kōn ad kōjerbal jarom eo jemaroñ kōḷḷāik wōṇāān im eban maat, im • Kadikḷọk 20% ilo 2015 jarom eo MEC ej jab maroñ letok kōnke elikjab kaan injin ko ie.

• Kōttōpar eo an aelōñ kein ad bwe ilo 2020 en dikḷọk baatin GHG 40% ilaḷin joñan ko ilo kar 2009 eo; • Kōttōpar ko an tujab eo ilo Micronesia Eo Ekūtōkmaro – 20:30:20.

An toprak jibadbad ko an Kakien Eo An Aelōñ Kein Ikijjien Kōjerbal Jarom im Kōrkan Kōṃṃakūt eo enāj kōkōṃanṃanḷọk an aelōñ kein maroñ jelṃae wāween kein pedped ioon an kālōñ kālaḷ wōṇāān kaan injin ilo jikin wia wōil ko ipeḷaakin laḷ in, im kōṃṃane juon iiaḷ in eddekḷọk eo armej in RMI remaroñ kowōnṃaanḷọk wōt. Ilo an kwaḷọk bwe eṃōj an jek ippān bwe en kōmeraikḷọk jorrāān kein rej waḷọk, RMI ej kūr ñan laḷ ko ipeḷaakin laḷ in bwe en ḷapḷọk aer kijejeto in kadikḷọk baak ko renana rej waḷọk ilo laḷ ko aer.

•

Menin Jibadek Ñan kōkōṃanṃanḷọk wāween an armejin Aelōñ Kein Ad mōur kōn an erreo, ad lōke, ad maroñ kōḷḷā wōṇāān, ad maroñ tōpare im ad maroñ eptaiki im kōjerbali ṃaanḷọk wōt jipañ ko rej waḷọk jān jarom

Tokjān Ko 3.1 Kōṃṃan bwe en ūne an jerbal menin kōttōpar ko ilo Kakien Eo An RMI Ikijjien Kōjerbal Jarom bwe en tōpar ilju im jekḷaj eo ejokane ikijjien kōjerbal jarom im edik carbon ej waḷọk.

3.2 Kakien an RMI Kōn Kōjerbal Jarom im Kōrkan Kōṃṃakūt eo an 2009 eo ej bōk jipañ jān an peḷḷọk iiaḷ ñan ṃāni jān peḷaakin laḷ in kein kadikḷọk an waḷọk baat im wāween ko jet rōṃṃan, ekoba an itok jeḷā im kapeel im an ejaak maroñ ñan kōṃṃani jerbal kein reppen.

Mejān Kajjik 4: Pojak Ñan Jorrāān Ko Rōḷḷap, Pepejarjor im Jepḷaak Ñan Eṃṃan Eo Jinoin

21 Ilo RMI, elōñ wōt iaan menin kauwōtata ko rōḷḷap ewōr kōtaer ñan wāween mejatoto im remaroñ kōṃṃan jerata eḷap. Men in ej itok jān an aelōñ kein ad jedmatmat ñan jorrāān eo im ej waḷọk jān wāween kein: § § § § § § §

Kōn an kanooj lōñ armej ilo jet āne (Epjā im Mājro); Elōñ armej rejeraṃōl – 20% in armej ro rej jokwe ijōkein edikḷọk jān $1 rej mōur kake ilo juon raan; Aelōñ ko rōttā; Eḷap an jeplōklōk āne ko reddik ilo juon meto eo eḷap; Epidodo im ṃōkaj an jorrāān jikin jokwe ko an menin mōur ko ioon āne im ilọjet; Edik im pidodo and maat im jako ijoko ej waḷọk dān ie; im Jerbal in bōktok jeraṃṃan eo eḷap an ṃōjṇọ an eddek im wōnṃaanḷọk.

Karōk Eo An RMI Ñan Aelōñ Kein Ikijjien Kōṃṃane Men Eo Ekkar Ñan Pukōt Mejḷan Menin Kauwōtata Ko an 2008 ñan 2018 (DRM NAP) ekūtbuuj men ko raikuj kōṃṃan ṃoktata ñan kadikḷọk kauwōtata eo kōn jorrāān eo eḷap im jerbalin ṃadṃōde jorrāān eo eḷap ej ekkejel ippān kauwōtata ko rejelōt wāween mejatoto im kauwōtata ko jet rej waḷọk jān laḷ in im ko kōṃṃanin armej. An jejjet ien an DRM NAP eo jerbal enāj kōṃṃan bwe en ḷapḷọk ad lōke bwe ejjeḷọk jorrāān enāj waḷọk im enāj kōkajoorḷọk ad maroñ kajumej ilo aolep wāween ko.

DRM NAP eo ej kameejḷọk an aorōk bwe en eṃṃanḷọk an armej pojak ñan jorrāān ko rōḷḷap im kiltōn uwaak ko ñan jipañ kōjparok mōur, ṃweiuk, meḷan im mejatoto. Kakien In Kōn An Oktak Mejatoto ej añinwōḷā ñan aikuj in. Ej kile bwe aolep pedped ko ilo jukjuk im pād eo, ilo ien eo ej bōk buñtōn ko in katak kake im oktak bwe en maroñ mōur ilo wāween ko renana rej waḷọk ippān an oktak mejatoto, ej aikuj pojak in kōṃadṃōd ippān men ko rōḷḷap rej waḷọk itok jān an oktak wāween mejatoto. Jukjuk im pād eo enāj aikuj in bōk kuṇaan ilo jerbalin kōkajoorḷọk douluul eo im kōpeḷaaki menin jeraṃṃan ko im eddo ko ikijjien jerbal ippān aolep idiñ im jorrāān ko rōḷḷap rej waḷọk jān kauwōtata ko im men ko jet ewōr kōtaer ñan wāween mejatoto.

Menin Kōttōpar Tokjān Ko 4.1 Laale bwe maroñ ko ren pād ilo kien eo 4.1.1 Karōk ko rōkkar im rejelōt kien eo im douluul ko ioḷap an aelōñ kein, kien eo an kajjojoj āne ekoba kōṃṃan kien im men kein repād im rej kōṃṃane im jukjuk im pād eo bwe jen jeḷā bwe ewōr juon jitbōn pojak im papjelṃae aolep repojak in bōk jokane im RMI emaroñ jerkak im kuṇaer kōjebwebweiki. wōnṃaanḷọk ijellọkin menin idiñ ko im jorrāān ko reḷḷap rewaḷọk ñane im rej itok 4.1.2 Karōk ko bwe en ṃōkaj kairuj armej bwe en wōr ien jān wāween mejatoto aer pojak emālkwōj aer jerbal im an armej kōjparoki bwe en eṃṃan aer jerbal ṃaanḷọk.

4.1.3 Aikuj ko an armej ro eḷaptata aer jedmatmat ñan jorrāān einwōt kōrā ro, ajiri ro, im rūtto ro kab armej ro aikuj ko aer rejenolọk im er eo ṃokta repojak ñan kōjparok ilo ien kauwōtata ko reidiñ im ilo an jerbal pojak eo ñan karōk im kōṃadṃōd.

4.1.4 Jipañ jān ro jerad ilo laḷ ko likin aelōñ kein ej jipañ im kōkajoor karōk ko an aelōñ kein im rāpōltan jerbal ko

22 ñan pojak in uwaak im kōṃakṃōd ilo jorrāān ko rōḷḷap Mejān Kajjik 5: Jikuuḷ im Jeḷāḷọkjeṇ, Ellōkab Jukjuk Im Pād Eo, ilo ememej wōt Manet, Kōrā im Eṃṃaan kab Jọdikdik Jikuuḷ, jeḷāḷọkjeṇ im an jukjuk im pād eo eḷḷōkab, im kōḷmenḷọkjeṇ ko rōkkar kōn ṃanet, kadkadin armej einwōt kōrā im eṃṃaan kab jọdikdik ro; men kein raorōk bwe ren pedped eo kakien in ej wawa ioon. Men kein rej aikuj pād bwe en alikkar ke ej kōṃṃan juon oktak jān wāween mōur eo emminene armej in ḷoore einwōt ṃokta ilo an oktak mejatoto im bwe ren kōḷmenḷọkjeṇ kōn jorrāān ko rōḷḷap im rekauwōtata.

Karejar ippān doon ikōtaan ro ewōr aer ājinkōj enāj aikuj in pād bwe en jeraṃṃan ejaake im liklọki jerbal ko ñan oktak ilo an waḷọk oktak. Jelā eo kar jolōte ekkar ñan ṃanet ej aikuj jerbal ilo an ejaake buñtōn ko ñan oktak. Meñe Mejān Kajjitk 5 ej kwaḷọk mōttan kein ilo aer make ḷọk, renāj pedped eo ñan kōtellọk kakien in, eḷaptata ilo jerbalin ejaake buñtōn ko ñan oktak.

Menin Jibadbad Ko 5.1 Ñan kōjerbal juon buñtōn eo ewājepādik ilo kobaikḷọk an oktak mejatoto ippān katak ko rej liḷọk ña ri-jikuuḷ im ilo jerbalin kamminene ko.

5.2 Ñan kairuj im kōṃakūt aolep armej bwe en itoklimoier im ren bōk kuṇaer ilo wāween in kōn an oktak mejatoto ekoba kumi ko an jọdikdik ro im rej uwaan ro rellōñ ilo jekjekin kōrkan armej in aelōñ kein.

5.3 Ñan kōkōṃanṃanḷọk an armej meḷeḷe im kōkōṃanṃanḷọk aer kōjerbal meḷeḷe eo kōn an oktak mejatoto, ekoba ñan ro rej kōṃṃan pepe ilo kakien im ilo kōṃṃan karōk.

5.4 Ñan kōṃṃan bwe en ḷapḷọk jeḷāḷọkjeṇ ippān armej kōn kakien in im ren jeḷā kōn kadkadin ilo laajrak ko aer.

5.5 Ñan kōṃṃan bwe en ḷapḷọk an jejjet ñan ro tellọkier ekkar ñan ṃanet ko rejelōt kōrā im eṃṃaan im kapeeḷ ko aer jān doon ilo aer pukōt mejḷan oktak ippān an oktak wāween mejatoto.

Tokjān Ko 5.1.1 Maroñ ko ikijjien kapeel eo etijeṃḷọk, ewājepadik im jerbal in laale im kōpeḷaake ko rejelōt an oktak mejatoto rej kōkōṃanṃaniḷọk im likūti ippān im ilo RMI. 5.2.1 Eḷapḷọk kōnono ippān doon ñan kōṃṃan karōk kōn juon eddekḷọk eo emaroñ wōnṃaanḷọk wōt ijeḷmān an oktak mejatoto im kōnono ippān doon in ej kōṃṃan ilo kien eo an aelōñ kein, ilo kien ko an kajjojo aelōñ, im ilo jukjuk im pād ko.

5.3.1 En eṃṃanḷọk an armej kile ta ko rej waḷọk im men ko rej kōṃṃan aer waḷọk ilo an oktak mejatoto ilo RMI, ekoba aer meḷeḷe kōn ta eo ej kōṃṃan bwe en eṃṃan an armej oktak.

5.3.2 Kōrkan oktak ilo an oktak mejatoto eḷapḷọk an kwaḷọk bwe ewōr an armej meḷeḷe kōn kōmeḷeḷe ko ikijjien oktak in ilo mejatoto, meḷeḷe ko ekkar ñan ṃanet im mōur in aelōñ kein im meḷeḷe ko ekkar ñan jeḷā ko an raan kein bwe rej pedped in kōṃṃan pepe ikijjien kakein in.

5.4.1 Kōnono im leto letak ennaan ko rewājepādik im rōūne rej būki bwe ren ad im ḷami ñan kakien eo an RMI ikijjien oktakin mejatoto.

5.5.1 Kiltōn ko rewājepādik rej ḷōmṇak kōn an einjuon kōrā im eṃṃaan rej ejaak im jerbal.

23

Ṃōṇōkjān Eo An Jerbal Eo Opiij eo ej Kōpeḷaak Ṃakūtkūt Ko Ikijjien Mejatoto im Meḷan, Pepe im Kakien, eo ej ekkejel ippān Opiij eo an Būrejtōn ej Jerbal eo ej tōl kōpeḷaake im lilọke Ṃōṇōkjānin Kakien Eo Kōn An Oktak Mejatoto (NCCPF), ilo an ekkar ioon ṃōṇōkjān buñtōn jerbal ko ikōtaan ṃōttan ko rej jerbal ippān doon im kōkajoorḷọk an eṃṃan an jerbal. Ṃōṇōkjān in enāj ḷap wōt an jerbal ippān Kamiti Eo An Aelōñ Kein Ad Ikijjien An Oktan Wāween Mejatoto (NCCC), eo enāj ekkejel im jerbal ippān kamiti ko repād kiiō, minijtūri ko im ro jet eḷap aer itoklimo, ilo ad kile kappe eo ejenolọk an douluul kein im wāween aer jerbal. Ṃōṇōkjān eo an jerbal in ej waḷọk ijin ilaḷ (Annañ 3).

Annañ 3: Ṃōṇōkjān Eo an Jerbal Eo Ñan Laale im Kōpeḷaake Kakien Eo An Aelōñ Kein Ikijjien An Oktak Wāween Mejatoto Minijtūri ko im Raan Jerbal Ko

Opiij Eo An Būrejtōn ----------- Nitijeḷā Kamiti Eo An Aelōñ Kein Ad Ikijjien An Oktak Mejatoto Jea eo: Jiip Jekreteri Baij Jea eo: OEPPC Ri-Jeje eo: OEPPC

Kamiti Ko Jet an RMI ñan Aelōñ Kein Ad

Ro Ṃōttad Ilo Ejaak Im Eddekḷọk

Douluul Ko Jet Ñan Jerbal

Jerbalin Wia Kake & An Kajjojo Armej

Kien Ko an Aelōñ Ko Kajjojo Jukjuk im pād ko

Kamiti Eo An Aelōñ Kein Ad Ikijjien An Oktak Wāween Mejatoto (NCCC) enāj, ilo diktatain, kobain Jekreteri rein an raan jerbal kein an kien eo an RMI: • •

• • •

Jiip Jekreteri – Jeermen Opiij eo ej Kōpeḷaak Ṃakūtkūt Ko Ikijjien Mejatoto im Meḷan, Pepe im Kakien (OEPPC) jerbal eo Minijtūri eo an Men Ko Bwinnid & Eddekḷọk (R&D) Minijtūri eo an Boren Appāār (MOFA) eṃṃan an Opiij eo ej bōk eddoin menin jeraṃṃan ko rāpōḷtan

Aikuj bwe en wōr kōrkan eṃṃan im pen Juon karōk eo ekajoor im jerbal ej unin an jeraṃṃan

24

• • • •

Ilọjet (MIMRA) Jerbal eo ej Kōjparok Meḷan Ko (RMIEPA) parijetin Minijtūri eo an Baināān (MoF) armej Minijtūri eo an Ājmōur (MoH) ko jet Minintūri eo an Jikuuḷ (MoE) iṃōn

oktak ippān an oktan wāween mejatoto. Waanjoñọk, elōñ aelōñ ko ilo RMI eḷap an lōñ ie eṃōj kōṃṃan me im men ñan kōjparok armej im eṃ ko Kien im iṃōn kajjojo armej jān jorrān. Eḷaññe rej jab kalōk ṃōkein im ḷōmṇak kōn meḷan eo

ipeḷaakier im an eṃṃakūtkūt im itoitak bwidej im menọknọk ko ikipin lọjet, innem men kein remaroñ kōḷapḷọk an lọjet kōmaatḷọk bwidej eo iparijet ijo ak ilo bar jet jikin.

Douluul ko (NGOs) rej jab an kien (eḷaptata WUTMI, MICNGOs im Douluul Eo An Aelōñ Kein Ej Kōjparok (MICS) im Douluul ko rej pād ilo jukjuk im pād ko rej aikuj bareinwōt bōk kuṇaer ilo NCCC eo.

Ilo ad kile aikuj eo ñan kapenḷọk naan in kappe eo im maroñ eo an OEPPC ñan tōpar menin jibadbad ko an kakien in, ikijjien karōk ko, būrokūraaṃ ko im elmọkwōt in jerbal ko ñan kōṃōkaj an ro ṃōttad jipañ kōn ṃani, jej jaake ṃaantak einwōt juon ḷōmṇak bwe en kajoorḷọk OEPPC kiin kiin wōt, eḷaptata bwe en maroñ jerbal einwōt opiij eo ej bōk eddoin kōpeḷaake jerbal in eaorōk im ḷap tokjān im en jei im kōjparoki peba ko raorōk an NCCC. An Jerbal Kakien eo Ikijjien An Oktak Wāween Mejatoto An Jerbal Kakien Eo Ikijjien An Oktak Wāween Mejatoto enaaj wōr kōnono kake im pukōt mejḷan an jerbal ilo juon Kōṃṃakūt Ikijjien Karōk an RMI ñan Aelōñ Kein Kōn An Oktak Mejatoto im Jerbal Eo Ikijjien Jorrāān Ko Eḷap Aer Kauwōtata (Joint NAP), im bareinwōt einwōt Joorāān Eo Ej Kalikkar Iiaḷ eo (Kakkobaba B). Karōk rot in enaaj kōṃṃan im ejaak ālikin an Kāāpnet eo jaini Kakien Eo Kōn An Okak Mejatoto. Ḷōmṇak eo an kobain karōk eo ñan wōṇaake kauwōtata ko ikijjien mejatoto im jorrāān ko rōḷḷap jiṃor ej ekkejel ippān menin kōttōpar ko eṃōj kalikkari ilo Loḷọkjeṇ eo Ñan 2018, eḷaptata Menin Kōttōpar 2 iuwṃin Mejān Kajjik 10: eo ej kōn An Eṃṃan Eo An

25 Mejatoto im Meḷan Wōnṃaanḷọk Wōt. Mejān Kajjik 2 ej ñan ‘ejaake bwe en wōr karōk ñan ien ko reidiñ/maroñin oktak ñan jelṃae menin kaamijak ko rej wanlōñtak itok jān tokjān ko rej jab eṃṃan kōn an oktak mejatoto ekoba juon Karōk Ñan Jorrāān Ko Rōḷḷap An Aelōñ Kein Ad’.

An koba maroñ NAP enāj kowōnṃaanḷọk an armej jeḷāḷọkjeṇ kōn buñtōn ko raikuj kōṃṃani ilo kajin Pālle im kajin Aelōñ Kein jiṃor im karōk ko ñan liklọki iuṃwin wōṇaake eo an Jiip Jekreteri eo im ippān jipañ eo an OEPPC im Teputi Jiip Jekreteri eo.

Karōk kein renāj kakobaik kiiō wāween an jerbal kumi in ri-jerbal rej kōṃṃane jerbal eo an DRM NAP ippān Kamiti eo ekāāl an Aelōñ Kein Ad Ikijjien An Oktak Mejatoto. Men in enāj kōṃṃane juon iaḷan an itok ṃani jān ro rej erḷọke peier im jipañ im ro jerad im ṃōttad ikijjien jerbalin eddekḷọk im ñan keañ kōn woñṃaanḷọk bwe en jerbal.

Jerbalin Leto Letak Ennaan im Meḷeḷe, Kōmejaiki im Etale NCC eo enāj kōmejaik jerbal eo ñan liklọke im kattōre Kakien eo An Aelōñ Kein Ad Ikijjien An Oktak Mejatoto. NCCC eo kōn Jeermāān eo enāj jejjet an rūbboot ñan Būreejtōn eo im Kāāpnet eo im ñan Nitijeḷā juon alen ilo juon iiō, im emaroñ lōñḷọk jān juon alen ilo juon iiō eḷaññe ewōr ej kajjitōk bwe en eindein. NCCC eo enāj dāpij kakien in bwe en jejjet ien katak kaake, im kōmejaiki wāween aer liklọke bwe en jerbal menin kōttōpar ko ilo kakien eo, menin jibadbad ko im būñtōn ko rewājepādik. Ej aikuj in wōr juon rūbbootin ta ko ekar kōṃṃani im ta tōprak ko an im rūbboot in en kōṃṃan ḷọkin aolep ḷalem iiō otemjej.

NCCC eo enāj kōmejaik wāween liklọke Kakien eo kōn an Oktak Mejatoto ilo juon wāween eo ej bareinwōt rejetake im dāpdep ippān men ko ej aikuj in kōṃṃani ñan Koba maroñ eo an NAP eo im ej iion im errā ippān Opiij eo an Jiip Jekreteri eo.

Opiij eo ej Kōpeḷaake NCCC eo (Secretariat) enāj bareinwōt kōṃṃan bwe armej ren jeḷa kōn Kakien eo Ikijjien An Oktak Mejatoto im en wōnṃaanḷọk, bwe ro ewōr aer itoklimo im rej rejetake Kakein eo Kōn an Oktak Mejatoto ren aolep iien jeḷā kaake im en pojak aer iiaḷ ñan Kakien in.