Mi tambe ta un Trahadó Sosial di Kòrsou Análisis di registrashon
'Curaçao Social Workers Association'
Un era nobo pa trabou sosial na Kòrsou
Trabou Sosial ta diverso Sera konosí ku algun di e áreanan di trabou sosial
Trabou sosial
Ku sintimentu di orguyo i festivo nos ta presentá na bo nos di dos edishon di e revista “Curaçao Social Workers Magazine” E fecha 1 di yüli 2024 ta marka un logro históriko pa nos komo trahadó sosial na Kòrsou, riba e fecha di emansipashon un ekipo fuerte a uni i serka “notariskantoor Moerdijk” nos a logra pasa e akta pa di forma ofishal nos por bisa ku nos tin un asosiashon pa trahadó sosial. Esaki ta marka e inisio ofishal di e era nobo pa nos profeshon aki na Kòrsou.
Último lunanan nos a traha duru riba diferente aserkamentunan pa por reforsá i re-posishoná nos profeshon den nos komunidat. Luna pasá nos a organisá e promé seminario riba kuido propio, un mainta den Banko Sentral kaminda e tema aki a toka hopi di nos E seminario aki “Social Worker, it is your time” tabata un éksito grandi. Durante e momentu memorabel aki nos a haña komo profeshonalnan espasio pa huntu kompartí i kombibí ku otro den retonan ku nos a bin ta topa den nos profeshon Un mainta kaminda nos por a kòrda ku ta eksigí hopi di nos, pero nos tambe mester kuminsá dediká mas tempu na nos kuido propio.
Aparte di aserkamentunan lokal, mester bisa ku nos tin vários kòmbersashon riba nivel internashonal, pa por trese inovashon i adaptashon aki na Kòrsou pa nos profeshon. Mi por sigui konta bo masha hopi di aserkamentunan inspirativo i tambe balioso, pero pa awor aki mi ta invitá bo pa disfrutá di e edishon dos ku nos a prepará pa bo ku hopi amor i dedikashon. Laga e revistanan aki ta inspirativo, pa bo, meskos ku kada un di e historianan kompartí ta pa nos Mira e revista aki tambe komo un forma di gradisí bo pa e trabou impagabel ku bo ta hasi tur dia di nobo
"Curaçao Social Workers Association"
Un era nobo pa trabou sosial
na Kòrsou
Riba potret di d.r.p.d. Notario Moerdijk i fundadonan di asosashon sra. Kimberly Ascencion, sra. Judeska Carlo, sr. Christopher de Wind, sra. Aduke Torres i sr. Turley Betorina
Ku hopi orguyo i alegria nos ta informá bo ku ofisialmente e asosiashon pa trahadónan sosial a keda fundá riba dia di Emansipashon, kual ta 1 di yüli 2024 Despues di algun luna di preparashon i kolaborashon, 'Curaçao Social Workers Association' (CSWA) ta formalmente rekonosí na e ofisina di notario Moerdijk.
CSWA lo sirbi komo un plataforma pa tur e profeshonnan ku ta kai bou di e parasòl di 'Social Work'/Trabou Sosial pa entre otro kompartí konosementu, promové desaroyo profeshonal, i defendé interes di nos profeshon. Nos ta kere fuerte den e poder di kolaborashon i ta konvensí ku huntu nos por tin un impakto positivo den nos sosiedat Nos ta gradisí tur e asosiashonnan promé ku nos i ta rekonosé e trabou duru ku nan a ehersé Abo, trahadó sosial, prepará bo pa asistí na nos promé dia di informashon den luna di ougùstùs. Únikamente trahando huntu, nos por kontinuá ku konstrukshon di un komunidat fuerte bou di guia di e kompas sosial.
Mi tambe ta un Trahadó Sosial di Kòrsou
Den un tempu rèkòrt 249 trahadó sosial a registrá
Den luna di mei último "Curaçao Social Workers" a lansa e kampaña di registrashon di trahadónan sosial di Kòrsou. Nos a hasi un yamada pa tur profeshonal di e área sosial registrá, sea ku bo ta studiante, laborando, buskando un trabou òf penshonado, bo por registrá
Nos ta kontentu ku e kantidat di persona ku a registrá, di forma ku nos por sa ken ta nos trahadónan sosial. Masha hopi aserkamentu balioso di tantu e profeshonal, pero tambe di organisashonnan pa wak kon por traha huntu atraves di e datonan risibí Komo plataforma responsabel nos ta manehá dato ku koutela i no lo kompartí esaki sin mas ku tersera Apesar di esaki, nos ta haña sumamente importante pa kompartí algun dato importante basá riba informashon risibí dor di e kampaña di registrashon.
Algun sifra
For di e total di 249 registrashon, 178 persona a indiká di a terminá e estudio 'HBO Social Work' Di e 178, 25% a duna di konosé di no ta ehersé e funshon aktivamente. Motibunan pa esaki tabata entre otro falta di eksperensia no a haña trabou, no a mira vakatura pa solisitá ainda, a risibí otro proposishon di trabou.
Den e mes un grupo aki 55% a indiká di a terminá nan estudio aki na Kòrsou i 45% a hasi nan estudio den eksterior Den e kategoria di 'HBO Social Work' aki tin hopi a indiká di a muda pa eksterior tambe pa motibu di mihó oferta, oportunidatnan pa profilá mihó den nan funshon. Aki ta papia di e 178 sigur 65 ta den eksterior aktualmente.
Nos ta kontentu ku nos profeshonalnan den e área sosial riba nivel di 'MBO/SBO' tambe a registrá, nos ta konvensí ku atraves di un forma kolektivo i hermandat nos tin ku traha ku otro Di e kantidat 178 registrashon ku nos a risibí, 53 persona a indiká di a terminá un estudio riba nivel di 'MBO/SBO'. Pronto lo tin un aserkamentu di nos banda na e grupo aki, pa asina pa haña un mihó bista di nan eksperensia den e trabou i nesesidat komo profeshonal.
Aparte di e dos grupo nan ku nos a papia di dje aki tin personanan tambe ku a indiká ku nan no a terminá un estudio komo den e área sosial, pero ta ehersiendo esaki i ta kontemplando pa hasi un estudio riba e área aki Banda di 'HBO' i 'MBO/SBO' tambe nos ta kontentu di e risibí registrashonnan di personanan ku a indiká di a terminá nan maestria den 'Social Work', e kantidat ta limitá, bou di 10 persona.
Sifra pa nos ta importante Den nos plataforma lo bai traha duru pa nos por tin un bon database i alabes un bon bista di e situashon di e trabou sosial i tambe e profeshonalnan. Ku datonan nos por brinda oportunidat i kontestá e nesesidat ku ta biba bou di nos komo profeshonal riba e área sosial Alabes nos por habri portanan pa nos mes komo profeshonal i krea lasonan stratégiko ku persona i organisashonnan ku ta importante pa nos.
Tin dos forma pa bo yega na e formulario i asina registrá bo mes pa asina keda altanto di tur informashon ku nos tin prepará pabo.
1. Skèn e 'QR-code' pa habri e formulario 2. Bishitá nos página di "Facebook/ Instagram" pa e lenk
Trahadósosialden hustisia
maskuunprofeshon, etaunyamada.
Lokual nos tur por identifiká nos mes ku né komo trahadó sosial ta ku nos ke sirbi i kontribuí na nos komunidat. Esaki no ta un eksepshon pa ami. Semper mi tabatin bon klá ki direkshon mi ke bai: atenshon pa e grupo lubidá.
E grupo di adulto ku pa un motibu òf otro a kometé un delitu i a kai den man di hustisia I despues? Kon ta para? Pasó e grupo aki, despues di sinta un kastigu, tin ku regresá i forma parti di nos komunidat.
Pues benta e yabi afó no ta un opshon, ta importante pa invertí den e proseso di kambio i resosialisashon E bunita di esaki ta ku además di ta invertí den e persona individual i su famia, outomatikamente bo ta kontribuí na un komunidat mas sigur
UO Reclassering ta e organisashon ku durante nuebe aña largu ta brinda e plataforma pa ami por aportá na e kousa ku tantu mi ta kere den dje; desaroyo i bienestar di e hende Paso mas ku tur kos ta importante pa keda kòrda ku e “delinkuente” apesar di a kometé un echo kastigabel, e ta HENDE.
Den mi trabou komo reclasseringswerker ta importante pa por konstatá e faktornan di riesgo ku a hiba un persona asina leu pa kometé un echo kastigabel Pues for di su edukashon, entorno sosial, área laboral, kondishon mental i emoshonal, uso di supstansianan adiktivo te na aktitut i pensamentunan riesgoso Durante e proseso di resosialisashon ta traha sigun un plan di guía personalisá riba nesesidat di kada persona Den e proseso aki ta esensial pa tambe para ketu na faktornan di protekshon, talentoi abilidatnan di e persona. Al final e intenshon ta pa krea personanan konsiente, fuerte, resiliente i ekipá, ku por partisipá di forma positivo den nos komunidat.
Pa ta un trahadó sosial den e área hudisial i spesífikamente pa por traha ku nos grupo di enfoke, ta rekerí pa bo ta fuerte para den bo sapatu, por posishoná bo mes komo profeshonal i ta íntegro Mas ku tur kos ta importante pa bo tin e ‘feeling’ pa ku e grupo di enfoke i por mira e HENDE banda di e delitu ku el a kometé
Banda di wak e kliente ta importante pa semper bo tin wowo pa bo mes komo hende i profeshonal, e famoso ‘SELFCARE’ Konosé bo mes, reflekshoná i tuma akshon Asta si tuma akshon ta nifiká buska yudansa pa bo mes òf tuma un vakashon. Pasó si nos mes no ta ‘okay’, di ki forma nos ke pretendé di por tei pa un otro?
Un rekordatorio amikal ku: komo trahadó sosial ta NOS ta E instrumento. Ku ademas di ta ehersé un profeshon di speransa, ta trahadó sosial ta un yamada Pues “kuida i invertí den nos mes” no ta djis pa nos mes pero ta pa un kousa mayor.
“Orguyosamente trahadó sosial“
Djiona Godfried
Trahadó sosial prepará bo agènda ...
Link: https://formsgle/xDJScCeXpk2MxFUF6
Di e forma aki nos di “Curaçao Social Workers” ke duna bèk na abo ku a duna nos bo sosten den e trayektonan ku nos a bin ta kana
Esaki ta un enkuentro 'online', kaminda bou di guia di sra. Vanessa Gomes, nos lo ban profundisá riba temanan manera salú mental, resiliensia emoshonal, manehamentu di 'stress', importansia di retnan di sosten, i resiliensia pa futuro
Pa por partisipá nos ta pidi bo pa registrá via di e siguiente lenk òf QR code. Dos dia promé ku e 'webinar' nos lo manda bo e link ku ta duna akseso na e enkuentro
Charissa Petronia
'Sociotherapeut, Mental Health Caribbean'
Ta importante pa respetá bo kliente i sa bo propio límitenan.
Mi a hasi e estudio di 'Social Work' ku un mayor den 'Social and Legal Services'. Aktualmente mi ta traha na Boneiru na e úniko organisashon ku ta traha ku personanan ku problemanan sikológiko i tambe sikiátriko E organisashon aki yama 'Mental Health Caribbean', mi ta traha na departamentu di mucha i hóben yamá Hi5
Despues di a kaba mi estudio mi a traha algun luna komo trahadó sosial na Kòrsou. Na momentu ku oportunidat a presentá na Boneiru pa por a amplia mi konosementu i bai un reto nobo mi a bai pa esaki Na promé instante mi tabata traha ku pèrsonanan ku problemanan di adikshon den kombinashon ku posibel trastornonan mental i tambe ku pèrsonanan ku a kaba di sali for di prizòn ku mester di guia pa por re- integrá den komunidat di Boneiru òf na Isla nan Ariba. Despues di esaki otro oportunidat a presentá pa mi por a traha den sikiatria i mi ta hasiendo esaki ya pa seis aña kaba ku mucha i hóben
Na e departamentu ku mi ta traha nos ta traha ku e famia kompletu i no solamente ku e mucha òf hóben ku dòkter di kas ta referí na nos Nos tin diferente método ku nos ta usa pa asina por skrudiñá e situashon, hasi investigashon amplio, determiná kiko e situashon ta i kisas e diagnóstiko pa asina por guia i trata e mucha/hóben huntu ku su famia.
Komo persona semper mi tabata interesá den komprondé i asistí den situashon nan difísil, den esaki ta importante pa tin rèspèt pa e persona ku bo ta den kontakto kuné i tambe sa bo propio límitenan Perseveransia tambe ta algu ku no por falta
Mi a perseverá pa kaba mi HAVO, kaba mi HBO, drenta mundu di trahadó sosial, sigui hasi kurso i tambe estudionan pa por traha den sikiatria i mi ta perseverá den kada un kaso ku mi ta atendé den trabou diariamente
Mi motivashon pa sigui hasi esaki i tambe aportá na komunidat ta e satisfakshon ku mi ta haña di mira famianan progresá i sali diferente for di e manera ku nan a inisiá e trayekto Skuchando for di nan boka kon agradesido nan ta ku awor tin kambionan positivo, esei pa ami ta motivashon pa sigui den e rango di trabou aki
E trabou aki, ta trabou ku bo ta traha ku bo kurason i ku pashon. No ta tur momentu lo bo sinti ku bo trabou ta wòrdu balorá i lo bai tin pèrsonanan ku no ta sinti nan mes yudá pa bo guia. Esaki no por demotivá bo, esaki mester ta un momentu pa bo kòrda bo mes ku nos ta influensiá i impaktá kada un pèrsona ku nos drenta den kontakto kun’é Nos ta i lo keda agentenan di kambio.
Charissa Petronia
Regularmente nos ta haña nos ku famia nan ku ta konosí na otro instansia nan tambe ku nan ta haña ayudo i/òf guia Na momentu ku esaki ta e kaso nos ta sòru pa tin bon kontakto ku kada un di e organisashon nan aki pa por monitoriá nan trayekto i tambe informá nan debidamente di e trayekto di e mucha/hóben en kuestion. Esaki naturalmente semper ku pèrmit di representante nan legal. Dor di mantené bon kontakto i tambe ta transparente pa ku e famia i tambe e organisashon nan enkuestion kasonan difísil ta bira mas manehabel i eksitoso den mayoria okashon Curaçao
Mi nòmber ta Melitsa Meyer. Mi a biba, studia i traha 27 aña na Hulanda. Na Hulanda mi a hasi e opleiding MBO Arbeidsmarkt Politiek en Personeelsbeleid i HBO Personeel & Arbeid
Durante mi estudio mi a traha den funshon di Projectleider, m’a traha tambe komo trahadó sosial i tambe den zakelijke dienstverlening. Pa mas o menos 24 aña m’a traha na entre otro Gemeente Groningen, uitzendbureaus i Arbeidsbureaus den trayektonan di Integrashon, trayektonan pa hóbennan ku un problema sikiatriko, trayektonan pa hende nan ku ta kai den uitkering (sali bèk mas lihé ku ta posibel) i trayektonan pa yuda hóbennan sali for di kriminalidat i drenta merkado laboral
Aktualmente mi ta trahando ya pa 7 aña kaba pa Stichting Sentro Solari (Fundashon Sentro di Konosementu i Integrashon sosial laboral pa gruponan di riesgo), komo Konsulente di trabou i Jobcoach Mi funshon ta pa yuda personanan ku un limitashon físiko, mental of króniko yega na un trabou. Sea un trabou regular òf un trabou boluntario.
Pa medio di training nan den grupo of individual reforsá e klientenan su abilidat laboral i sosial. Tambe duna informashon aktual di e merkado laboral i training nan di solisitut Yuda klientenan buska trabou (Jobhunting) I e momento ku logra di match e kliente na un trabou, ta duna jobcoaching pa medio di kòmbersashonan i guia pa kliente i doño di trabou.
Na mi pareser un tahador sosial mester tin empatía pa e personan ku e ta yuda, konosemento di su area i tambe otro area ku tambe tin di haber ku e trabou indirektamente
Den mi kaso e area di labor, organisashon ku tin di haber ku salubridat, finansa òf ayudonan sosial ets. Esaki ta algu esensial
Tambe importante pa sostené e dunado di trabou dor di dun’é informashon adelantá kua kondishon e kliente tin, kiko e kliente por ofresé i kon komuniká ku e kliente Esaki pa asina sòru mantené e kliente su trabou. Paso hopi biaha e kliente por hasi e trabou, e por siña adaptá na e funshon, pero ta riba e komunikashon algu por bai robes. Esaki por evitá dor di keda den komunikashon
Na mi pareser e kos di mas importante di un trahadó sosial ta echt skucha loke bo kliente ta indiká komo su nesesidat I ta pará habrí pa traha ku otro koleganan di otro instansianan òf den field.
E ròl di un trahadó sosial tambe ta pa kompartí bo ‘know-how’. I ta semper pará habrí pa siña algu nobo. Pasó no ta asina ku ta pasó bo tin tantu aña ta hasi un trabou, bo sa tur kos. Segun mi por sa hopi, pero no tur kos Pues por kompartí i sigur por siña mas i keda krese pa duna mas kalidat na e trabou komo trahadó sosial
Mi tin afinidat pa yuda. Ta importante pa mi yuda e mas vulnerabel den komunidat. Esei ta mi meta i segun mi esaki te meta di hopi trahadó sosial I esaki ta wòrdu hasí ku e tiki medionan ku tin Ku hopi ‘out of the box thinking’ i dunando hopi èkstra di nos mes Mi konseho ta pa keda perseverá Kisas aworaki nos no ta logra mira e resultadonan mesora. Pero sigur sigur e loke ku nos hasi bon awe, lo ta un aporte pa un bon mañan.
Melitsa Meyer
Yamada na tur “Bedrijfsmaatschappelijkwerkers” di Kòrsou
Bo tabata sa ku ...
Den luna di yüni 2024 'Curaçao Social Workers' a organisá su promé 'Klankbord Meeting' pa duna oportunidat na trahadónan sosial pa interkambia ku otro. Tabata un atardi plasentero i éksitoso debí ku a logra e meta stipulá. Kada partisipante a kompartí nan opinion riba posibel solushonnan tokante obstákulonan den trabou, pero tambe tokante e formashon di e trahadó sosial mes ku no ta tuma lugá ku frekuensha.
Puntonan ku a bini dilanti ta: •trahadónan sosial ta mas envolví den tomo di desishon riba nivel di maneho di un organisashon i na nivel nashonal, •rekonosementu di e profeshon, •registrashon di trahadónan sosial, •ákreditashon pa mantené standarte di funshonamentu
•i na un forma nashonal hasi un regulashon di e salario di trahadó sosial.
Lo bai tin mas di e reunionnan aki, pues registrá i asistí. Bo kontribushon i bo stèm ta di gran balor.
Fakultat 'FMG' na 'University of Curaçao' a hasi 'Curaçao Social Workers' un invitashon pa sera konosí. Nos a hiba un kombersashon ku sra.
Gina Marcano, kordinadó di estudio di e fakultat, huntu ku su koleganan sr Johan Oldenboom i sra. Fionarda de Windt. Nos a dialogá riba desaroyo di e profeshon, ku énfasis di tur lokual ta bai bon, i tambe e retonan ku nan ta enfrentá
Pa e fakultat ta importante pa segurá un formashon adekuá na studiantenan, dor di garantisá ku e kalidat di e programa di estudio ta kumpli ku e balornan di e profeshon
Otro tópiko ku nos a deliberá ta, tokante ákreditashon, registrashon, pero tambe e atrakshon ku falta pa skohe pa e profeshon. E fakultat ta konsiente di nan responsabilidat ku nan ta karga na bienestar sosial di pais i tambe di e studiantenan, nos futuro profeshonalnan
Konklushon di e kòmbersashon ta ku únikamente huntu por duna un kontribushon pa logra mas Lo bai sigui mas kòmbersashon pa posibel interkambio riba e kuríkulo pa ku e estudio di trahadó sosial.
Sonaishadi Carmela
'Z lf t di Z d P l (ZZP’ )'
Ta importante pa bo tin rèspèt pa bo kliente i sa bo propio límitenan.
Curaçao
Mi nòmber ta Sonaishadi Carmela, 'Sociaal Pedagogisch Werker' pa 8 aña kaba Na aña 2016 mi a risibí mi diploma. Asina mi a kaba mi estudio mi a muda pa Hulanda i a laborá na diferente ‘kinderopvang’ trahando ku un salario fiho i tambe komo empresario independiente (ZZP’er).
Mi a tuma e kurashi i hasi e eskoho pa bai traha riba mi mes pa diferente motibu. Un di esakinan tabata pasó mi a opta pa bai skol di beyesa, kual tambe ta un di mi pashonnan I mi a gradua komo ‘makeup artist’ Mi deseo tabata pa kombiná esaki ku mi trabou komo trahadó sosial Trahando komo empresario independente mi tabatin e fleksibilidat pa por kombiná e dos profeshonnan.
Traha komo empresario independiente ta dushi, pero mas ku klaro tambe ta bin ku su desafíonan. Ora bo ta riba bo mes bo ta haña bo ku responsabilidat adishonal ku lo bo no mester pensa riba dje si bo tin un kontrato fiho. Komo empresario independiente mi mester a sòru pa traha sufisiente dia pa mi tin sufisiente sèn fin di luna pa por paga impuesto, kual ta un porsentahe grandi di loke bo ta gana. Tambe mi a opta pa paga un persona pa hasi mi atministrashon Bo mester tin e disiplina pa pone sèn na banda pa kualke emergensia. Aparte di esei mester paga un prima pa mi penshun, pensando riba futuro I mas ku klaro pa gastunan fiho di tur luna, tambe mester tin sèn.
E disiplina pa lanta bai trahá sin kai den un rutina di keda pensa ku komo mi ta trahá pa mi mes mi no ta bai laborá awe pero mañan sí, mester tei Anto e wer na Hulanda tambe no ta koperá tur momento.
Komo trahadó sosial mi a trahá ku beibi for di 3 luna te ku mucha di 12 pa 13 aña Pues mi a trahá riba grupo di beibi, di kleuter i tambe ku muchanan di skòl básiko despues di skol (BSO). Pa yega na kliente komo ZZP’er mi ta trahá ku un aplikashon di un organishashon ku tabatin akuerdo ku algun ‘kinderopvang’ grandi E organisashon aki tabata konektá empresarionan independiente ku e krèshnan ku mester di un sustituto (invaller) i banda di esei mi tabata manda mail mi mes pa empresa i organisashonnan ku mi tabata haña interesante pa trahá kuné
Pa keda al tanto di e desaroyonan den mi área di trabou mi ta sigui kurso i seminario den mi tempu liber. Aktualmente mi ta bai hasi un aña bèk na Kòrsòu i promé ku mi a bini bèk mi a paga pa por hasi un estudio (online) ku mi a finalisá den luna di mei último i a risibí mi diploma komo ‘pedagogisch coach & beleidsmedewerker’
Mi konseho pa otro trahadónan sosial ta pa trata di keda trahá ku e mesun amor i dedikashon di semper. Invertí pa sigui ampliá bo konosementu asta despues di finalisá bo estudio pa asina por brinda bo klientenan e mihó kuido posibel. E echo ku nos ròl i responsabilidat ta pa yuda forma otronan, ta keda importante pa sirbí komunidat dor di keda kontribuí den nos futuro di mañan.
Sonaishadi Carmela
“Curaçao Social Workers” ta selebrá eksitoso evento di kuido propio pa trahadó sosial
Ku partisipashon di 115 trahadó sosial, ouditorio di Banko Sentral di Kòrsou i Sint Maarten a keda konvertí den un sala kargá ku energia positivo, kaminda union i hermandat a sobresalí
Resientemente un grupo di trahadó sosial di Kòrsou ku ta funshoná bou di e nòmber “Curaçao Social Workers” a organisá un seminario dirigí riba kuido propio ku a karga e título “Social Worker, it is your time”. E seminario a konta ku dos orador prinsipal kende tabata sr. Lysandro Inacio, direktor di Biblioteka Nashonal di Kòrsou i tambe sra Nelida Cathalina ku ta un “LIFE & Business Coach” sertifiká Tur dos ta personanan ku eksperensia amplio riba tópikonan di desaroyo i transformashon personal. Kada un a sa di kapturá atenshon i inspirá e trahadónan sosial presente Sr Inacio a reflehá riba e ròl ku nos komo trahadó sosial ta hunga den bida di otronan E speransa ku e trahadó sosial ta personifiká den bista di su kliente i tambe kon nos komo trahadó sosial por krea i mantené e sentido ei pa nos mes tantu den e ámbito personal komo profeshonal
Sra. Cathalina na su turno a para ketu na e era nobo ku trahadónan sosial di Kòrsou ta para dilanti di dje i kiko ta e aspektonan ku ta importante pa tene kuenta kuné Básikamente Sra Cathalina a indiká ku pa nos move pa dilanti komo konhunto i ta eksitoso, mester analisá pasado, reagrupá i keda ku bista fihá riba e metanan konhunto. Huntu ku e oradornan prinsipal tabatin panelistanan invitá kual pa medio di ponensianan a traha riba empoderashon di e partisipantenan pa para pa loke nan ta kere i studia strategianan ku lo sirbi pa nan mensahe yega na e oreanan ku influensia.
Sonaishadi Carmela
E aktividat a konta ku pa trahadónan sosial di difere ekspertisio tantu di Kòrsou kom For di eksterior a konta ku par profeshonal ku ta ehersé e tra hermana isla St. Eustatius organisashon a hasi partisip studiante di “University of Cur “Caribbean Dutch College”Dutch Caribbean” (CDC-UDC variashon amplio aki a sòru pa dunando espasio pa un interk ideanan i perspektivanan nob kondusí na un bunita diálogo presente
“Curaçao Social Workers” ta mira bèk ku sintimentu di orguyo riba e reakshonnan positivo di tantu e partisipantenan, oradornan i panalistanan. E tabata un dia históriko i bunita sigur pa e profeshon di trahadó sosial i alabes pa pais Kòrsou. Ku e evento aki Kòrsou ta marka komienso di un era nobo pa e profeshonal den e área sosial, ku for di 1 di yüli 2024 tambe por konta ku su propio asosiashon di forma ofisial.
Pa via di e medio aki “Curaçao Social Workers” ta ekstendé un gradisimentu na un i tur ku a forma parti di nos promé seminario, spesialemente sr. Lysandro Inacio, sra. Nelida Cathalina, sr Thakaidzwa Doran i sra Migdarys Mercera Tambe nos ta gradisí sra Ingellor Keller ku a hasi e moderashon i fungi e mainta komo maestra di seremonia Un danki na Banko Sentral di Kòrsou i Sint Maarten pa fasilitá nos ku e ouditorio.
Self-Car Semina
Social Worker
It’s your time
Nan derechi, un responsabilidat konhunto!
Resientemente nos a tuma nota den un 'LIVE' di un página sumamente siguí i ku e meta pa informá su siguidonan, un kaso di hopi atenshon Naturalmente e informashon a drenta di un solo banda, pues nos lo no ke reakshoná riba e kontenido di e situashon
Ta importante pa suprayá ku transparensia i aserkamentu dirigí por evitá mal komprondementu i/ò mal interpretashon den komunikashon. Lokual tabata notabel den e grabashon, ta e kantidat di menor di edat mei mei di e interkambio verbal entre adultonan Mas remarkabel tabata e orario ku e pagina a bai 'LIVE' i ku tur e menornan di edat formando parti di e totalidat
E urgensia di e situashon a pone ku mayornan a skohe sea konsiente ò inkonsiente pa eksponé menornan di edat den e grabashon Nos ta di opinion ku por otro Mayor tin e responsabilidat na promé lugá, pa hasi un eskohó balansá pa e menor di edat, dor di analisá e situashon Esaki pa evitá ku ta eksponé e menor di edat na un situashon kual e mucha mes no por atendé, debí na su desaroyo ku ta kana segun su edat. Asta aki por tin eksepshon ku ta hasi e situashon mas delikado.
Na varios okashon nos a bini ta tuma nota, ku ta hasi grabashon di menornan di edat i ta publiká esaki riba ret sosial, sin tene kuenta ku e privasidat di e menor di edat i kiko tur por ta e konsekuensia pa su futuro. E konsekuensia dado momento ta bai reflehá den komunidat, komo difikultat sosial bou di diferente gruponan di enfoke Ta parse ku hinda no ta tur siudadano ta konsiente di e ròl ku nan tin pa protehá muchanan den nos komunidat
Ta bon pa mayor, adulto i inkluso reportéro den nos komunidat, tene na kuenta ku e akto aki ta bai kontra di e tratado internashonal di derechinan di mucha, kual ta artíkulo 16 tokante privasidat
Laga nos huntu komo parti di e komunidat i spesialmente nos komo trahadó sosial kontribuí na protehá esnan mas vunerabel Nos ta konta ku e yudansa di tur trahadó sosial pa yuda pone énfasis riba e tema aki i pasa informashon na otronan, kon importante ta pa respetá privasidat di tantu adulto komo privasidat di e mucha.
Skibí pa Jud Carlo i Fayola Susanna
Kolofon
Redakshon - Revishon - Layout
Christopher De Wind
Kimberly Ascencion
Judeska Carlo
Turley Betorina
Aduke Torres
Fayola Susanna
Fotografia
'Curaçao Social Workers'
Chris B
Kolaboradornan
Gradisimentu spesial na
Reyeanne Goilo
Fayola Susanna
Djiona Godfried
Charissa Petronia
Melitsa Meyer
Sonaishadi Carmela
Konektá ku nos:
Keda na altura di tur nos stapnan via di nos plataforma nan sosial Facebook i Instagram. Search: 'Curaçao Social Workers'.
Pa drenta den kontakto ku nos por manda nos un DM via di nos plataforma nan sosial òf 'mail' na curacaosocialworkers@gmail.com.
