Crónicas de Ordes e Comarca

OROSO

Páx. 14

O Museo Escolar do CEIPP Camiño Inglés estará listo en maio

C RÓ N I CAS Mensual independente da Comarca de Ordes - Nº 86 - Febreiro 2021

COMARCA Os sete Plenos municipais aprobaron as obras incluidas no POS+ 2021

A Deputación achega un millón de euros para gasto social na comarca Os sete concellos da comarca de Ordes aprobaron en Pleno a súa participación no POS+ 2021 da Deputación da

Coruña, que este ano inclúe como novidade unha achega especial de 1,03 millóns de euros para gasto social, como

medida especial de apoio na loita contra a pandemia da Covid-19. A construción de sendas peonís e o arranxo de

camiños municipais volven a ser as obras máis demandadas polos Concellos.

Páxs. 4, 10 e 11

COMARCA

Adxudicadas as obras da Vía Verde en Oroso, Ordes e Cerceda-Tordoia Páx. 4

tordoia

A Xunta licitará a senda peonil na Tablilla en primavera Páx. 5

Os cribados só detectan 29 positivos na comarca

OROSO

Páx. 2

Comezan as obras da senda de Oroso Pequeno ao parque do Carboeiro Páx. 7

CRÓNICAS - Febreiro 2021

2

Actualidade COMARCA Os cribados en Frades, Mesía e Trazo non atoparon ningún positivo

O cribado da comarca detecta tan só 29 positivos entre 6.281 persoas ORDES

O BNG, satisfeito pola mellora da recollida das pluviais en Merelle O BNG de Ordes ven de comprobar as actuacións de mellora da recollida de pluviais realizadas pola Demarcación de Estradas do Estado en Galicia na estrada N-550 ao seu paso por Merelle. Os nacionalistas levaran a cabo unha recollida de sinaturas en xaneiro de 2020, na procura de solucións aos asolagamentos derivados da ineficacia das conducións de pluviais que supoñían problemas para a seguridade viaria e mesmo chegaron a provocar inundacións no interior das vivendas próximas á estrada.

O portavoz do BNG de Ordes, Pablo Vidal, agradece á veciñanza de Merelle “o seu apoio na recollida de sinaturas efectuada, que contribuíu a que hoxe esta mellora fose unha realidade”. Vidal alédase de que as obras fosen acometidas “a pesar do voto en contra do alcalde cando presentamos unha moción ao respecto no pleno de xaneiro do ano 2020”.

COMARCA

Esixen a vacinación urxente para as Traballadoras Sociais O Colexio de Traballo Social de Galicia (COTSG) vén de enviar unha misiva á Federación Galega de Municipios e Provincias (FEGAMP) e ás consellerías de Sanidade e Política Social da Xunta na que esixe a vacinación con carácter inmediato das traballadoras sociais que exercen a súa profesión en contacto prolongado e directo coas persoas usuarias deste tipo de servizos.

Así mesmo, recordan que este persoal soporta “riscos significativos e cargas adicionais” no contexto do combate contra a pandemia de COVID-19, salvagardando a saúde das persoas e “arriscando a súa propia”, segundo apunta a presidenta do COTSG, Míriam Rodríguez Sierra

Os cribados realizados pola Xunta de Galicia nos sete concellos da comarca detectaron unicamente 29 casos positivos, dos que 25 se concentran en Cerceda (13) e Ordes (12). En Oroso atopáronse 3 positivos e en Tordoia 1, pois nos outros tres concellos (Frades, Mesía e Trazo) non se atopou positivo ningún. Ás probas presentouse o 71% das persoas incialmente convocadas, é dicir, 6.281 persoas das 8.790 chamadas a través de SMS. Unha baixa taxa de positivos que fixo que algúns expertos puxeran en dúbida da metodoloxía e as mostras escollidas para as realizacións destes cribados en Galicia.

Os cribados desenvolvéronse con total seguridade e sen incidencias grazas á profesionalidade tanto do persoal sanitario como do voluntariado que colaborou nos distintos centros de saúde que acolleron as probas. A convocatoria a través de SMS serví tamén para garantir unha entrada escalonada aos centros de saúde.

A única incidencia tivo lugar nun cruce de acusacións entre socialistas e populares de Oroso, a raíz dunha vi-

O centro de saúde ordense acolleu as probas de Ordes, Frades, Mesía e Tordoia

sita do delegado territorial da Xunta na Coruña ao centro de saúde de Sigüeiro. Os socialistas criticaron “o uso partidista do cribado por parte do PP”, asegurando que “a Sigüeiro non veu o delegado da Xunta senón o secretario xeral do PP coruñés para facer política partidista pero usando os medios de propaganda da Xunta”. O PP respondeu cualificando de “ridículo” e de “pataleta absurda” as acusacións dos populares.

Atención primaria Pola súa banda, a agrupación socialista da Coruña demandou á Xunta “máis persoal, máis medios e unha mellor planificación dos centros de saúde”. O secretario provincial de Saúde, Jesús Pedreira, indica que “cada vez hai menos consultas presenciais nos centros de saúde, o traballo está moi mal estruturado, os protocolos cambian cada pouco e falta coordinación”.

OROSO Mirás pide que os Concellos xestionen o fondo para evitar “cacicadas” da Xunta

Oroso súmase ao Fondo Galego de axuda á Hostalería da Deputacíon O Concello de Oroso é o primeiro municipio da comarca que se suma á proposta da Deputación da Coruña de crear un Fondo de Cooperación Galego para dar axudas directas á hostalaría, un dos sectores máis afectados pola pandemia da Covid-19. Así o aprobou o pleno municipal a raíz dunha moción do grupo de Goberno que propón que a Xunta de Galicia, as Deputacións Provinciais e os Concellos destinen o 1% do seu orzamento de 2021 a axudar á hostalaría.

O concelleiro de Promoción Económica, Antonio Leira, defendeu o “carácter xusto e equilibrado do fondo, que está agora mesmo en negociación e desexamos que se aprobe”. A proposta suporía que a Xunta de Galicia tería que achegar 116 millóns de euros, cando dende o grupo popular coruñes comprometen unicamente 75 millóns de euros. Unha cifra que Antonio Leira considera “insuficiente

Mirás di que se é a Xunta quen reparte as axudas “beneficiará aos concellos do PP”

para un verdadeiro plan de rescate” e lamenta que a Xunta non iguale este eforzo para un sector que atravesa

por unha situación crítica, debido ao peche da súa actividade.

Pola súa banda, o alcalde orosán, Manuel Mirás, foi máis aló ao considerar imprescindible que sexan os concellos os que xestionen o novo fondo de axuda á hostalería. “Ninguén mellor que os propios concellos para xestionar as axudas porque coñecemos exactamente os negocios afectados, se o reparto depende da Xunta de Galicia será arbitrario e caciquil”, advirte.

O alcalde orosán lembra que os concellos foron os encargados de xestionar os fondos do PEL-Reactiva da Deputación, destinado a microempresas e persoas autónomas do sector comercial e hostaleiro. “Calquera alcalde ou alcaldesa de Galicia coñece cales son os criterios da Xunta á hora de repartir axudas, beneficiando máis aos concellos do PP”, lamenta Mirás Franqueira.

CRÓNICAS - Febreiro 2021

3

PUBLICIDADE

CRÓNICAS - Febreiro 2021

4

Actualidade TRAZO

COMARCA O Concello de Oroso fará un carril-bici entre Sigüeiro e a Vía Verde

Pesar no municipio pola morte de Raúl Ríos, mestre e primeiro alcalde da democracia

Adxudicadas as obras da Vía Verde en Oroso, Ordes e Cerceda-Tordoia

A corporación municipal de Trazo, en nome dos veciños e veciñas do municipio, fixo público un conmunicado para expresar as súas condolencias polo pasamento de Raúl Ríos Álvarez, antigo mestre no CPI de Viaño Pequeno e o primeiro alcalde democrático de Trazo. Dende o Concello trasladaron “o máis sentido pésame á familia e achegados, así como o recoñecer a súa labor como rexedor e mestre”.

Un pésame ao que se sumaron tamén o BNG e o PSOE de Trazo, partido no que militou Raúl Ríos. A agrupación socialista quixo “agradecerlle todo o traballo realizado polos veciños e veciñas”, como quedou de manifesto nunha homenaxe realizada hai doce anos polo PSdeG. Raúl Ríos, de 76 anos de idade, foi elixido alcalde de Trazo en 1979 á fronte dunha candidatura independente. Un cargo que volveu repetir tras gañar as eleccións municipais de 1983 e tras un longo conflito político que incluiu peches veciñais na Casa do Concello e mesmo a intervención da Audiencia Territorial da Coruña.

E é que tras as eleccións a Alcaldía foi para Jesús Dubra Rama, de Alianza Popular, pero uns días despois chegou unha sentenza da Audiencia da Coruña que modificou o reparto de concelleiros e permitiu que Ríos Álvarez volvese a ser elixido alcalde. En 1984 entrou no PSdeG, partido polo que volveu ser elixido alcalde nas municipais de 1987. Cesou en 1988 tras unha moción de censura promovida por Alianza Popular.

A Deputación da Coruña vén de adxudicar as obras de tres tramos da Vía Verde (os treitos de Oroso, Ordes e Cerceda-Tordoia) por un total de 1.462.903,17 euros, investimento cofinanciado pola propia institución provincial e os fondos europeos FEDER. O tramo de Oroso contará cun presuposto de 572.420 euros, o de Ordes cun de 396.811,79 euros e o de Cerceda-Tordoia cun de 523.671,38 euros. As empresas adxudicatarias de cada actuación contarán cun prazo de 10 meses para levar a cabo as tarefas.

O presidente da Deputación, Valentín González Formoso, apuntou que a Vía Verde Santiago-Cerceda “é un proxecto ambicioso é tecnicamente complexo, que comezou a xestarse hai máis dunha década, pero que agora, unindo as forzas da Deputación e dos cinco concellos implicados, queremos facer realidade durante este mandato”.

Carril-bici Pola súa banda, o Concello de Oroso incluíu no POS+2021 a construción do primeiro tramo dun carrilbici que unirá Sigüeiro coa Vía Verde.

Este primeiro tramo partirá da glorieta da Foca e chegará ata o río Carboeiro. Posteriormente prolongarase pola rúa da Ulloa ata conectar coa antiga estación de Oroso.

O alcalde de Oroso, Manuel Mirás Franqueira, indica que “1.500 persoas fan deporte de forma federada ou regulada no municipio, polo que o carril-bici era un proxecto pendente e estamos moi satisfeitos de levalo adiante”.

Oroso destina o POS a gasto social e obras nas parroquias Ademais do mencionado carril bici, o Pleno municipal orosán aprobou o Plan Único 2021 da Deputación, que suma case 1,1 millóns de euros xunto ao POS Adicional. Así, o Concello destinará máis de 800.000 euros a obras como a mellora da rede viaria nos lugares de A Igrexa e Bouzalonga; o asfaltado da pista que vai de Recouso á estrada provincial DP-3802 (Marzoa); a construción dunha ponte sobre o río Carboeiro en Berdomás (Gándara), e a ampliación das beirarrúas na marxe esquerda da Avenida de Compostela.

Oroso tamén humanizará e renovará o tramo este da rúa do Campo (Sigüeiro); ampliará a calzada do vial que une os núcleos de Requeixo e Eirís (Cardama);

acometerá un proxecto de saneamento e abastecemento de auga nos Carballos (Deixebre); e mellorará a eficiencia enerxética na urbanización Porto Avieira. “Todas as obras dan resposta ás demandas veciñais e ao noso obxectivo de renovar os servizos básicos e as infraestruturas do concello de forma continua, tanto no casco urbano como nas parroquias”, explica o alcalde, Manuel Mirás.

Finalmente, os 142.710,20 euros do POS Adicional destinarase a axudas ás familias e colectivos en risco de exclusión, medidas de conciliación, adquisición de material de protección contra a Covid-19), material escolar e tarefas de desinfección nos centros educativos, entre outras iniciativas.

CERCEDA

Concello e Deputación renovan o convenio coa FAEPAC

Valentín González e Cristina Capelán asinaron o convenio de colaboración

O presidente da Deputación, Valentín González Formoso, e a concelleira e deputada provincial, Cristina Capelán, asinaron a renovación do convenio polo que a Fundación Axencia Enerxética Provincial da Coruña (FAEPAC) manterá os servizos de asesoramento a Cerceda en aforro e eficiencia enerxética.

Cristina Capelán destacou que os servizos da FAEPAC permiten a Cerceda analizar polo miúdo o seu consumo eléctrico e formular novas estratexias de eficiencia enerxética que supoñen un importante aforro. Así, lembrou que Cerceda está a substituir o seu antigo alumeado público por tecnoloxía LED.

CRÓNICAS - Febreiro 2021

5

Actualidade TORDOIA Estudan medidas adicionais para mellorar a seguridade na recta da Tablilla

A Xunta licitará a senda peonil na Tablilla en primavera por 120.000 € A Xunta licitará nesta primavera as obras da senda peonil na estrada autonómica AC-413, no núcleo da Tablilla (Tordoia), que suporán un investimento de preto de 120.000 euros. Así o avanzou a conselleira de Infraestrutura e Mobilidade, Ethel Vázquez, nun encontro de traballo telemático co alcalde de Tordoia, Antonio Pereiro; coa alcaldesa de Trazo, Josefina Suárez; e co delegado territorial da Xunta na Coruña, Gonzalo Trenor.

Vázquez detallou que, para mellorar a seguridade e facilitar os desprazamentos a pé dos veciños, a Xunta redactou un proxecto para a facer un itinerario peonil duns 500 metros na estrada AC-413, na entrada do núcleo da Tablilla desde Ordes. Así, habilitarase unha senda peonil en formigón, de 2 metros de ancho, a nivel coa estrada, que seguirá o seu trazado en planta e alzado. O proxecto recolle tamén a execución de rede de pluviais e a dotación de canalizacións aptas para alumeado e telecomunicacións.

CERCEDA

Rematada a senda peonil en Albarda

A conselleira de Infraestruturas reuniuse cos alcaldes de Tordoia e Trazo

Ethel Vázquez tamén detallou que se están a estudar outras medidas para o reforzo da seguridade viaria e para o calmado de tráfico na recta da Tablilla, na zona onde se sitúa o linde co concello de Cerceda. Con-

cretamente, estase a analizar a viabilidade de reforzar a seguridade dos xiros ou de pintar liña continua para evitar adiantamentos nese treito de cara a reducir sinistros e as súas posibles consecuencias.

O Concello de Cerceda vén de rematar as obras de construción dunha senda peonil en Albarda, concretamente entre os puntos quilométricos 17,580 e 17,880 da AC-400. Uns traballos executados ao abeiro do Plan Único POS+ 2019 e que supuxeron un investimento de 48.859 euros.

As obras consistiron na canalización dunha tubaxe de PVC de 400 milímetros de diámetro e a execución de 14 arquetas con sumidoiro para a recollida de augas pluviais, cun segundo tubo para recoller o cableado do alumeado público. Sobre isto construíuse unha senda peonil de 300 metros de longo e 2 metros de ancho, sobre a que se colocaron dous bancos de pedra e árbores para dar sombra aos peóns.

CRÓNICAS - Febreiro 2021

6

Actualidade COMARCA

OROSO

A ITV agrícola chegará en marzo a Mesía e Frades

Oroso Renovable critica o proxecto de construción dun ximnasio municipal

A unidade móbil número 3 de Inspección Técnica de Vehículos Agrícolas visitará os concellos de Mesía e Frades nos próximos días. En ambos dos dous casos, para poder asistir é preciso solicitar cita previa ben no teléfono 902 30 90 00 ou a través da web www.syctiv.com Así, a ITV Agrícola estará presente do 22 ao 24 de marzo no aparcamento da piscina municipal de Mesía, na parroquia de Xanceda. Atenderá á veciñanza en horario de 9:00 a 13:30 horas e de 15:15 a 18:00 horas, coa excepción do 24 de marzo, que só atenderá en horario de mañá.

Do lugar de Mata, a unidade móbil desprazarase ata a explanada do campo de fútbol de Abellá (Frades), onde estará os días 25 e 26 de marzo e a onde volverá o 7 de abril. Así mesmo, os días 8 e 9 de abril estará ubicada na explanada da área recreativa “Os Pasos” de Aiazo. En ambos os casos, o horario será de 9:00 a 13:30 e de 15:15 a 18:00 horas.

OROSO

O PP solicita a limpeza da rúa Carboeiro con máquina a presión O Partido Popular de Oroso solicitoulle ao Goberno Local que proceda á limpeza da rúa Carboeiro con máquina de auga a presión. Os populares indican que se trata “dunha zona bonita que non se encontra nunhas condicións boas, sendo conscientes de que é unha rúa con moita humidade, o que implica ter que intensificar os labores de limpeza”.

Oroso Renovable amósase “excéptico” sobre “a construción dun ximnasio con fondos público semellante ao que existe noutros concellos. Consideramos que esta actividade xa está ofertada por un establecemento particular” Neste sentido, insisten no seu apoio á climatización da piscina e temen que non se reúnan os suficientes abonados para manter o servizo, “vendo os antecedentes noutros concellos como Teo”.

TRAZO Un total de 27 persoas reciben este servizo

TORDOIA

A Xunta de Galicia aumentou en 6.540 horas o Servizo de Axuda no Fogar en Trazo

Espazo Común critica que o Concello non remate as obras comezadas

O delegado territorial da Xunta na Coruña, Gonzalo Trenor, mantivo un encontro de traballo coa alcaldesa de Trazo, Josefina Suárez, durante o cal lle informou do plan de reforzo do Servizo de Axuda no Fogar (SAF). O incremento das horas asignadas para o financiamento do servizo, dirixido a persoas en situación de dependencia recoñecida, en máis dun millón de horas anuais está permitindo atender a todas as persoas que se atopan á espera da asignación efectiva do recurso.

No caso de Trazo, a Xunta aumentou en máis dun 43,32% as horas de Servizo de Axuda no Fogar (SAF) postas a disposición do Con-

cello, ata superar as 21.600 horas anuais. Así, esta medida supuxo un reforzo de 6.540 horas. Neste momento, este municipio atende a 27 persoas a través deste servizo.

Respecto á comarca, Gonzalo Trenor informou que o plan de reforzo se traduciu nun incremento de 104.580 horas anuais para os concellos de Ames, Dodro, Oroso, Padrón, O Pino, Santiago, Teo, Toques, Trazo, Touro e Val do Dubra.

O incremento permitiu a estes municipios pasar das 362.052 horas de que dispoñían ata o momento ás 466.632 horas coas que contan na actualidade. En total, estes 11 concellos poden atender a 716 persoas grazas a este incremento.

O concelleiro de Espazo Común de Tordoia, Carlos García, lamenta que “o Goberno local non teña intención de remtar ningunha das obras comezadas” aproveitando os fondos do POS+ 2021. “Na pista de Bardaos deixa 50 metros sen facer. Na que vai a Samede aglomera o mellor tramo e deiza o resto. Comeza a de AnxerizCabaleiros e agora esquécese dela”, lamenta García.

O concelleiro apoiou todas as propostas do Goberno Local, se ben solicita unha modificación da partida de gasto corrente para poder rematar a estrada de Anxeriz a Cabaleiros. Así mesmo, lamenta que o aglomerado dende Tarroeira ata a igrexa de Castenda “non inclúa o aparcadoiro da igrexa, cando esta é unha prioridade para os veciños e tamén un compromiso adquirido polo anterior goberno do mesmo partido”.

MESÍA Cun investimento de máis de 576.000 euros

Comezan as obras de ampliación da rede de abastecemento A Consellería de Infraestruturas e Mobilidade vén de comezar as obras da primeira fase de ampliación da rede de distribución de auga no concello de Mesía, cun investimento de 576.000 euros. Esta intervención, que financia e executa a Xunta, ten como obxectivo completar a rede de abastecemento de auga no municipio.

A actuación permitirá dar servizo a un total de 1.224 habitantes equivalentes para o ano horizonte 2042.

Trátase de dotar de abastecemento

á zona oeste do concello, chegando nesta primeira fase á parroquia de San Cristovo, así coma a unha parte das parroquias de Visantoña e Olas.

Na actualidade a parte leste do concello dispón de abastecemento.

Na intervención proxéctase a execución dunha rede de subministro que comeza coa execución do novo ramal principal desde o anel existente que se dirixe ata Visantoña e chega ata a estrada AC-223. De aí partirán a canalización principal e varios ramais.

Con esta actuación levarase a auga ás parroquias de San Cristovo, Visantoña e Olas

CRÓNICAS - Febreiro 2021

7

Actualidade OROSO A senda estará lista na primavera tras un investimento duns 200.000 euros

ORDES

Comezan as obras da senda de Oroso Pequeno ao parque do Carboeiro

UXO solicita medidores CO2 para os espazos públicos pechados

O Concello de Oroso vén de iniciar as obras de construción dunha nova senda peonil que conectará Oroso Pequeno co parque fluvial do río Carboeiro. Unha actuación que suporá un investimento de 204.501 euros, dos que a Deputación da Coruña achegará 163.601 euros a través dun convenio asinado co Concello orosán.

Os traballos comezaron hai uns días e a senda estará lista na primavera, según as previsións do Concello. A senda, de 1.450 metros, mellorando a seguridade viaria tanto dos veciños e veciñas de Oroso Pequeno como dos numerosos peregrinos que pasan pola zona seguindo o Camiño Inglés. “É un proxecto que tiñamos moitas ganas de facer, polo tránsito de peóns que hai nesta zona e polo patrimonio natural do percorrido da senda”, asegura o alcalde de Oroso, Manuel Mirás Franqueira.

O primeiro tramo empeza no núcleo de Oroso Pequeno até a ave-

A senda transcorre por un tramo do Camiño Inglés de entrada a Sigüeiro

nida Alvaro Cunqueiro, discorrendo pola marxe dunha estrada municipal na que o tráfico será limitado a un só sentido. Así, o ancho para os coches será de 3,10 metros, mentres que a a senda terá un ancho de entre 1,20 e 1,50 metros.

O segundo tramo discorre pola avenida Álvaro Cunqueiro, paralelo ao parque industrial, ata o cruce coa área recreativa do Carboeiro. Neste tramo proxéctase un sistema de recollida de pluviais en continuidade co que existe no polígono.

Unión por Ordes solicitou no Pleno municipal dotar de medidores CO2 aos espazos públicos pechados para evitar a propagación da Covid-19 a través de aerosois.

Manuel Iglesias, voceiro de UXO, asegura que “esta medida preventiva pode ser útil para determinar se un espazo público pechado precisa de ventilación nun determinado momento e así evitar posibles contaxios entre os traballadores/as e usuarios/as dos mesmos”.

A urxencia da moción foi rexeitada polo Grupo de Goberno xa que o alcalde entendeu que, de acordo co Regulamento Orgánico de Funcionamento, tiña que ser formulada como rogo, algo ao que se opuxo Iglesias. “Agardamos que o alcalde de Ordes contemple esta medida o máis axiña posible e non espere meses para adoptala como sucedeu coa da máquina da ORA, proposta por UXO en agosto e adoptada polo Goberno en días recentes”, di Manuel Iglesias.

GRUPO RAFRA DISPOÑEMOS DUN AMPLO GRUPO DE PROFESIONAIS E COLABORADORES PARA PRESTARLLE UN COMPLETO SERVIZO FISCAL, LABORAL, XURÍDICO, MERCANTIL E IMPOSITIVO

8

CRÓNICAS - Febreiro 2021

Actualidade TRAZO

Cheque bebé de 1.200 euros por neno/a nado ou acollido en Trazo a partir do 4 de outubro de 2019 O Concello de Trazo vén de poñer en marcha o chamado “Cheque bebé”, unha axuda de 1.200 euros por cada bebé nado, acollido ou adoptado polas familias do municipio a partir do 4 de outubro de 2019. A finalidade destas axudas é proporcionar apoio económico ás familias do municipio.

As solicitudes poderán presentarse no Departamento de Servizos Sociais do Concello de Trazo. O prazo de presentación de solicitudes será de 2 meses dende o nacemento, acollida ou adopción do menor. A maiores, o Concello de Trazo abre un período especial para os nados, acollidos ou adoptados entre o 4 de outubro de 2019 e a entrada de vigor desta ordenanza, que deberán presentar a súa solicitude antes do 8 de abril.

Para poder acceder a esta subvención, as familias deberán acreditar o empadroamento e residencia efectiva no concello de Trazo do pai, nai ou titor/a legal cunha antigüidade mínima dun ano antes do nacemento, adopción ou acollida do fillo ou filla.

CERCEDA Cambia o alumeado público na zona

O Concello investirá 55.000 euros na ampliación da rede de saneamento de Xesteda

OROSO/ORDES

A Xunta fai actuacións de conservación nos ríos Samo e Fraga

O Concello de Cerceda vai investir 55.126,77 euros na ampliación da rede de saneamento da parroquia de Xesteda ata o cruce cara Lodoño. Unha actuación financiada a través do Plan Único da Deputación da Coruña.

As actuacións permitirán ampliar a rede de Xesteda ata o cruce cara Londoño a través da execución de 735 metros de canalización en tubaxe PVC de 315 milímetros de diámetro e a instalación de 14 pozos de rexistro. As obras tamén incluirán a reposición de pavimentos afectados. A obra atópase en fase de licitación e o prazo de execución será de 6 meses.

Substitución do alumeado público de Xesteda por tecnoloxía LED

Alumeado público Por outra banda, o Concello de Cerceda vén de cambiar o alumeado público na parroquia de Xesteda, onde está a instalar tecnoloxía LED nunha actuación financiada nun 80% polo Instituto para a Diversificación e o Aforro

Enerxético (IDAE). “A idea é levar a cabo ao longo do municipio a substitución progresiva do antigo alumeado público por unha nova rede con tecnoloxía LED, con menor consumo e mellor calidade luminosa”, apuntan dende o Concello cercedense.

A Xunta, a través de Augas de Galicia, está a realizar actuacións de conservación e limpeza no treito interurbano do río Samo, ao seu paso por Arderís (parroquia de Senra, Oroso), e do río Fraga, o seu paso pola parroquia de Santa María de Ordes.

Unhas obras que o grupo de Goberno de Oroso aproveitou para solicitarlle a Augas de Galicia que publique un programa transparente coas actuacións de limpeza fluvial que se farán no ano.

CRÓNICAS - Febreiro 2021

9

PUBLICIDADE

CRÓNICAS - Febreiro 2021

10

Actualidade TRAZO

CERCEDA O Concello investirá 148.000 euros en gasto social

O Concello investirá case 345.000 euros na construción de sendas peonís no municipio

Cerceda destinará máis de medio millón de euros do POS+2021 a obras

O Pleno municipal de Trazo aprobou o POS+2021, que recolle un investimento total de 456.519 euros no municipio, dos que o Concello de Trazo achegará 6.108,1 euros. Este ano, o Concello minorou a súa achega a gasto corrente, que suma 105.164,47 euros, e destinou 104.353.64 euros á continuación da senda de A Cuca a Gosenlle.

Os socialistas de Trazo agradeceron a inclusión desta obra xa que “aínda que todavía está pendente de licitarse a súa primeira fase, que agardamos se faga o antes posible, suporá unha importante mellora na seguridade dos veciños e veciñas de Trazo, xa que se trata dunha zona onde os peóns non teñen ningún sitio seguro por onde camiñar”.

Os outros 240.893,06 euros destinados a obras serán para a construción dunha senda en Carabelos e o arranxo duns camiños en Castelo, así como para a construción de sendas peonís en A Polveira e Restande. Como Plan Complementario, o Concello de Trazo aprobou a mellora da estrada de Catro Camiños a Chaián pola cuca, orzamentada en 250.971,55 €. Finalmente, o Concello destinará 126.980,68 euros a gasto social

O Concello de Cerceda aprobou en sesión plenaria o POS+2021 da Deputación Provincial da Coruña, do que 553.792,75 euros serán investidos a obras, 244.407,16 euros serán destinados a gasto corrente e 148.125,55 euros irán para gasto social, dentro da achega extraordinaria disposta este ano pola entidade provincial.

Entre os proxectos que está previsto acometer figuran as beirarrúas de acceso ao colexio na Silva, a senda peonil entre a estación de Cerceda e Meirama, un camiño en Xermar cara a zona dos eólicos e un viario de acceso ao centro tecnolóxico, entre outras actuacións. Así mesmo, o pleno aprobou un plan Complementario de 323.033,74 euros que se executará no caso de que quedaran fondos suficientes e que se destinaría á mellora das marxes da estrada da Igrexia a Meirama.

“Isto ven a sumarse aos dous millóns e medio de euros que, en datos ofrecidos pola Federación Galega da Construción, en data de outubro do ano pasado situaban ao Concello de Cerceda como o 15° de Galicia que máis obra contratara no 2020”, apuntan dende o Concello.

Comezan as obras da senda peonil e ciclista de San Vicenzo O Concello de Cerceda vén de inciar as obras de construción dunha senda peonil en San Vicenzo, uns traballos adxudicados a Excavaciones y Obras Marcos SL por 239.164,86 euros e que teñen un prazo de execución de seis meses.

A senda terá unha lonxitude de 635 metros pola marxe esquerda da estrada AC-400 e unha anchura de algo máis de dous metros. Contará con rede de pluviais e está prevista a instalación de catro bancos de pedra e seis árbores.

FRADES O grupo de Goberno aprobou en solitario o POS+ 2021

Frades investirá 96.000 € en obras e 112.000 € en gasto social ORDES

Protestas contra o reparto dos fondos de recuperación da UE Ordes foi unha das doce vilas galegas escollidas por organizacións ecoloxistas, sindicais, políticas e colectivos sociais para denunciar o escurantismo e a falta de participación pública no reparto dos fondos europeos de recuperación Next Generation, que nos vindeiros anos mobilizarán ata 750.000 millóns de euros. Temen que os fondos se repartan entre as grandes empresas.

O Pleno do Concello de Frades aprobou o POS+ 2021, do que destinará 96.714,85 euros a obras, 185.629.42 euros a gasto corrente e 44.197,48 euros a amortizar débeda. Unha proposta que saíu adiante cos votos a favor do PP e coas abstencións de PSOE e BNG. Así mesmo, o pleno aprobou cos votos a favor de PP e BNG, e malia a abstención do PSOE, participar no POS+ Adicional 2021, que destinará 112.502,68 euros a financiar gastos sociais extraordinarios.

O alcalde de Frades, Roberto Rey, explicou que “nos últimos anos xa estamos afeitos a aprobar en solitario o Plan Único pero este ano sorprendeunos que o PSOE non

fora quen de votar a favor do Plan Adicional dirixido a financiar gastos sociais extraordinarios ocasionados por mor da pandemia da Covid-19.

Agradecemos o voto a favor do BNG pero non entendemos a postura socialista”.

Por primeira vez nos últimos catro anos, Frades acollerase ao Préstamo Provincial de 2021 para reducir débeda en 44.197,48 euros. Así mesmo, destinará 72.502,68 euros do POS+Adicional a ampliar o servizo de axuda a domicilio e os servizos de perruquería e podoloxía a domicilio; mentres que os 40.000 euros restantes irán a medidas para a atención das persoas especialmente vulnerables.

En canto ás obras, destinará 96.714,85 euros á financiación de dous proxectos. O primeiro é a mellora do viario nos accesos a Tarrío (Papucín) e inclúe o arranxo de oito pistas do municipio: mellora do viario nos accesos a Tarrío (Papucín), inclúense a mellora do viario nos accesos a Devesa (Aiazo), Vilar (Céltigos) e á igrexa de Galegos. Tamén se inclúen as melloras dos viarios de acceso ás pistas da Panica ao Carballal (Meso) e da Camposa ao Covelo (Ledoira), así como a sendas pistas en Asemonde e O Ar, ambas na parroquia de Abellá. O segundo proxecto é a mellora do viario da pista AC-524 a Ponte Carballa (Abellá) por 35.634,56 euros.

CRÓNICAS - Febreiro 2021

11

Actualidade ORDES O Concello fará unha achega suplementaria de 120.000 euros para obras

OROSO

O Goberno aproba en solitario o POS+2021, que suma 1,21 millóns

Xunta, Deputación e Concello promoverán o Camiño Inglés na Inglaterra

O PP de Ordes aprobou en solitario o POS+2021, toda vez que o resto da corporación optou pola abstención. Un plan de 1,21 millóns de euros dos que 382.005,75 euros serán destinados a gasto corrente e 91.191,84 euros a amortizar parte dos 725.000 euros de débeda viva que presenta o municipio. Así mesmo, os 232.124,69 euros do Plan Adicional serán transferidos á Mancomunidade de Ordes para reforzo de persoal, axudas á escolarización, ampliación do servizo de axuda a domicilio e partidas para maiores e dependentes, entre outras.

A obras destinaranse 596.149 € da Deputación canda unha achega suplementaria de 120.353,64 € do Concello de Ordes para a realización de catro proxectos. Así, tratase con aglomerado en quente o acceso pendente en Os Baltares e rematarase a pista principal da parroquia dende Aldeíña ata o límite con Oroso. Ademais, arranxaranse seis camiños en Reboredo, Me-

A sesión ordinaria do mes de xaneiro tivo lugar de forma telemática

relle e O Conde (Ordes); así como outros 13 camiños con aglomerado en Chan, Sobreira, Queis e Albariña. Finalmente, mellorarase un tramo de case 3 km da estrada entre a AC-524 e o límite con Mesía, pasando por Casal e Armada (Vilamaior). Para o Plan

Complementario quedan 4 obras que non foron dotadas con fondos nos anos 2017 e 2020: camiño Igrexa de Leira-Loureda-AC409, camiño A RúaCarballedo (Buscás), pista da AC-409 a Meitufe (leira) e estrada do Mesón a Barcula (Ardemil).

O Concello de Oroso participará coa Xunta de Galicia e coa Deputación da Coruña na promoción do Camiño Inglés na Inglaterra. O deputado provincial e concelleiro de Turismo de Oroso, Antonio Leira, promoveu un acordo entre a institución provincial e autonómica para fixar un orzamento e unhas accións concretas para seguir avanzando na sinalización do Camiño Inglés na Gran Bretaña.

O alcalde de Oroso, Manuel Mirás, adianta que “estaremos aí, e orgullosos de ter sido os pioneiros en resucitar o Camiño Inglés aló, á vez que para nós é unha fonte de riqueza, como queda de manifesto na cantidade de oferta de hospedaxe e restauración que temos”. Segundo un estudo da Universidade de Santiago, feito a instancias de Turismo de Galicia, os peregrinos deixaron no 2019 case 700.000 euros no Concello de Oroso.

LÍDERES EN SUMINISTRO AGRÍCOLA

12

CRÓNICAS - Febreiro 2021

ECONOMÍA CeRCeDA

FRADeS Lanza a campaña “A miña seguridade, tamén a túa responsabilidade”

O Concello achega outros 12.000 € para cubrir todas as peticións do PEL-Reactiva

Erimsa reforza o seu compromiso co obxectivo de “cero” accidentes

O Concello de Cerceda incorporou 12.245,46 euros máis do inicialmente previsto ao plan PELReactiva, grazas ao cal todas as persoas solicitantes que reúnen os requisitos poderán recibir as subvencións. Así, a aportación total do Concello será de 29.396,37, aos que hai que engadir os 68.603,63 euros da Deputación.

FRADeS

Un total de 19 empresas reciben axudas do PEL-Reactiva O Concello de Frades aprobou as axudas do PEL-Reactiva por un importe total de 33.000 euros e que beneficiarán a 19 microempresas e persoas autónomas do municipio. Case o 37% das axudas corresponden a cafeterías e establecementos de restauración, un 21% a salóns de perruquería e beleza e o 42% restante a outros servizos. O alcalde, Roberto Rey Martínez, agarda que “estas axudas sirvan para minorar os danos derivados da pandemia da Covid-19 e contribúan no posible a impulsar a actividade económica e o emprego no noso municipio”.

OROSO

O Concello estuda facer unha feira comarcal os venres en Sigüeiro O Concello de Oroso vén de instalar unha carpa na Alameda de Góis para que as persoas que acuden ao mercadillo dos sábados estean a cuberto. Así mesmo, estuda celebrar nesa carpa outro mercado, neste caso o venres, que sexa unha referencia na comarca.

O Concello xa mantivo reunións con distintos colectivos e agarda que sirva para darlle un impulso á hostalería local cando reabra.

Erimsa vén de lanzar a súa campaña “A miña seguridade, tamén a túa responsabilidade” para reforzar o seu compromiso coa filosofía de cero accidentes. A través de exemplos cotiás, a compañía pretende animar aos seus empregados a que coiden dos seus compañeiros, intercambien consellos e advirtan sobre os posibles riscos ou accións inseguras que detecten. “Para todos os que formamos parte de Erimsa, a seguridade e a saúde é a nosa prioridade. Non é aceptable a fabricación dun produto a costa de vidas humanas ou a un deterioro da saúde. Temos moi interiorizada a importancia de evitar situacións que poidan supoñer un risco.

Os protocolos establecidos son moi estritos, e están moi marcados. Grazas a isto conseguimos manter a raia os accidentes desde hai moitos anos.

Porén, somos conscientes de que, se queremos ter éxito, é esencial que todos velemos pola seguridade dos nosos compañeiros”, explica o director xeral, José Antonio Valencia.

Erimsa busca implicar ao seu persoal na creación dun entorno de traballo máis seguro

Para logralo, Erimsa emprega como ferramentas gráficas carteis e pegatinas con imaxes de situacións reais nas que son os traballadores os que avisan dos riscos. “A campaña está tendo moi boa acollida”, sostén

José Antonio Valencia, “é unha acción máis para continuar avanzando no gran reto que nos seguimos planteando a nivel global: cero accidentes. Confiamos en que cale a mensaxe”.

COMARCA 43 dos 100 participantes conseguiron insertarse no mercado laboral

Clausurado o programa integrado de emprego de Cerceda, Tordoia e Trazo O Programa Integrado de Emprego dos Concellos de Cerceda, Tordoia e Trazo 2019/2020 pechou as súas portas o pasado 30 de xaneiro deixando tras formar a 100 persoas desempregadas (64 mulleres e 36 homes) e conseguir que 43 delas se insertaran no mercado laboral, superando así o obxectivo fixado incialmente. Ademais, outras 14 persoas tiveron algún contrato de traballo de menos de 3 meses ou veñen de ser contratados recentemente.

A concelleira de Benestar Social, Igualdade e Comunicación de Cerceda, Catrina Queijo García, asistiu á entrega dos diplomas acreditativos das diferentes accións formativas impartidas durante este ano. En total, a través da orientación laboral, asesoramento e intermediación laboral se realizaron un total de 8282 accións individuais.

En total, e a pesar de que a crise da Covid-19 obrigou a impartir as clases a distancia, o programa cubriu un

O Programa Integrado de Emprego pechou as súas portas o 30 de xaneiro

total de 1.605 horas de formación, entre as que se inclúen 392 horas de prácticas non laborais en empresas da contorna de Cerceda coas que se asinaron convenios de colaboración.

Como complemento da formación recibida, impartíronse ata 38 cursos do máis variado: Soldadura Tig, Ma-

nexo de carretillas elevadoras, Preparación de pedidos, Operacións básicas de almacén, Certificado de profesionalidade de Limpeza de superficies e mobiliario de edificios e locais, Ofimática, Community Manager, Atención ao cliente, Contratación, nóminas, seguridade social e facturación...

CRÓNICAS - Febreiro 2021

13

ECONOMÍA CeRCeDA Busca dar continuidade ao programa de visitas, suspendido pola Covid-19

Sogama ofrece visitas virtuais ao seu complexo de Cerceda Con motivo da conmemoración do Día Mundial da Educación Ambiental, Sogama lanzou unha visita virtual ás súas instalacións a través de animación en motion graphics. Unha iniciativa que busca explicar dunha forma didáctica, amena e divertida, a actividade que se desenvolve no Complexo industrial de Cerceda, onde se centralizan os residuos urbanos procedentes de 295 concellos ou, o que é o mesmo, os producidos por máis de 2.242.000 habitantes.

Aínda que a iniciativa está aberta a todos os públicos, está orientada sobre todo a mozos/as de entre 12 e 18 anos e pretende dar certa continuidade ao programa de visitas a esta entidade pública, suspendido en marzo do pasado ano con motivo da Covid-19.

Neste caso, un mozo e unha moza relatan a xestión de residuos urbanos en Sogama: desde que se producen nos fogares ata que se transvasan nal-

OROSO/ORDeS

Promoven as compras locais no San Valentín

A iniciativa púxose en marcha o pasado 26 de xaneiro, Día da Educación Ambiental

gunha das 37 plantas de transferencia situadas estratexicamente por todo o territorio galego, se transportan a Cerceda (por ferrocarril ou estrada) e se tratan no complexo, que dispón de todos os mecanismos operativos e tecnoloxías máis innovadoras e van-

gardistas. Con tal fin, dispón de distintas infraestruturas polas que discorre o residuo para propiciar a súa valorización, ben a través do seu reciclado ou ben a súa valorización enerxética.

A visita pode seguirse neste enlace web: https://vimeo.com/504284591.

O San Valentín foi a última celebración escollida para poñer en marcha dúas campañas para promover as compras en Oroso e Ordes, agora que a Covid-19 impide atraer a clientes doutros municipios. O Concello de Oroso apostou por #Orosonamorado, un concurso de fotografía con premios para gastar no comercio local. Pola súa banda, Aecor Ordes puxo en marcha “Namórate con AECOR”, un concurso con 14 preguntas test no que participaron 2029 persoas.

COMPRA EN FRADES

gañamos tod@s

porque dinamizas a eCOnOMÍA lOCAl porque axudas a MAnteR O eMpReGO porque son os nosos VeCiÑOS e VeCiÑAS porque cando máis os necesitabas, eStAbAn AÍ porque tes CAliDADe e os MellOReS pReZOS porque están MOi CeRCA e terás un tRAtO peRSOAl

RO P M CO #EU RADES ENF

Concello de Frades

CRÓNICAS - Febreiro 2021

14

xente dE aquí OROSO Iniciativa do CEIPP Camiño Inglés, AC Obradoiro da História e Concello de Oroso

ORDES

O Museo Escolar do Camiño Inglés, listo en maio

A Mancomunidade de Ordes organiza clases de Celga4 por videoconferencia

O CEIPP Camiño Inglés de Sigüeiro, a asociación cultural Obradoiro da Histórica e o Concello de Oroso traballan na posta en marcha dun Museo Escolar, que abrirá as súas portas o vindeiro mes de maio. Un espazo que contará con sección de etnografía, arqueoloxía, fotografía e música tradicional galega.

Por iso, dende o colexio orosán fan un chamamento á colaboración da veciñanza na busca de instrumentos tradicionais galegos. Entre outras pezas, solicítanse gaitas, pandeiretas, tambores, bombos, charrascos, caixas de pemento, zanfoñas, punteiros ou calquera outro instrumento para a exposición. “Non importa o seu estado, canto máis antigo, mellor”, apunta Manolo Pazos, historiador orosán e presidente do Obradoiro da História, quen engade que “sería bonito ver representada a nosa música tradicional no museo escolar”.

TRAZO

O Servizo de Normalización Lingüística da Mancomunidade de Ordes organiza clases de galego por videoconferencia para preparar o Celga4. Terán lugar os luns e mércores, entre o 8 de marzo e o 12 de maio, en horario de 10:00 a 12:00 h. O prazo de inscrición está aberto ata o 1 de marzo no 981 680 002 (ext. 120) ou en irene.bravo@ mancomunidadeordes.gal.

Formación para menores de 30 anos

Contará con sección de etnografía, arqueoloxía, fotografía e música tradicional galega

O Concello de Trazo, en colaboración coa Deputación, organiza un curso de “Limpeza de espazos abertos e instalacións industriais”, dirixido a menores de 30 anos e que inclúe 80 horas de prácticas.

Inscricións nos Servizos Sociais de Trazo antes do 3 de marzo.

CRÓNICAS - Febreiro 2021

15

PUBLICIDADE

Oferta Gastronómica con servizo para levar no Concello de Oroso

CRÓNICAS

Proximidade. Honestidade.

Solvencia. Pluralismo.

Crónicas - Mensual independente da Comarca de Ordes. Edita: Underwood Media, S.L. C/Romero Donallo 26 15706 Santiago. Imprime: Tameiga. Peche de edición: 16-2-2021. Depósito legal: C 900 - 2013. Director: Javier Carnota.

Teléfono: 620 967 549. Contacto: cronicas.comarcadeordes@gmail.com.

Exclusivista publicitaria: Eco publicidad & márketing (www.agenciaeco.es). Álvaro Filgueira. 649 419 415. afilgueira@agenciaeco.es

Tras los premios recibidos en 2017 y 2019, TALLERES SONEIRA recibe por tercer año el PREMIO “EXCELENCIA SEAT”

y para celebrarlo ofrecemos GRANDES DESCUENTOS en NUESTROS VEHÍCULOS DE STOCK:

SEAT LEÓN 1.5 TSI DSG7 FR FAST EDITION 150 CV

SEAT LEÓN 1.6 TDI STYLE VISIO EDITION

SEAT ARONA 1.6 TDI FR 115CV

SEAT IBIZA 1.0 STYLE PLUS 80 CV

Talleres Soneira. C/ Las Casillas, 6. Ordes / Telf: 981 680 756 talleressoneira.seat / taller@talleressoneira.com