FILOZOFIA EDUKASAUN: OBJETIVU MORIS NO OBJETIVU EDUKASAUN

OBJETIVU MORIS NO PROBLEMA PRINSIPÁL FILOZOFIA NO EDUKASAUN OBJETIVU EDUKASAUN 1. Ema no ninia objetivu moris 1.1. Objetivu moris ema nian esperiénsia prosesu dezenvolvimentu 1.2. Objetivu moris Nasaun Timor-Leste 1.3. Objetivu moris ema nian tuir pontudevizta Katóliku 2. Objetivu edukasaun 2.1. Funsaun no objetivu edukasaun 2.2. Métodu determina objetivu edukasaun 2.3. Kritéria kualifikasaun objetivu edukasaun 2.4. Alvu objetivu no objetivu aas iha edukasaun Mre. Crisogno Soares Freitas Pereira, B.Tchg, M.Ed

1. Ema no ninia objetivu moris Ema mak: 1. Balada moris ne'ebé sai membru populasaun iha mundu ida-ne’e.

2. Balada moris ne'ebé iha karaktér únika ne'ebé balada moris sira seluk la iha.

3. Balada moris ne'ebé esforsu nafatin no luta atu aproveita natureza ne'ebé hale’u nia liuhosi dalan utiliza forsa no rikeza natureza ba ninia nesesidade. (Ezm: rai, bee, ar, ahi, roman no seluk hodi utiliza ba ninia nesesidade moris).

• Ema no balada sira seluk hanesan. Kuandu haree hosi parte biolojia • Lamatterie (1709-1751) filozofu Fransa hateten “la iha buat ida-ne'ebé diferente entre ema ho balada sira seluk” • Lamatterie aumenta katak “buat ne'ebé halo ema no balada moris seluk diferente mak karaktér espirituál, iha-ne'ebé aprezenta katak ema iha poténsia hanoin ne'ebé loos.”

• Ema mak balada ne'ebé iha poténsia hanoin hodi halo ka kria, liu fali kapasidade balada sira seluk.

Tanba ema bele kompriende asuntu abstratu no halo abstratu sira sai asuntu sira-ne'ebé konkretu.

• Ho hanoin, ema bele halo ligasaun entre kauza no konsekuensia; pasadu no futuru, símbolu no língua.

• Ho hanoin, ema iha futuru no objetivu moris.

• Ho hanoin, ema hahoris kultura, muda objetu natureza sai objetu kulturál.

• Ho hanoin, ema iha morál no kria norma sira ba moris sosiedade.

• Ho hanoin, ema bele imajina ne'ebé hatudu forsa arte ne'ebé ema iha.

• Ho hanoin, ema sai balada matenek ne'ebé iha objetivu (homo sapiens).

• Ho hanoin, ema sai balada ne'ebé hatene servisu ho instrumentu (homo feber).

• Ho hanoin, ema gosta halimar (homo ludens).

• Ho hanoin, ema sai homo politicus ne'ebé buka liberdade.

Ema mak homo religius ne'ebé fiar ba destinu. Ida-ne’e hotu mosu tanba ema iha hanoin.

• Ho hanoin, ema hamoris sivilizasaun iha forma kultura, respeitu iha moris hamutuk, norma moris loos, no dalan moris hamutuk.

• Ho hanoin, ema bele simu no kria buat ne'ebé furak.

• Ho hanoin, ema bele simu no kompriende ho loos ezisténsia Maromak ne'ebé di’ak liu.

• Ho hanoin, ema nafatin hakesi an ba relasaun iha moris no objetivu moris.

1.1. Objetivu moris ema nian esperiénsia prosesu dezenvolvimentu • Ema atu moris presiza luta maka’as atu defende nia moris.

• Edukasaun hanorin ema oinsá hasoru moris, luta atu defende moris. (Ezm: Ema iha tempu antigu, oinsá ema luta ba nia moris) • Edukasaun eziste bainhira ema hahú eziste.

• Edward Burner Tylor (1832-1917) hateten katak “ema dezenvolve liuhosi faze tolu: 1) krueldade, 2) selvajen/atanizmu & 3) sivilizasaun.

• Iha nivel sivilizasaun ne’e mak ema koñese instrumentu sira-nia funsaun no utilizasaun.

• Sivilizasaun lori ema ba objetivu moris ema nian, ne’e mak: satisfasaun, prosperiedade, feliz iha fízika no espirituál.

Sivilizasaun iha mundu atuál: Cybernetics • Era siénsia no teknolojia • Ema fasil no lais atu hetan satisfasaun iha nia moris.

• Cybernetics moris hosi ema nia poténsia pensamentu, iha-ne'ebé ema bele hanoin, hala’o no kria. Hodi ida-ne’e mundu hetan mudansa signifikante.

1.2. Objetivu moris Nasaun Timor-Leste • Objetivu hakerek klaru ona iha Introdusaun Konstituisaun RDTL 2002: 1) Atu halo funu hasoru forma oin-oin tirania nian, operasaun, dominasaun no kaketak sosiál, kulturál, ka tuir relijiaun.

2) Atu defende independénsia nasionál, respeita no fó garantia ba direitus umanus, no ema sidadania sira-nia direitu fundamentál.

3) Atu kaer metin prinsípiu haketak poder iha Estadu nia organizasaun no harii demokrasia.

4) Atu buka harii Nasaun ida-ne'ebé justu no buras.

5) Atu foti sosiedade ida-ne'ebé hakiak ema atu fó neon-laran ba malu nu’udar maun-alin.

Oinsá bele atinji objetivu moris Nasaun RDTL • Presiza realiza sosiedade justu no prosperiodade • Liuhosi defende independénsia soberana • Iha atmosfera demokrasia no maun-alin • Ne'ebé kontra forma violénsia oin-oin hasoru Nasaun

1.3. Objetivu moris ema nian tuir pontudevizta Katóliku • Biblia Sagrada & Tradisaun Sagrada hanorin katak “O mundo foi criado para a glória de Deus”(Consilio Vaticano I, Denzinger-Schometzer, no. 3021).

• “Maromak kria buat hotu la'ós atu haboot Nia Glória, maibé atu haklaken no hateten sai Ninia Glória” (São Boaventura iha CIC, art. 293).

• Maromak la iha razaun seluk maibé iha de’it razaun simples mak Nia domin no Nia di’ak. “Kriasaun sai hosi Maromak nia liman ne'ebé loke ho xave domin nian” (São Tomas Aquinas)

• Santo Ireneu “Tanba Maromak nia Glória mak ema ne'ebé moris; maibé ema nia moris mak haree ba Maromak”.

• Objetivu ikus kriasaun mak “Maromak Kriadór sai buat hotu iha buat hotu” (Kfr. 1Kor. 15:28).

• Ba ema, Maromak haraik HANOIN no LIBERDADE atu halo kompletu obra kriasaun no atu halo perfeitu ninia armonizasaun ba prosperidade indivíduu no sosiál.

• Ema sai Maromak nia kolaboradór no Nia reinu (Kfr. Kol. 1:24; 1Kor. 3:9; 1Tes. 3:2; Kol. 4:11).

• Grasa boot liu ba ema hosi Maromak mak grasa moris.

• Grasa ida-ne’e iha ninia knaar mak kuidadu no dezenvolve moris.

• Ema moris atu haksolok iha vida eskatolojia.

• Ema moris atu dezenvolve an ho di’ak.

• Ema moris atu kuidadu Nai nia kriasaun hotu ho matenek no respeitu.

2. Objetivu edukasaun •

Atividade edukasaun nu’udar parte hosi prosesu ida ne'ebé atu atinji objetivu ida. No objetivu sira-ne’e determina hosi objetivu finál sira.

Ezemplu: 1. Objetivu edukasaun iha EUA: the objective of self-realization; the objective of human relationship; the objective of economic efficiency; the objective of civic responsibility.

2. Objetivu edukasaun iha Portugal: 1- A difusão e democratização do conhecimento, dos valóres democráticos, e a formação de cidadãos integrais (a cidadania é um aspeto fundamentál); 2- A obtenção de conhecimentos e saberes pelos portugueses para que possam contribuir para o crescimento económico e o desenvolvimento do país, e para o melhoramento das condições de vida quer individuais quer coletivas.

3. Objetivu edukasaun iha Timor-Leste: Queremos ser bem-educados, democráticos e dotados de valóres patrióticos, e altamente produtivos. Queremos uma educação para todos, em particular para os pobres, os menos aptos, os idosos e as mulheres, para que possamos tornar-nos alfabetizados e com qualificações, de forma a contribuir para o desenvolvimento económico, social e cultural do nosso país (Jornal Republica, Politica Nacional da Educacao 3/2007. 2, Art. 2.1)

2.1. Funsaun objetivu edukasaun • Objetivu edukasaun mak esforsu ho konxiensia. Esforsu tenke iha ninia hahú no ninia finalidade. Esforsu ne’e sai finál bainhira to’o ona objetivu.

• Funsaun objetivu edukasaun mak: 1) Finaliza objetivu 2) Diriji objetivu 3) Objetivu ida sai nu’udar pontu partida atu atinji objetivu sira seluk.

4) valóriza esforsu sira.

Esforsu atu atinji objetivu edukasaun: John S. Brubacher 1. Objetivu edukasaun fó diresaun ba prosesu ne'ebé ho lisan edukativu.

2. Objetivu edukasaun la nafatin fó diresaun ba edukasaun, maibé tenke motiva ho di’ak.

3. Objetivu edukasaun iha nia funsaun atu fó orientasaun ka prepara kritéria sira iha avaliasaun prosesu edukasaun.

Brubacher: “Molok ema konduta mudansa kurríkulu ka buat ruma ne'ebé iha relasaun ho edukasaun, uluk knanain ema ne’e tenke husu nia-an, saida mak nu’udar alvu ka objetivu ne'ebé hakarak atu atinji”

2.2. Métodu determina objetivu edukasaun Métodu di’ak liu ba edukadór ida atu determina objetivu edukasaun tuir John S. Brubacher.

1.A Historical Analysis of social institutions approach.

2.A Sociological Analysis of current life approach.

3.Normative Philosophy approach.

A Historical Analysis of social institutions approach.

• Aproximasaun liuhosi analiza istória instituisaun sosiál mak aproximasaun ne'ebé orienta ba realidade ne'ebé iha ona no dezenvolve ona durante istória moris nasaun ida nian.

• (Filozofia moris, realidade moris, orden sosiál, no kultura nu’udar sentru ne'ebé tenke kontinua.

• Ho lisan Status Quo.

A Sociological Analysis of current life approach • Aproximasaun ne'ebé bazeia ba analiza konaba moris atuál.

• Analiza deskritivu kona-ba realidade moris ka atividade moris sosiedade to’o nia objetivu.

Normative Philosophy approach • Bazeia ba valór filozofia normativa (filozofia Nasaun & morál).

• Prosesu edukasaun bazikamente mak atu prezerva kultura no kontinua hatutan valór moris sira-ne'ebé sai perspetiva moris no filozofia moris nu’udar ezisténsia nasaun ho ninia kultura.

• Ho perspetiva moris no filozofia moris, nasaun determina objetivu moris no ideolojia moris.

• Ikus mai nasaun ne’e iha “filozofia nasaun”

3. Kritéria kualifikasaun objetivu edukasaun John Dewey iha nia livru Democracy and Education ne'ebé temi fraze ida katak “The criteria of good aims” aprezenta kritéria tolu (3): 1)Objetivu ne'ebé iha tiha ona tenke kria dezenvolvimentu ne'ebé di’ak liu duké kondisaun sira-ne'ebé liu ona.

2)Objetivu ne’e tenke fleksível no bele muda tuir kondisaun.

3)Objetivu tenke hatudu liberdade atividade.

4. Alvu objetivu no objetivu aas iha edukasaun • Jeralmente, objetivu edukasaun mak lori labarik ba nivel maturidade, prefeisaun, no forma personalidade kristaun.

• Edukasaun iha valór ne'ebé forte liu atu muda ema no kria ambiente ne'ebé moris.

Perfeisaun personalidade: Objetivu Edukasaun ne'ebé aas liu • Pragatizmu: perfeisaun nu’udar prosesu dezenvolvimentu kontinua, nia la iha finalidade. “That education is all one with life, that life is growth, and therefore that education is growth” (Dewey).

• Relijiaun: Perfeisaun mak virtude ba Maromak no ba maluk ema sira. Perfeisaun fundamentál mak moris iha no ho Maromak ne’e mak objetivu edukasaun ikus.

• Naturalizmu: Perfeisaun mak auto-realizasaun. “Education should aim to perfect the individual in all his powers… that the object of education is not to make a magistrate, priest, but to make a man” (Rousseau)

Tutoriรกl 1. Saida mak ema nia objetivu moris?

2. Tanbasรก edukasaun nia objetivu importente ba ema nia objetivu moris?