FILOZOFIA EDUKASAUN: PROSESU MORIS NU’UDAR BAZE FILOZOFIA EDUKASAUN

PROSESU PRINSIPÁL MORIS NU’UDAR PROBLEMA FILOZOFIA NO EDUKASAUN BAZE FILOZOFIA EDUKASAUN 1. Introdusaun 2. Prosesu edukasaun hamutuk ho dezenvolvimentu prosesu moris 3. Prosesu moris ema nian no filozofia edukasaun

Mre. Crisogno Soares Freitas Pereira, B.Tchg, M.Ed

1. Introdusaun • Filozofia edukasaun aprende kona-ba prosesu moris no alternativa prosesu edukasaun iha formasaun personajen.

• Prosesu rua leten ne’e bazikamente ne’e ida de’it.

• Prosesu edukasaun dezenvolve hamutuk ho prosesu dezenvolvimentu moris no ema nia moris.

• Problema edukasaun nu’udar problema moris no problema ema nia moris.

• Rupert Clendon Lodge hateten katak “in this sense, life is education and education is life” • Esperiénsia moris tomak fó influénsia edukasaun ba ema ida-idak.

2. Prosesu edukasaun hamutuk ho dezenvolvimentu prosesu moris • Problema edukasaun nesesita resposta filozofikamente.

• Área filozofia edukasaun mak problema moris no ema nia moris.

• Esperiénsia hotu ne'ebé ema hetan nu’udar edukasaun.

• Edukasaun: esforsu ema adulta ho konxiénsia iha formasaun, treinamentu, hanorin, kuda valór sira no perspetiva vida ba ema sira-ne'ebé sidauk adulta.

• Objetivu: ema sai maduru, responsável, no bele hamrik mesak tuir lisan, baze no karakterístika nu’udar ema loos.

• Ema ida-idak moris mai hatudu ninia inkapasidade, maibé ema moris mai ho poténsia.

Ema nia poténsia 1. Poténsia biolójika no sensoriál.

2. Poténsia rasionál.

3. Poténsia sentimentu.

4. Poténsia vontade (hakarak-boot).

5. Poténsia atu kria.

6. Poténsia obra.

7. Poténsia konxiénsia.

Poténsia sira-ne’e mak nu’udar konteúdu edukasaun ne'ebé presiza formasaun no dezenvolvimentu iha prosesu moris.

Esperiénsia hotu nu’udar ema nia edukasaun

• Edukasaun iha família ne’e otomatikamente no naturalmente eziste.

• Ambiente sosiedade nu’udar edukasaun, iha-ne'ebé ema hetan esperiénsia liuhosi ninia hamutuk ho ema seluk.

• Instituisaun formál (eskola) tulun família atu kuda valór sira edukasaun ba labarik nu’udar bukae hodi kontinua iha prosesu edukasaun.

John Dewey: “Education as a necessity of life, education as social function, education as direction, education as growth, preparation, unfolding and formal discipline” Edukasaun nu’udar atividade ema nian ba ema ka ida-ne'ebé iha relasaun ho moris no ema nia moris ho nia problema sira.

3. Prosesu moris ema nian no filozofia edukasaun • Realidade aprezenta: ema tenke hala’o nia knaar iha moris ho di’ak no perfeitu, hahú tempu sira moris ho simples, iha ai-laran, iha ku’ak-laran ka iha fatin ne'ebé de’it to’o moris ema nian iha sékulu ida-ne’e.

• Iha moris ema nian ne'ebé simples, sira esforsu maka’as iha defikuldade laran ne'ebé oin-oin atu hasoru hodi luta ba moris ho animál sira seluk atu hetan hahán no fatin.

Poezia husi Hendrik Willem van Loon“The story of mankind” (versaun tetun “istória umanidade” traduz husi Crisogno Soares F. Pereira) Ita moris iha lalatak nia okos Nu’udar sinál mahusuk boot ida Sé mak ita?

Hosi ne’ebé ita mai?

Ba-ne’ebé ita sei bá?

Neneik ho neneik, maibé ho brani ne’ebé forte Ita esforsu ona dudu sinál mahusuk ne’e Kontinua no kontinua ba diresaun liña ne’ebé dook, Liu liña orizonte, iha-ne’ebé ita espera atu hetan ninia resposta.

Ita nunka atu bá dook liután.

Ita sei hatene uituan liu, Maibé ita to’o ona pontu (ho grau ezatidaun ne’ebé razoável) iha-ne’ebé ita bele adiviña ba buat barak.

Referénsia: https://www.gutenberg.org/files/754/754-h/754-h.htm# link2H_4_0003

Pergunta filozófika: Poezia Hendrik van Loon 1. Sé mak ita?

2. Hosi ne’ebé ita mai?

3. Ba-ne’ebé ita sei bá?

Pergunta sira-ne’e la bele satisfas de’it ho sentidu sensoriál (pancaindra) katak realidade hatudu katak “ema ne’e eziste” Filozofia nia pontudevizta la to’o de’it iha sensoriál maibé to’o ba baze moris ne’e rasik. Tanba tuir prinsípiu filozofia katak buat ne'ebé realidade iha matan la nesesariamente ne’e verdade.

René Descartes (1596-1650): Ezisténsia kona-ba nia-an (Ema nia Ezisténsia) 1. Sasán sira-ne'ebé infra human hanesan animál no ai-horis sira, sira la bele husu pergunta tanba sira la kompriende.

2. Ema bele husu pergunta tanba sira kompriende sira-nia an no natureza ne'ebé hale’u sira. Tanba ne’e mosu pergunta kona-ba ema no sentidu moris.

3. Ema iha hanoin tanba ne’e ema eziste. Cogito ergo sum (Descartes).

Hanoin mak poténsia umana ne'ebé konxientemente halo ema sente eziste.

4. Poténsia pensamentu umanu hamosu sasulik filozofia sira. Ezemplu: a) Idealizmu: realidade mak substánsia no ideia sira mak espíritu (Natureza no Maromak) signifika natureza ekspresa Maromak nia espíritu. Natureza ne’e moris tanba espíritu. (Plato) b) Realizmu: Objetu ka mundu mak realidade. Tanba realidade ne’e diferente ho espíritu ne'ebé hatene objetu. Realidade la depende totál ba espíritu ne'ebé hatene, maibé nu’udar rezultadu enkontru ho nia objetu. (Aristoteles)

Sasulik filozofia edukasaun 1. Progresivizmu 2. Esensializmu 3. EzistĂŠnsializmu 4. Eksperimentalizmu 5. Pereneallizmu no seluk-seluk.

Sira-ne’e hotu bazeia ba filozofia idealizmu no realizmu.

Kuaze sasulik filozofia ko’alia kona-ba problema edukasaun

Mudansa drástika iha prosesu moris umanidade • Dezenvolvimentu ne'ebé maka’as iha siénsia koñesimentu no teknolojia.

• Progresu teknolojia ne'ebé lais iha transportasaun, telekomunikasaun no seluk tan halo mundu sai klo’ot.

United Nations Educational, Scientific, and Cultural Organization (UNESCO) • Formulasaun polítika sira no estratéjia edukasaun atu hetan karakter edukasaun ne'ebé espesífiku ba tempu agora no futuru.

1)Oinsá hetan ekspansaun kuantitativa iha edukasaun?

2)Oinsá halo edukasaun demokrátiku?

3)Oinsá halo variasaun sistema edukasaun?

4)Oinsá moderniza konteúdu no métodu iha edukasaun?

William Burg (1967): Konvensaun Internasionál Edukasaun kona-ba “KRIZI MUNDIÁL IHA EDUKASAUN”

• Problema edukasaun mosu hosi: 1)Relasaun istória.

2)Fatór kreximentu kuantitativu alunu.

3)Menus liu iha rekursu fundus.

4)Kustu edukasionál krese liu.

5)Inkapasidade atu adapta rezultadu (relevánsia ho edukasaun).

6)Inasaun (la halo asaun ne'ebé lais).

7)La efetivu

Problema tolu ne'ebé mai hosi partisipante Konvensaun Internasionál Edukasaun 1. Bele ka lae sistema eskolaridade hakonu ezijénsia mundu kona-ba edukasaun?

2. Iha posibilidade atu fornese ba eskola sira ho rekursu sira-ne'ebé boot ne'ebé sira presiza?

3. Iha posibilidade atu kontinua dezenvolve edukasaun ne'ebé bazeia ba orientasaun sirane'ebé difinidu ho ritmu dezenvolvimentu edukasaun agora?

Solusaun ba problema 1. Eskola no Instituisaun Edukasionál Superiór moris atu hahoris ambiente foun edukasaun nian atu la bele hela dook hosi nasaun sira seluk ne'ebé avansadu liu ona iha área edukasaun.

2. Presiza halo mudansa iha kurríkulu bazeia ba sosiedade nia ezijénsia no mundu globál nia influénsia.

3. Sistema, teoria no filozofia edukasaun presiza la’o tuir situasaun edukasaun no kondisaun sékulu komputadorizasaun no teknolojia (cybernetics), atu nune’e ita-nia mundu edukasaun hahoris jerasaun foun ne'ebé matenek no iha fiar.

Tutoriál (Reflesaun, konfirmasaun no aprezentasau) 1. Oinsá ha’u-nia esperiénsia moris hahú hosi ki’ik to’o boot agora, saida mak muda iha ha’u-nia an?

2. Saida mak ha’u-nia pensamentu kona-ba ha’u-nia orijinidade katak ha’u ne’e se? ha’u mai hosi ne'ebé? No ba-ne'ebé ha’u sei bá?

3. Durante ha’u aprende iha uma, eskola no komunidade, saida mak fó influénsia boot ba ha’u to’o hamosu mudansa kognitiva, afetiva, motora iha ha’u-nia moris ohin loron?

4. Tipu edukasaun saida mak fó espíritu ba ha’u atu moris nu’udar ema loos ne'ebé maduru no responsável iha mundu cybernetics?