SASULIK EZISTENSIALIZMU

PROBLEMA PRINSIPÁL FILOZOFIA SASULIK FILOZOFIA EZISTENSIALIZMU NO EDUKASAUN Sasulik filozofia ezistensializmu 1. Karakterístika prinsipál sasulik ezistensializmu 2. Prinsípiu sira edukasaun ezistensializmu

Mre. Crisogno Soares Freitas Pereira, B.Tchg, M.Ed

Sasulik filozofia ezistensializmu • Ezistensializmu mai hosi Latin ex (sai) no sisto (hatuur-an). • Ezistensializmu moris hosi figura ezistensialista Soren A. Kierkegard (1813-1855) no Friedrich Nietzsche (1844-1900).

Figura modernu ezistensializmu mak Jean Paul Sartre (1905-1980)

Soren A. Kierkegard

Friedrich Nietzsche

Jean Paul Sartre

Pontu prinsipál hosi ezistensializmu nia hanorin mak: • Respeitu ba kada indivíduu ne'ebé úniku iha kada ema idaidak.

• Ezisténsia la’o uluk esénsia. Tanba primeiru, ema moris no eziste mak tuir mai ema ida-idak determina ninia esénsia.

Hanorin famouza sira hosi figura ezistensialista • Rezeita ba pensamentu abstratu, la lójika, no la akadémika. La hakarak atu hakesi an ba asuntu sira-ne'ebé abstratu no espekulativu. Tanba buat hotu hahú hosi esperiensia privadu, fiar ne'ebé moris hosi nia-an rasik no nia kapasidade, no haluan ninia dalan atu atinji moris ne'ebé nia fiar (Kierkegaard) • Maromak mate ona (Nietzsche) • Man is nothing else but what he makes of himself (Sartre)

1. Karakterístika prinsipál sasulik ezistensializmu • Ezisténsia la’o uluk liu fali esénsia.

• Lia-loos ne’e subjetivu.

• Natureza la prepara regulamentu morál. Prinsípiu morál sira konstrui husi ema iha kontestu responsabilidade ba nia komportamentu rasik.

• La bele halo predisaun ba hahalok indivíduu.

• Indivíduu iha liberdade atu iha vontade ne'ebé perfeitu.

• Indivíduu la bele fó ajuda maibé eskolla/deside.

• Indivíduu bele sai perfeitamente buat seluk hosi ninia ezisténsia.

Karakterístika jerál ezistensializmu • Ezistensializmu énfaze konxiénsia IHA (Being).

• Ezistensializmu fiar katak la iha koñesimentu ne'ebé haketak hosi sujeitu ne'ebé koñese.

(Ita esperiensia lia-loos iha ita-nia an rasik) • Ezistensializmu énfaze individuál, liberdade no ninia responsabilidade. (Be your self) • Ezistensializmu énfaze desizaun no asaun, tanba hanoin no analiza la sufisiente.

Persepsaun filozofia ezistensializmu ba realidade, koñesimentu, valór no edukasaun • Realidade: Lia-loos hosi moris ne’e rasik. Atu dezeña realidade, ema tenke dezeña saida mak iha ema nia laran rasik, la'ós buat ne'ebé iha liur kondisaun ema nian.

• Koñesimentu: Ema nia koñesimentu depende ba ninia komprensaun no interpretasaun ba realidade. Eskola tenke husik labarik sira dezenvolve an atu deskobre lia-loos sira iha lia-loos nia laran.

• Valór: Ezistensializmu énfaze liberdade no asaun. Liberdade la'ós objetivu iha nia an maibé nu’udar poténsia atu hamosu asaun. Ema iha liberdade atu hili, maibé hili ida-ne'ebé di’ak liu no difisil liu no prontu atu simu nia konsekuensia.

• Edukasaun: Énfaze individualizasaun no auto-atualizasaun. Ema haree nu’udar balada únika. Hodi ninia diferensa ida-ne’e ejiji ninia responsabilidade. Sentru tópiku ezistensializmu mak ema nia “iha” no edukasaun só hala’o de’it husi ema.

2. Prinsípiu sira edukasaun ezistensializmu • Manorin iha papel nu’udar fasilitadór ne'ebé husik kanorin sira dezenvolve sai nia an rasik, liuhosi fó dalan sira atu liu.

• Edukasaun nu’udar dalan hodi forma ema kompletu la'ós de’it forma ninia kognitiva.

• Kurríkulu sai fleksível, iha-ne'ebé estudante rasik eskolla atu aprende.

• Klase presiza riku ho matéria hanorin ne'ebé iha posibilidade ba kanorin sira ekspresa nia an (filme, múzika, & drama), ihane'ebé ajuda kanorin sira “hanoin filozofikamente” ba sentidu esperiensia moris, domin no mate.

• Edukasaun vokasionál nu’udar dalan hanorin kanorin sira koñese nia an no la'ós atu hatene oinsá moris.

• Iha arte, énfaze kreatividade no imajinasaun kanorin sira, la'ós atu imita buat saida mak iha ona.

Implikasaun filozofia ezistensializmu iha edukasaun

• Objetivu edukasaun: Dudu ka motiva kada indivíduu atu bele dezenvolve ninia poténsia hotu ba ninia hakonu an (auto-atualizasaun).

• Kurríkulu: Kurríkulu ideál mak ida-ne'ebé fó ba kanorin sira liberdade ne'ebé luan atu husu, buka no konkluza, ne'ebé mai hosi sira-nia an rasik. Lisaun hotu nu’udar matéria ne'ebé kada indivíduu sei bele deskobre nia-an rasik no iha konxiénsia ba ninia mundu. Kurríkulu ne’e fó atensaun boot liu ba umaniora no arte.

• Prosesu aprende no hanorin: Diálogu (métodu hosi Martin Buber), iha-ne'ebé koñesimentu la'ós atu fakar tama iha kanorin sira-an maibé “aprezenta liuhosi halo diskusaun”, tanba ne’e koñesimentu ne'ebé atu fó ba kanorin sira tenke sai parte hosi esperiensia privadu manorin ne’e rasik.

• Papel manorin: Fó motivasaun ba kanorin atu hanoin kona-ba nia an iha diálogu. Manorin hato’o ideia sira ne'ebé kanorin iha, no aprezenta mos ideia sira seluk, tuir mai, gia kanorin atu hili alternativu sira, atu nune’e kanorin sira bele haree katak lia-loos la akontese ba ema maibé hili husi ema. Liu fali ida-ne’e kanorin sai fatór iha drama aprendizajen, la'ós telespekadór.

Kanorin tenke estuda maka’as hanesan ninia manorin.

Tanba ne’e, manorin mós tenke iha koñesimentu luan.

Tutoriál 1. Saida mak ezistensializmu?

2. Saida de’it mak papél edukadór iha filozofia ezistensializmu?

3. Oinsá ita-boot nia hanoin kona ba objetivu edukasaun ezistensializmu iha kontestu TL? 4. Ema sei sai ninia-an loloos bainhira sai hosi ninia-an rasik. Fo ita boot nia komentariu!