Page 1

Timor Lorosa’e (Poezia Makasae) Asi-Suma Gi Gawara Ooooo… asi ate-fuu, fi ene waboku gi fanarae. Fi fanarae ani gini Uru-Watu gi du’ulu maa ni mutu geere, fi fanarae were, gisa’i to we’e. Fi ene ate-fuu harai asi waboku mutu gawara. Fi he’e, fi ene asi suma gi gawara. Eregau, ehane tarta, na’u nesi gawa resi ma ani gini. Ani fi muniri gi gawara gau danara, Ani na’u-naga fi maa ni mutu gawara Fi gawara, asi-mutu gini na’u gawa-gawara. Ani fi mutu-kalu gigawara guadula. Fi gawara asi-mutu isi he’e. Asi waboku harai mutu he’e, Ani oma-mata ma fi gau gini, fi gana isi di’ara, ani goba lafu, gata la’a lafu ere sa’i. Fi ene oma ere maa gawara gilafu gini. Fi mai gi oma ere ga’awai gi gawara, gi falunu, gi lafu gau gini. Were isi we’e, mutu-sare’e maa ta gini, mutu-rau maa ta gini! Nai nee do, gi rau gua rata gi umuka’u gua rata, na’u naga ta fuli-fuli la’a, do ta fuli-fuli girau rata.

Were gau! Usa nana aire’e, uru aísi desara watu aísi desara, Nainee lafu gi gauwaa fi mai waara umu sorunu, fi mai la’a ga’awai girau rata. Asi ate-fuu… ehane teri damara ere, fi mai ni lafu ma do mata-mata gi waboku mutu kereke. Weregau mata lane’e be’u la’a girau rata, mu’a sufa ma’ene. Ani nau nati lolo… fi nai do’ome, Ani na’umaa ni waboku mutu gawara, fi ene asi suma gi gawara, fi ene na’i-na’i la’ane’e gautú, asi wabuku isi he’e. Ani fi mai gi lafu to maa ra’i gini, To ma metana gini, Ani na’u maa rau-rau gini.


Timor Lorosa’e (Poezia Makasae) Were gau, fi mai gi lafu na’u aelimu dede butiri, Do na’ugi ririki la’a mundeu gata butiri, Nau ririki la umu-gata, lafu-gata butiri. Aelimu molu ere, anu lafu mu’a gua edi’ara gi nana ai noto ena, Aelimu molu ere, anu lafu gi waboku gi nana na’u naga ena. Were gau, asi ate-fu, fi ene asi lafu, fi ene asi suma gi gawara gilafu.

Crisogno Soares Freitas Pereira Baucau, 2010

Poezia versaun makasae  

Asi-suma gi gawara

Poezia versaun makasae  

Asi-suma gi gawara

Advertisement