“ITA SIMU BOLUN ATU HELA IHA NAROMAN KSOLOK NIAN” LEE NO RONA EVANJELLU JEZÚS BA HADI’A FATIN BA ESKOLANTE SIRA (João 14:15-18, 21, 27, 31) Evanjellu Jezús Kristu nu’udar São João haktuir 15 “Se imi hadomi haʼu, imi sei halo tuir haʼu-nia ukun-fuan sira; 16 no haʼu sei husu ba Aman no nia sei fó ajuda-naʼin* seluk atu hamutuk ho imi ba nafatin. 17 Ajuda-naʼin neʼe mak Espíritu Santu neʼebé hatudu sai lia-loos. Mundu la simu ida-neʼe, tanba mundu la bele haree no la hatene Espíritu neʼe. Maibé imi hatene, tanba Espíritu neʼe hamutuk ho imi no Espíritu neʼe iha imi. 18 Haʼu sei la husik imi sai oan-kiak. Haʼu sei fila fali ba imi. 21 Ema neʼebé hatene haʼu-nia ukun-fuan no halo tuir sira, ema neʼe mak hadomi haʼu. No ema neʼebé hadomi haʼu, haʼu-nia Aman mós sei hadomi nia, no haʼu sei hadomi nia, no haʼu sei halo nia hatene didiʼak kona-ba haʼu.” 27 Haʼu husik dame ba imi. Haʼu fó haʼu-nia dame ba imi. Dame neʼebé haʼu fó ba imi la hanesan ho dame neʼebé mundu fó. Keta husik imi-nia laran sai triste no keta husik imi-nia laran sai taʼuk. 31 Maibé atu mundu hatene katak haʼu hadomi Aman, haʼu halo tuir buat neʼebé Aman haruka haʼu atu halo. Hamriik no mai ita sai husi neʼe. Lia Maksoi
Hamosu mudansa: Desizaun transformasaun Ema hotu hakarak hetan ksolok iha nia moris. Haksolok nu’udar buat ida-ne’ebé possible – Ne’e depende ba ita-nia desizaun. Ita-nia desizaun sira mak sei muda ita-nia moris 1. Realiza katak ha’u la’ós Maromak 2. Fiar katak Maromak eziste duni atu fó di’ak ba ha’u. 3. Hili atu entrega an tomak ba Jezús 4. Vontade atu nakloke an ba ha’u-nia an hodi buka ha’u-nia frakeza (sala) iha Maromak nia oin 5. Haraik an obedese ba kada mudasan ne’ebé mosu, ne’ebé Maromak hakarak atu akontese ba ha’u, no husi Nia atu hamoos ha’u-nia frakeza ka sala ne’ebé ha’u iha. 6. Evalua ha’u-nia relasaun ho ha’u-nia maluk sira no ema seluk ne’ebé ha’u hasoru iha ha’u-nia viajen moris nian. Fó perdua ba sira-ne’ebé halo sala hasoru ha’u, ka hadi’a 1|Page