L’ENGUEDEYU LLINGUA ASTURIANA 2.009/10
CURSU
ENTAMU Queríos llectores: Na clase de Llingua Asturiana alcordaron facer un periódicu ente tolos neños y toos acoyimos la propuesta con muncha ilusión. El primer problema planteáu fue’l nome que-y díbamos a dar. Agarramos el diccionariu y entamamos a buscar palabres que definieren el nuestru trabayu; pensamos estes cuatro: Andecha- 1. Trabayu común. 2.Grupu de xente que collabora nun trabayu. 3. Trabayu colectivu a favor de daquién. Caxigalines- 1. Asuntu o cosa de pocu valor o de poca importancia. 2. De pocu espíritu, de poca importancia. Cartafueyu- 1. Conxuntu de papeles escritos. 2. Papel o conxuntu de papeles de poca importancia, de pocu interés. Enguedeyu- 1. Complicación. 2. Metese nun asuntu difícil y complicáu. 3. Enredar, entretenese moviéndose d’un llau pa otru. 4. Desordenar, poner en males condiciones al cruzase o enroscase coses con munchos datos. 5. Confundir, entemecer coses de manera que nun s’estremen ente elles. 6. Facer más difícil o desordenáu un asuntu. A toos nos paició buena idea poner L’Enguedeyu porque, ye lo que va salir “ un periódicu enguedeyáu”. Illán Tejedor López 6º