TESTAMENTO DO MECO En Ourense, a tantos de tantos, co Entroido rematado, eu, o Meco comparezo diante do señor notario.
-E aos de segundo, meus pobres, moita forza de vontade porque axiña acaba o curso e vén a selectividade.
Estando en perfecto uso de todas as facultades, quero facer testamento coas últimas vontades.
-Aos rapaces de TAFAD unha bóla de pin pon, que as palas e a mesa xa virán noutra ocasión.
O meu destino é ben claro: agárdame a fogueira; estou, pois, é evidente nesta hora derradeira.
-Unha pelota de trapo para os de fútbol sala que nestes tempos de crise as de coiro son moi caras.
Pero antes de que eu morra e me converta en borralla, vou repartir agasallos entre toda a rapazada.
-E para os profesores: toneladas de paciencia, porque moito a precisan para explicar tanta ciencia.
Ilustre señor notario, escoite con atención e tome vostede nota destas miñas instrucións:
-Para o señor Conselleiro, un lapis e un caderno para que copie cen veces “Eu tamén quero galego”.
-Unha bola e un xamón ao persoal non docente que boa falta lles fai para aguantar a tanta xente.
-E isto é o que van levar os catro da Dirección: anime as festas do centro Hortensia cun acordeón.
-Aos de 1º da ESO: unha caixa de inxeccións para que lles dean forzas para estudar as leccións.
-Aspirinas e unha vara para o Carlos de Xefatura. E uns anteollos para a Celia, para ver ben as facturas.
-Para os de segundo un chisco de sentidiño que seica moito lles cómpre para ir por bo camiño.
-Pero isto non acaba, que aínda queda o mellor: que viño e cachucha acabe co xenio do Director.
-E para os de terceiro: unha caixa de carpetas, que sempre lles virán ben para gardar as chuletas.
Xa todo volo deixei xa non me queda máis nada. O presuposto era escaso e acábase nunha patada.
-Un saqueto de patacas para os rapaces de cuarto, a ver se xa ben mantidos as notas soben un cacho.
Rematado o testamento despedirme xa convén
-E aos de 1º de bach. xa sei o que lles vou dar: quilos e quilos de ganas para pórse a estudar
por iso vos digo a todos:
ATA O ANO QUE VÉN!
ENTROIDO 2010