PROGRAMA CANDIDATURA LUGO

Está nas túas mans Recuperar e mellorar as condicións laborais Defender unha educación pública de calidade Elixir a quen mellor te representa

CCOO-ENSINO

@ccooensino

Defende os teus dereitos!

www.ccooensino.net

eleccións sindicais ensino público oa loita sindical, coa mobilización e coa negociación en CCOO sempre buscamos seguir avanzando na melloras das condicións laborais dos traballadoras e traballadores.

O noso modelo sindical é un modelo independente, comprometido, rigoroso e combativo e así acadamos estes obxectivos.

Porque a Federación do Ensino de CCOO de Galicia está integrada por un gran grupo de traballadoras/es do ensino que temos como obxectivo principal a defensa dos intereses laborais, profesionais e pedagóxicos das persoas que traballan no ensino en todos os niveis educativos e, en igual rango de prioridade, a defensa dun ensino público de calidade, participativo, laico, crítico e democrático, como instrumento dinamizador dunha sociedade máis xusta e máis libre e dunha convivencia pacífica, tolerante e non discriminatoria.

Neste sentido, CCOO leva acadado importantes melloras para os docentes: melloras retributivas, melloras de cadros de persoal, melloras que facilitan a conciliación da vida familiar e laboral, melloras na xubilación dos docentes, propostas na súa maioría por CCOO e incluídas no Estatuto Básico do Empregado Público.

CCOO mantén o seu compromiso de loitar pola mellora das túas condicións laborais: esixirémoslle arreo á Administración garantías no mantemento das condicións laborais e o desenvolvemento dos acordos acadados, pero a nosa forza conseguímola coa túa axuda e a de quen, coma ti, loita por un ensino xusto e de calidade.

Agora, máis ca nunca, a defensa das condicións laborais dos traballadores e traballadoras do ensino é fundamental para que saír da crise sexa unha acción conxunta de toda a cidadanía e non só das empregadas e empregados públicos.

Por iso, o teu voto é fundamental para escoller un modelo sindical que ACADA melloras reais nas condicións laborais e no sistema educativo galego e para loitar por reverter os políticas de acoso e derribo ás que esta sometido o ensino público.

Está nas túas mans

A dureza das políticas económicas e sociais aplicadas polos gobernos central e autonómico nos últimos anos, que están dirixindo un ataque indiscriminado contra o ensino público, veñen a acentuar unha visión mercantil e clasista de educación que ten como idea de fondo o cambio do modelo educativo e de sociedade do noso país .

Defende os teus dereitos! www.ccooensino.net

retribucións   

   



Anulación dos recortes salariais Recuperación contía salario mensual e do poder adquisitivo Recuperación da contía total das pagas extras en cumprimento do artigo 22.4 do Estatuto Básico do Empregado Público.

Cláusula de revisión salarial Actualización da homologación retributiva co resto das CCAA Recuperación do 100% das retribucións na situación de Incapacidade Temporal Pago a aqueles que substitúen a algún cargo directivo das retribucións correspondentes aos complementos por cargo Incremento das retribucións mediante subas dos niveis mentres se manteña o marco actual de titulacións e corpos: 24 para mestres, 26 para secundaria, 27 para catedráticos

mobilidade 



   

Mantemento da mobilidade estatal nos concursos de traslados cada dous anos, co mesmo baremo e con interpretacións iguais en todas as Comunidades Dereito a concursar o primeiro ano a quen participe dende o seu primeiro destino definitivo ou desde un destino forzoso.

Restrición do ámbito da mobilidade forzosa no corpo de mestres á localidade .

Medidas para a estabilización do profesorado provisional e en expectativa de destino.

Establecemento dun nivel de idiomas igual en todo o Estado para ocupar postos bilingües.

Participación voluntaria do profesorado a prazas non ocupadas polo seus propietarios/as no concurso provisional de destinos (concursiño).

licenzas, permisos e excedencias      



Mantemento da xubilación voluntaria aos 60 anos Revalorización anual das contías das pensións vinculada ao IPC Desenvolvemento dos acordos sobre xubilación parcial

Redución de xornada por lactación ata os dezaseis meses, substituíbles por acumulación horaria Ampliación da excedencia por coidado de fillos menores e familiares dependentes de tres a cinco anos sen perda de destino .

formación 

xubilacións  

Desenvolvemento e ampliación dos dereitos recollidos no Estatuto Básico do empregado público.

Recuperación das licenzas retribuídas por estudos.

Ampliación de catro semanas máis no permiso de maternidade.

Ampliación do permiso de paternidade.

 

Modificación do actual Decreto de Formación, estrutura descentralizada e maior dotación de recursos materiais.

Derrogación da orde de homologación de actividades formativas.

Facer efectiva a figura do coordinador de formación nos centros, coa correspondente redución horaria

eleccións sindicais ensino público

  



Ampliación dos plans de formación permanente e a distancia Potenciación dos intercambios coa UE Maior oferta formativa en horario de permanencia no centro.



condicións laborais xornada 

     

Recuperación da xornada lectiva a 21 horas en primaria e a 18 en secundaria, consonte ao Acordo de Xornada asinado por CCOO Redución horario lectivo por titorías.

Redución horario lectivo por coordinacións.

Ningún profesor poderá ter máis de 6 grupos e/ou 150 alumnos no mesmo curso académico.

Redución do horario lectivo de ata un terzo da xornada, sen perda retributiva, para os maiores de 55 anos.

Desvincular a xornada continua do transporte escolar.

Recuperación da xornada matinal de catro horas nos centros de infantil e primaria, en xuño e setembro.

desenvolvemento profesional no posto de traballo 

promoción vertical 





Promoción dos funcionarios dos corpos dos subgrupos A2 a corpos de subgrupo A1 por concurso de méritos nos casos nos que haxa concordancia entre as titulacións coas que optan e as especialidades ás que aspiran. E nos casos nos que non haxa esa concordancia establecemento dun sistema realmente efectivo de promoción.

Realización de convocatorias regulares de acceso a catedráticos, mediante concurso de méritos, tal e como prevé a LOE, de modo que se alcance a porcentaxe máxima de prazas posible.

Medidas de promoción efectiva do profesorado dos niveis non universitarios á Universidade.

O futuro Estatuto Docente debe recoller unha promoción e un desenvolvemento profesional para TODO o profesorado no seu propio posto de traballo que:  Sexa voluntaria e progresiva, e que mellore, flexibilice e amplíe o actual sistema de sexenios e que estea ao alcance de todo o profesorado, incluído o interino. 

Que supoña unha importante mellora retributiva para todos e todas e que homologue o incremento das nosas retribucións ao longo da vida profesional coa media europea.

Estea vinculada fundamentalmente ao traballo na aula e ao centro, baseada na acreditación de méritos e en criterios claros, obxectivos e transparentes

Que teña efectos exclusivamente económicos, como acontece cos sexenios e non supoña xerarquización e non estea vinculada nin á estrutura nin aos cadros de persoal dos centros.

Defende os teus dereitos! www.ccooensino.net

saúde laboral      

  



Cumprimento da Lei de Prevención de riscos laborais no ámbito docente Avaliación dos factores de risco en todos os centros educativos e de cada un dos postos de traballo.

Adaptación ou cambios de postos de traballo nos casos necesarios.

Elaboración dunha listaxe de enfermidades laborais.

Funcionamento regular dos comités de saúde laboral.

Desenvolvemento de programas de vixilancia e prevención da saúde (entre outros: formación específica sobre o uso da voz, recoñecementos médicos, etc ).

Plans de prevención específicos.

Información e formación en saúde laboral e prevención de riscos.

Creación da figura do responsable de prevención en riscos laborais, con redución de carga lectiva, nos centros educativos.

Deseño dun protocolo de actuación áxil para a intervencións das delegadas e delegados de prevención ante casos de dano á saúde do persoal de ensino

muface   



 

Non ao copago nos actos sanitarios.

Recuperación das prestacións perdidas e recortadas nos últimos anos Ampliación da oferta de médicos e servizos que ofrecen as entidades médicas ao mesmo nivel que aos asegurados non mutualistas.

Incremento da prima que MUFACE aboa ás entidades médicas para garantir o mantemento dunha atención sanitaria óptima Incremento de prestacións sanitarias: próteses, bucodental….

Cumprimento do compromiso asumido polo Goberno no Consello Xeral de MUFACE de reducir ao 15% a porcentaxe a aboar os mutualistas xubilados na compra de medicamentos.

titulacións de ingreso 





ingreso na función pública     

Eliminación de taxas de reposición Ofertas públicas en todos os corpos docentes, coherentes coas necesidades reais.

Redución da temporalidade e a precariedade .

Convocatoria de todas as prazas estruturais non ocupadas por funcionarios de carreira en cada OPE. Modificación do sistema ordinario establecido polo RD 276/07, de modo que se estableza un sistema cunha proba única, con maior optatividade, valoración da experiencia docente previa e actualización e redución do temario.



A titulación para poder exercer a docencia será, como norma xeral, a de posgrao, na liña do prantexado polos sindicatos europeos de Educación.

Inclusión de todos os docentes no subgrupo funcionarial A1. Desenvolvemento do artigo 76 do EBEP. Mellorar a calidade dos actuais Masters, ampliar a oferta dos mesmos e revisar os seus prezos, así como regular de xeito negociado a súa fase de prácticas nos centros educativos.

Compensacións para o profesorado que participa na fase de prácticas do master nos centros educativos.

eleccións sindicais ensino público interinidades e substitucións  

  



responsabilidade xurídica Mantemento do acordo de contratación de Galicia asinado por CCOO. Recuperación do pago do verán aos substitutos con contrato de máis de 5 meses e medio tal e como viña no Acordo de Interinos asinado por CCOO. Contratos a tempo total a partir de 8 horas lectivas semanais.

Extensión a todos os dereitos recoñecidos no Fondo de Acción Social.

Creación de organismos non xurisdicionais de arbitraxe e mediación para axilizar as reclamacións no proceso de acceso á función pública docente.

Modificación da actual normativa de incompatibilidades no caso de in-

centros 





   





Modificación dos Regulamentos Orgánicos dos centros.

Elección democrática das direccións polo Consello Escolar, eliminando as directrices que marca a LOMCE. Dotación de todos os centros con persoal administrativo.

Incremento da dotación económica para o funcionamento dos centros.

Cobertura inmediata das baixas.

Asignación de coidadores na Educación Infantil.

Incorporación de persoal de novos perfís profesionais (educadores,traballadores sociais …), que non realizará tarefas docentes e que atenderá o alumnado con problemas de integración social dando resposta ás novas necesidades socioeducativas.

Incorporación de novo persoal, distinto ao cadro do profesorado (monitores ... ), co obxectivo de abrir os centros á sociedade alén do horario lectivo, facilitando así a conciliación da vida familiar coa laboral.

Fomento das bibliotecas escolares dos centros con fondos, instalacións e equipamentos axeitados, contando o seu responsable co mesmo recoñecemento que as xefaturas de departamento.







Información individualizada das coberturas de responsabilidade civil e patrimonial por parte da administración Regulamentación de procedementos que axilicen a asunción por parte da administración educativa, da responsabilidade en casos de accidentes e agresións ao profesorado As administracións educativas exercitarán dilixentemente a súa responsabilidade en casos de accidentes e agresións ao profesorado e elaborarán protocolos de actuación para estes casos.  As Administracións educativas prestarán asistencia especializada (xurídica, psicolóxica ...) nos casos de agresións.

convivencia e igualdade

 Articulación de programas de actuación nos centros e zonas de características específicas Reforzo da acción titorial e dos departamentos de orientación  Incorporación á formación inicial e continua de contidos relacionados coa convivencia  Eliminación de todos os elementos que favorezan a desigualdade entre homes e mulleres e o sexismo  Eliminación de todo elemento discriminador por razóns de orientación afectivo- sexual, favorecendo a visualización e integración do colectivo LGTBQI ( lesbico, gai, transexual, bisexual, queer e intersexual)  Constitución de comisións de Igualdade en todas as mesas de negociación para evitar normas discriminatorias e para asesorar ás Administracións en materia de iniciativas sobre igualdade de oportunidades.

Defende os teus dereitos! www.ccooensino.net

política educativa 

  



DERROGACIÓN DA LOMCE , por tratarse dunha lei partidista e de partido, autoritaria, clasista, profundamente segregadora, sexista, recentralizadora, privatizadora, mercantilista, confesional, conservadora, antidemocrática , que non conta co profesorado e concibe a educación como unha carreira de obstáculos.

Incremento ata o 7% do PIB no investimento en educación Supresión dos concertos aos centros que segregan ao alumnado por razóns de sexo Promoción dun PACTO SOCIAL , POLÍTICO E ECONÓMICO POLA EDUCACIÓN, que permita abordar unha lei estable no tempo, como na maioría dos países europeos da nosa contorna e do que debe emanar unha lei de amplo consenso entre as forzas políticas e os diferentes sectores da comunidade educativa .

Unha lei que ha ter como principios:  A defensa da escola pública  A atención á diversidade e equidade educativa  A non segregación por ningunha causa (nacemento, raza, sexo, relixión...)  A xestión democrática dos centros coa participación de todos os sectores da comunidade educativa  A dignificación do profesorado  A partida económica suficiente para dotar dos recursos que esixe unha educación de calidade

o galego no ensino CCOO opúxose ao decreto do plurilingüismo no ensino porque non respectaba a Lei de normalización lingüística de 1983 nin o Plan Xeral de Normalización Lingüística de 2004 (ambos con apoio unánime de todos os grupos parlamentarios).

Consideramos que hai que cambiar a norma por outra que concite un maior consenso, dando cumprimento ao informe aprobado polo Consello Escolar de Galicia.

A nova normativa debería recoller:  A discriminación positiva da lingua que parte dunha situación de desvantaxe.  A escolarización do alumnado de EI na súa lingua materna.  A obriga do alumnado a expresarse na lingua en que se imparte a materia.  A decisión acerca da lingua na que se impartan as materias terá que incluír criterios profesionais e pedagóxicos.

A algunhas destas cuestións, os tribunais fóronnos dando a razón coas di sentenzas que anularon parte do articulado do decreto, pero a Consellaría non retrocedeu n a súa aplicación, polo que desde CCOO esiximos de novo unha normativa que concite o maior consenso posible.

eleccións sindicais ensino público

Candidatura

Provincia Lugo 1. DULCE MARÍA LÓPEZ GASALLA (IES ILLA DE SARÓN - Xove) 2. MARÍA DEL CARMEN SOMOZA RODRÍGUEZ ( CPI RAMÓN PIÑEIRO - Láncara) 3. JOSÉ ÁNGEL SÁNCHEZ REDONDO ( IES GREGORIO FERNÁNDEZ – Sarria) 4. BEATRIZ GONZÁLEZ-MORO GALÁN ( IES VILAR PONTE - Viveiro) 5. FRANCISCO JAVIER TRASHORRAS NOGUEIRA ( CIFP POLITÉCNICO - Lugo) 6. VICTORIA MARTÍNEZ CORA ( EEI SAN ROQUE - Viveiro) 7. ALBERTO CALDEIRO PÉREZ ( CEE SANTA MARÍA - Lugo) 8. COVADONGA ANTUÑA REQUEJO ( CEIP PLURILINGÜE DE COVAS - Viveiro) 9. MANUEL RODRÍGUEZ LÓPEZ ( CEIP DO PÁRAMO - O Paramo) 10. MARÍA BELÉN LÓPEZ RUIZ ( IES MURALLA ROMANA - Lugo) 11. MARÍA ROLLE INSUA ( CEIP PLURILINGÜE DE COVAS - Viveiro) 12. FRANCISCO VIDAL VILLAMEITIDE ( CEIP SAN MIGUEL DE REINANTE - Barreiros) 13. PABLO BENITO SÁNCHEZ CORRAL ( IES RÍO CABE - Monforte de Lemos) 14. LOURDES PENA RODRÍGUEZ ( CEIP XERMADE - Xermade) 15. ROI RODRÍGUEZ CAGIAO ( CEIP GREGORIO SANZ - Ribadeo) 16. EVA BELÉN LÓPEZ VALCÁRCEL ( EOI LUGO - Lugo) 17. GERMÁN ÁLVAREZ REFOJO ( ESCOLA DE ARTE E SUP. DE DESEÑO RAMÓN FALCÓN - Lugo) 18. NURIA HERBÓN MEILÁN ( CEIP PARADAI - Lugo) 19. EMERIO ARES SENRA ( IES FRANCISCO DAVIÑA REI - Monforte de Lemos) 20. ANA MARÍA GARCÍA ARIAS ( CPI LUÍS DÍAZ MORENO 21. LUIS GARCÍA GACIO ( IES ILLA DE SARÓN - Xove) 22. YOLANDA DIOS BLANCO ( CPI TINO GRANDÍO - Guntín) 23. MARÍA DEL CARMEN DÍAZ GRANDÍO ( CEE SANTA MARÍA 24. JOSÉ FRANCISCO LÓPEZ NEIRA ( CIFP POLITÉCNICO - Lugo) 25. GLORIA ZULEMA RODRÍGUEZ FERNÁNDEZ ( IES ÁNXEL FOLE 26. BEATRIZ PARDO MILLOR ( CEP LUÍS TOBÍO - Viveiro) 27. MONTSERRAT RECONDO BURGO ( CEIP AS MERCEDES - Lugo) 28. MARÍA TERESA CEÑAL GUTIÉRREZ ( IES FOZ - Foz) 29. RAQUEL CHAPEL GÓMEZ ( CEIP A MERCEDES - Lugo) 30. JOSÉ CASTEDO VILA ( IES GREGORIO FERNÁNDEZ - Sarria)

Defende os teus dereitos! www.ccooensino.net

31. MARÍA BENIGNA CAMPO LÓPEZ (CEIP SAMOS - Samos) 32. IRIA GÓMEZ ÁLVAREZ (IES FRANCISCO DAVIÑA REI - Monforte de Lemos) 33. JOSÉ EMILIO FERNÁNDEZ PARRA (IES MARÍA SARMIENTO - Viveiro) 34. MARTA BERNEDO ÁLVAREZ (CEIP MONTERROSO - Monterroso) 35. VANESSA DE ARRIBA VILLARES (CPI LUÍS DÍAZ MORENO - Baralla) 36. MARÍA TERESA GARCÍA LÓPEZ (CEIP GREGORIO SANZ - Ribadeo) 37. JOSÉ ROMERO PÉREZ (CIFP POLITÉCNICO - Lugo) 38. LUCÍA LÓPEZ SILVA (CEIP VIRXE DA LUZ - Portomarín) 39. JOSÉ PABLO DÍAZ ROA (CPI TINO GRANDÍO - Guntín) 40. ANTONIO LÓPEZ PÉREZ (IES SANTIAGO BASANTA SILVA - Vilalba) 41. MARINA LETICIA VILLAMARÍN DÍAZ (IES LEIRAS PULPEIRO - Lugo) 42. PILAR FERNÁNDEZ ILLÁN (IES NOSA SEÑORA DOS OLLOS GRANDES - Lugo) 43. MARTA BERDEAL ÁLVAREZ (CEIP SAGRADO CORAZÓN - Lugo) 44. JOSÉ ESPINOSA SÁNCHEZ (IES QUIROGA - Quiroga) 45. MARÍA ESTHER RODRÍGUEZ DONO (IES GREGORIO FERNÁNDEZ – Sarria) 46. MARÍA ÉLIDA CORTIÑAS POUSA (IES LEIRAS PULPEIRO - Lugo) 47. JOSÉ LUIS ÁLVAREZ VILA (IES A PINGUELA - Monforte de Lemos) 48. MARÍA ALEJANDRA SOBRIDO JULÍAS (CPI DOUTOR LÓPEZ SUÁREZ - O Saviñao) 49. MARÍA GUADALUPE LEDO PRADO (EPAPU MONTERROSO - Monterroso) 50. VELIA GONZÁLEZ SALGADO (IES DA TERRA CHÁ JOSÉ TRAPERO PARDO - O Castro) 51. ANA COTO CARRERA (IES MONTE CASTELO - Burela) 52. SILVIA ARROYO CUNHA (CPI DOUTOR DANIEL MONJE - Navia de Suarna) 53. CÉSAR LUIS RÍO ALEJOS PITA (CEIP RAMÓN FALCÓN - Castro de Rei) 54. JAIME OROZA CARBALLO (IES VILAR PONTE - Viveiro) 55. Mª TERESA TRIGO SAAVEDRA (CEIP SAN MIGUEL DE REINANTE - Barreiros)

Está nas túas mans.

eleccións sindicais ensino público propostas específicas para as ensinanzas corpo de mestres   

 

     

Recuperación do acordo de xornada de 21 horas lectivas para o profesorado de E. Infantil e Primaria Garantías de non mobilidade forzosa para o profesorado que estea na situación de suprimido e de adecuar os dereitos recoñecidos no acordo de secundaria ao corpo de mestres.

Modificación do Regulamento orgánico e da orde de organización e funcionamento dos centros de infantil e primaria para avanzar, entre outras cuestións, nas reducións horarias por titoría, nos equipos directivos, etc.

Equiparación salarial para o desempeño das responsabilidades pedagóxicas e didácticas coas estruturas de secundaria.

Mellora dos actuais cadros de persoal, que debe centrarse en:  Redución das ratios.  Incremento de postos de traballo, consonte as medidas de atención á diversidade (desdobramentos,agrupamentos flexibles ... ).

As ratios en primaria serán de vinte alumnos; en unidades con alumnado con n.e.a.e. establecerase unha redución.

En educación infantil, o número máximo de alumnos debe ser quince, reducíndose no caso de haber alumnado con n.e.a.e.

En todos os casos se contará na ratio o alumnado repetidor.

Cumprimento do acordo de agrupamentos, homologándose en todo o territorio galego as mesmas ratios nas aulas que escolaricen alumnado de diferentes niveis, na liña do establecido no citado acordo.

Ampliación dos postos de especial dificultade a aquel profesorado que atende alumnado de unidades específicas.

Catalogación de postos de AL e máis de PT en todos os centros de secundaria para ofertar sen restricións no concurso de mestres.  Profesorado de apoio para a atención de poboación inmigrante.  Dotación de recursos didácticos para a educación compensatoria.  Regulación da elección da xornada do centro non condicionada polo transporte escolar.  Catálogo específico para os centros de educación especial,atendendo á súa realidade.  Dotación de coidadores en todos os centros que impartan Educación Infantil.  Asignación de administrativos en todos os centros  Regulación dun complemento retributivo similar ao de perigosidade /penosidade para o profesorado que atende alumnado de centros e unidades específicas de educación Especial.  Regulación específica da escola rural e introdución, con carácter xeral, de formas organizativas desta realidade que transcendan a unitaria:na liña das reivindicacións feitas desde a Mesa do Rural.

Defende os teus dereitos! www.ccooensino.net

corpos de secundaria 

Recuperación da xornada lectiva de 18 horas, que foi ampliada polo RD14/2012 Definición restrictiva de materias afíns.

Modificación do Regulamento Orgánico e da orde de organización e funcionamento dos centros de secundaria.

Diminución das ratios de alumnado : no ensino obrigatorio, ata 20; redución cando existan alumnos con necesidades educativas especiais; en bacharelato, ata 25 alumnos.

Contarase na ratio o alumnado repetidor.

Mentres non se modifiquen as ratios, facer efectivos os desdobramentos sempre que o número total do alumnado por grupo supere os 20 alumnos.

Ampliación dos cadros de persoal, de forma que permitan atender adecuadamente o alumnado, establecendo programas de reforzo, agrupamentos flexibles, desdobramentos…, co obxecto de reducir o fracaso e o abandono escolar.

Redución de tres horas reais para os órganos de coordinación docente.

Proxecto de educación compensatoria. Profesorado de apoio para a atención de poboación inmigrante.

Dotación de recursos didácticos para a educación compensatoria.

Creación dunha segunda praza da especialidade de psicoloxía e pedagoxía nos centros catalogados como A e B. Establecemento de normas que garantan a reciprocidade nos casos de traslado de expedientes de alumnos entre a rede pública e a rede privada concertada.

Catalogación de postos de especial dificultade.

Convocatorias anuais de cátedras, ata acadar o máximo que establece a lei.

 



 



      

educación de adultos 

  

Ordenación e extensión da Rede Pública de Centros de Educación de Persoas Adultas, tendo en conta que todas as cabeceiras de comarca deben cubrir as necesidades da súa zona, tanto no que se refire a o ensino presencial, a distancia e a implantación nestes centros das titorías presenciais para o alumnado matriculado a distancia . Todo elo formando parte dun plan urxente de Actuación en Educación e Formación de persoas adultas para Galicia.

Creación dunha estrutura na Consellería de Educación, con rango de Subdirección Xeral..

Elaboración dunha normativa especifica de Educación Permanente de Adultos que se adecúe á súa realidade tendo en conta a precisa flexibilidade do alumnado e as demandas sociais.

Elaboración dun Regulamento Orgánico especifico de Organización e Funcionamento dos Centros Públicos de Educación de Persoas Adultas.

eleccións sindicais ensino público 



Elaboración dun Deseño Curricular Especifico que conteña unha organización adecuada e adaptada ás necesidades formativas da poboación adulta e ás expectativas reais de progresión académica. Adaptación dos currículos de Bacharelato e Ciclos Formativos de F.P. para os adultos  Os centros de EPA deberan prestar atención á preparación do alumnado que acuda a probas libres de Graduado en ESO e de Bacharelato, ao acceso libre a Ciclos e á universidade para maiores de 25 anos, tanto presenciais como a distancia.  Dotación aos IES e Centros Específicos dos recursos humanos e materiais necesarios para o desenvolvemento da EA.  Homologación retributiva do profesorado de EPA, de forma que os PES cobren o complemento de EPA e os mestres o complemento nivelador da ESO.  Puntuación dos cargos e coordinacións específicas nos Concursos de Traslados.  Compensación horaria e a súa retribución nos casos de difícil desempeño nos centros penitenciarios.

Plan específico e coordinado de formación do profesorado que imparta ensinanzas de adultos.

formación profesional     

    

     

Planificación da oferta de Formación Profesional, para garantir unha ampla oferta pública acorde coa realidade do territorio e que poida satisfacer a demanda existente.

Negociación real previa da implantación de ensinanzas cos axentes sociais Mantemento de oferta formativa con menos de seis alumnos/as nos centros nos que debido a dispersión poboacional, contexto social, económico e xeográfico sexa necesario.

Aplicación dun máximo de 20 alumnos por grupo nos ciclos medios e superiores Supresión da FP Básica. Mentres non se reformule: Redución da ratio de alumnado de FP básica a 15 alumnos por grupo con redución de 1 alumno/a por cada NEE, adecuación dos espazos e equipamentos e inclusión de FOL. Estudo das necesidades e dotación de recursos materiais e humanos nos centros onde se implanten novas ensinanzas.

Planificación de obras de mellora e ampliación, coa dotación orzamentaria suficiente, nos centros onde se implanten novas ensinanzas.

Finalización das obras e dotación de equipamentos previa a implantación de novas ensinanzas.

Estudo das necesidades de renovación e compra de equipos, recursos e todo tipo de inmobilizado ( material e inmaterial con cargo a unha dotación orzamentaria suficiente.

Racionalización dos prazos de matricula de xeito que o curso se inicie unha vez rematados estes. Isto permite a matricula onde se desexe sen interferir no dereito de elección de horarios do profesorado tanto para réxime ordinario como modular.

Adxudicación de destinos do profesorado antes do inicio do prazo de matrícula Negociación das condicións nas que desenvolve o seu labor o profesorado que imparte en FP a distancia Dotación de orientadores con perfil laboral en todos os centros que imparten ciclos de formación profesional.

Negociación dun plan de implantación da FP dual que se adapte á realidade Estudo das condicións das actividades de ensino- aprendizaxe de FP dual, no centro formativo e na empresa para facelas eficaces Negociación das condicións laborais do profesorado que imparte en FP dual.

Defende os teus dereitos! www.ccooensino.net

          

Negociación das condicións laborais do profesorado dos CIFP’s: : horarios, puntuación no CT e pago de postos específicos nestes centros, acceso ás actividades de traballo.

Aumento de persoal nos CIFP’s para poder realizar as accións encomendadas Negociación de horas lectivas mínimas para o desenvolvemento das accións, reunións e cargos do centro.

Incremento do persoal de administración e servizos nos CIFP’s Negociación dos cadros de persoal dos CIFP’s en función das horas de accións (formativas e non formativas).

Uso axeitado do sistema de xestión de calidade como ferramenta de mellora en lugar de ferramenta de fiscalización do labor docente.

Recuperación da xestión democrática nos CIFP , valorizando as decisións do claustro de profesores e profesoras.

Dotación orzamentaria suficiente para as actividades de acreditación de competencias, probas libres, carnés profesionais...organizadas pola Consellería.

Coordinación entre as Consellerías de Cultura e Traballo para a concreción do uso dos orzamentos dos cursos de formación para o emprego.

Creación dun mecanismo que facilite a certificación e orzamento dos cursos de formación interna impartidos e recibidos polo persoal dos centros.

Negociación dun plan de colaboración entre a Consellería e as empresas para o fomento de colaboración entre estas e os centros de FP

ensinanzas de réxime especial escolas oficiais de idiomas         

Deseño dunha rede de centros adecuada, ampliando o número das actuais escolas e favorecendo a creación de extensións nas localidades que non teñan próxima ningunha EOI. Establecemento dun máximo de 18 períodos lectivos Negociación dos cadros de persoal, para dotar as escolas de persoal suficiente e con estabilidade para poder elaborar unha oferta de calidade.

Establecemento nas EOI dos niveis C1 e C2 do MCERL (Marco Común Europeo de Referencia para as Linguas) Estudo e regulamentación doutras modalidades de ensino nas escolas de idiomas, especialmente da modalidade semipresencial.

Ampliación da oferta pública de ensino a distancia, facéndoa extensiva a máis idiomas.

Oferta de cursos monográficos especializados de idiomas planificados polo centro antes de inicio de curso.

Plan de actualización e capacitación do profesorado das EOI para poder abordar as esixencias do MCERL. Mellora da cantidade e calidade da oferta dos centros de formación do profesorado para as escolas de idiomas.  Intensificación da formación en centros, destinando recursos humanos e materiais de calidade.  Afondar na consecución de convenios coas universidades que supoñan:  Unha oferta axeitada ás necesidades específicas do profesorado das EOI, dadas as súas condicións de traballo.  O aumento do número de estadías no estranxeiro e a súa duración.

eleccións sindicais ensino público 









Establecemento de convenios coas universidades en todas as escolas, para que a asistencia a elas compute como créditos na carreira.

Establecemento de criterios obxectivos para a selección do profesorado que realice as probas unificadas para a obtención dos certificados das escolas de idiomas, coa correspondente compensación nas condicións de traballo do profesorado.

Creación dun sistema público de control que regule e vele por que as probas de certificación de todo tipo de centros (públicos e privados) que imparten ensinanzas de idiomas se axusten aos niveis do MCERL. Regulación horaria de forma que posibilite a formación mediante a creación de grupos de traballo e a realización de cursos.

Desenvolver a normativa que permita matricularse no centro de traballo aos docentes noutros idiomas diferentes aos que imparten.

ensinanzas artísticas Profesorado  

   

Homologación das condicións laborais e salariais do profesorado de EE.AA Superiores coas do profesorado universitario.

Revisión e definición do catálogo de especialidades docentes do profesorado de EE.AA. nas disciplinas de Arte Dramático e Profesores de Artes Plásticas e Deseño Convocatoria das prazas do corpo de catedráticos.

Diminución da temporalidade no profesorado que actualmente imparte docencia nas Ensinanzas Artísticas en Galicia.

Regulación do acceso a cátedras de Música e AA.EE nos tres niveis das ensinanzas: elementais, profesionais e superiores.

Establecemento de procedementos de acreditación e venia docendi para o profesorado de danza e outras especialidades en exercicio con títulos de plans anteriores.

Xornada 

 

Regulación da xornada laboral do profesorado, reducindo a carga lectiva para posibilitar as actividades artísticas e investigadoras.

Adecuación da normativa de incompatibilidades á realidade especial das EE.AA. Ofrecer a xornada reducida de carácter voluntario por asuntos propios ou artísticos, co obxecto de favorecer a compatibilidade entre docencia e actividade artística.

Formación 

 

Desenvolver o Mestrado de Profesorado de EE.AA coas súas correspondentes validacións, e que se impartirá nos centros de EE.AA. Fixar medidas para favorecer o acceso do profesorado de EE.AA ao doutoramento.

Plan específico de formación

Defende os teus dereitos! www.ccooensino.net

  

Apoiar a formación permanente do profesorado de EE.AA, estimulando os intercambios internacionais.

Establecer medidas para potenciar a investigación de natureza artística.

Establecer en todas as convocatorias unha cota específica de licenzas por estudos para o profesorado de EE.AA.

Política Educativa    



Fortalecemento da rede de centros para garantir a oferta pública en todo o territorio.

Ampliación da oferta de todas as EE.AA, especialmente nas disciplinas onde non existe.

Fomentar a oferta de bacharelatos artísticos.

Regular procedementos para a acreditación e o recoñecemento de aprendizaxes non formais aos/ás profesionais que acceden a estes estudos dende a experiencia profesional ou dende outros sistemas de formación.

Consolidar e ampliar a oferta pública e gratuíta do ensino elemental, coordinada entre todas as administracións educativas.

Centros 

  

Creación de centros integrados de ensinanzas de música e danza e réxime xeral, para facilitarlle ao alumnado a simultaneidade de ambos os réximes de ensino. Favorecer a súa posta en marcha de forma experimental.

Mellorar e cuantificar os requisitos mínimos para os centros de EE.AA. Dotar os conservatorios profesionais e elementais de departamentos de orientación.

Establecemento de orzamentos e plans para o cumprimento da normativa de prevención, saúde, seguridade e hixiene nos centros de EE.AA.

Ensinanzas Artísticas Superiores 

   

  



Impulso das accións necesarias para a INTEGRACIÓN DAS ENSINANZAS ARTÍSTICAS SUPERIORES NO SISTEMA UNIVERSITARIO GALEGO, ben pola vía da adscrición dos centros, ou ben mediante a adscrición das titulacións.

Recuperación dos títulos de Grao nas Ensinanzas Superiores, solución á problemática actual do alumnado matriculado nestas ensinanzas.

Homologación das condicións laborais e salariais do profesorado de EE.AA Superiores coas do profesorado universitario.

Elaboración dun plan de traballo para a mellora e xestión das EE.AA. Estudo das necesidades das EE.AA, e deseñar un plan de financiamento e investimento para unha incorporación efectiva das EE.AA ao Espazo Europeo de Educación Superior.

Establecemento dun modelo de organización para os centros superiores de EE.AA adecuado ás súas funcións e coa debida autonomía.

Potenciación das bibliotecas nos centros superiores de EE.AA, dotándoas de medios análogos ás universidades en persoal e orzamentos.

Dotación do persoal non docente necesario para o desenvolvemento da actividade académica dos centros superiores de EE.AA coas mellores garantías de calidade.

Creación nos centros superiores de EE.AA de oficinas para a coordinación do programa Erasmus.

eleccións sindicais ensino público

Está nas túas mans.

CCOO-ENSINO

@ccooensino

Defende os teus dereitos!

www.ccooensino.net