Fact Sheets para Sistema Nacional de Justiça do Timor Leste - ONU

December 2014

PROGRAMA BA SISTEMA JUSTISA

Tribunál Movel: Lori Justisa Besik liu Ba Povu PNUD Timor-Leste, Bernardino Soares, 26/06/2014

Maria Angelita, 56, hein hela atu fó sasin no haree tribunál nia lala’ok ba dalahuluk durante sesaun tribunál movel iha Likisá

Kontestu Setór justisa iha Timor-Leste dezenvolve tiha hosi la ezistente to’o funsionál no sustenta-an rasik iha mesak tinan 10 nia laran. Iha tinan 1999 laiha tribunál ka juiz Timor-oan ida, maibé ohin-loron Tribunál Rekursu no Tribunál Distritál haat hala’o operasaun tomak, ho juiz ba tempu-tomak, no Defensoria Públika no Ministériu Públiku iha reprezentasaun iha distritu judisial ida-ida.

Maski nune’e, hanesan haklakan hela tiha iha Planu Estratéjiku ba Setór Justisa ba 2011-2030 (JSSP), asesu ba sistema justisa formál hela nafatin hanesan dezafiu ida. Auzénsia tribunál sira iha distritu sia hosi 13 iha rai-laran, hamutuk ho estrada no transporte públiku ladi’ak sei halo asesu ba justisa susar no ladún prátiku, liuliu iha área rurál sira.

Asesu ba sistema justisa formál mós hasoru impedimentu tanba falta koñesimentu kona-ba instituisaun justisa no lei nasionál sira. Porezemplu, mesak 59% hosi povu sira rona tiha ona konaba tribunál (The Asia Foundation, 2013), no maioria uza deit mekanizmu rezolusaun konflítu lokál no informál.

Bazeia ba kontestu ne’e, projetu justisa movel mak hahú liu hosi Programa ba Sistema Justisa PNUD nian (PSJ) iha tinan 2010.

Programa ida ne’e mak lori instituisaun justisa sira bá distritu sira sai hosi sentru tribunál sira hodi rona kazu sira no fornese estensaun jurídiku, asisténsia no edukasaun.

“Ho tribunál movel ne’e, ami bele fasilita komunidade sira-nia asesu ba justisa, rezolve kazu pendente no hamenus kazu hirak ne’ebé atrazadu iha sistema.” Álvaro Maria Freitas, Juíz Administradór Suai

Asaun

PNUD Timor-Leste, Slava Mysak, 26/06/2013

Inisiativa tribunál movel moris hosi nesesidade no responsabilidade judisiáriu nian atu responde ba dezafiu sira ne’ebé komunidade iha distritu sira dook hosi tribunál distritál haat hasoru atu hetan asesu ba justisa, no dezenvolve liuhosi konsultasaun ho instituisaun justisa sira-hotu. Tribunál movel sira mak identifika tiha liuhosi Governu nu’udar instrumentu ho folin boot ba promosaun asesu ba justisa, no utilizasaun tribunal móvel tama hanesan indikadór ba dezempeñu iha JSSP nia laran. Apoiu ba programa pilotu tribunal movel uluk fornese liuhosi PSJ no Fasilidade Justisa finansiadu hosi Austrália no hosi pilotu nia remata iha tinan 2012, PNUD sai parseiru úniku ho Governu ba inisiativa ida-ne’e.

PSJ ne’e fó asisténsia téknika, lojístika no finanseira ba atór justisa nasionál sira atu hala’o sesaun tribunál movel sira. Uluknana’in, pilotu ne’e foka ba Tribunál Distritál Suai, ne’ebé mak la’o ba distritu Bobonaro, Ainaro no Manufahi hodi hala’o audiénsia, prioritiza hela kazu sira ne’ebé mak pendente kleur liu (baibain tanba sasin sira la disponivel). Kazu sira uluk mak ‘simples’, katak kazu menór ho potensiál pena prizaun mínimu,

Painél juiz-tolu durante audiénsia prosesu penál iha tribunál movel iha Maliana, distritu Bobonaro ne’ebé presiza mesak juiz ida-de’it atu rona kazu.

Maibé ikus númeru juiz inklui iha sesaun hirakne’e aumenta, nune’e fó dalan atu forma painél juiz-3 nian ne’ebé presiza hodi hala’o julgamentu ba kazu todan liu (porezemplu, violasaun seksuál no omisídiu). Justisa movel sai hanesan atividade ke hala’o fulan-fulan no metin iha ajenda judisiáriu iha Suai, no baibain monta tribunál rua ke la’o iha tempu hanesan, ida ho painél juiz no ida singulár, hodi hasa’e efisiénsia. Além de fó dalan ba komunidade sira atu observa sistema justisa nia lala’ok, tribunál movel mós importante

Rezultadu xave sira Kazu 184 mak kaer tiha ona iha sesaun justisa movel sira hosi tinan 2010 to’o 2013. Iha tinan 2014 nia laran de’it, kazu 345 tan mak hala’o, no 59% relasiona ba violénsia bazeia ba jéneru.

Númeru kazu hira ne’ebé prosesa tiha liuhosi

Tribunál Suai sa’e ba dala rua durante tinan balu foin liubá: iha parte ulukliu iha tinan 2014, prosesu 123 remata, kompara ho kazu 93 iha tinan 2013, no kazu 61 ba periódu hanesan iha tinan 2013 nia laran.

Utilizasaun regulár tribunál movel kontribui ba rezultadu ida ne’e.

Maizumenus ema na’in 3.500 mai asiste audiénsia justisa movel sira no sesaun divulgasaun sira ne’ebé mak inklui iha programa.

Hosi tinan 2014 nia klaran, PSJ nia asisténsia ba Justisa Movel mós hahú inklui ona distritu judisiál sira-seluk, no nune’e distritu 13 hotu iha ona sesaun tribunál regulár.

hodi aselera prosesu ba kazu sira. Durante tinan 2014 nia laran, nu’udar resposta ba pedidu hosi Presidente Tribunal Rekursu, justisa movel ne’e mak haboot-haluan hodi inklui Tribunál Distritál sira iha Dili no Baucau ho apoiu hosi PSJ. Ida-ne’e hanesan pasu boot ba oin hodi konsolida no institusionaliza inisiativa Justisa Movel nu’udar mekanizmu importante ida ba efektividade administrasaun justisa, nomós nu’udar meius ida atu fó dalan ba ema sira ne’ebé hela dook hosi tribunál atu hetan asesu ba sistema justisa formál ne’e.

Impaktu Liuhosi tribunál movel, kazu hirak-ne’ebé paradu hela tanba parte involvidu sira laiha kondisaun atu ba sede tribunál hatudu mudansa ona, nune’e aumenta hela efisiénsia no fó tulun atu taka kazu sira ne’ebé pendente hela de’it. Sesaun movel ke la’o ho operasional diak sei fó dalan rona kazu hira ne’ebé normalmente han semana balu atu hala’o iha Tribunál Distritál. Liután, justisa movel sei fó oportunidade ba komunidade lokál sira atu haree prosesu judisiál nia lala’ok, iha buat ne’ebé dalabarak sai momentu kontaktu ba dalahuluk ne’ebé maioria sidadaun Timor-oan sira halo ho administrasaun formál justisa (nu’udar partisipante ka observadór de’it).

Ida-ne’e sei tulun atu hakiak komprensaun no konseptualizasaun di’ak liu kona-ba justisa formál iha populasaun rurál sira-nia leet.

Inisiativa Justisa Movel mós diak hodi aumenta koordenasaun entre atór judisiáriu, no polísia no autoridade lokál. Iha Suai, iha-ne’ebé atividade ne’e la’o baibain no regulár, ida-ne’e hatudu ona katak sai susesu no sustentavel tanba, dalabarak, husi parte tribunál, prokuradór no defensór públiku sira hasoru malu hodi halo planeamentu ba tribunál movel no mós diskute asuntu sira-seluk.

Doadór sira:

Programa ba Sistema Justisa - PNUD Timor-Leste - www.tl.undp.org/JSP