Ehangu Mynediad
YSGOL HAF i ddysgwyr
Campws Llandaf | 16 - 27 Mehefin 2025
Croeso!
Croeso i Ysgol Haf Prifysgol
Metropolitan Caerdydd i ddysgwyr sy'n oedolion mewn cydweithrediad ag Ymestyn yn Ehangach.
Mae'r digwyddiad cyffrous hwn yn eich galluogi i roi cynnig ar amrywiaeth o gyrsiau blasu AM DDIM ar ein campws prifysgol yn Llandaf rhwng 16eg a 27ain o Fehefin 2025.
Yn rhedeg am fwy na 15 mlynedd, mae ein Hysgol Haf wedi adeiladu enw gwych ymhlith cymunedau lleol am y profiadau cyfoethog y mae'n rhoi i ddysgwyr sy'n oedolion. Byddwch yn cael profiad o’n campysau a’n cyfleusterau, yn cymryd rhan mewn cyrsiau blasu diddorol, ac yn cael blas ar fywyd fel myfyriwr prifysgol. Nod y cyrsiau blasu yw datblygu eich sgiliau ac ehangu eich gwybodaeth mewn amgylchedd cefnogol, cyfeillgar a hwyliog. Gall ein sesiynau blasu hefyd arwain at lwybrau at addysg uwch, a all gynnwys llwybrau hirach i gyrsiau achrededig ar gyfer astudio rhaglen radd ym Mhrifysgol Metropolitan Caerdydd. Mae'r ysgol haf eleni yn cael ei chyflwyno i chi gan y tîm Ehangu Mynediad ym Met Caerdydd a gan Ymestyn yn Ehangach.
Tîm Ehangu Mynediad Met
Caerdydd
Nod Ehangu Mynediad yw sicrhau bod pobl o unrhyw gefndir neu grŵp ethnig dros 18 oed yn cael cyfle teg a chyfartal i astudio yma gyda chymorth. Rydym yn gweithio'n agos gyda chymunedau lleol i gynnal amrywiaeth o gyrsiau ar gyfer y rhai nad ydynt wedi cael y cyfle i astudio ar lefel prifysgol o'r blaen.
Tîm Ymestyn yn Ehangach ym
Met Caerdydd
Mae Ymestyn yn Ehangach yn bartneriaeth o brifysgolion, ysgolion a cholegau sy’n gweithio gyda’i gilydd i wella symudedd cymdeithasol drwy ehangu mynediad i bob math o addysg uwch ac yn cael ei ariannu gan MEDR. Mae'r tîm Ymestyn yn Ehangach yn gweithio'n agos iawn gyda'r tîm Mynediad Ehangach yn y brifysgol.
Pwy all fynychu?
Mae ein Hysgol Haf ar agor i bob oedolyn dros 18 oed. Fodd bynnag, rhoddir blaenoriaeth
i ddysgwyr sydd:
- yn byw mewn ardaloedd o amddifadedd lluosog
Sganiwch yma i gofrestru gan ddefnyddio’r ffurflen archebu ar-lein
- ddim wedi cyrchu cyfleoedd Addysg Uwch
- yn hawlio Budd-daliadau’r
Llywodraeth (ac eithrio budd-dal plant)
- ar incwm isel neu’n wynebu ‘tlodi mewn gwaith’
- yn ofalwr llawn amser di-dâl neu’n rhywun sy’n gadael gofal
- wedi cael eu hatgyfeirio gan un o’n sefydliadau partner
Sut ydw i’n cofrestru?
Gallwch gofrestru drwy lenwi’r ffurflen archebu ar-lein sydd ar gael ar ein gwefan: cardiffmet.ac.uk/summerschool Os ydych chi'n cael anawsterau wrth gyrchu'r ffurflen neu angen help i’w chwblhau, cysylltwch â’n
Tîm Ehangu Mynediad a fydd yn barod i’ch cynorthwyo:
029 2020 1563
wideningaccess@cardiffmet.ac.uk
Tudalen
Bŵt-camp Deallusrwydd
Artiffisial (AI) 04
Parti Celf 04
Y Tu Hwnt i Fancio: Cyllid Islamaidd 05
Rhoi hwb i'ch hyder fel dysgwr
ESOL 05
Celfyddydau Creadigol er Lles:
Byrddau Gweledigaeth a Bocsys
Hunanofal 06
Trwsio Dillad mewn ffordd Creadigol 06
Ymwybyddiaeth Dementia:
Canllaw i Deuluoedd a Gofalwyr 07
Datblygu Meddwl Athronyddol 07
Dylunio Digidol 08
Saesneg ar gyfer Siaradwyr
Ieithoedd Eraill 08
Dewch o hyd i’ch Llais Creadigol! 09
Pŵer Blodau: Paentio Acrylig 09
O Dudalen i Lwyfan 10
Garddio gyda Natur 10
Ewch ati i Ysgrifennu’n Greadigol! 11
Dechrau Arni gyda Google 11
Cyflwyniad i Ddatblygiad Plant a Phobl Ifanc 12
Cyflwyniad i Drosedd a Chyfiawnder
Ieuenctid 12
Cyflwyniad i Wyddor Data 13
Cyflwyniad i Iechyd a Gofal
Cymdeithasol 13
Cyflwyniad i Ddylunio Print 14
Cyflwyniad i Wendidau Seicolegol 14
Cyflwyniad i Gymdeithaseg 15
Cyflwyniad i Addysgu
Gwyrdd eich hun 18
Lliw a Steilio Personol 18
ar gyfer IELTS Academaidd 19
Bŵt-camp
Deallusrwydd
Artiffisial (AI)
23 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Deifiwch i fyd AI gyda'r cwrs blasu ymarferol hwn!
Byddwch yn archwilio technolegau AI, yn darganfod offer a fframweithiau blaengar, ac yn dysgu sut mae AI yn siapio diwydiannau heddiw. Darganfyddwch y tueddiadau diweddaraf, a ewch i'r afael â heriau'r byd go iawn, a deifio i mewn i ddadleuon moesegol. P'un a ydych chi'n chwilfrydig am effaith AI neu'n archwilio cyfleoedd gyrfa, mae'r cwrs hwn yn rhoi'r wybodaeth a'r sgiliau i chi lywio byd cyffrous AI.
Mae'r cwrs yn berffaith ar gyfer dechreuwyr a selogion technolegparatowch i ddatgloi pŵer AI!
Parti Celf
19 a 20 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Bydd y cwrs hwn yn eich herio i roi cynnig ar rywbeth newydd, i ymlacio a mwynhau gweithio gyda grŵp cyfeillgar o bobl a gweld beth allwch chi ei greu. Byddwch yn dysgu technegau lliwio, cymysgu /cymhwyso lliwiau, cyfansoddiad, graddfeydd a sgiliau darlunio dychmygus fel rhan o'r broses greadigol. Gan ddefnyddio eitemau bob dydd fel cwyr cannwyll, sbyngau, a choffi byddwch yn arbrofi gyda marciau creadigol ac yn rhyddhau eich creadigrwydd. Ar ôl diwrnod o hwyl, llanast ac arbrofi dan arweiniad, ar yr ail ddiwrnod cewch gyfle i greu darn terfynol ar gynfas i fynd adref gyda chi. Dewch i ymuno yn y Parti Celf, taniwch eich creadigrwydd ac ymgolli yn y profiad o sut deimlad yw bod mewn prifysgol gelf!
Cyfleoedd i ddatblygu ar gael
Y Tu Hwnt i Fancio: Cyllid Islamaidd
18 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Camwch i mewn i ddiwydiant sy'n tyfu'n gyflym ac sy'n ail-lunio'r dirwedd economaidd fyd-eang: Cyllid Islamaidd. P'un a ydych chi'n ddechreuwr chwilfrydig neu'n weithiwr cyllid proffesiynol, bydd y cwrs byr rhyngweithiol hwn yn tanio'ch angerdd ac yn dyfnhau eich dealltwriaeth o'r ddisgyblaeth hynod ddiddorol hon. Byddwch yn dysgu egwyddorion sylfaenol cyllid Islamaidd, sy'n dilyn egwyddorion Sharia, yn gwahardd llog (riba), ac yn hyrwyddo rhannu risg a buddsoddiadau moesegol. Darganfyddwch wahaniaethau allweddol rhwng cyllid confensiynol ac Islamaidd, archwiliwch derminoleg ac offerynnau hanfodol, ac archwiliwch astudiaethau achos sy'n amlygu cymwysiadau moesegol, cymdeithasol ac ymarferol egwyddorion cyllid Islamaidd.
Cyfleoedd i ddatblygu ar gael
Rhoi
hwb i’ch hyder fel dysgwr ESOL
17 Mehefin
10yb-2yp
Cwrs 1 diwrnod
Prifysgol Metropolian Caerdydd, Campws Llandaf
Bydd y cwrs hwyliog a rhyngweithiol hwn yn eich helpu i:
• Deall beth sy'n magu hyder
• Rhoi cynnig ar dasgau a heriau newydd mewn man diogel
• Gweithio mewn grwpiau bach i ymarfer a dysgu gyda'ch gilydd
Trwy weithgareddau, gwaith grŵp, a myfyrio, byddwch yn darganfod:
• Beth sy'n eich helpu i deimlo'n hyderus
• Sut mae cymorth gan eraill yn gwneud gwahaniaeth
• Grym hunangred a meddylfryd cadarnhaol.
Cam wrth gam, byddwch chi'n magu hyder ac yn dysgu sut i gyflawni'ch nodau - wrth gael hwyl a chwrdd â phobl newydd!
Celfyddydau
Creadigol er Lles: Byrddau
Gweledigaeth a Bocsys Hunanofal
16 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Bydd y cwrs hwn yn darparu man diogel i ddechrau archwilio iechyd meddwl a llesiant gyda ffocws ar archwilio nifer o weithgareddau celfyddydau creadigol, gan gynnwys byrddau gweledigaeth a bocsys llesiant/hunanofal y gallwch eu gwneud ar gyfer eich pleser neu eu cwblhau gyda phobl ifanc. Darperir deunyddiau celf i'ch galluogi i archwilio'ch ochr greadigol. Bydd y cwrs hefyd yn annog trafodaeth gefnogol i wella hwyliau a'ch synnwyr o lesiant mewn ffordd hwyliog a deniadol. Fe’ch cyflwynir i werth gweithgareddau creadigol a gallent fod yn gyflwyniad defnyddiol i’r rhai sydd eisiau peth amser ar gyfer hunanofal, ac i’r rhai sy’n gweithio gyda phlant a phobl ifanc.
Cyfleoedd i ddatblygu ar gael
Trwsio Dillad mewn ffordd Creadigol
24 a 25 Mehefin
10yb-2.30yp Cwrs 2 ddiwrnod
Prifysgol Metropolian Caerdydd, Campws Llandaf
Cynyddwch oes eich dillad gan ddefnyddio technegau trwsio creadigol. Ar y diwrnod cyntaf, byddwch yn archwilio ac yn samplu gwahanol ddulliau, yna'n eu rhoi ar waith ar yr ail ddiwrnod. Dysgwch sut i drwsio tyllau, gorchuddio staeniau, byrhau neu gryfhau dillad, neu ychwanegu lliw ac addurniadau. Mae technegau'n cynnwys pwytho â llaw fel gwnïo, brodwaith, kantha, a sashiko, yn ogystal â dulliau peiriant fel appliqué, creithio llawrydd, a brodwaith llawrydd. Darganfyddwch y grefft o roi bywyd newydd i ddillad annwyl.
Cyfleoedd i ddatblygu ar gael
Ymwybyddiaeth
Dementia: Canllaw i Deuluoedd a Gofalwyr
16 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Deall dementia a'i effaith ar yr ymennydd, a archwilio achosion cyffredin, ac adnabod yr arwyddion a’r symptomau.
Dysgwch sut i ddarparu gofal sy'n canolbwyntio ar yr unigolyn, i gefnogi anwyliaid i fyw'n dda gyda dementia, ac i ddarganfod y rôl hanfodol y mae gofalwyr yn eu chwarae. Mae’r cwrs hwn hefyd yn amlygu pwysigrwydd cymunedau sy’n deall dementia ac yn eich cysylltu â rhwydweithiau cymorth. P'un a ydych chi'n aelod teulu, yn ffrind, neu'n ofalwr, mae'r cwrs hwn yn eich grymuso i gynnig gofal tosturiol ac i wneud gwahaniaeth cadarnhaol.
Cyfleoedd i ddatblygu ar gael
Datblygu Meddwl Athronyddol
24 a 25 Mehefin 10yb-2.30yp Cwrs 2 ddiwrnod
Prifysgol Metropolian Caerdydd, Campws Llandaf
Ydych chi eisiau ymuno â grŵp athroniaeth gymunedol? Efallai eich bod am wella eich sgiliau academaidd, neu efallai eich bod am ddatblygu eich gallu i ymwneud â themâu gwleidyddol neu athronyddol mewn llenyddiaeth neu bodlediadau.
Byddwn yn treulio dau ddiwrnod yn defnyddio’r dull ‘cymuned ymholi’ i ddysgu sut i ddod yn fwy dadansoddol yn ein meddwl a’n deialog ag eraill. Byddwn yn cymryd rhai themâu yn ymwneud â chwestiynau mawr bywyd, a gyda’n gilydd byddwn yn ymarfer sut i drafod y pynciau hyn yn athronyddol ac yn llawen. Dim gwybodaeth flaenorol o athroniaeth? Dim problem! Mae croeso i bawb ymuno â’r cwrs byr hwn.
Dylunio
Digidol
23 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Mae'r cwrs rhagarweiniol undydd hwn i ddylunio digidol yn cynnig profiad ymarferol o greu delweddau pert gan ddefnyddio Adobe a meddalwedd dylunio rhad ac am ddim. Byddwch yn dysgu sut i ddefnyddio offer a thechnegau hanfodol i greu poster neu waith celf broffesiynol wrth archwilio egwyddorion dylunio craidd fel cynllun, lliw a theipograffeg. Nid oes angen gwybodaeth flaenorol am feddalwedd dylunio, ond mae sgiliau TG sylfaenol yn angenrheidiol. P'un a oes gennych ddiddordeb mewn dylunio graffeg, celf ddigidol, neu wella'ch prosiectau creadigol, mae'r cwrs hwn yn fan cychwyn perffaith. Datblygwch eich hyder a rhyddhewch eich creadigrwydd mewn amgylchedd cefnogol a dymunol.
Cyfleoedd i ddatblygu ar gael
Saesneg ar gyfer Siaradwyr Ieithoedd Eraill
18 a 19 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Ydych chi’n ceisio dysgu Saesneg fel iaith ychwanegol ond angen arweiniad ar y pethau sylfaenol?
Bydd y cwrs hwn yn ymdrin ag agweddau ar iaith Saesneg sylfaenol o safbwynt ESOL i helpu i roi hwb i'ch dealltwriaeth a'ch hyder wrth ddefnyddio Saesneg. P'un a ydych am ganolbwyntio ar eirfa, siarad a deall, neu gysyniadau mwy cymhleth fel amserau gwahanol, bydd y cwrs hwn yn rhoi'r offer sydd eu hangen arnoch i ddechrau neu wella'ch perthynas â'r Saesneg.
Dod o hyd i’ch Llais Creadigol!
25 a 27 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Cwrs deuddydd trochi sy’n ymdrin â’r hyn y mae ‘Llais Creadigol’ yn ei olygu, ac yn helpu i chwalu'r mythau ynghylch arddull artistig. Darganfyddwch pam a sut mae gennym ni eisoes y profiadau bywyd a'r sgiliau i gael llais creadigol.
Trwy gyfres o ymarferion dan arweiniad, arddangosiadau a thrafodaethau, bydd gennych becyn cymorth a map ffordd i ddatblygu eich llais creadigol yn ystod misoedd yr haf. Erbyn mis Medi, bydd hyd yn oed gennych yr hyder i gofrestru ar gyfer cwrs celfyddydau achrededig ym Met Caerdydd!
Pŵer Blodau: Paentio Acrylig
23 a 24 Mehefin
10yb-2.30yp Cwrs 2 ddiwrnod
Prifysgol Metropolian Caerdydd, Campws Llandaf
Crëwch baentiad acrylig o drefniant blodau bywiog, lluniau a'ch dychymyg!
Dysgwch beth sy'n gwneud paentiad gwych - hanfodion dylunio a byddwn yn ymdrin â chyfuniadau lliwiau pwerus. Darganfyddwch y gwahanol ffyrdd o ddefnyddio paint acrylig, o greu gwydredd i selio cyfryngau cymysg a collage. Erbyn diwedd y cwrs 2 ddiwrnod, byddwch wedi creu paentiad y byddwch yn falch ohono a bydd gennych y sgiliau i drwsio unrhyw beth rydych yn ei baentio!
Cyfleoedd i ddatblygu ar gael
Cyfleoedd i ddatblygu ar gael
O Dudalen i Lwyfan
16 a 17 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Mae’r cwrs blasu ysgrifennu sgriptiau hwn yn rhoi cyfle i ddadansoddi ac arbrofi gyda sgriptiau, tra’n cefnogi myfyrwyr gyda gofynion ysgrifennu ar lefel 3. Mae’r cwrs yn addas ar gyfer unrhyw un sydd am ddod â’u straeon yn fyw trwy:
• Archwilio sut mae ysgrifennu ar gyfer y llwyfan yn unigryw ac yn wahanol i ysgrifennu nofelau (dangos yn hytrach na dweud);
• Gosod yr olygfa a dramateiddio cymeriadau trwy gyfarwyddiadau llwyfan;
• Siapio plot ac is-blot, creu tro a newid safbwyntiau;
• Archwilio beth sy'n gwneud deialog dda;
• Dod â'r cyfan at ei gilydd, drafftio, golygu, fformatio a pherfformio.
Garddio gyda Natur
18 Mehefin
12.30yp-2.30yp Cwrs ½ diwrnod
Prifysgol Metropolian Caerdydd, Campws Llandaf
Mae ein creaduriaid gwyllt dan bwysau, ond mae gan bob gardd y potensial i fod yn noddfa. Yn yr hyfforddiant hwn byddwch yn dysgu:
• Newidiadau syml i ail-ddychmygu eich gardd fel lle i fywyd gwyllt.
• Sut i ddarparu bwyd addas, cysgod, a chysylltiadau diogel rhwng cynefinoedd.
• Sut i ddewis planhigion sy'n dod â harddwch i ni, a manteision i'n ffrindiau gwyllt.
Mae Green Squirrel yn fenter gymdeithasol leol sy'n cynnig cyfleoedd ymarferol, creadigol a chynhwysol i unigolion a chymunedau weithredu ar yr argyfwng hinsawdd ac ecolegol.
Ewch ati i Ysgrifennu’n
Greadigol!
23 a 24 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Dechreuwch eich taith i fyd cyffrous ysgrifennu creadigol gyda'r cwrs byr rhagarweiniol 3 diwrnod hwn. Byddwch yn ymchwilio i’r grefft adrodd straeon trwy ddadansoddi gweithiau cyhoeddedig, archwilio’r hyn sy’n ein swyno, a dadansoddi’r technegau sy’n gwneud i straeon ddod yn fyw. Trwy ddysgu darllen fel awdur, a chael mewnwelediadau o lenyddiaeth, byddwch yn adeiladu ac yn gwella eich sgiliau ysgrifennu. Yna byddwch chi'n plymio'n ddwfn i elfennau sylfaenol ysgrifennu creadigol, fel cymeriad, lleoliad, gwrthdaro a deialog. Yn olaf, gan ddefnyddio eich gwybodaeth adeiledig byddwch yn creu eich ffuglen fflach eich hun, gydag arweiniad gan ein Tiwtor profiadol ar ddrafftio a golygu, a chyngor ar ble i gael ei chyhoeddi.
Dechrau Arni gyda Google
20 Mehefin 10yb-2.30yp Cwrs 1 diwrnod
Prifysgol Metropolian Caerdydd, Campws Llandaf
Mae'r cwrs hwn sy'n addas i ddechreuwyr yn berffaith i'r rhai sydd â phrofiad cyfyngedig o ddefnyddio TG. Byddwch yn dysgu sut i greu cyfrif Google a sefydlu cyfeiriad e-bost, yn ogystal ag archwilio hanfodion Google Sheets a Google Forms. Gan ddefnyddio gliniaduron ac iPads, byddwn yn eich tywys gam wrth gam, gan eich helpu i fagu hyder gyda'r offer digidol defnyddiol hwn. P'un a ydych yn bwriadu trefnu gwybodaeth, creu ffurflenni, neu mynd ar-lein yn unig, mae'r cwrs hwn yn fan cychwyn gwych i ddatblygu sgiliau digidol hanfodol mewn amgylchedd cefnogol.
Cyflwyniad i Ddatblygiad Plant a Phobl Ifanc
19 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Cyflwyniad byr i'r rhai sy'n dymuno datblygu eu dealltwriaeth o dwf a datblygiad plant a phobl ifanc.
Byddwn yn dechrau archwilio rhai safbwyntiau, cysyniadau a syniadau damcaniaethol allweddol, a fydd yn helpu i lywio eich dealltwriaeth o ddatblygiad plant a phobl ifanc.
Mae'r diwrnod blasu wedi'i gynllunio i'ch galluogi i ddatblygu gwybodaeth a sgiliau trwy gyfranogiad gweithredol a myfyrio. Mae'n ddelfrydol os ydych am ddatblygu eich gwybodaeth fel rhiant, gofalwr, neu ymarferwr neu os oes gennych ddiddordeb mewn gyrfa yn gweithio gyda phlant neu bobl ifanc.
Cyfleoedd i ddatblygu ar gael
Cyflwyniad
i Drosedd a Chyfiawnder Ieuenctid
23 Mehefin 10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Cyflwyniad byr i'r rhai sy'n dymuno datblygu eu dealltwriaeth o dwf a datblygiad plant a phobl ifanc. Byddwn yn dechrau archwilio rhai safbwyntiau, cysyniadau a syniadau damcaniaethol allweddol, a fydd yn helpu i lywio eich dealltwriaeth o ddatblygiad plant a phobl ifanc.
Mae'r diwrnod blasu wedi'i gynllunio i'ch galluogi i ddatblygu gwybodaeth a sgiliau trwy gyfranogiad gweithredol a myfyrio. Mae'r cwrs hwyn yn berffaith os ydych am ddatblygu eich gwybodaeth fel rhiant, gofalwr, neu ymarferwr neu os oes gennych ddiddordeb mewn gyrfa'n gweithio gyda phlant neu bobl ifanc.
Cyfleoedd i ddatblygu ar gael
Cyflwyniad i Wyddor Data
25 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Camwch i fyd gwyddor data i ddatgloi pŵer data! Mae'r cwrs hwn yn ymdrin â'r technolegau, modelau ac algorithmau hanfodol sy'n ffurfio gwyddor data mewn i senarios byd go iawn.
Byddwch yn archwilio sut mae dysgu peirianyddol yn gyrru cymwysiadau byd go iawn, o ddata strwythuredig i ddata anstrwythuredig, a neidio i gylch bywyd prosiectau gwyddor data. Gyda ffocws ar sgiliau ymarferol a llwybrau gyrfa, mae'r cwrs hwn yn rhoi'r wybodaeth i chi i roi hwb i'ch taith i fyd cyffrous gwyddor data. Mae'r cwrs yn berffaith ar gyfer dechreuwyr gyda sgiliau TG sy'n awyddus i archwilio'r maes hwn sy'n datblygu'n gyflym!
Cyflwyniad i Iechyd a Gofal Cymdeithasol
23 a 24 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Enillwch sylfaen gadarn mewn iechyd a gofal cymdeithasol, gan archwilio egwyddorion, gwerthoedd a deddfwriaeth allweddol.
Darganfyddwch pwysigrwydd gofal sy'n canolbwyntio ar berson, dulliau gweithredu seiliedig ar hawliau, a chymryd risgiau cadarnhaol wrth wneud penderfyniadau. Dysgwch sgiliau hanfodol fel diogelu, wrth ddeall rôl ymarfer broffesiynol ac iechyd a diogelwch. Mae'r cwrs hwn yn rhoi'r wybodaeth i chi gefnogi llesiant a chael effaith ystyrlon mewn lleoliadau iechyd a gofal cymdeithasol.
Cyfleoedd i ddatblygu ar gael
Cyflwyniad i Ddylunio Print
19 a 20 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Croeso i fyd dylunio print! Mae'r cwrs blasu hwn wedi'i gynllunio i roi cipolwg i chi ar faes hudol dylunio print, proses a ddefnyddir mewn graffeg, tecstilau, darlunio a diwydiannau dylunio mewnol. Nod y cwrs yw meithrin eich hyder wrth wneud penderfyniadau creadigol; trwy aweithgareddau amrywiol lle mae'r cyfranogwyr yn cael eu harwain i ddewis technegau lluniadu, lliwiau a themâu ar gyfer eu dyluniadau. Byddwch yn gadael y cwrs gyda phosteri wedi'u hargraffu gan Riso a bagiau cario wedi'u sgrîn brintio.
Cyflwyniad i Wendidau Seicolegol
26 a 27 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Oes gennych ddiddordeb mewn dysgu mwy am bynciau sy'n gysylltiedig â seicoleg, iechyd a gofal cymdeithasol? Bydd y cwrs deuddydd byr hwn yn archwilio agweddau allweddol ar iechyd meddwl, anhwylderau personoliaeth, camddefnyddio sylweddau a chamfanteisio rhywiol ar blant. Bydd cyfranogwyr yn ennill dealltwriaeth o'r ffactorau sylfaenol sy'n cyfrannu at wendidau seicolegol, eu heffaith ar unigolion, a'r cysylltiadau rhwng materion iechyd meddwl, anhwylderau personoliaeth, a chamddefnyddio sylweddau a sut mae hyn yn cyfrannu at faterion cymdeithasol fel Cam-fanteisio’n Rhywiol ar Blant.
Cyfleoedd i ddatblygu ar gael
Cyfleoedd i ddatblygu ar gael
Cyflwyniad
i Gymdeithaseg
24 a 25 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Ydych chi erioed wedi meddwl pam fod pobl yn ymddwyn fel y maen nhw? Mae cymdeithaseg yn plymio i'r grymoedd sy'n llywio ein bywydau - o ddiwylliant a hunaniaeth i rym ac anghydraddoldeb. Mae'r cwrs hwn yn eich cyflwyno i feddylwyr allweddol, cysyniadau arloesol, a thrafodaethau bywiog sy'n helpu i esbonio'r byd o'n cwmpas. P'un a ydych chi'n newydd i'r pwnc neu'n edrych i ddyfnhau'ch dealltwriaeth, byddwch chi'n cael mewnwelediadau newydd a phersbectifau newydd sy'n herio'r ffordd rydych chi'n gweld cymdeithas - a chi'ch hun.
Cyflwyniad i Addysgu Oedolion
23 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Os ydych am ennill profiad o addysgu oedolion, bydd y cwrs blasu undydd hwn yn eich cyflwyno i'r sgiliau sydd eu hangen i fod yn athro mewn lleoliadau Ôl-16. Byddwch yn gallu archwilio'r ffyrdd y gall cymhelliant personol effeithio ar ddysgu; trafod y ffyrdd y mae oedolion yn dysgu ac ystyried y defnydd o ddulliau addysgu cynhwysol ar gyfer addysgu mewn sector amrywiol. Bydd y cwrs hefyd yn amlinellu’r cyfleoedd posibl ar gyfer addysgu mewn addysg bellach, addysg uwch ac addysg oedolion/cymunedol/carchar.
Cyfleoedd i ddatblygu ar gael
Cyfleoedd i ddatblygu ar gael
Dysgu sut i Ddefnyddio Peiriant
Gwnïo
20 a 27 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Ydych chi eisiau dysgu sut i ddefnyddio peiriant gwnïo? A oes gennych chi beiriant gwnïo mewn bocs yn aros i gael ei ddefnyddio? Neu efallai bod angen arweiniad arnoch gan Diwtor profiadol i'ch helpu i fagu hyder wrth ddefnyddio'r peiriant. P'un a ydych yn ddechreuwr llwyr neu eisoes â phrofiad o ddefnyddio peiriant, y gweithdy hwn yw eich tocyn i lwyddiant gwnïo! Bydd y gweithdy hwn yn archwilio gwahanol swyddogaethau a gosodiadau peiriant gwnïo. Byddwch yn dysgu sut i edafu peiriant gwnïo, rhoi cynnig ar bwythau gwahanol, dysgu pryd i'w defnyddio, a sut i wnïo sêm a hem. Yna gan ddefnyddio'ch sgiliau newydd, byddwch yn creu eich prosiect unigryw eich hun.
Cyfleoedd i ddatblygu ar gael
Dysgu i Ddysgu: Y Seicoleg y tu ôl i Ddysgu
26 Mehefin
10yb-2.30yp Cwrs 1 diwrnod
Prifysgol Metropolian Caerdydd, Campws Llandaf
Mae'r cwrs hwn wedi'i gynllunio i'ch helpu chi i ddarganfod dirgelion sut mae bodau dynol yn dysgu. Gan dynnu ar wybodaeth o ymchwil addysgu a gwyddoniaeth wybyddol, byddwch yn cael rhoi’r mewnwelediadau a’r sgiliau hyn ar waith yn uniongyrchol: gan gwblhau gweithgareddau sy’n dangos sut y gall myfyrwyr a phlant ddysgu’n fwy effeithiol. Bydd y cwrs hwn yn rhoi'r offer i chi ddysgu mewn ffordd fwy effeithiol.
Coginio Gwastraff Isel
18 Mehefin
10yb-12yp
Cwrs ½ diwrnod
Prifysgol Metropolian Caerdydd, Campws Llandaf
Ydych chi angen ychydig o help i fwynhau eich bwyd dros ben? Mae defnyddio’r holl fwyd a brynwn yn arbed arian ac yn brwydro yn erbyn newid yn yr hinsawdd – ond gwyddom y gall fod yn anodd llunio arferion gwastraff is. Bydd y gweithdy ymarferol, hwyliog hwn yn newid sut rydych chi'n meddwl am wastraff bwyd! Byddwch yn gadael yn barod i greu cegin ddiwastraff, o baratoi a chynllunio i siopa a storio. Yn ogystal â deall sut i gadw bwyd yn fwy ffres am gyfnod hwy byddwch yn darganfod sut i ddefnyddio pob sgrap olaf, gan greu ryseitiau, danteithion harddwch, bwyd planhigion a mwy.
Mae Green Squirrel yn fenter gymdeithasol leol sy'n cynnig cyfleoedd ymarferol, creadigol a chynhwysol i unigolion a chymunedau weithredu ar yr argyfwng hinsawdd ac ecolegol.
Gwnewch Fi’n Athro
16 Mehefin 10yb-12yp
17 Mehefin 10yb-12yp
Cwrs ½ diwrnod (2 slot amser ar gael)
Prifysgol Metropolian Caerdydd, Campws Llandaf
Ydych chi wedi ystyried gyrfa ym maes addysgu? Ai addysgu ydy’r yrfa i chi? Ydych chi am wneud gwahaniaeth ond heb y wybodaeth am sut orau i gychwyn ar eich taith addysgu? Lluniwyd y sesiwn hon i ddarparu cipolwg ar fywyd athro yn ogystal a ble i gychwyn ar eich taith addysgu. Mae'r sesiwn hon yn ystyried y llwybrau i mewn i addysgu ac yn rhoi cyfle i chi ofyn cwestiynau i’ch helpu ystyried eich sgiliau chi eich hunain, eich gwybodaeth a’ch profiad i’ch cynorthwyo i gychwyn ar yrfa ym maes addysgu.
Mae’r sesiwn yn un ymlaciol, yn rhyngweithiol ac yn fodd pleserus o ddarganfod rhagor am ddarpar yrfa newydd ar eich cyfer. Cewch drafod a chlywed am rôl addysgu yn y sector cynradd ac uwchradd; ystyried yr hyn sy’n gwneud athro perffaith; nodir hyn sydd ei angen arnoch chi i fod yn llwyddiannus; ac ystyried darpar lwybrau dilyniant ar gyfer astudiaeth bellach. Felly, os ydych am wybod rhagor am addysgu, hon ydy’r sesiwn i chi. Mae’n gyfle gwych i chi gynllunio eich camau gyrfaol nesaf.
Cyfleoedd i ddatblygu ar gael
Gwneud eich
Cynhyrchion Glanhau
Gwyrdd eich hun
19 Mehefin
12.30yp-2.30yp
Cwrs ½ diwrnod
Prifysgol Metropolian Caerdydd, Campws Llandaf
Mae cyfnewid rhai o'n cynhyrchion glanhau am ryseitiau cartref yn lleihau gwastraff, yn helpu i frwydro yn erbyn llygredd aer a dŵr, ac yn arbed arian i ni. Yn yr hyfforddiant hwn byddwch yn…Dysgwch sut i ddewis a chyfuno cynhwysion effeithiol yn gynhyrchion glanhau syml ond pwerus. Dewiswch y rysáit cywir ar gyfer y dasg lanhau gywir i adael eich cartref yn teimlo'n ffres. Sut y gall gwneud eich cynhyrchion fel chwistrell gegin a bomiau toiled arbed arian a gwneud eich cartref yn iachach.
Mae Green Squirrel yn fenter gymdeithasol leol sy'n cynnig cyfleoedd ymarferol, creadigol a chynhwysol i unigolion a chymunedau weithredu ar yr argyfwng hinsawdd ac ecolegol.
Gweithdy Lliw a Steilio Personol
17 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Ymunwch â’r gweithdy undydd hwn i archwilio eich steil personol a darganfod eich lliwiau mwyaf prydferthol. Arbrofwch gyda chyfuniadau ffres a chael awgrymiadau personol i'ch helpu chi i fireinio'ch cwpwrdd dillad. P’un a ydych yn cofleidio cyfnod newydd o fywyd, wedi blino ar brynu dillad nad ydych yn eu caru, neu’n teimlo’n glud o fewn steil, bydd y gweithdy hwn yn eich ysbrydoli i deimlo’n fwy hyderus a chyfforddus yn yr hyn yr ydych yn ei wisgo. Mae'r gweithdy yn berffaith ar gyfer unrhyw un sy'n dymuno adnewyddu eu cwpwrdd dillad a derbyn hwb o ysbrydoliaeth. Dyma'ch cyfle i ailddiffinio'ch steil yn rhwydd ac yn greadigol.
Cyfleoedd i ddatblygu ar gael
Paratoi ar gyfer IELTS Academaidd
23 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Os oes diddordeb gyda chi mewn astudio mewn prifysgol, ond mae’r ffaith nad Saesneg ydy’ch mamiaith yn peri pryder i chi o ran cyrchu cyfleoedd dysgu.
Mae’r sesiwn blasu undydd hwn yn gyfle gwych i unrhyw un yn y sefyllfa hon. Bydd y sesiwn hon yn cynnig ymarferion byr ar gyfer y meysydd craidd canlynol: Siarad, Gwrando, Darllen ac Ysgrifennu. Anogir dysgwyr i fagu hyder drwy gyfranogi mewn amgylchedd diogel a chefnogol ac yna’n cael eu cyfeirio at ddarpar gyfleoedd dysgu. Mae’r cwrs hwn yn rhagarweiniad i gwrs llawn Paratoi ar gyfer IELTS Academaidd Ehangu Mynediad.
Cyfleoedd i ddatblygu ar gael
Cychwyn eich Menter eich Hun
17 Mehefin
10yb-2.30yp Cwrs 1 diwrnod
Prifysgol Metropolian Caerdydd, Campws Llandaf
Mae’r cwrs un diwrnod hwn yn cynnig cyflwyniad deinamig i ddarpar entrepreneuriaid a pherchnogion busnes. Byddwch yn derbyn gwybodaeth, datblygu'r hyder ac ennill sgiliau i lansio neu wella menter ficro, fach, ganolig neu gymdeithasol.
Erbyn diwedd y cwrs, byddwch yn asesu eich potensial entrepreneuraidd, yn archwilio cymhellion a risgiau, ac yn deall y camau i ddechrau busnes. Byddwch yn dysgu am fathau o gwmnïau, gofynion cyfreithiol, opsiynau ariannu, a strategaethau ar gyfer marchnata, gwerthu a chyfryngau cymdeithasol. P'un a ydych yn dechrau o'r newydd neu'n gwella menter sy'n bodoli eisoes, mae'r cwrs hwn yn eich paratoi ar gyfer llwyddiant busnes.
Tai Chi i Ddechreuwyr
26 Mehefin
10yb-12yp
Cwrs ½ diwrnod
Prifysgol Metropolian Caerdydd, Campws Llandaf
Mae'r cwrs hwn yn eich cyflwyno i arferion tawelu Tai Chi, gan ganolbwyntio ar ymlacio, ymwybyddiaeth a symudiad ysgafn, a addysgir gan hyfforddwr Tai Chi ardystiedig. Dysgwch egwyddorion sylfaenol fel ystum, cydbwysedd a thechnegau anadlu, wrth archwilio llif a rhythm Tai Chi. Drwy gyfarwyddiadau hawdd eu dilyn, byddwch yn ymarfer symudiadau sylfaenol ac yn profi manteision cysylltiad rhwng y meddwl a’r corff. Rhoddir pwyslais ar alinio, pontio araf, a chynnal cydbwysedd. Daw'r sesiwn i ben gydag oedfa ymlaciol, gan gynnwys ymestyn ysgafn ac ymarfer ymwybyddiaeth ofalgar dan arweiniad. Perffaith ar gyfer y rhai sy'n ceisio gwell cydbwysedd, hyblygrwydd a heddwch mewnol.
Cymryd Rheolaeth o’ch Cyllid
17 a 18 Mehefin
10yb-12.30yp Cwrs 2 ddiwrnod
Prifysgol Metropolian Caerdydd, Campws Llandaf
Mae dechrau cymryd rheolaeth ar eich arian yn gam pwerus tuag at wella eich bywyd a bywyd eich teulu. P’un a yw meddwl am roi trefn ar eich arian personol yn eich llenwi ag arswyd neu lawenydd, bydd y cwrs byr rhyngweithiol hwn yn rhoi’r hyder ichi ddechrau rheoli’ch arian yn well. Gan ddefnyddio senarios ac enghreifftiau o fywyd go iawn byddwch yn deall eich gwerthoedd a'ch credoau personol eich hun am arian, credyd a risg. Trwy offer ar-lein a chyfrifianellau, byddwch yn archwilio cyllidebu, cynilo, buddsoddi a benthyca a darganfod pwysigrwydd sgorau credyd a pham mae angen i chi reoli eich un chi yn ofalus.
Plant yn
eu Harddegau:
Cyflwyniad i Ddatblygiad Pobl Ifanc
16 Mehefin
10yb-2.30yp
Cwrs 1 diwrnod
Prifysgol Metropolian Caerdydd, Campws Llandaf
Bydd y cwrs blasu hwn yn rhoi cipolwg ar weithio gyda phobl ifanc yn eu harddegau. Gan ddefnyddio dulliau addysgu hwyliog a rhyngweithiol, byddwn yn archwilio sgiliau cyfathrebu effeithiol ac yn dechrau meddwl am y newidiadau y mae pobl ifanc yn eu profi a all effeithio ar berthynas oedolion â nhw.Mae’r cwrs hwn yn addas ar gyfer unrhyw un sydd â diddordeb mewn gweithio gyda phobl ifanc rhwng 11-25 oed, o ysgolion a darparwyr addysg i gyfiawnder ieuenctid a charchardai.
Cyfleoedd i ddatblygu ar gael
Profiad Iechyd yr Amgylchedd: Chwilio am Beryglon, Ein Cadw’n Ddiogel
18 a 19 Mehefin 10yb-2.30yp Cwrs 2 ddiwrnod
Prifysgol Metropolian Caerdydd, Campws Llandaf
Camwch i esgidiau gweithiwr proffesiynol iechyd yr amgylchedd. Dros ddau ddiwrnod, byddwch chi'n dilyn bywydau trigolion yn y drefallwch chi eu helpu i aros yn ddiogel?
Byddwch yn mynd i'r afael â materion byd go iawn fel:
• Peryglon Tai
• Llygredd Amgylcheddol
• Diogelwch yn y Gweithle
• Diogelwch Bwyd
• Iechyd Cyhoeddus.
Trwy weithgareddau grŵp ymarferol a thasgau datrys problemau, byddwch yn dysgu sut i amddiffyn cymunedau a chadw pobl yn iach. A fydd eich trigolion yn ei gwneud hi drwy'r diwrnodau'n ddianaf? Mae hynny i fyny i chi!
Ôl-Wirionedd yr
Apocalyps: Deall
Gwleidyddiaeth a Chysylltiadau
Rhyngwladol
18 a 19 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Yn y byd o gynnwrf gwleidyddol a heriau byd-eang, mae deall sut mae llywodraethau’n gweithredu a chysylltiadau rhyngwladol yn llywio ein bywydau yn hollbwysig. Mae’r cwrs deuddydd hwn yn cynnig cyflwyniad i gysyniadau gwleidyddol allweddol, sefydliadau byd-eang, a materion cyfoes. Trwy ddarlithoedd, trafodaethau, ac astudiaethau achos, byddwch yn archwilio pynciau fel democratiaeth yn erbyn awdurdodyddiaeth, rôl y cyfryngau mewn gwleidyddiaeth, newidiadau pŵer byd-eang, a bygythiadau diogelwch. Nid oes angen gwybodaeth flaenorol arnoch - dim ond chwilfrydedd ac awydd i ddeall y grymoedd sy'n llywio ein byd.
Deall Iechyd Meddwl a Llesiant Plant a Pobl Ifanc
17 a 18 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Bydd y cwrs byr hwn yn rhoi syniad i chi o iechyd meddwl a llesiant gyda ffocws ar blant a phobl ifanc. Bydd y cwrs yn ystyried y gwahaniaethau rhwng iechyd meddwl a llesiant, ystyried y sialensiau sy’n effeithio ar ein hiechyd meddwl/llesiant ac ystyried strategaethau i gefnogi/ cyfeirio a gwella iechyd meddwl/ llesiant. Mae’r cwrs hwn yn rhagarweiniad da i’r rhai hynny sy’n gweithio gyda neu gofalu am blant a phobl ifanc adre, yn yr ysgol neu yn y gymuned. Gallai ysgogi diddordeb i symud ymlaen i gyrsiau cymunedol Plant a Phlentyndod yn y Blynyddoedd Cynnar a Seicoleg, cyrsiau a achredir gan Ehangu Mynediad.
Cyfleoedd i ddatblygu ar gael
Ysgrifennu Stori Afaelgar
26 a 27 Mehefin
10yb-2.30yp
Cwrs 2 ddiwrnod
Prifysgol Metropolian Caerdydd, Campws Llandaf
Ysgrifennu Stori Afaelgar yw eich cyfle i dreiddio i fyd eich dychymyg, i chwarae gyda geiriau a mynegi eich hun, gan greu naratifau, ffaith a ffuglen, a rhywbeth yn y canol. Mae’r cwrs blasu hwn yn cyfuno elfennau o ysgrifennu stori fer, byddwch yn archwilio sut i greu a chyfleu eich syniadau’n effeithiol, gan ddefnyddio ymarferion ysgrifennu mewn grwpiau dan arweiniad a’ch dychymyg. Yn addas ar gyfer pob lefel o allu, dewch â meddwl agored, p’un a ydych chi am greu stori sydd â diwedd hapus neu un â thro yn y gynffon... dewch i ymuno â ni ac i ymuno yn yr hwyl, i arbrofi gyda ffyrdd o adrodd straeon ac ysgrifennu creadigol fel rhan o grŵp hamddenol a chynhwysol. Y Diwedd!
Cynhyrchion Gofal Corff Ddiwastraff
19 Mehefin 10yb-12yp Cwrs ½ diwrnod
Prifysgol Metropolian Caerdydd, Campws Llandaf
Ffarwelio â phecynnu plastig a chynhwysion dirgel, na ellir eu ynganu! Yn yr hyfforddiant hwn byddwch yn dysgu sut i wneud eich cynhyrchion gofal corff ysgafn ac effeithiol eich hun, gan gynnwys diaroglydd naturiol, ryseitiau gofal croen, a danteithion maldod. Byddwch yn gadael yn teimlo'n barod i fod yn greadigol a lleihau gwastraff trwy wneud cynhyrchion o gynhwysion cyffredin a hyd yn oed sbarion cegin, gan arbed arian a'ch helpu i deimlo'n dda am y pethau rydych chi'n eu rhoi ar eich corff.
Mae Green Squirrel yn fenter gymdeithasol leol sy'n cynnig cyfleoedd ymarferol, creadigol a chynhwysol i unigolion a chymunedau weithredu ar yr argyfwng hinsawdd ac ecolegol.
Cynlluniwr Cyrsiau Defnyddiol
Defnyddiwchyr amserlen isod i gynllunio pa gyrsiau rydych am eu mynychu! Mae croeso i chi archebu lle ar gynifer o gyrsiau ag y dymunwch, ond byddwch yn ofalus i beidio ag archebu 2 gwrs sy’n rhedeg ar yr un pryd. Mae’r rhan fwyaf o gyrsiau'n dechrau am 10yb ac yn gorffen erbyn 2.30yp oni nodir yn wahanol.
YSGOL HAF 2025 WYTHNOS UN Llun 16
Celfyddydau Creadigol er Lles: Byrddau Gweledigaeth a Bocsys Hunanofal
Ymwybyddiaeth Dementia: Canllaw i Deuluoedd a Gofalwyr
O Dudalen i Lwyfan
Gwnewch Fi’n Athro
Plant yn eu Harddegau:
Cyflwyniad i Ddatblygiad Pobl Ifanc
Rhowch hwb i'ch hyder fel dysgwr ESOL
Gweithdy Lliw a Steilio Personol
Cychwyn eich Menter eich Hun
Cymryd Rheolaeth o’ch Cyllid
Deall Iechyd Meddwl a Llesiant Plant a Phobl Ifanc
Y Tu Hwnt i Fancio: Cyllid Islamaidd
Saesneg ar gyfer Siaradwyr Ieithoedd Eraill
Garddio gyda Natur
Coginio Gwastraff Isel
Profiad Iechyd yr Amgylchedd: Chwilio am Beryglon, Ein Cadw’n Ddiogel
Ôl-Wirionedd yr Apocalyps: Deall Gwleidyddiaeth a Chysylltiadau Rhyngwladol
Parti Celf
Cyflwyniad i Ddatblygiad Plant a Phobl Ifanc
Cyflwyniad i Ddylunio Print
Cynhyrchion Gofal Corff Ddiwastraff
Gwneud eich Cynhyrchion Glanhau Gwyrdd eich hun
Dechrau Arni gyda Google
Dysgu sut i Ddefnyddio Peiriant Gwnïo
17
Bŵt-camp Deallusrwydd Artiffisial (AI)
Dylunio Digidol
Pŵer Blodau: Paentio Acrylig
Ewch ati i Ysgrifennu'n Greadigol!
Cyflwyniad i Drosedd a Chyfiawnder Ieuenctid
Cyflwyniad i Iechyd a Gofal Cymdeithasol
Cyflwyniad i Addysgu Oedolion
Paratoi ar gyfer IELTS Academaidd
Trwsio Dillad mewn ffordd Creadigol
Datblygu Meddwl Athronyddol
Cyflwyniad i Gymdeithaseg
Dod o hyd i'ch Llais Creadigol!
Cyflwyniad i Wyddor Data
Cyflwyniad i Wendidau Seicolegol
Tai Chi i Ddechreuwyr
Ysgrifennu Stori Afaelgar
Dysgu i Ddysgu: Y Seicoleg y tu ôl i Ddysgu
Dysgu sut i Ddefnyddio Peiriant Gwnïo
Beth yw barn dysgwyr am yr Ysgol Haf?
“Fyddwn i ddim wedi meddwl am fynd a fy addysg ymhellach. Mae'r cwrs hwn wedi rhoi'r ysbrydoliaeth honno i mi fynd amdani.”
Ifeoma, Dysgwr yr Ysgol Haf
“Mwynheais yr awyrgylch hamddenol a chroesawgar, y tiwtor rhagorol a chymwynasgar yn rhedeg y cwrs, a chwrdd ag eraill gyda syniadau ac awgrymiadau.”*
Mae 99% o’r dysgwyr a fynychodd ein Hysgol Haf o’r farn bod y profiad yn ardderchog neu’n dda.*
Dywedodd 98% o’r dysgwyr a fynychodd ein Hysgol Haf fod y cyrsiau ‘wedi gwneud gwahaniaeth’*
*Adborth gan ddysgwyr 2023/24
Cynllunio eich diwrnod
9.30yb - 10.00yb
Cofrestru’n agor.
10.00yb - 2.30yp
Eich cwrs blasu! Sylwch fod rhai o’r cyrsiau blasu yn rhedeg ar amserau gwahanol- mae'r amseroedd hyn wedi'u rhestru ar dudalennau'r cyrsiau unigol.
12.00 - 1.00yp
Egwyl am ginio a Chymorth Dysgu
Galw Heibio: eich cyfle i siarad ag aelodau o'n timau Gwasanaethau
Myfyrwyr, Cyngor Ariannol a Derbyniadau i gael cyngor ac arweiniad ar astudio ym Met Caerdydd.
2.30 – 2.50yp
Y Camau Nesaf ar ôl yr Ysgol Haf: trafodaeth fer llawn gwybodaeth am ba gyfleoedd dysgu eraill sydd ar gael ar ôl yr Ysgol Haf.
Bydd ein Tiwtoriaid Ehangu Mynediad a Llysgenhadon Myfyrwyr o gwmpas drwy'r dydd i'ch arwain a'ch helpu trwy'ch diwrnod. Nid oes angen i chi ddod ag unrhyw beth penodol ar gyfer eich cwrs. Byddwn yn darparu pinnau ysgrifennu a phapur, a bydd eich Tiwtor yn darparu unrhyw adnoddau y gallai fod eu hangen arnoch ar gyfer y cwrs.
Bob amser cinio bydd gennym wybodaeth a staff ar gael yn Ysgol Reoli Caerdydd fel y gallwch ddarganfod mwy am astudiaethau pellach yn y gymuned neu gael y cyfle i ofyn unrhyw gwestiynau am eich taith dysgu. Edrychwn ymlaen at eich gweld – nid oes angen apwyntiad, galwch
Sut
gall Ehangu Mynediad gefnogi
eich dilyniant i Addysg Uwch?
Gallai mynychu cwrs Ysgol Haf fod yn gam cyntaf ar eich taith i addysg uwch. Mae Ehangu Mynediad yn cynnig cyrsiau blasu ac achrededig yn y gymuned, gan ddarparu ffordd gefnogol a hyblyg i archwilio pynciau a datblygu hyder. Mae'r cyrsiau yn helpu i ddatblygu sgiliau hanfodol a chreu llwybrau clir i'r brifysgol.
Fel oedolyn sy’n dysgu, efallai eich bod yn poeni am ymuno â’r brifysgol oherwydd sgiliau academaidd, ymrwymiadau amser, neu deimlo allan o le. Mae ein cyrsiau'n lleddfu'r pryderon hyn trwy gynnig amgylchedd croesawgar lle gallwch chi ennill profiad a darganfod eich potensial. Trwy ein rhaglen Cymuned i Gampws, gallech symud ymlaen i'r brifysgol a hyd yn oed graddio gyda gradd.
Cwrs blasu Ehangu Mynediad
Cyrsiau achrededig Ehangu Mynediad (Lefel 3; 10 credyd prifysgol)
Blwyddyn sylfaen Met Caerdydd
Gradd israddedig Met Caerdydd
I gael gwybodaeth am ba gyrsiau sydd â llwybrau dilyniant i'r brifysgol, chwiliwch am y symbol HET GRADDIO ar wybodaeth y cwrs.
Mae manylion llawn y cyrsiau sydd ar gael ar ein gwefan: www.cardiffmet.ac.uk/ wideningaccess
Sganiwch yma i gofrestru ar gyfer ein Rhestr
Bostio Ehangu Mynediad i gael cylchlythyrau misol am gyrsiau rhad ac am ddim sy'n rhedeg yn eich cymuned.
Stori Harriet
Mae llawer o'n dysgwyr yn defnyddio cyrsiau Ehangu
Mynediad fel llwybr i ennill gradd a dechrau gyrfa newydd. Mae Harriet yn un ohonyn nhw. Dechreuodd wirfoddoli i Gymdeithas Tai Cadwyn, a chafodd ei hannog i gofrestru ar gwrs a allai arwain at gyfleoedd cyflogaeth. Ar ôl cwblhau’r cwrs achrededig Ehangu Mynediad
Cymunedau ac Iechyd, cwblhaodd Harriet y radd Sylfaen sy’n arwain at radd BA/BSc yn y Gwyddorau
Cymdeithasol a graddiodd dair blynedd yn ddiweddarach gyda gradd tai o Met Caerdydd.
“Mae mynd yn ôl i addysg wedi bod mor werth chweil a dangosodd i mi nad oes rhaid i ddysgu ddod i ben yn yr ysgol. Mae cwblhau cwrs
Ehangu Mynediad yn ffordd wych o benderfynu a yw addysg yn addas i chi. Mae'n rhad ac am ddim, felly ni fyddwch yn colli unrhyw beth ond efallai y byddwch yn elwa'n fawr ohono, fel y gwnes i. Y cwrs
Ehangu Mynediad oedd y garreg gamu ymlaen sydd wedi fy ngalluogi i gyflawni fy ngradd a chyflogaeth llawn amser mewn diwydiant rwy'n ei garu”
Harriet, dysgwr Ehangu Mynediad
Mae Ymestyn yn Ehangach yn bartneriaeth o brifysgolion, ysgolion a cholegau sy’n cydweithio i wella symudedd cymdeithasol drwy ehangu mynediad i bob math o addysg uwch.
Mae’r rhaglen genedlaethol hon, a ariennir gan MEDR i gynyddu cyfranogiad addysg uwch o blith grwpiau a dangynrychiolir drwy godi dyheadau a sgiliau addysgol, a chreu cyfleoedd astudio arloesol a llwybrau dysgu i addysg uwch.
Mae’r tîm Ymestyn yn Ehangach sydd wedi’i leoli ym Mhrifysgol
Metropolitan Caerdydd yn gweithio’n agos iawn gyda’r tîm Ehangu
Mynediad a chydag awdurdodau lleol, cyflogwyr, ysgolion a sefydliadau trydydd sector i wella canlyniadau addysg ein dysgwyr.
Rydym yn cyflawni nodau Ymgestyn yn Ehangach trwy gyfres o raglenni i nifer o gynulleidfaoedd gan gynnwys oedolion i gefnogi cynyddu cyrhaeddiad, cynyddu ymwybyddiaeth a darparu cymorth ar gyfer symud ymlaen i addysg uwch a chyfleoedd dysgu lefel 4.
Mae’r rhaglen Dysgu Oedolion
Ymestyn yn Ehangach yn bodoli i godi dyheadau addysgol oedolion un ar hugain oed a throsodd heb unrhyw gymwysterau lefel pedwar cydnabyddedig yn y DU o ardaloedd
MALlC40 ar draws De-ddwyrain Cymru. Wedi’i dylunio o amgylch anghenion ein dysgwyr, mae’r rhaglen yn gynnig cyfannol mewn dwy ran: ‘Future Me’ a ‘Pathways'.
Nod Future Me yw helpu dysgwyr i ddatblygu'r gallu i wneud dewisiadau gwybodus, datblygu'r sgiliau, y wybodaeth a'r hyder sydd eu hangen i lwyddo mewn addysg uwch. Pathways yw ein cyfres o gyrsiau anachrededig pwnc-benodol sy’n cynnig cyfle i ddysgwyr archwilio gwahanol bynciau a llwybrau dilyniant yn eu maes o ddiddordeb.
Rydym wrth ein bodd bod yr ysgol haf yn rhan o’n Pathways sy’n cynnig gweithdai a chyrsiau creadigol sy’n benodol i bwnc, gan alluogi myfyrwyr i gael profiad uniongyrchol o’r brifysgol.
‘Mae’r cwrs wedi cael effaith gadarnhaol ar fy nyfodol. Sylweddolais y gallwn fwynhau dysgu. Fe gyfoethogodd fy narllen a fy ysgrifennu, a darganfyddais y gall dysgu fod yn hwyl’ Cyfranogwr
Trwy’r ysgol haf, mentrau allgymorth Ymestyn yn Ehangach, gweithgareddau eraill ar y campws a rhaglen fentora, rydym yn grymuso dysgwyr i archwilio llwybrau addysg uwch, eu potensial, chwalu'r rhwystrau, a gwneud penderfyniadau gwybodus am eu dyfodol.
Cwestiynau Cyffredin
All unrhyw un fynychu cwrs
Ysgol Haf?
Gall pob oedolyn dros 18 oed wneud cais ond rhoddir blaenoriaeth i’r grwpiau hynny o ddysgwyr a restrir tu fewn i glawr y llyfryn hwn.
Faint fydd fy nghwrs Ehangu
Mynediad yn yr Ysgol Haf yn ei gostio?
Mae holl gyrsiau Ehangu Mynediad ein Hysgol Haf am ddim.
A oes angen unrhyw gymhwyster arnaf i fynychu Ysgol Haf?
Nid oes angen unrhyw gymwysterau i fynychu cyrsiau’r Ysgol Haf.
Ffurflen
Oes angen i mi archebu lle?
Rhaid i chi
archebu lle ar y cwrs y dymunwch ei fynychu gan ddefnyddio’r ffurflen ar-lein, sganiwch yma i’w chyrchu neu deipiwch www.cardiffmet.ac.uk /summerschool i mewn i’ch porwr. Os na fyddwch wedi derbyn ymateb o fewn 7 diwrnod, gwiriwch nad ydy eich ebost cadarnhau ddim yn y ffolder ‘Spam’ neu ‘Junk’. Os ydych yn cael anhawster gyda'r ffurflen, ffoniwch y tîm Ehangu Mynediad ar 02920 201563 a gallwn ni eich helpu ymhellach. Peidiwch â mynychu sesiwn heb archeb a chadarnhad ymlaen llaw.
A alla i archebu lle ar fwy nag un cwrs?
Gallwch fynychu mwy nag un cwrs. Gwiriwch ein taflen ‘Cynlluniwr’ ar dudalen 15 er mwyn sicrhau nad ydy’r cyrsiau y dymunwch eu mynychu yn cael eu cynnal ar yr un pryd. Ni fydd yn bosibl i chi fynychu mwy nag un cwrs ar yr un diwrnod.
Beth os ydw i wedi archebu lle ond heb fod yn gallu mynychu nawr?
Mae lleoedd ar gyrsiau ein Hysgol Haf yn brin. Felly, os ydych wedi neilltuo lle, ond bellach ddim yn gallu mynychu, rhowch wybod i ni. Yn aml, bydd gennym restr aros o bobl sydd am ddod a thrwy ein hysbysu ymlaen llaw na allwch fynychu, gallwn gynnig lle iddyn nhw.
Cyfarwyddiad au i Gampws Llandaf
Ble a phryd y cynhelir y cyrsiau?
Bydd pob diwrnod yn dechrau tua 9.50yb ac yn gorffen am 2.30yp (oni nodir yn wahanol) a bydd ar ein Campws Llandaf. Am ragor o wybodaeth a chyfarwyddiadau edrychwch ar ein gwefan: www.cardiffmet.ac.uk/llandaff
Alla i barcio ar y campws?
Mae lleoedd parcio ar y campws yn gyfyngedig felly os yw'n bosibl dod trwy Drafnidiaeth Gyhoeddus, byddem yn argymell gwneud hynny. Mae Met Caerdydd yn gweithredu system barcio talu ac arddangos, sy’n costio £1 am hanner diwrnod a £2 am ddiwrnod cyfan o barcio. Os ydych yn bwriadu parcio ar y campws, bydd angen i chi fynd i mewn i’r brif fynedfa a throi i'r dde i mewn i'r maes parcio i westeion a mannau i ymwelwyr. Ewch i’r brif dderbynfa i gofrestru eich car.
Yna gallwch dalu am barcio a bydd staff y dderbynfa yn eich cyfeirio at y lleoedd sydd ar gael. Bydd Llysgennad Myfyrwyr ar gael yn y dderbynfa i roi unrhyw gymorth sydd ei angen arnoch.
I ble ydw i’n mynd ar y bore cyntaf?
Ewch i’r Brif Dderbynfa ar flaen y campws ar gyfer cychwyn y cwrs. Bydd ein Llysgenhadon Myfyrwyr yno i’ch croesawu, i’ch cofrestru ac i fynd â chi i adeilad Ysgol Reoli Caerdydd lle cynhelir pob dosbarth. Byddan nhw hefyd ar gael i ateb unrhyw ymholiadau sydd gennych am eich cwrs neu am gyfleusterau’r Brifysgol.
Beth os nad ydw i wedi astudio ers peth amser?
Ni ddisgwylir bod gennych unrhyw wybodaeth flaenorol am y pwnc. Lluniwyd y cyrsiau ar gyfer pobl sydd wedi bod allan o addysg ers tro. Bydd tiwtoriaid profiadol yn eich helpu i ddatblygu’ch ssgiliau ac ehangu’ch
gwybodaeth mewn amgylchedd cefnogol, cyfeillgar a hwyliog. Nod y cyrsiau hyn ydy rhoi blas i chi o sut beth fyddai astudio yn y brifysgol.
A ddarperir cinio?
Ni ddarperir lluniaeth fel rhan o’n cyrsiau. Fodd bynnag, mae rhai cyfleusterau arlwyo ar gael ar y campws lle gallwch brynu diodydd a bwydydd oer. Sylwer ein bod yn gweithredu campws di-arian-parod.
Dim ond un o ddyddiau’r cwrs gallaf i ei fynychu. Ydy hi’n dal yn bosibl i mi ddod?
Ni chewch fynychu os na allwch fynychu pob diwrnod o'r cwrs. Yn aml, mae ein cyrsiau yn adeiladu ar y gwaith a wnaed ar y diwrnod blaenorol ac mae’n tarfu ar waith y tiwtor a dysgwyr eraill os mai dim ond rhan o'r cwrs y gallwch eu fynychu.
Telerau ac Amodau
Ymddygiad
Disgwylir i chi, bob amser, i ymddwyn mewn modd rhesymol a threfnus, gan dalu'r sylw dyladwy i bobl eraill ac i eiddo Met
Caerdydd fel yr amlinellir yng Nghod Ymddygiad Myfyrwyr.
Cofrestru
Mae gofyn i bob myfyriwr cofrestru cyn iddyn nhw gychwyn ar eu rhaglen astudiaeth. Dydy ymrestru ddim yn uned gyflawn tan: - i ffurflen gofrestru Prifysgol Metropolitan Caerdydd gael ei chwblhau’n foddhaol. - i unrhyw weithdrefnau gweinyddol eraill gael eu cyflawni.
Ni chaiff unrhyw fyfyriwr sydd ag ymrwymiadau ariannol dyledus i Brifysgol Metropolitan Caerdydd gofrestru.
Telerau ac Amodau
Rhaid i fyfyrwyr gydymffurfio â rheoliadau
Met Caerdydd, a cheir y manylion ar wefan Prifysgol Metropolitan Caerdydd.
Rhaid riportio unrhyw niwed neu ddifrod i eiddo Met Caerdydd ar unwaith i aelod o'r staff. Efallai bydd gofyn i fyfyrwyr dalu am y colledion ar gyfer Dysgwyr sy'n Oedolion neu am ddifrod i unrhyw lyfr, cyfarpar neu offer yn eu gofal.
Dydy Met Caerdydd ddim yn gyfrifol am golli eiddo personol neu ei ddifrodi ac os digwydd i gyfrwng digidol gael ei ddychwelyd fel eiddo coll, mae Met Caerdydd yn cadw’r hawl i roi’r ddyfais yn ôl i’w wir berchennog.
Mae Met Caerdydd yn cadw’r hawl i ganslo, gohirio neu addasu unrhyw raglen petai amgylchiadau yn gofyn am hynny.
Data
Caiff unrhyw wybodaeth a ddarparwyd gennych ar y ffurflen ymrestru hon ei thrin yn unol ag egwyddorion Diogelu Data, yn unol â gofynion Rheoliadau Cyffredinol ar Ddiogelu Data y DU (GDPR). Efallai byddwn yn rhannu’ch data gyda sefydliadau partner at ddibenion gweinyddu’r cwrs a chadarnhau eich presenoldeb/cyflawniad. Mae hyn yn cynnwys ein cydweithredwr digwyddiadau Ymgyrraedd yn Ehangach a sefydliadau cymunedol eraill sy'n ein cyfeirio at ba gyrsiau sydd eu hangen yn y gymuned leol yr ydym yn gweithio ynddi. Bydd eich gwybodaeth bersonol yn cael ei chadw'n ddiogel am 3 blynedd ac yna caiff ei ddileu'n ddiogel unwaith na fydd ei angen mwyach.
Am ragor o wybodaeth ar sut y caiff eich gwybodaeth bersonol ei brosesu, cysylltwch â wideningaccess @cardiffmet.ac.uk neu ReachingWider @cardiffmet.ac.uk
Rhaid gadael beiciau yn y raciau arbennig a ddarparwyd yn benodol ar eu cyfer a’u cloi yn briodol. Gofynnwch am gymorth yn y Prif Dderbynfa.
Mae Met Caerdydd yn cadw’r hawl i symud myfyrwyr o'r cwrs ar unrhyw adeg.
Sganiwch yma i gofrestru gan ddefnyddio’r ffurflen archebu ar-lein
Cofrestrwch nawr!
Ehangu Mynediad ac Ymestyn yn Ehangach,
Prifysgol Metropolitan Caerdydd, Rhodfa’r Gorllewin, Caerdydd CF5 2YB
029 2020 1563
wideningaccess@cardiffmet.ac.uk
www.cardiffmet.ac.uk/summerschool
Mae’r cyhoeddiad hwn wedi’i argraffu gyda phapur cynaliadwy a charbon cytbwys. Ailgylchwch y cyhoeddiad hwn. Roedd yr holl wybodaeth yn gywir ar adeg argraffu: Ebrill 2025.
