Revista Nomber di Pisca na Papiamento edicion 2

Nomber di Pisca na Papiamento Edicion 2, 17 di mei 2014

Byron G. Boekhoudt, M.Sc.

Chucho ta famia di tribon mescos cu manta y manta gabilan. Nan forma plat cu hala ta parce mas un tapijt cu un pisca.

Tene cuidou cu su rabo, paso e tin un spina cu ta venenoso y masha doloroso.

Na ingles e grupo di pisca aki ta conoci como surgeonfish. E nomber ey ta deriva door di e caracteristica di tin un “blade” mamanera cuchui cu ta skerpi mescos cu esun di ciruhano. Esaki nan ta use meramente pa defensa propio, pero tene cuidou cune paso e ta propina un corta hundo y doloroso.

E grupo aki cu na Aruba no tin un nomber fiho como grupo. Nan ta sinembargo sumamente importante pa refnan di coral. Nan ta loke na ingles ta yama “grazers”, pues nan ta cortado di yerba of alga cu di otro forma, sin keda corta, lo domina y mata coralnan. E pisca aki ta pasa, tin ora, den gruponan grandi y ta tene e alga bou di control.

Mescos varaios tipo di pisca di ref, nan tin un variabilidad di color. Particularmente ora nan ta hubenil, tin ora nan ta un color completamente otro cu ora nan ta madura. Na chikito e piscanan aki ta geel geel.

Kleinfeshi

Blue tang Acanthurus couruleus

Samuro

Doctorfish Acanthurus chirurgus

parti ariba

parti abou

Kwiri Puddingwife

Halichoeres radiatus

Kwiri sa wordo yama tambe gutu djente di cacho. E no ta gutu si, e ta loke na Corsou y e legislacion di AB 1999 no. 70 cu e lista di pisca di ref cu no mag di tira cu harpoen, como peuchi grandi. Na Aruba mayoria di hende ta referi na dje como simplemente kwiri.

Pisca cu nos no ta come, hopi biaha na Aruba, nos no ta ni duna nan nomber. Esaki ta un di nan. Na Corsou, tin publicacion ta yam’e Pisca’i spons. Aki na Aruba mi no a haya niun nomber p’e ainda, otro cu den e legislacion di 1992 di prohibi tira cu harpoen cu tambe ta yam’e Pisca di Spons.

Pisca’i Spons

Un nota special. Kreft weba mester ser laga liber.

E ta un forma masha efectivo di segura y contribui na e reproduccion di kreft den nos awanan. Un kreft weba ta facil pa detecta.

Entre su pianan e tin un masa oraùo di webo ta proteh’e. Si kier contribui tambe na un populacion sano y sostenibel di kreft, ta recomendabel tambe pa no saca of mata kreftnan chikito y laganan crece mas cu por.

Un guia cu ta usa na otro paisnan caminda pesca di kreft ta regula, ta un caparason (cabes of torso di kreft) di 10 cm (3 inch) of na rason di un man average di hende.