Page 19

19

SJÓGVUR & FÓLK — #5 THOR OFFSHORE

Support/escort skipið Thor Modi, bygt í 2015, á Besiktas skipa­ smiðjuni í Turka­landi; Niðast, frá vinstru— support/escort skipini Thor Frigg, Thor Freyja og Thor Magni, øll bygd á Besiktas í Turka­landi í 2015.

Thor: Vunnu pláss innan olju og gass við bakgrund í fiskivinnu At leita út í heim og finna “grønari bø” hevur søguliga í stóran mun lagt lunnar undir føroyska fiskivinnu og aðra sjóvinnu—og gevur framvegis meining sum ímynd av vinnumøguleikum, sigur Hans Andrias Kelduberg, stjóri á Thor.

H

Búi Tyril

A NS A NDR I AS Keldu­berg, stjóri og høv­uðseigari í Thor sam­ t akinum í Hós­ v ík, er kend­u r sum ein ágrýt­in, al­ tjóða orienteraður vinnu­lívs­ mað­u r og sum ein væl org­ an­is­er­aður leiðari. At hann er fyrrverandi fiskiskipari merk­ ist rættiliga skjótt, um tú fært høvi til at hava eina samrøðu við hann; men tú merkir eis­ ini at veiðimanna instinktið er væl tamt aftan á mong ár inn­ an tænastuvinnu við handils­ skipum—í frálanda tænastu fyri oljuvinnuna, ein vinna sum er eyðkend av einari aðra­ ri mentan og sum virkar und­ ir heilt øðrum fyritreytum saman­borið við fiskivinnuna. “Vit fingust við fiskarí burtur­ a v, f iskaðu millum ann­að svartkalva við gørnum,” greiddi hann frá. “Men so kom olju­leiting við Føroyar upp á tal í 1990unum, og vit skiltu at feløgini sum gjørdu seismisk­a r kanningar høvdu tørv á tænastuskipum. Vit høvdu eitt f iskiskip sum

vísti seg at kunna brúkast til enda­m ál­i ð, og samstarvið við seism­ikk skipið riggaði væl. Tað var soleiðs vit komu í gongd innan hesa vinnuna.” Tænastuveiting í sam­bandi við seismiskar kanningar og seinni boringar við Føroyar gjørd­ist soleiðis startskotið til eitt heilt nýtt tíðarskeið fyri Thor—og fyri alt tað, ein nýggj­an kapitul fyri føroyskt vinnu­lív. Virksemið vant skjótt upp á seg, og Thor fór í alsamt størri mun undir at veita sína tæn­astu, ikki bert langt uttan fyri føroyskt sjóøki men eisini langt uttan fyri Norðsjógvin. Eitt tilvildarligt check av flota­kortinum á heimasíðuni hjá Thor vísir at tey átta supp­ ort- og eskortskipini hjá fel­ agn­­um beint nú eru stødd á hes­um støðum: uttan fyri ta kan­ad­isku eysturstrondina, út fyri Vestur Afrika, vestan fyri Malaysia, norður úr Indo­nesia, í Norðsjónum, og í Norska Havinum. Fýra av hesum veit­ingar­ skip­u m—Thor Freyja, Thor Frigg, Thor Modi, Thor

Magn­i—vórðu bygd í 2015 í Turkalandi, neyvt eftir spec­ ifik­atión hjá kunda; við øðrum orðum, sera fram­komin og nýmótans skip, smíðjað til endamálið tey verða brúkt til. Hini veitingarskipini í flot­anum telja Thor Omega og Thor Alpha, smíðjað í Før­oy­ um í 2008 og 2009; Thor As­ sister, bygdur í Kina í 2006; og Tórsvík, eitt eldri skip bygt í Danmark í 1979. HALDA TØRN Thor Omega, sum varð bygd­ ur á Skála, skal umbyggjast í næstum, og sáttmáli um hetta er undirskrivaður við MEST. Talan er um at gera pláss fyri nýggjum kømurum og til­ hoyrandi hentleikum, við at byggja og seta í eina nýggja sektión undir brúnni. “Tey fýra nýggjastu skip­ ini hava øll havt langtíðar sátt­mála síðani tey komu í tænastu,” segði Hans Andrias Keldu­berg. “Tey flestu av hin­ um skipunum arbeiða undir styttri sáttmálum. Tíbetur hava vit sum heild nokkso nógv at gera, sjálvt um tíðirn­

THOR OFFSHORE

ar í oljuvinnuni hava ikki verið góðar hesi seinastu fimm ár­ ini.” Neyðugt hevur verið í oljuvinnuni, eisini hjá Thor, at trimma og spara har sum til ber. Sostatt er stavsfólka­ hóp­urin minkaður eitt sindur, soleiðis at ídag starvast til­sam­ ans, íroknað tey sum arbeiða á sjónum, umleið 200 fólk í samtakinum, sum fevnir um reiðaríini Thor Offshore og Thor Fisheries og skeljavirkið O. C. Joensen á Oyri. “Vit ganga høgt uppí at skapa góð arbeiðspláss,” segði stjór­in. “Hetta er týdningarmikið fyri øll, ikki minst fyri okk­ ara fólk og fyri felagið sjálvt. Tí fyri at standa seg í altjóða kapping mást tú hava starvs­ fólk sum eru dugnalig, og fyri at fáa fatur á teimum og síðani at kunna varðveita tey, mást tú síggja til at tey trívast á sínum arbeiðsplássi. Hetta er vælkent og ljóðar einfalt, men er ikki tess minni um­ ráðandi—ein avbjóðing sum alla tíðina er har.” At duga at tillaga seg tá broytingar henda í tí vinnu­ liga umhvørvinum er somu­ leiðis av størsta týdningi, vísti hann á. Men hvat er tað sum serliga hevur gjørt at Thor hevur megnað at staðið seg so væl?

“Eg haldi tað hevur havt stóran týdning at vit hava verið rættiliga kvik í at laga okkum til broyttar umstøður. Eisini at ikki hava øll eggini í einari kurv, og verið bæði í fiskivinnuni og frálandavinn­ uni. Men kanska enn viktig­ ari er at vit hava eydnast í at skipa okkum væl, samstundis sum vit hava lagt dent á at halda fokus í gerandisdegn­ um, í øllum meldrinum sum hendir alla tíðina—at duga at delegera arbeiði og ábyrgd­ ar­økir út er partur av hesum, somuleiðis røtt raðfesting av uppgávum, og týdningurin av øllum tí kann illa yvirmetast. Eitt annað sum hevur týdning tá tað kemur til leiðslu, ikki minst, er at hava ta mentalu styrkina og treystið til at ikki geva upp tá tað leikar hart á— tað vísir seg ferð eftir ferð.” Hans Andrias Kelduberg legði afturat: “Hetta við at leit­a longur út og finna grøn­ ari bø, eins og góðir fiskimenn altíð hava gjørt, er eisini nak­ að sum eg haldi er partur av okk­ara lyndi. Tað hevur verið við til at gjørt Thor Offshore til tað tað er ídag; men vón­ andi fer Thor Fisheries eis­ini at fáa størri ágóða, so ella so, av tí arbeiði vit gjørdu við at útvega Føroyum atgongd til fiski­skap eftir rossamakreli í Kyrra­havinum. Vit vóru eisini við í arbeiðinum at vísa á tað ríki­dømi av makreli sum varð stað­fest í føroyskum sjógvi fyri umleið 10 árum síðani.” []

Profile for Nordixis

Sjógvur & Fólk — #5  

Kunningar- og kjakblað um fiskivinnu, alivinnu og sjóvinnu.

Sjógvur & Fólk — #5  

Kunningar- og kjakblað um fiskivinnu, alivinnu og sjóvinnu.

Profile for buityril7