Léif Frënn vun der Nuetskavalkad

Endlech ass et esou wäit an déi 5. Editioun vun der Nuetskavalkad ass prett!

3 Joar Coronapaus hunn ons weder d´Loscht nach d´Laun verduewen, fir 2023 um Won ze stoen a mat Iech all ze feieren.

Zanter 23 Joar wunnen ech mat menger Famill an der Gemeen Mäertert-Waasserbëllig a scho méi lang hunn ech mech fir Bratzelsonndig intresséiert.

Hoffentlech geet dës Kavalkade dës Joar definitiv an Erfëllung a Corona mécht ons keen Strëch méi duerch d´Rechnung.

Zesumme mat mäinen Prinzessinnen Mireille Mader, Nathalie Mader, Nadine Schartz, Sou Kremer, Véro Feyder a Carla Casa Branca lueden ech Iech häerzlech an fir een flott Kavalkade zesummen ze feieren.

Den 18. Mäerz as Waasserbëlleg rem am Ausnamezoustand a mir hu vill nozehuelen!

Iwwer 50 Ween a Foussgruppen, déi faarweg a beliicht sinn, wäerte fir eng geckeg Ambiance an de Stroossen suergen.

Nom Cortège wäre mir frou, Iech um Bal mam Hoffi Zambezi unzetreffen, fir weider mat ons bis an d´Moiesstonnen ze feieren.

Natierlech as och fir daat leiflecht Wuel gesuergt, Nieft villen Iess- an Gedrénksstänn fannt Dir och eng Auswiel u Foodtrucks

Sou léif Frënn vun der Nuetskavalkade, mir si prett!! Kommt a stousst mat iis un op een onvergiesslechen Owend, wou mir sangen, danzen an feieren, wéi scho laang net méi.

Sidd mat derbäi, wann et heescht:

Viva di Bëllia,

Viva d´Bratzelgecken,

Viva all Frënn vun der Nuetskavalkade, Bis geschwënn Christiane l.

WARUM WIR REISEN LIEBEN?

2,rueVictorBraun-L-6744GREVENMACHER

Tél.:+352-758894-info@garagebraun.lu