Reikningar Nótubækur Eyðublöð Fjölritunar- og útgáfuþjónustan s: 437 2360
ÍBÚINN
frétta- og auglýsingablað
29. tbl. 10. árgangur
29. október 2015
Borgarneshöfn verður dýpkuð Framkvæmdir á vegum Faxaflóahafna við dýpkun á höfninni í Borgarnesi hefjast fljótlega. Til verksins verður notuð beltagrafa með sérstaklega löngum armi sem athafnar sig á hafnarbakkanum. Höfnin verður dýpkuð á 60 metra kafla meðfram hafnarbakkanum og um 13 metra út frá honum. Gert er ráð fyrir að efnismagn sem kemur upp úr höfninni verði um 2,800 rúmmetrar. Efninu verður mokað upp á bryggjuna og þar látið renna úr því og því síðan ekið á urðunarstaðinn við Bjarnhóla.
Heiðarskóli fimmtugur Heiðarskóli mun fagna 50 ára starfsafmæli skólans þann 9. nóvember næstkomandi. Núverandi og fyrrverandi nemendur, starfsfólk og aðrir velunnarar skólans eru boðnir velkomnir til að fagna þessum tímamótum en afmælisfagnaðurinn mun standa frá kl. 13:00 – 15:00.
Fjölritunar- og útgáfuþjónustan sími: 437 2360
Rómantísk sönglög í Borgarneskirkju Tónlistarfélag Borgarfjarðar efnir til tónleika í Borgarneskirkju sunnudaginn 1. nóvember nk. kl. 16.00. Þórunn Elín Pétursdóttir sópransöngkona og Kristján Karl Bragason píanóleikari flytja lög Atla Heimis Sveinssonar við ljóð Jónasar Hallgrímssonar og lög Gustavs Mahlers við þjóðvísur úr safni Clemens Brentano og Achims von Arnim. Jónas Hallgrímsson var einn helsti forsprakki rómantíkurinnar hér á landi og falla lög Atla Heimis einstaklega vel að orðfæri og stíl ljóða hans. Skáldin Brentano og Arnim eru verðugir fulltrúar
rómantíkurinnar í Þýskalandi, en á þeim tíma kviknaði mikill áhugi á söfnun og varðveislu eldra efnis. Ljóðasafn þeirra, sem kom út í upphafi nítjándu aldar, geymdi ríflega 700 þýsk ljóð frá fyrri tíð. Safnið hafði afar mikil áhrif á Gustav Mahler sem samdi síðrómantísk sönglög við mörg ljóðanna sem gjarnan fjalla á ævintýralegan hátt um náttúru og mannlíf í gleði og sorg. Tónleikarnir marka upphaf 50. starfsárs Tónlistarfélags Borgarfjarðar. Aðgangseyrir er 2000 krónur, 1000 krónur fyrir eldri borgara, frítt fyrir börn og félaga í Tónlistarfélaginu.
ALHLIÐA PRENTÞJÓNUSTA Dreifibréf - Bæklingar - Boðsbréf - Ritgerðir - Skýrslur Nafnspjöld - Merkispjöld - Reikningar - Eyðublöð