Reikningar Nótubækur Eyðublöð Fjölritunar- og útgáfuþjónustan s: 437 2360
ÍBÚINN
frétta- og auglýsingablað
29. tbl. 9. árgangur
4. september 2014
Hluti hópsins sem mætti í Einkunnir þegar Skógræktarfélag Borgarfjarðar stóð fyrir skemmtilegri samverustund í skóginum. Kveiktur var varðeldur, hellt upp á ketilkaffi og ýmsir réttir eldaðir á eldinum. Mynd: Olgeir Helgi
Haustið tími villtrar uppskeru Haustið er tími villtrar uppskeru. Algengt er að gengið sé til berja og sveppatínsla er vaxandi en ræktun hefur gert skóglendi aðgengilegt víða. Í lok ágúst stóð Skógræktarfélag Borgarfjarðar fyrir fjölsóttri, fræðandi og afar skemmtilegri samverustund. Safnast var saman í rjóðri í Einkunnum, útivistarsvæði skammt ofan hesthúsahverfisins við Borgarnes. Eldað var á opnum eldi, tíndir sveppir og gestum veitt aðstoð við að greina lostæta sveppi frá óætum. Mikilvægt er að vita hvaða sveppi er óhætt að borða þar sem sumir eru beinlínis eitraðir.
Margir nýttu tækifærið til að týna sveppi í skóginum og fá aðstoð við að greina þá sem óhætt er að borða. Fjölmargar tegundir af sveppum leyndust í skóginum. Mynd: Olgeir Helgi