Reikningar Nótubækur Eyðublöð Fjölritunar- og útgáfuþjónustan s: 437 2360
ÍBÚINN
frétta- og auglýsingablað
23. tbl. 10. árgangur
27. ágúst 2015
Hraunfossar eru alltaf mikið augnayndi og gaman að heimsækja þá og dást að listaverki náttúrunnar þar sem þeir spretta fram undan Hallmundarhrauni og fossa ofan í Hvítá. Þar blandast tært lindarvatn fossanna jökullituðu vatni árinnar. Aðstaða þar er smátt og smátt að taka breytingum. Verið er að lagfæra göngustíga og í fyrra var útsýnispallurinn sem blasir við á myndinni tekinn í notkun. Mynd: Olgeir Helgi
Nýr starfsmaður félagsþjónustu Freyja Þöll Smáradóttir hefur verið ráðin í 60% starf í félagsþjónustu Borgarbyggðar. Freyja lauk meistaragráðu í félagsráðgjöf frá Háskóla
Íslands sl. vor. Sigurður Ragnarsson, sálfræðingur, mun starfa áfram fyrir sveitarfélagið einn dag í viku.
Haustfagnaður KB Haustfagnaður Kaupfélags Borgfirðinga verður haldinn nú á laugardaginn 29. ágúst kl. 1216 við húsnæði Kaupfélagsins. Boðið verður upp á pylsur, gos og ís. Kynningar verða á ýmsum vörum, teymt undir börnum, sölubásar og prúttmarkaður. Þá verða húsdýr á staðnum, keppt verður í sveitafitness og haldið íslandsmeistaramót í reiptogi.
Alls ekki missa af! Fjölskylduskemmtun verður haldin í Hjálmakletti sunnudaginn 6. september kl 14:00. Alls konar söngur, grín og glens. Endilega takið daginn frá. Nánar auglýst þegar nær dregur. Samkoman er haldin af áhugafólki um að afla fjár til kaupa á húsgögnum í Brákarhlíð.
Fjölritunar- og útgáfuþjónustan sími: 437 2360
ALHLIÐA PRENTÞJÓNUSTA Dreifibréf - Bæklingar - Boðsbréf - Ritgerðir - Skýrslur Nafnspjöld - Merkispjöld - Reikningar - Eyðublöð