Reikningar Nótubækur Eyðublöð Fjölritunar- og útgáfuþjónustan s: 437 2360
ÍBÚINN
frétta- og auglýsingablað
24. tbl. 10. árgangur
3. september 2015
Þjóðarsáttmáli Þjóðarsáttmáli um læsi var undirritaður við hátíðlega athöfn í Safnahúsi Borgarfjarðar í síðustu viku. Sáttmálinn er átaksverkefni til að bæta læsi íslenskra ungmenna í samræmi við markmið Hvítbókar um umbætur í menntun. Með sáttmálanum skuldbindur ríkið og sveitarfélagið sig til þess að vinna ötullega að því að öll börn, sem til þess hafi getu, lesi sér til gagns við útskrift úr grunnskóla. Markmiðið er að 90% nemenda í 10. bekk nái lágmarksviðmiðum um að geta lesið sér til gagns í PISA könnun sem lögð verður fyrir árið 2018 en aðeins 79% nemenda eru færir um það í dag. Kolfinna Jóhannesdóttir sveitarstjóri og Illugi Gunnarsson menntamálaráðherra undirrituðu. Fulltrúar nemenda aðstoðuðu ráðherra við að setja undirritaðan strimil í líkan af Íslandi til staðfestingar á sáttmálanum.
Mynd: Guðrún Jónsdóttir
Fjölritunar- og útgáfuþjónustan sími: 437 2360
Þær hittust á Kaffi Kyrrð eitt kvöldið í vikunni og ræddu um ástandið í Sýrlandi og straum flóttafólks til Evrópu. „Hvað getum við gert, hvað getum við boðið?“ Helga Halldórsdóttir, Elín Kristinsdóttir, Sigríður Júlía Brynleifsdóttir, Auður H Ingólfsdóttir og Geirlaug Jóhannsdóttir. Símamynd: Katrín Huld Bjarnadóttir.
Allir geta eitthvað Fimm konur hittust á Kaffi kyrrð í Borgarnesi í vikunni og ræddu um ástandið í Sýrlandi og straum flóttafólks til Evrópu. Þær spurðu sig hvað við getum gert og hvað við getum boðið. Í kjölfarið var stofnaður hópurinn Hjálparhönd á Facebook og hafa nú þegar yfir 160 manns skráð sig. Í lýsingu hópsins segir að um sé að ræða hóp fólks sem vilji leggja sitt af mörkum til að skapa aðstæður svo Borgarbyggð geti tekið á móti flóttafólki og hjálpað því að fóta sig í nýju samfélagi. Þessi síða sé hugsuð sem vettvangur til að ræða saman og koma með hugmyndir að því hvað sé hægt
að gera til að rétta hjálparhönd. Enginn geti gert allt en allir geti gert eitthvað. „Það er búið að setja þetta á dagskrá byggðarráðs næsta fimmtudag þ.e. um möguleika Borgarbyggðar á móttöku flóttafólks og þetta er líka á dagskrá velferðarnefndarfundar á fimmtudag. Við vonumst til að það sé virkilegur vilji innan sveitarstjórnar til að gera eitthvað í þessu. 160 manna stuðningsnet er mikils virði og nú er spurning hvernig við getum kallað fram hugmyndir þessa breiða hóps til að sýna vilja í verki,“ segir Sigríður Júlía Brynleifsdóttir, ein fimmmenninganna í samtali við Íbúann.
ALHLIÐA PRENTÞJÓNUSTA Dreifibréf - Bæklingar - Boðsbréf - Ritgerðir - Skýrslur Nafnspjöld - Merkispjöld - Reikningar - Eyðublöð