Opið alla daga til kl 21:00 Verið velkomin!
ÍBÚINN
frétta- og auglýsingablað
10. tbl. 8. árgangur
11. apríl 2013
Klettaborg tilraunaleikskóli Leikskólinn Klettaborg í Borgarnesi hefur verið valinn tilraunaleikskóli fyrir verkefnið „Heilsueflandi leikskóli“ sem nú er unnið að hjá embætti Landlæknis. Verkefnið felst m.a. í að taka þátt í að gera handbók þar sem unnið verður með eftirfarandi þætti: Hreyfingu, næringu, tannvernd, geðrækt, öryggi, starfsfólk, fjölskyldu og
nærsamfélag. Haustið 2011 var byrjað að vinna að heilsueflingu í leikskólanum Klettaborg en þá var notuð handbók fyrir grunnskóla. „Það er því sérstaklega ánægjulegt að vera valinn tilraunaleikskóli við gerð handbókar fyrir heilsueflandi leikskóla,“ segir í frétt frá Klettaborg.
Í vinnuhóp heilsueflandi leikskóla eru stýrihópur frá Embætti landlæknis auk leikskólastjóra 2-3 leikskóla sem munu taka þátt í að tilraunakeyra verkefnið. Næstu skref eru að setja saman drög að handbók með viðmiðum og gátlistum sem tilraunaleikskólar munu prófa væntanlega í haust.
Garðaþjónustan Sigur-garðar s/f auglýsir
Tökum að okkur klippingar á trjám og runnum, einnig trjáfellingar og grisjun. Klipping trjágróðurs er vandaverk, til að klippingin njóti sín sem best þarf að ígrunda vel vaxtaeðli plantna og blómgun þeirra.
Fjarlægi afklippur ef óskað er. Allar nánari upplýsingar í síma 892-7663 & 435-1435 eða á netfangið sindri@vesturland.is Sindri Arnfjörð garðyrkjumaður Laufskálum