4
Diasabra 29 Januari 2022
Grupo di hoben fastioso deteni y hiba warda di polis
March para eynan lo tawata huma marihuana, publicamente. Molestiando hendenan. Segun nos a compronde nan lo no tawata worry cu nada. Na yegada di polis Arubanative.com a compronde cu nan lo a burla di polis tambe. Zandstraat - Diahuebs anochi den careda di 10'or asistencia di polis a wordo pidi patras di Benu Pharmacy Oduber(ex Botica Oduber), unda cu algun hoben tawata haci fastioso.
Dos unidad di Oranjestad y un K9 Unit a bay e parkeer plaats patras di botica unda tin un luga di bende cuminda. Na e sitio polisnan lo a wordo informa cu e hobennan aki den Nissan
Momento cu a bay over na controla nan, a bin resulta cu nan lo tawata tin marihuana den nan poder. Un di e hobennan cu ta mustra esun mas grandi a tuma "e blame" ariba dje, y ta esun cu a wordo poni
den boei. Mientrastanto polis tawata rond di e grupo para. A pidi un transportwagen y na final tur a wordo hinca
den e transportwagen y hiba pa warda di polis di Playa. Eynan lo papia seriamente cu nan ariba nan comportacion cu ta laga di desea.
Ladronnan a kibra drenta horta na Subway na Sabana Berde
Diabierna madruga a drenta informe di cu ladronnan a kibra drenta
horta na Subway Sabana Berde, mesora a dirigi un patruya na e sitio. Na
yegada di e patruya a bin compronde cu aki ta trata di un caso di kiebro cu ladronicia unda cu e ladronnan a manda 3 baranca door di e glas banda pazuid y a logra drenta den e lugar pa horta. Den oranan di mainta lo controla y lo revisa ta kiko e ladronnan a logra bay cun’e. Den transcurso di e dia e investigadornan technico y forensyco lo presenta pa investiga e evidencianan laga atras.
