Diarazon 25 Mei 2011
Pagina 25
Ekiponan cu a termina The Ultimate Challenge den e 5 puestonan desde 2002 te cu 2010 STA. CRUZ -- Den nos edicion di awe nos ta presenta algun di ekiponan cu a termina Aruba su Adventure Race den e prome 5 puestonan desde aña 2002 te cu 2010. Pa nos bay bek, na aña
2002 e prome Ultimate Challenge tabata tin un duracion di 2 ora sigui pa añanan despues pa 4, 6 y 7 ora combina cu diferente diciplina Desde aña 2002 te cu 2005 e Mariniersnan, a sa di ocupa e prome
puestonan. Na aña 2006 despues di a termina e aña anterior den e top cinconan e ekipo di Total Services cu a ser representa pa Lucien, Sidney, Jorrain y Sharisk a logra bai cu e puesto maximo cu un tempo di 6 ora y 23 min sigui pa ekipo di Arumil encabeza Gino Hodge cu un tempo di 6 ora y 45 min Tri Bike Aruba encabesa pa Gert van Vliet a logra di termina The Ultimate Challenge 6 biaha den e top 3 nan di cual na 2007 nan logra e prome puesto cu un tempo di 7 ora Di e ekipo di Tri Bike nos por bisa cu nan exito ta debi na e bon preparacion cu e ekipo aki ta hiba.Atletnan ta semper bon bisti, bon ekipa y tin un tremendo “Support Crew” Mirando e exito cu Tri Bike Aruba a hiba den e anayanan anterior a dicidi e biaha aki pa bini cu 2 ekipo. Un ekipo cu na 2005 a soprende tur hende tabatata e studiantenan di EPI. Nos tur ta corda cu despues cu tur ekipo a tuma direccion pa Parke ainda EPI tabata terminando nan parti di natacion y kayak pa despues logra termina e careda den e prome puestonan. Pa e biaha aki, nos tin cu bisa cu e studiantenan di EPI lo tey un biaha mas y cu un ekipo fuerte. 2 ekipo cu desde 2002 ta compitiendo den e evento aki ta, e ekipo di Brandweer y e ekipo di Park Rangers. Rambo Flanegin y su miembronan di ekipo tambe a percura pa De Park Rangers ser respresenta pa 2 ekipo.
Rambo su lema ta “Bo tin cu Buta pa bo yega” y na Final nos ta papia. Aruba bo ta keda cordialmente invita pa The Ultimate Challenge edicion 10. Un evento cu lo duna e publico momentonan di hopi accion. The Ultimate Challenge lo
tuma luga diadomingo 29 mei di 2011 saliendio for di De Palm Island pa 11:00 di mainta. Pa cualkier informacion por tuma contacto cu Peter Simon 7328428 rudolphsimon@hotmail. com of Andy Gomes 5932826 andygomes71@