Diarazon September 11 2013
Pagina 8
Diferente medio di Colombia na Aruba durante Electric Festival
STA. CRUZ -Recientemente Aruba Tourism Authority tabata tin e grato honor di invita e programa NTN TV, Caracol TV cu e programa “Travesia” y e periódico El Colombiano pa conoce nos dushi isla. E programa a wordo coordina pa sra. Jasmine Maduro, representante di Aruba Tourism Authority. E miembronan di prensa a bin pa cubri e evento di Electric Festival y alavez nan a haya e oportunidad di conoce nos isla y haci varios activitadnan cu asina por utiliza pa promove Aruba. Nan a haya oportunidad di haci island tour cu ABC Tour y un catamarán cu Red Sail Sport. Tambe nan a haya oportunidad pa haci Parasailing, Bumber Ride cu Fun Watersport y nan a conoce De Palm Island unda nan a haya oportunidad pa haci SEATREK y SNUBA. Sin falta nan a experiencia Carrubean Festival. Aruba Tourism Authority kier a gradici ABC Tour, Red Sail Sport, De Palm Island, Parasailing, Fun Watersport, sin laga afor nos restaurant manera Papillon, Old Fisherman, Moomba Restaurant, Taste of Belgium, Pincho’s Grill y especialmente Talk of the Town Hotel unda cu nan a hospeda nan estadia na Aruba.